تجمع خاص للي أوزانهم 60 كيلو و حابين يكون 55 كيلو أو 50 كيلو

[الحراير]

مبروك للي نزلوا واللي مانزلت تنزل الاسبوع الثاني
اي تفاحه علي قولت ليدي الحمدلله مافي زياده

بالنسبه لي اليوم كنت صايمه وملتزمه بس اخر الليل خربطت وباجر بعاقب نفسي

 

[زوراروسا]

صباح الخير
سوري لاني تاخرت بتنزيل الوزن
وزني السابق 62
وزني الحالي 61 ونص
مقدرا النزول 500 جرام

 

[زوراروسا]

مبروك للي نزلت اوزانهم والفال للباقيات الاسبوع الياي ان شاء الله
يومي البارحه كان زين الحمد لله
لعبت رياضه الصبح 40 دقيقه مشي وتمارين
تريقت متاخر وكان بالنسبه لي ريوق وغدا
السناك كان ذرة حلوة
العشاء سلطه خضرا بالدياي
والحمد لله

 

[صغيرة على الحب]

هلا بنات شلونكم

هلا بتوتة الحلوة وهلا بهالبشارة صج توني الاحظ نازلة بالجرامات اقل من النص معني خربطت

المهم انا الحين قاعد اخفف وايد اكل

بس والله امس تعب انا دايما ايام الدورة ثقل و جني مريضة

و اكلت سندويشتين جبن اذكر و قطعتين كاكاو من سبة الدورة اكلتهم الظهر مع الشاي

و المغرب كنت طالعة و اكلت كوب ذرة من الحمعية و ما حطالي زبدة و بس ما تعشيت و مشيت بالممشى بس تقريبا ربع ساعة لان ما تحملت عواااااار

الحين ما شربت غير الماء

انا بتبع نظام تخفيف و عندي صحن صغير مقسم احط كميات قليلة

او اخذ وجبات من دايت كير

و مبروووووك للي انزلو و عقبالي اكمل الكيلو عالاقل

 

[أم وليد الشمري]

مساااااء الخيررر ي أحلى قرروب
سأكون يوما ما... فديتج ياالغلا
جموون .. كلنا بناديج جموووون☺☺☺
خلاص
الحراير... ليش جذي زاد .؟؟؟!!
ان شاالله تضعفين
توووته .. انا معاكم معاكم بأذن الله ما اخليكم
هااايدي ... كيفك ياعسل
صغيره ع الحب... بالعافيه حبيبتي ربي يوفقك
ليدي... كل ما اشوف صورتك الرمزيه تحكني عيني ،،...������
ومبررررروك بنووووتات النزووول والفال لما نشوووف الخمسين كلنا يااارب

 

[أم وليد الشمري]

الوزن السابق: 62
الوزن الحالي:62
معدل النزول: no thing
العمر:32
الحمدلله مابي اتضايق اعرف جسمي عنيد ما ينفع معاه التخفيف لااازم الحرماااااان

 

[LadY BuG 80]

ام وليد هههههههههههههههههههه حلاته اليدي بق ما احسها حشره الخنفسأ الوحيده الي اقدر امسكها و اخليها تمشي على يدي ...
مبروك انزول بنات و الي ثابتين هارد لك ... انا ابتديت رجيم من اول اشهر و اختي خشت الميزان و اتفقنا نوزن اخر اشهر يعني تاريخ 30 -11 و انشالله من اشهر الجاي بوزن كل السبوع معاكم ....

 

[Pinky -cat]

بنات انا بدش وياكم التجمع حتى انا ابي اضعف متنت من فترة العرس عشان النفنوف يكون حلو علي بس الحين خلاص

ابي ارد مثل قبل يبيلي انزل 4 كيلو على الاقل عشان اوصل الهدف الاول وعقبها نشوف الهدف الثاني .



اليوم : كليت شابورة رجيم + شاي اخضر + قهوه بدون سكر

الغدا : حاطة ببالي مثل البنات يا شي مشوي يا سلطة وياها روب

العشا : بحاول اشرب عصير كيوي وبرتقالي عشان يحرق شوي


والرياضة للاسف ماقدر اطلع بس بحاول احوس بالبيت واسوي جم شغله جود احرق سعرات

 

[بحرينيه حبوبه]

مارديتو علي خبر!!!!!!

البوس موافق والا لااااءءء

 

[LadY BuG 80]

اسدحي بياناتك المطلوبه و اذا دخلت ترد عليكي توته .... عادتا تقول الي بتشترك و تلتزم حياها الله

 

[سأكون يوما ما أريد]

السلام عليكم رشيقات المستقبل

يومياتي:

الفطور 2 بيض سلق ونص برتقاله

الغدا 3 حبات كيوي

العشا 2 همبرغل لحم مشوي وسلطه خضره

سويت سونا ربع ساعه

وخلطه قشر القهوه بين الوجبات

والحمد لله عدا يومي ع خير من دايت اسامه حمدي

كنت بسوي رياضه نص ساعه بس حاشتني دوخه ولا سويت

ربي يوفقكم وينحفكم ع خييير يارب

 

[توووووتة الحلوة]

بحرينية حبوبة
اهلا و سهلا فيك، ايه اكيد في مجال تشاركيني :blueSmCLR: نورتينا
حطي وزنك وطولك وهدفك، الله يوفقك.

زوراروسا
الف مبروووووك على النزول :rerrerek: عقبال الكيلوات الباقية

صغيرة على الحب
زين انو كلامي بخصوص وزنك اثر فيك تأثير ايجابي :eh_s(15):

ام وليد
عاد انتي معطيه الموضوع نكهة خاصة، دايم احب اقرأ تعليقاتك :eh_s(17): روحك حلوة الله يبارك. و عجبني اصرارك على تنزيل وزنك بالرغم من ثباته فترة طويلة ... انتي نفس حالتي لكن من اسبوعين بدأ يتحرك، الحمدلله

Pinky
اهلا و سهلا فيك، نورتي. حطي بياناتك الوزن و الطول و الهدف

ليدي
مشكورة على ردك على بحرينية حبوبة :eh_s(17):

سأكون يوما ما اريد
وعليكم السلام، يومك حلو. استمري :rerrerek:

 

[توووووتة الحلوة]

يومي

الفطور
ساندويش بيض مسلوق و كأس شاي

السناك
برتقالة

الغدا
لايوجد

العشا
نفس الفطور بالضبط

السناك
برتقالة

الرياضة
مشي ساعة مساء

 

[الحراير]

بحرينيه حياج معانا بس اهم شي تلتزمين معانا واكيد توته بتوافق
ام وليد انا مازدت عن الاسبوع اللي طاف
ليدي احسن شي الواحد يشيل الميزان بداية الرجيم
لانه اذا شفتي نفسج نازله بتخربطين تقولين ماراح يأثر لاني نازله

يومي ليوم الاحد طبعا صايمه واكلت خبزه سمره وحده مع بيض بالخضار واجبان وخياروطماط

وعالساعه ٩اكلت كيكه بالمانجا مع نسكافيه وللحين ماتسحررت بتسحر شاي وشابوره اخف
وان شاء الله مع الصيام وزني ينزل

 

[JUMAN]

الـأحد : 11 - 1 - 1434

كيفكم يا أمورررات

أم وليد تسلمين حبيبتي و عقبال ما تبشرينا الـأسبوع الجاي بـ نزول وزنك
حراير الله يتقبل منك يا رب و تنحفين من غير شر



اليوم جاتني الدوره و خبصتني بس الحمدلله ما خبصت بـ شي
مشيت نص ساعه لكن السرعه مو مثل العاده سريعه يعني بدون جري

ما فطرت لأن ما صحيت بدري
الغدا و العشا : 2 ساندويتش دجاج مشوي بـ توست بر طبعاً مع جبن و صلصه حاره

روتين الـأكل :
- 4 أكواب ماي قبل كل وجبه بـ ساعه
- علبة زبادي بعد كل وجبه

و موفقين يا عرايس للأفضل بإذن الله

​

 

[امـ خــزامـى]

ماشاءالله ربي ينزل اوزانكم بالعافيه وعقبالي

انا حابه انزل 5 كيلو
وزني 64 وطولي 167

بس للاسف مادري وش فيني مفجوعه على الاكل الله لايفجعنا
واحس اني اسمن وحده بالدنيا وانا امشي احس بالثقل
مادري ليش ؟

انا مايخرب علي الا اكل الليل ذبحنننننني
بقولكم نظامي اليومي مو الرجيم
مثلا
اليوم صحيت على الساعه 2 الطهر
والساعه 3 ونصف اكلت كورن فليكس

والساعه 5 ونصف المغرب اخذت لي كم حبة بطاطس مشويه شاركت زوجي فيها

والساعه 10 اكل حبة اصابع موزاريلا وشوية بطاطس تشيلي من ابل بيز

والساعه 12 اكلت فراوله ورمان

واللحين جوعااااااااااانه

اهئ اهئ
وطبعا باقوم اكلي شي يسد جوعي

الله يقويكم بنات وعقبالي يارب ابدا بالرجيم اللي مادري متى ابدا فيه

 

[الحراير]

Juman
منا ومنج ويارب نضعف بصحه وعافيه

 

[هايدي الحلوة]

السلام عليكم..صباح الخير لأحلى فراشات..
سوري تأخرت بتنزيل الوزن لأني زعلت وااااايد وتحطمت يوم طلع الوزن ثابت مثل
ماهو بس نزل كيلو واحد والله تحطمت ونفسيتي صارت عدم
القهر إني ملتزمه بالرجيم عشرة أيام ومتحمسه وايد وايد ، كلش ماخبصة
من صج قهر ...
عاد من زووود القهر امس خبصة تخبيص وأجرمت صج في العشا هههههههههه
بس خلاص اليوم بحاول أبتدي من يديد الله يساعدنا ونضعف من غير شر..
لكن أنا الحين عرفت أش حقه وزني مانزل في خلال العشرة أيام غير كيلو واحد
تدرون لييييش؟؟؟؟
لأن أختكم الفاضله كلش ماتمارس رياضه كسسسسلانه.

 

[هايدي الحلوة]

الوزن السابق: 64الطول: 155
الوزن الحااالي :3 , 63
الهدف الأول: 60
الوزن المثالي وهدفي وحلمي :45
يااااااااااااااااارب أوصل لهدفي من غير شر وبأسرع وقت...

 

[Lady Arwa]

السلام ..
وزني 61 وثابت مو راضي ينزل وابي اوصل لـ 55