تجمع خاص للي أوزانهم 60 كيلو و حابين يكون 55 كيلو أو 50 كيلو

[إم بــــرٍآك]

عليكم بالعافيه بنات

توته والله انا مثلج من دخل الشتى وانا انسى اشرب ماي يمكن بطول اليوم 3 او 4 اكواب المفروض اشرب اكثر
بس الحمدالله اشرب عصير والزنجبيل كلهم سوائل

اليوم خصلت لتر وباقي لترين انشاء الله من الحين الى فالليل

صعب انساك احلى شيء تسوينه نيولوك وانتي ضعفانه صج يبين الفرق

بنات لاتكثرون بيض لان البيض الوحده تكفيج يوم كامل من ناحيه الكلسترول الي فيها وعيبنا مانحبها الابالجبن

توته وجبه وحده لطول اليوم موقاعده تعوضين جسمج للي تخسرينه من طاقه
بدل السناك اكلي وجبه ثانيه خفيفه لاني سامعه في برنامج نسيت اسمه ان لازم مانحس بالجوع ونخلي مسافه بين كل اكله مدري عن وجهة نظرج

 

[سأكون يوما ما أريد]

هلا اختي تووته
شوفي انا اقولج
انا عانيت كثير من ثبات الوزن
وشفت هالخلطه واستعملتها ليه شهر عليها ولله الحمد
اول شي تحرك وزني وقاعد يشد جسمي بشكل كبير من الارداف بشكل ملحووظ
اكيد مع الرياضه طبعا
وافتكيت من ثبات الوزن وشد لجسمي بشكل مرتب ​

الشمر معروف لشد الجسم
وقشر القهوه للتنحيف​

بقولك خلطتي
قشر قهوه , شمر ,قرفه, زنجبيل مبشور, وشوي كمون وعصرت نص ليمونه احطهم بترمز شاهي واضل اشرب منه ​

بس الي يتعب انه قشر القهو يدر البول وانتوا بكرامه يعني تروحواا للحمام بكثره​

بس النتائج حيل مرررضيه موفقين يارب​

 

[سأكون يوما ما أريد]

مساء الخير ..

على الريق 2 كوب ماي مع نص عصره ليمونه

الفطور : 2 توست وملعقه جبن وشرايح خياار

الغدا 6 ملاعق رز وسلطه وشوي دجاج

السناك : كيك سفن دايز وزنهاا 20 غرام

العشا : برتقااله

الرياضه 33 دقيقه ع الجهاز

ومن شوين شرفت الحلوه يعني بننقطع عن الجهاز كم يوم​

 

[الحراير]

صباح الخير
يومي لليوم طبعا كنت صايمه واكلت صمون جبن وشاي

وبعدها تفاحه وعشاي مشوي دجاج مع دايت سفن
واكلت قطعتين ارو وحاليا اشرب زنجبيل

 

[إم بــــرٍآك]

ساكون انا جربت القشر بالنفاس احسه سبب لي الارق مدري عاد منه او من شيء ثاني الله العالم وبس ماشربته منها

الفجر شربت كوب ماي دافي وتمره

الفطور
3 ملاعق فول ونعناع
وخبز ايراني وشاي

قبل الغدى شربت زنجبيل

الغدى
توست اسمر + بيضه +نعناع+ جبن رشة فلفل اسود

بعد المغرب ورق عنب 3 حبات

العشى فلفل رومي محشي

بعدها بساعه شربت شاي اخضر

وحاولت اليوم اشرب 3 لتر ماي بس شربت لترين وشوي والحمدالله

باجر بخليه يوم السوائل بحاول اني مااكل شيء غير حليب وماي وعصير وزنجبيل واذا الجوع وصل حده باكل كورنفليكس

 

[زوراروسا]

السلام عليكم
شخباركم بنوتات
وحشتوووووووووووووووني وايد والتجمع هذا صار عزيز علي وكل وحدة فيه صارت مثل اختي واعز واشكر توته الحلوة ع التجمع اللي يارب الله يبارك فيه ويعطينا ع نياتنا ونحف من غيرشر يا رب
ام وليد مشكوره الغلا انتي الوحيده اللي افتقدتيني :eh_s(22):
المهم بنوتات سبب الانقطاع اخر 5 ايام لانه الله يسلمكم عيد الاتحاد بالامارات ياحتفالات ماشاء الله يعني ماشي وقت ادش النت وكنت اصلا عند اهلي بها الفتره
طبعا مايحتاي اقول اني زايده وزن لانه الاكل مفتووووووووووووووح والعزايم والمطاعم وووو
غي انه اغلب وقتي برا فماعندي وقت للرياضة :eh_s(2):
المهم انا رجعت بيتي الحمد لله وبرجع بقوة ان شاء الله
انا بديت من البارحه بالليل يعني من الساعه 5 المساء ما كلت اي شي بس شربت ماي واعشاب
واليوم برجع العب رياضه اذا الله قواني
للعم انا وزنت قبل كان وزني 60.5 يعني كنت نازلة ورجعت قست البارحه كان 62 .6 يعني زايده 2 كيلو :eh_s(2):
يالله باذن الله اعوضهم ها الويك وانزل زياده وهذا اللي بعتمده : تخفيف اكثر بالنهار ومن عقب 5 العصر اصوم ما اكل بس اشرب وبعتمد رياضات الحرق يعني بحاول اعتمد الركض ونط الحبل وركوب الدرج وببعد شوي عن التمارين عشان افقد من الدهون وبخلي التمارين الخاصه بلعضلات والشد مرتين بالاسبوع بس مع الاستمرار يوميا بتمارين شد المعدة والجوانب
ادعولي بنات احس انه محتاجه دعواتكم خلاص فاض بي ابغي ارجع مثل قبل البس واكشخ بدون حرج وكرش وارداف :eh_s(4):
مشكورين مقدما والى الامام

 

[الحراير]

هلا زورا>>>>اختصار لاسمج
وعسي ايامكم كلها اعياد ذكرتيني لمايصير عندنا شهر فبراير كله احتفالات وجمعات واكل وبعدها اصحه من. غيبوبتي وابتدي ريجيم
زين احنا احسن من غيرنا نرد نلتزم

وتوته وينج اليوم فاقدينج من غير شر يارب

 

[توووووتة الحلوة]

صباح الخير بنوتات، سوري على التأخير لكن كنت مشغولة :eh_s(17):

الحراير
مشكورة على ذكرك الطريقة،حسبتك مثلي تحطينه مع الشاي. انا العام شربت زنجبيل طازج لين قلت بس، عاد بعدها رفعت شعار المقاطعة ... صارت نفسيتي ما تتقبلهم من كثر ما كنت اغضب نفسي عليهم
احسن خليج طماعة دايم بالوزن، انا مثلك لما اوصل بداية الستينات يقولون حلو، و اذا صدقت اني نحفت يبدي وزني يزيد، عندي النحف و لا السمنة او زيادة الوزن. تعجبيني :rerrerek: خليج جذي دايم ... حتى اذا زدتي كم كيلو ما يأثر على شكل جسمك :eh_s(15):

سكتي اليوم ... حدي مستانسة تعرفين الممثلة التركية هازال كايا، طولها 158 و وزنها 55 ... خلاص اذا صار وزني 55 ان شاء الله راح اوقف دايت >> اصلا هالمستخدم مو حاصل له ال 50 لوووووول

كلي رقة
يومك رررررررررررررائع :eh_s(15): وين الرياضة يا دميلة

ليال
و عليكم السلام. اهلا وسهلا بصديقتي العصقولة مشكورة على الزيارة و المفاجئة الحلوة ... اسعديني :eh_s(9): امين امين
لي زيارة لكم، علشان اذكر لكم اسباب تغيبي عنكم ... وحشتوني كثيررررررر ... امممممممواه :eh_s(22):

صعب انساك
اهلا وسهلا فيك، نورتينا. انا كنت من المتابعين لك ... كان يعجبني حماسك. مبرووووووك التخرج
اما حاطة صورة ميغان فوكس ... تحطيم ... ههههههههه
و ترى مازدتي كثير 3 كيلو بسرعة تنزلينهم ان شاء الله

صغيرة على الحب
الحين استوعبت نكك ياسلام ... اجل كنت قبل عصلا، ان شاء الله تردين عصلا مثل قبل
استمري ... خصوصا انو الجوع اختفى

اليزابيث
اهلا وسهلا فيك :eh_s(17): بس ما ذكرتي كم طولك؟

ام براك
لا الحمدلله لي يومين وانا مهتمة بشرب المويه، زين نذكر بعض :rerrerek: و كلامك فيما يخص الوجبة الوحدة عين العقل :eh_s(15): اذا استمريت يوم او يومين ... ماراح اكمل لكن يوم الاحد عصبت على نفسي لكن اللي كالعادة رجعت الى رشدي ههههههههه
انا البيض اكله بدون جبن دائما

سأكون يوما
مشكورررررة قلبو على الوصفة ... فديتك :eh_s(22): لكن من العام خلاص طلقت كل الوصفات .... العام كنت بس ادردع زنجبيل طازج الى ان كرهت كل الوصفات :eh_s(16): الحين حدي احط الزنجبيل البودرة مع الشاي. يومك رائع كالعادة :rerrerek: الله يبارك لك دائما ملتزمة

الحراير
صباح الفل، يومك حلو كثير :rerrerek:

بنات الله يبارك لكم، ملتزمين مرة، تحمسون الواحد :eh_s(15): و بدون اي مجاملة

ام براك
شهيتيني على الفول، بالعافية قلبو. ترى يومك وايد زين، صدقيني اذا استمريتي كذا راح تنحفين ان شاء الله

زوراروسا
و عليكم السلام. امس قاعدة احدث نفسي اقول وين البنت غاطة. بالعافية عليك كل اللي اكلتيه، و لا يضيق خلقج على ال 2 كيلو اللي زدتيهم، ان شاء الله راح تنزلينهم من غير شر و بسرعة. حبيبتي نصيحة لا تشدين على نفسج، ترى تتعبين نفسيا وجسديا، انا لما اكون زايدة اروح افضفض لاختي و تقولي هونيها راح تنزلينهم، و من بعد كلامها ارتاح نفسيا و اركز على هدفي... الا انتي كم طولك؟ اسفة ترى نسيت

 

[توووووتة الحلوة]

هلا زورا>>>>اختصار لاسمج
وعسي ايامكم كلها اعياد ذكرتيني لمايصير عندنا شهر فبراير كله احتفالات وجمعات واكل وبعدها اصحه من. غيبوبتي وابتدي ريجيم
زين احنا احسن من غيرنا نرد نلتزم

وتوته وينج اليوم فاقدينج من غير شر يارب

كاني ييت جبتي سيرة القط جاء ينط بس انتبهي لا يمحشك القطووو هههههه >> فصله تايم

مشكوررررة على سؤالك عني، مو غريب عليك، هذي مو اول مرة. امممممممواه

 

[توووووتة الحلوة]

يومي

الفطور
ساندويش جبن+ شوربة شوفان. كأس شاي

السناك
قطعة دونات، كأس شاي بالزنجبيل

الغدا
لايوجد

العشا
نفس الفطور

الرياضة
45 دقيقة مشي مساء
ساعة واحدة مشي مساء

 

[زوراروسا]

هلا بنوتات
الحراير
حياتي حلو الاختصار خخخخخخخخخخ خلاص من يوم ورايح نادوني زورا اسهل بلا تعب
هيه تصدقين عاد مع الاجازة والاحتفالات ضاع التعب بس ان شا ءالله ما يضيع الا يرد احسن من قبل واخف من غير شر وانتو ويايه

تووووووته الحلوة
حياتي تسال عنج العافيه والله زين تشتاقون لي وتسالون عني فديتج والله ما تقصرين يا حياتي انتي والله
الله يرزقج ما تتمنين ويهون عليج وصولج لهدفج يا رب انتي اللي حمستينا والجروب كله انتي البوس ماله
يالله ان شاء الله ابشرج قريب اني نزلت ع الميزان الياي اللي هو اي يوم ذكروني نسيت السبت والا الاخميس ؟؟
بخصوص طولي انا 156 قصيره وايد :eh_s(2): عشان جيه لازم اخف اي وزن يبين بسرعه علي :eh_s(4):

 

[إم بــــرٍآك]

هلا روزا شلونج ماشاء الله تتوني ادري انج اماراتيه الله يديم المحبه ويجعل ايامكم وايام جميع المسلمين خير وبركه يـٌِ???رب

توته الله يعافيج حبيبتي
عساكم ع القوه بنات

 

[الحراير]

اسأل عنج لانج انتي نور هالموضوع وانتي اللي خليتينا نتجمع مع البنات الحلوين
وان شاء الله نوصل للوزن اللي نبيه بصحه وعافيه

زورا عسي ايامج كلها اعياد

 

[Ŝ3β_άηśαķ]

تووووووته

تسلمين حبيبتي النور نورك فديتك تشرفني متابعتك هذاك اول الحماس احس الحين مالي نفس بس ان شاء الله إحقق أهدافي
والله يبارك فيك بس للحين ماتخرجت. اذا نجحت بموادي كلها تخرجي نهايه الترم هذا >> دعواتكم بنات
والحمد لله انها ثلاثه لو تشوفين اكلي مفروض انها اكثر من عشره

 

[Ŝ3β_άηśαķ]

يومي اليوم

اول يوم دايت

الفطور : فطيره لبنه بالجامعه
الغداء: ٥ تمرات وعلبه لبن قليل الدسم
العشاء: سندوش بيضه مسلوقة وخياره وعلبه حليب خالي الدسم

الرياضه اكتفيت بالمشي بين المباني بالجامعه


الحمد لله

 

[سأكون يوما ما أريد]

يومي كان كله سوايل وشوربات

لا رياضه ولا شي تعبانه شويات عشان الدوره

موفقين بنات

 

[صغيرة على الحب]

مساء الخير شلووونكم

شلووونج توتة شلونكم بنات كلكم

اليوم كان

فطوري صاج اسمر رومي و خضار ١٠٦ سعرة اكسترا لايت من كافتيريا

الغدا
كنت قاعد اطبخ و انا اذوق المرق شربت شوي و لما طبخت العيش اكلت ثلاث ملاعق هههه
عاد لما بحط الغدا جان اقول خلااااص يعتبر اكلتي وجبة كاملة و ما اكلت

العشا
صمون اسمر داخلة جبن فيتا لايت المراعي و طماط و خس و بس

و شربت ماء وايد اليوم

 

[صغيرة على الحب]

بنات شرايكم بكوين مساج

مساج التخسيس

 

[الحراير]

مرحبا

سأكون ماتشوفين شر اجر وعافيه ان شاءالله

صغيره ماجربت المساج
يومي لليوم
فطوري كورن فليكس وشاي

واكلت تفاح وعالمغرب ربع خبز ايراني وجبن

وعشاي شوربه وربع دجاج كنتاكي محضر في. بيتنا وبعدها شربت شاي

وحاليا زنجبيل وباكل معاها ميني بيضة كندر

وسهرانه للصبح وبسوي قهوه فرنسيه

 

[توووووتة الحلوة]

اهلين بنوتات

زوراروسا
ما شلء الله البنات استقبلوك استقبال حافل بعد غيابك
مشكورة يا عمري على الدعوات الحلوة، امين امين

ان شاء الله تكونين نازله هالاسبوع و انا نازله لاني الاسبوع اللي طاف كنت زايدة :eh_s(16): لكن صدقيني اذا هونتيها على عمرج ... بأذن الله راح توصلين لهدفج. الميزان يا حلوتي كل خميس :eh_s(7):
ايه صادقة القصيرة لازم تهتم اكثر بوزنها لاني لو ما اهتمت تصير كأنها بطريق انا طولي 160

ام براك
ثانك يو سويتي على الطلة الحلوة و السريعة

الحراير
ادري يا قلبو انك تسألين عني علشان انا الراعي الرسمي و الوحيد ل هالتجمع. بس لازم اشكرك في كل مرة تسألين عني، و اجب و انا اختج ... و شكرا كثير على كلامج الحلو .. اني انا نور التجمع احم احم مين قدي. مو غريبة عليج اكيد الولد العسول اللي يقول ملاتي ... امة عسولة مثله. الله يحميكم

صعب انساك
عادي انا تجيني اوقات مو يخف الحماس شوي، الا ودي اترك الدايت كله بكره، لكن اقعد اتذكر النجمات و المشهورات و اللي نقصوا وزنهم وحافظوا عليه ... و اقول هم مو احسن مني ... الى متى اناظرهم و اتحسر على عمري ... الى متى اذا رحت اسوي شوبينج اقعد اتحلطم و لازم ... احتارتي تكون بحساب ... يعني لازم مثلا ما اشتري ضيق كثير ... الخ. ابي لما اروح المول ... احسه ملكي و بدون قيود :eh_s(15):

سوي رفرش على العزيمة :eh_s(15): تذكري حفل التخرج و الزواجات اللي تحضرينها

يومك رررررررررررررررررررائع :eh_s(15): لو استمريتي على هالحال. بأذن الله راح تصيرين غصن البان

سأكون يوما
صباح الفل، هي فترة وتعدي. يومك حلو كالعادة :rerrerek:

صغيرة على الحب
انا بخير عساك بخير. ترى انا حاطتك براسي ما ابي تطلعين من التجمع الا وزنج 60 او 62 على الاقل.
يومك حلووووووو كثير :rerrerek: تعجبيني هذي هي العزيمة و الا فلا
و الحلو انك مكثرة شرب مويه، ارفع لك القبعة مع اني مو لابسه قبعة

اما على طاري المساج للتخسيس، اتذكر انو اخصائي تغذية يقول انها تعتبر من العوامل المساعدة في التخسيس، يعني لازم دايت معاها. امي اللي يرحمها كنت تعالج بالطب الصيني ( احنا عندنا بالرياض مراكز متخصصة بالطب الصيني) علشان عظامتها ومن ضمن العلاج يسولون لها مساج. سألت المدلكة الصينية ... قلت لها، عندكم مساجات للتخسيس ... قلت لي ايه، نسوي لج برنامج كامل و انهم 12 جلسة و لازم تسوين حمية. كان خاطري اسوي عندهم لكن للاسف ما حصل لي

الحراير
مرحبتين حروره، يومك حلو كالعادة. ياحلاتج بيضة كندر، انا اختي اكبر مني و تحبها كثير. انا بصراحة احب كندر الاصابع علشان ابي اكل ... البيضة ما فيها الا قليل شوكولاته ... قولي لي ايش اللعبة اللي طلعت لك >> بدأت سوالف اليهال هههههههههه

ايه صح ... تحبين، كندر سبرايز او كندر جوي >> يا سلام على السؤال المهم ههههههههه