تجمع خاص للي أوزانهم 60 كيلو و حابين يكون 55 كيلو أو 50 كيلو

[توووووتة الحلوة]

بنات للتذكير: ترى بكرا يوم الميزان ... السبت

 

[JUMAN]

الجمعه : 16 - 1 - 1434 / السبت : 17 - 1 - 1434

الجمعه :


يصبحكم و يمسيكم بـ الخير يا قمرات

اليوم صحيت الساعه 10 و روقت طبعاً اليوم إجازتي الوحيده من التمارين

الفطور : توست بـ peanut butter
الغدا : توست بـ التونه + توست بـ الدجاج و الجبن
العشا : قطعتين شوفان « كنت شبعانه و لله الحمد


**


السبت :

صحيت 8 و نص مشيت نص ساعه
و بروح السبا العصر بـ إذن الله

الفطور : توست بالجبن + كوب حليب
الغدا و العشا بإذن الله (معكرونه بـ الدجاج)



روتين الـأكل :
- 4 كاسات ماي قبل الوجبه بـ ساعه
- زبادي بعد كل وجبه


توته لـا تخافين عيوني مساعدة المديره بس -_-
ما فيني حيل مديره الله يخليك لنا مديرتنا و بس



ما شاء الله تبارك الله

الوزن السابق : 58 كيلو
الوزن الحالي : 57 كيلو و لله الحمد



يلا عقبالكم بنوتات فرررحونا *_*




​

 

[إم بــــرٍآك]

جمان تبادلين بالوزن هه

بحرينيه اقولج روحي باسكن وبينزل وزنج لاتحاتين

البارحه ماقدرت ادخل فالليل اكتب يومياتي كنت تعبانه معدتي وظهر وراسي <

والحمدالله اليوم احسن قلت بكتب شنو اكلت امس وبعد شوي بشوف وزني

الفطور

حليب صويا 250 مل

الغداء
برياني دجاج و3 تمرات

العصر شاي كرك

بعد المغرب حسو تقريبا ربع كوب

العشى

نخي

ربي لك الحمد

 

[صغيرة على الحب]

صباح الخير بنات شلونكم

شلونج يا توتة اي والله مستمرة لازم اضعف المشكلة وزني ثابت ٦٧.٠٣

ما صورتة للاسف قاعد ينزل بالجرامات معني لاغية العشا جم يوم ما اتعشى و كل توست اسمر و محتوياتة لايت

مادري يمكن ليش تونس و لا نزولي بطيء

معنى والله يقولون ضعفانة

يمكن سوائل بالبداية و بعدين يبتدي حرق الدهون

انا عشان جذي اول شي قلت تمر و لبن لان يحرك وزني بسرعة

بس ما قدر اتحملة صايرة و خايفة يخرب علي مثل اول

المهم ادعىلي اضعف بصحة و عافية و انا معاكم مستمرة

يحلوكم والله

 

[سأكون يوما ما أريد]

مرحباا لاحلا رشيقات ​

الوزن السابق : 63​

الوزن الحالي:62 و600​

معدل النزول:400 غررام
يله نزول قليل بس راضيه فيه اهم شي النزول ولا ثبات الوزن​

يومياتي​

الريوق: برتقاله​

الغدا:5 ملاعق رز وربع صدر دجاج
السناك: قطعه بسبوسه ​

العشا زبادي قليل الدسم و6 ملاعق مرقوق​

المشي 33 دقيقه
وخلطه قشر القهوه مع الشمر​

 

[أم وليد الشمري]

مساااء الخيررر
كيفكم بنووووتات،،؟؟
الوزن سابقاً: 62
الوزن حالياً:61.500
معدل النزول: نص كيلووو لله الحمددد
لي عوده مجدداً
عذروني امتحانات والبيبيات مرضى من مستشفى لمستشفى

 

[صغيرة على الحب]

مساء الخيير

يومي كان

الفطور توست اسمر بيض مفيوح طماط خس جبن لايت

الغدا خمس ملاعق مكرونة

عاد بليل خربتها شوي

كنت رايحة معرض الكتاب اكلت كوب ذرة قتله لا تحط زبدة

و عشا وجبة اطفال ماك

واي لا ازفوني

 

[إم بــــرٍآك]

بسم الله على عيالج ام وليد الله يشفيهم مايشوفون شر

ماشاء الله مبروك ام وليد وساإكون ع الوزن الجديد عقبالي والبنات يارب

سابقا :60،600

حاليا:60
نقصت 600 الحمدالله
اليوم مامشيت للاسف وجالكسي قدامي كنت باكله بس قاومت بخليه قبل لاامشي باكله وبعدين بروح امشي

الفطور
2توست اسمر بالنخاله
فيهم جبن

الغداء
توست اسمر فيه شريحة جبنه قليل الدسم واصابع السمك +عصير ليمون بالنعناع والزنجبيل

العشاء
صدر دجاجه مشوي +سلطه

بعد العشاء شراب زنجبيل + نعناع مجفف بدون سكر

ولله الحمد

 

[الحراير]

مبروك للي نزلوا واللي ثابت وزنه يعوضها الاسبوع الجاي
فطوري شابوره وشاي

وعالمغرب قهوه وقطعتين كاكاو كبر المية فلس وعشاي دجاج مشوي مع شوربه ونص خبزه سمره
ولله الحمد

 

[آنآ تسذآ]

صباحكم ورد ي حلوات
ربي يقويكم ويزيدكم همه اكثر واكثر يارب

بشترك معااكم
ويارب نوصصصصل لمرادنا ونصير مزز وفاتنات بعد 


وزني الحين 65
طولي 155
الهدف الاول 60
الهدف الثاني 55
يبي لي 10 كيلو انزلهم بصحه وعافيه بإذن الله


حبيت ارتبط معككم عشان اتشجع وما احس بالتكاسل
والبرود


من اليوم ببلش انزل يومياتي


​

 

[الحراير]

وبشرب زنجبيل

 

[إم بــــرٍآك]

هلا وغلا انا تسذا الصراحه ماقصرت توته ع الموضوع انا وحده كسوله واحب الاكل بس مع التشجيع احس فيه حماس وهالشي يقوي رغبتي بخسارة كم كيلو قاعدين ع قلبي زين ماسويتي اشتركتي ويانا

ويارب نواصل

 

[آنآ تسذآ]

ام براك
هلا فيكِ خيتي
اي والله ربي يسعدها

ومين مايحب الاكل يمي
وبالذات ب الشتاء طول الوقت جوع اااءءءء

يارب تنزلينهم وانتي ب افضل حال يارب

 

[توووووتة الحلوة]

اهلا بنات، انا اليوم مررررة مستانسة ... شفت نزولكم فرحت كثيرررررر :eh_s(9):

جمونتي
مشكورة على الكلام الحلو دائما يعجبني كثير انتظامك :rerrerek: الله يبارك. بصراحة و بدون مجاملة الواحد يشوف نشاطك و التزامك يغار منك :rerrerek:
ايه و الف مبرررررررررووووووك على النزول :ggdw: تستاهلين، لك مجتهد نصيب

ام براك
الف سلامة عليك، ما تشوفين شر. معذورة يا قلبو على عدم دخولك امس. يومك تمام و الف مبروووك على النزول، شفتي قلت لك الاسبوع الجاي راح يتحرك

صغيرة على الحب
صباح الفل، لا تزعلين بعمرج على الثبات، اعرف انو هالشي يضيق الخلق لكن هذا هو الريجيم يبله طوله بال، الله يعيننا. ترى الميزان مو كل شي ... خبراء التغذية يقولون احيانا النقصان ما يبان على الميزان لكن المقاسات تختلف و هذا هو اللي صار معاك و اكبر دليل ان اللي حولك يقولون انك ضعفانه :rerrerek: و ترى اللي ما يبان على الميزان هذا معناته انو خسر دهون مو عضل لانو وزن الدهن اخف من العضل و شوفي الفرق بين 5 باوند عضل و 5 باوند دهن، يعني الفرق بين 2.5 كيلو عضل و 2.5 كيلو دهون

ايه كذا ابيج ما تيأسين مهما واجهتي صعوبات، اللي ضعفوا مو احسن مننا، تذكري هالكلام دايم لاني انا اذا احبطت اسوي جذي مع نفسي و اقول لها اللي ضعفوا مو احسن مني، الله يوفقك حبيبتي

سأكون يوما
اول شي مبروك على النزول، يعني تقريبا نص كيلو، و معاك حق اكثر شي يرفع الضغط هو الزيادة او الثبات، ما شاء الله يومك تمام :rerrerek: تعجبيني

ام وليد
يا اهلا ب هالطلة
احنا بخير عساك دوم بخير، الف مبروووووووووووك :ggdw: و اخيررررررررررررا تحرك الميزان و كسرني الرقم، هيااااااااااااااااااااااااااااااااااا :eh_s(9):
حبيبتي معذورة، ام وعندك عيال، الله يعينك. لكن انبسطت كثير لما شفتك ناقصة

صغيرة على الحب
يومك حلو، حتى وجبة ماك كانت وجبة اطفال ( مع اني ما احب الفاست فود كلش :eh_s(16) و الذرة ما حطيتي عليها زبدة تمام التمام :rerrerek: استمرررررري و صدقيني راح تضعفين ... بس السالفه يبلها صبر شوي

ام براك
يومك رائع :rerrerek: ابيج كدا دايم، تخفيف بدون اي حرمان :rerrerek: و مشكورة على ترحيبك بضيفتنا

حروره
ما شاء الله ... التزام :rerrerek: يومك حلو

انا تسذا
صباح الفل يا حلوة، اهلا وسهلا فيج
امين ... مشكورة على الدعوات الحلوة
ان شاء الله تصيرين احلى مزة

 

[توووووتة الحلوة]

طبعا باقي انا انزل وزني

للاسف هالاسبوع ... اجر اذيال الخيبة و الخسارة :eh_s(16):

الوزن السابق: 59
الوزن الحالي: 59.9
مقدار الزيادة: 900 جرام

مو مشكلة ان شاء الله الخميس الجاي اكون خاسرتها و معاهم كم جرام بعد :eh_s(15): نويت اغير نظامي و ابدأ نظام جديد.

تقريبا قعدت اسبوعين علشان اخسر كيلو واحد و هالاسبوع سويته نص انتظام، زدت تقريبا كيلو. حبيت اشاركم تجربتي علشان تستفيدون منها

 

[توووووتة الحلوة]

بنات حبيت اذكركم ابتداء من هالاسبوع الميزان راح يصير كل خميس ان شاء الله

 

[توووووتة الحلوة]

وبشرب زنجبيل

حلو :eh_s(15): للتذكير بنوتات كثروا من شرب الزنجبيل خصوصا هالوقت يدفيكم و يقلل الاحساس بالجوع خصوصا و احنا في الشتاء ... و اللي ما تحبه تحطه مع الشاي :rerrerek:

 

[صغيرة على الحب]

توووووتة صباح الخير كلامج عين العقل والله

بس امس والله تدرين معرض الكتاب ٣ صالات دخلت مشيييييييي و سيارتي بعيدة همن بعد العشا مشيييييي قلت يلا في مساواة بسن الرياضة و المشي

بس اصدقين امس ما اشتهيت الا وجبة اطفال قالولي اخذي اكبر بس خسيت ما اشتهي

احس صغرت معدتي و جذي زين

 

[كلي رقة]

صبااااح الخيرررات
وزني السابق 69
وزني الحالي 67.6
معدل النزول 1.4 تقريبا الحمد لله
هالاسبوع التزمت عدل بالرجيم بس بالويك اند خربطت شووي
ان شااءالله علي نهاية هالشهر اكون نازله علي الاقل 5 كيلو

بالنسبة لليوم ريوقي توسته وجبنه سلايس خالية الدسم وجاي وحليب
ماادري شنو اتغدا
بس بنات ادعولي التزم ويوصل وزني 58 ياااااااارب

 

[سأكون يوما ما أريد]

مبرووووك بناات النزول ويله نشد حيلنا هالاسبوع
​