تجمع خاص للي أوزانهم 60 كيلو و حابين يكون 55 كيلو أو 50 كيلو

[كلي رقة]

تووووته عادي احط وزني يوم الاحد لان السبت ماادخل النت

 

[إم بــــرٍآك]

توني مخلصه مشي تقريبا 20 دقيقه

توته البارحه وزنت جاني احباط ان شاء الله يتغير ليوم السبت هع

حراير بسبتج بسوي كباب اليوم صار خاطري فيه

ام وليد مدري ليش احس طباخج حلو خخخ سنع ع اصوله الله يحفظج

 

[أم وليد الشمري]

مساااء الخيرررر ياعسووولات
شلونكم ،؟؟شخباركم؟
جموووون،. بأذن الله التزم اكثر واكثر ياأختي بداية الغيث قطررره
توووته... فديتك حبيبتي وبالعافيه مااكلتي
وع الطول خليني ساكته لا اخنقج ... شرايج تبدليني انا راضيه بطولج ������
صغيره ع الحب.. شلونج حبيبتي ان شاالله احسن ... شربي كله دوافي
ام براك...ويحفظج حبيبتي انتي السنع لو انتي جمبي دزيت لج من طباخي والله ... تدرين اختي وزوجها يدرسون عندكم شرايج اطرش معاهم؟؟!!
الحراير... بالعافيه قلبووووو وعسى ربي يقوي ارادتج وتضعفين من غير شر انتي وكل بنات القروب وعيالنا ما نقول الا ربي يصلحهم
هااايدي.. حبيبتي وينج؟؟!!
كلي رقه... اجرمتي بالمرقوق ياحلاة يومج خربتيه اخرها .. ما عليه الرياضه تحرقه لا تفكرين
ليدي .. عسى المانع خيرررر
زروراساا... شلونج حبيبتي؟ عساج بخيررر
سأكون ... ياحلاة يومك ربي يوفقك

 

[أم وليد الشمري]

أم براك ... لاتحبطي حبيبتي دايم الميززان يتحرك اخر يومين بالاسبوع انا مجربه هالشي
وحاولي نهائي ما توزنين الا يوم محدد وبنفس الساعه ويفضل الصبح

 

[سأكون يوما ما أريد]

فديتج ام وليد تسلمييين يارب

يومياتي

الريوق برتقاله

الغدا سلطه صدر دجاج و4 ملاعق رز

السناك قطعه بسبوسه
العشاا صدر دجاج و4 ملاعق برغل

مشي نص ساعه ع الجهاز
و2 كوب شاي اخضر

اليوم زايره الوالده وع ما اقدر بعت عن الاغرات ولله الحمد

 

[خانها الحظ]

’




وزني 55 وطولي 160

صدر مافيه !

ابي اسمن شوي احس رزه خصوصا الصدر

ليش بتضعفون

 

[إم بــــرٍآك]

هلا بنات شلونكم شمسوين مع هالاغراءات حشى لازم نمشي مغمضين ههه
ام وليد حبيبتي مشكوره مأقصرتي الله يوفق اختج وزوجها تدزين لي مجبوس معلبات على مايوصل البحرين ههههه
من طبيعتي ماحب اشوف الميزان دائم بس شسوي
يومي ولااحلى اليوم فطوري نص صمونه بالفول السوداني

الغداء
شريحتين باذنجان مقلي وثلاث قطع اصابع سمك وسلطه فاصوليا حمراء

بعد المغرب شربت حلوه بالنعناع بدون تحليه

خربتها بالعشى شرينا شوارما واشوى مااكلته ولكن للاسف الشديد اكلت عصيده

ومالعبت رياضه علشان احرقها

 

[إم بــــرٍآك]

’




وزني 55 وطولي 160

صدر مافيه !

ابي اسمن شوي احس رزه خصوصا الصدر

ليش بتضعفون

نبي نشد جسمنا شوي ونضعف شويات اذا تبين كثري من الفول الحمدالله طولج ماشاء الله حلو اذا تزوجتي بينفعج

 

[خانها الحظ]

’


ام البراك العصيده تتفخ انصحج بشرب كوبين جاي اخضر


صح الفول ينفخ بس مو ربع لووول


انا افضل الاكل الصحي

 

[JUMAN]

الخميس : 15 - 1 - 1434

كيفكم بنوتات
إن شاء الله ماشين تمام

صحيت 8 اليوم
و رحت السبا و مشيت كالعاده نص ساعه
و تمارين لـ مدة ساعه إلا ربع و زومبا ربع ساعه

الفطور : توست بـ peanut butter
الغدا : رز + قطعة كباب لحم + ربع ستيك دجاج مشوي
ما تعشيت طبعاً لـأني كنت ناويه أتغدى بـ المطعم
و شبعت و لله الحمد

روتين ا?كل :
- 4 كاسات ماي قبل كل وجبه بـ ساعه
- علبة زبادي بعد كل وجبه


و صحه و عافيه عليكم يا أمورات



​

 

[توووووتة الحلوة]

اهلين بنوتات

الحراير
اسفه قلبو، عدي انا هالايام خارج التغطية لاني تعبانه شويتين لكن اليوم الحمدلله احسن اني احسن بكثير. يوه طلعتي مثلي صعب ينزل وزنك و انا على بالي انو وزنك ينزل بسهولة

كلي رقة
صباح الفل، ايه قلبو عادي حطيه الاحد مافيه اي مشكلة :eh_s(17): انا اقول لك ليش اكلتي مرقوق لانو الغداء كان بس سلطة. انا مرة قلت راح اخلي العشاء بس خضار و بعد الخضار طبعا اجوع و اخبص الدنيا ... شي كوفي ... شي حلو ... شي بسكويت. بعدين غيرت قلت لازم اكل وجبة و لا احرم نفسي علشان في ختام اليوم ما اكون خبصت :rerrerek:
مو مشكلة ان شاء الله تعوضينها. الجايات اكثر :eh_s(17):

جمون
يا سلام خلاث خلاث اثتحي :eh_s(22): ما هذا الكلام الجميل يا فتاة
و يا سلام على الادب :eh_s(17): اكيد تصلحين مديرة مو مساعدة مديرة >>> بس مو هني احذرك هههههههههه
خلاص انتي مساعدة المديرة من اليوم :eh_s(17):

و شكرا على النصيحة بخصوص الرياضة خصوصا اني صايرة هالايام كسولة ... يبالي زف

ام براك
لا تزعلين من اولها ترى احيانا الميزان ما يتغير لكن المقاسات تختلف و عنك ام وليد اكبر مثال. انا اول ما بديت الدايت اول شهر ما نزلت الا كيلو مع انو اكلي كان قليل مرة لكن بعدها صار كل اسبوع كيلو و بعدين وقف 6 شهور :eh_s(2): و من اسبوعين بدأ يتحرك الحمدلله.

ام وليد
صباحو احنا بخير عساك دوم بخير، اممممممممواه

سأكون يوما
دائما الله يبارك لك ملتزمة :rerrerek: ان شاء الله اصير مثلك لاني لي يومين اخورها اشوي

خانها الحظ
بليييييييييز انا راح انجلط، انتي نفس طولي و حلمي يكون وزني 55 كيلو :eh_s(2):

ام براك
مو مشكلة تعوضينها ان شاء الله لكن لا تشدين على نفسك .. انا اليوم خبصت تخبيص معتبر يحبه قلبك و لا زعلت بنفسي بالعكس الدكتور اوز يقول حلو الغش في الريجيم احيانا :rerrerek: >> ترقع حق عمرها :krkrkr:

جمونتي
الجمدلله بأفضل حال يا مساعدتي العزيزة ... انتي منضبطة اكثر مني بمواعيد الحضور و الانصراف :ggdw:

 

[توووووتة الحلوة]

’


ام البراك العصيده تتفخ انصحج بشرب كوبين جاي اخضر


صح الفول ينفخ بس مو ربع لووول


انا افضل الاكل الصحي

بنات طلعوها من التجمع قبل لا تجيني السكتة القلبية :eh_s(14): ... الو الو ياحلوة وزنك الكل يحلم فيه و انتي تدورين شي يسمنك لااااااااااااااااااا خلاص :eh_s(16): قلبي الصغير لا يحتمل

خانها الحظ، ترى انا قاعدة اتغشمر معاج نورتينا بالرغم من انك رفعتي ضغطي شوي لووووووول

 

[توووووتة الحلوة]

يومي

الفطور
لايوجد

الغدا
مكرونة+ باميا. 1 بيبسي

السناك
اكلت تمر و شربت كأس من الحليب الساخن :d

العشا
2 بيض مسلوق+ خبزه متوسطة. كأس شاي

السناك
مهلبية و قطعة كيك

اليوم خبطت ان شاء الله اعوضها

الرياضة
مشيت ساعة مساء

 

[صغيرة على الحب]

هاي بنات امس كاتبة رد وينه طار

المهم اليوم اكلت ساندويش بيض اسمر وكل لايت

و الغدا كوب صغير عيش مرق

و العشاء مادري اذا يعت

 

[إم بــــرٍآك]

ههههه خانها الحظ تعالي اعطيك كيلوين من عندي مجانا

توته اذا ع الغش صرنا اكبر غشاشين
امي قالت لي ضعفتي وايد ونستني الصراحه قلت لكم ضاهريا مايبين ان وزني 60 الحمدالله

والحمدالله ان العرس اخروه لشهر 6 يعني يمديني اضعف

<تاكل حسو وتكلمكم هع

 

[بحرينيه حبوبه]

شخباركم رشيقاااات


من امس صايدني احبااااااااااااااااااااط احباااااااااااااااااااااط وزنتي الدكتوره وزني زايد 400 قرام ليششششششش؟؟؟!!!!! حدي منقهره

التزاااااااااااااااااام من السبت واخرشي زايد؟؟!!

قلت يمكن من ميلك شيك الا زيدني بس مو مصدقه؟؟!!!

من القهر حطيت حرتي في الاكل الا خاطري فييييييييييييييه ومن السبت بحط ع روحي وبقاطع النشويات بتم ع لبروتين والسلط بس

 

[بحرينيه حبوبه]

ام براك بيه وايد جدامج مشوار لشهر 6

يمديج اتصيرين غصصصصصصصصن لبان بعد

 

[سأكون يوما ما أريد]

بالعااااافيه للجميع

تسلمين توته ربي يخليك يارب

يومياتي

الفطور ربع خبزه معلقه جبنه وبرتقاله


الغدا 2 همبرغل مشوي وسلطه وملعقه كشب و4 حبات بطاط شبس

العشا روب منزوع و5 حبات شيش برك

واخر اليل اكيد بتنغصني بطني باكل 2 شابوره بر وحليب قليل الدسم

الرياضه مشي 35 دقيقه ع الجهاز

سونا ربع سااعه وبالتوفيق للجميع​

 

[الحراير]

ام براك وانا اختج سوي الكباب واكلي عن نفسج هع

خانها الحظ كلنا بنزل من كيلوات اللي فينا وبنعطيج تستاهلين

اي والله توته صعب وزني ينزل الا بحل واحد اترك الرجيم فتره وارده له وزني حيل ينزل
وباجر ماراح احط وزني لانه اليوم انا فري ويوم الخميس بحط وزني

 

[توووووتة الحلوة]

صباح الخير يا بنات يا حلوات

صغيرة على الحب
كويس انك مستمرة :rerrerek: نورتينا و يومك حلوووو

ام براك
انا هالاسبوع غش في غش و النتيجة زدت 900 غرام :eh_s(4):

بحرينية
الحمدلله احنا بخير ... احمدي ربك انا هالاسبوع زايدة 900 غرام ... ياسلام كم انا رائعة :ggdw: لكن استاهل علشان قاعدة اخربط

لا تزعلين يمكن احتباس سوايل ... يعني مو زيادة حقيقية ... انا احيانا يصير معي جدي

سأكون يوما
كالعادة التزام، الله يبارك لك.

الحراير
مو مشكلة ... عادي حبيبتي نزليه الخميس الجاي ... لكن انا متشوقة اعرف كم صار ... ان شاء الله يكون 58 و انا بشد حيلي هالاسبوع لاني للاسف زايدة كيلو تقريبا :eh_s(2): متندمة على تخبيصي هالاسبوع لكن مو مشكلة ان شاء الله اعوضها هالاسبوع