تجمع خاص للي أوزانهم 60 كيلو و حابين يكون 55 كيلو أو 50 كيلو

[توووووتة الحلوة]

مساء الخير يا حلوات

ام وليد
شكرا قلبو على امنياتك الطيبة ... انا ما يهمني الزواج، اللي يهمني اهو الوظيفة :eh_s(2): اه يا قلبي ... انا متفائلة ان الله راح يعطيني احسن وظيفة ان شاء الله

سأكون يوما
اشكرك على الدعوة الحلوة ... يومك كالعادة رائع :eh_s(15):

شقيقة النعمان
اهلا وسهلا فيك، نورتي :eh_s(17): عنوني انتي بصراحة تعتبريني بطلة، تقولين كنت حامل ... زين انو وزنك ما صك اكثر من كذا ... احمدي ربك.
بعدين تعالي اشوي اشوي على عمرج، راح تشوفين 69 قريب ان شاء الله. كل شي بالهداوة يكون حلو و رياضتك جدا رائعة :rerrerek:

صعب انساك
كالعادة ملتزمة :rerrerek: الله يبارك لك. و انا تقيمي لك 99 من 100 و بدون مجاملة :eh_s(15):

بنتو
و عليكم السلام و رحمة الله و بركاته

شقيقة النعمان
كاني ييت :eh_s(8): انا من امس و انا احاول ادخل لكن ما قدرت :eh_s(16): الحمدلله اني قدرت ادخل و بروح اغير الباسورد علشان اتبع تعليمات المنتدى اللي كا تبينها فوق

عندي ملاحظة ... انا بالنسبة لي شي حلو انك تنبهين البنات و اتنبهيني انا بعد لكن بالهداوة و بدون تعصيب ... اوكي :eh_s(15):
شقيقة ... بنتو الظاهر انها غلطت بكتابه رقم حبات الشكولاته ... ما فيه احد ياكل هالكمية دفعة واحدة
عندي سؤال انتي كم طولك؟ انا طولي 160

 

[الحراير]

مرحبا
محد فقدني!! صارلي يومين احاول ادخل المنتدي ولا اقدر
توته اي بنفس اليوم ماتشتهين تاكلين انا كنت مسويه حلويات وماأكلت منهم
وانا معاكم بإذن الله لي اخر الشهر لاني قلتلكم دخولي صعب من الفون

 

[أم وليد الشمري]

مسااااء الخيررر
توووته.. حبيبتي ربي يرزقك الي تتمنينه يارب
تدرين انا كنت موظفه وقدمت استقالتي تعبت من الوظيفه حيل
شقيقه .. فديتك حبيبتي اي زين تسوين حيلج فينا واذا ما مشيت عدل استلميني ولا يهمج
انا كنت جذي احب اكتب واراقب كل البنات بس شفت الكل يحاول يكتب يومه ويطلع انسحبت دام انج معاااي بستمر ونراقب بعض
الحراير .. والله امس كله بالي انتي وام براك قلت ياربي عسا ما شرر وتدرين انا كله مشاركاتي بالاي فون عمري ما دخلت بالاب توب
اما امس : قعدت متأخر تغديت سلطه وشويه شوربه دجاج
ومشيت نص ساعه واكلت قطعه كيكه وقهوه
وما تعشيت
بطني يعورني شكلها الحلوة بتشرف

 

[Ŝ3β_άηśαķ]

مساءكم ورد

توته

تسلمين يا عمري وفديت تقييمك

حتى انا المنتدى كان معصلج معي بس غيرت الرقم السري صار تمام

وين نضامك الي ماشيه عليه نبي نشوف النتيجه




بنتو

أكيد فيه غلط بعدد الشوكلت

ويومك حلو



حراير

لا فقدتك حبيتي اصلا اغلب البنات امس مادخلو



ام وليد

بالعافيه

 

[Ŝ3β_άηśαķ]

يومي

الفطور : سندوش جبن وكوفي

الغداء : تفاحتين

العشاء : سندوش شكشوكه ونص كوب حليب وعلبه زبادي قليل الدسم

سناك ١: تمره

سناك ٢ : قبضه مكسرات وكوفي


الحمد لله


التقييم ٩٠ /١٠٠



ملاحضه الرياضه بسويها بس مادري وش بتكون بعدين أقرر

 

[سأكون يوما ما أريد]

توته ذكرينا بيوم الميزان فديتج

بنات منو تشرب جاي اخضر وتقولنا اي نوع وهل ملاحظه يجيب نتيجه؟​

 

[إم بــــرٍآك]

السلام عليكم ورحمة الله وبركاتة

شلونكم بنات
فديتج ام وليد عوافي ماكلتي دخلت امس بس ماقدرت اكتب كل مابغيت اكتب اطلع من النك جنني وسكرته

والحين بالغصب صار
حراير والبنات شخبار عزيمتكم احس عزيمتي شوي بردت يبي لي اتشجع شوي والبرد مومخليني امشي

ام عزير من زعلج ليش بتتركينا

الصراحه امس طول اليوم اوكي مااكلت شيء زايد كلشي معتدل بس فالليل رحنا مطعم


اليوم ابتديت يومي من الفجر تععععب اكلت تقريبا ع الساعه 8 ماشفت الوقت

توست اسمر وشاي

الغدى برياني صحن صغير

العصر صبع كندور

العشاء بيض

مامشيت ولالعبت رياضه

 

[الحراير]

حبيبتي ام وليد وعساج ماتفقدين غالي

والله انا فيني طبع اذا التزمت مع احد ادش واكتب مشاركاتي واحب اكون قد الكلمه
وملتزمه بالمنتدي ومع صديقاتي بالواتس اب داخله مسابقه من امس ومدتها شهر وفيها جائزه
والله ماهمتني الجائزه اهم شي اني التزم معاهم واضعف معني صعب انزل لانه بس يبيلي خمسه كيلو تقريبا

 

[الحراير]

وعليكم السلام ام براك

الحمدلله انا ارادتي زادت اكثر لاني سجلت بقروب صديقاتي بالواتس اب
بس الرياضه من البرد مالي خلق ان شاء الله اقدر العب مره ثانيه

سأكون انا وحده ماأ يد الشاي الاخضر لاني استمريت عليه فتره وثبت وزني ولما تركت وزني نزل حيييل
واليوم الحمدلله يومي حلو ومافيه خربطه وعشاي خفيف شوربه

 

[زوراروسا]

السلام عليكم
صباح الخير
ليش محد فقدني صار لي يومين احاول ادش المنتدى مب راضي
المهم بالويك اند كالعاده يمعات وطلعات يعني مافيه رياضه والاكل شغال
بس الحمد لله تداركت اموري من يوم السبت ورجعت للتخفيف والرياضه
واليوم ع الريق شربت قفشه زيت زيتون ويا ماي وهاي الطريقه يقولون تنحف ومن الطب النبوي بجرب وبشوف

والله يرزقنا الجسم السليم الرشيق من غير شر وكل من قال امين

 

[BNTO LA MISHO]

من جدك 23 جبات شكولاته:rgewrg:
وكمان شويه مقالي
وهم تحسين اني خربطتي كل هالويه وتحسين الا خربطتي وحستي الدنيا
انتبهي ياعسل

هههههههههههههههههههههههه
:eh_s(16)::eh_s(16):

مانتبهت للكيبورد لالا 3 حبآت فققققط :eh_s(2):



صعب آنساك تسلمي

توته

فديت روحج آكمل على طريقتي ولا آغير !!


انا مرتاحه جذي فمادري :eh_s(7):

 

[شقيقة النعمان]

وعليكم السلام ام براك

الحمدلله انا ارادتي زادت اكثر لاني سجلت بقروب صديقاتي بالواتس اب
بس الرياضه من البرد مالي خلق ان شاء الله اقدر العب مره ثانيه

سأكون انا وحده ماأ يد الشاي الاخضر لاني استمريت عليه فتره وثبت وزني ولما تركت وزني نزل حيييل
واليوم الحمدلله يومي حلو ومافيه خربطه وعشاي خفيف شوربه

ماشاء الله زين
تكفين ضيفيني وياكم :eh_s(2)::eh_s(2):
علشان اتحمس وانحف

 

[شقيقة النعمان]

هههههههههههههههههههههههه
:eh_s(16)::eh_s(16):

مانتبهت للكيبورد لالا 3 حبآت فققققط :eh_s(2):



صعب آنساك تسلمي

توته

فديت روحج آكمل على طريقتي ولا آغير !!


انا مرتاحه جذي فمادري :eh_s(7):

هههههههههه زين زين دامهم 3 حبات :d
خلاص سامحتج
يالله قدامي سوي رياضه



توته ..لا بالعصاء لي ولكم احسن شئ اكيد بدون تجريح بالكلام بس صدقيني لما تشوفين احد يتباعك تتحمسين وتخافين تحوسين وهالكلام لي ولكم
انا طولي 159 ومرات يصير 158

 

[سأكون يوما ما أريد]

جسمي ثابت مو راضي ينزل ما يمشي معاه نظام التخفيف

ببدي برجيم محمد ربيعه من باجر

لازم حرمااااان​

 

[Ŝ3β_άηśαķ]

يومي

الفطور سندوش جبن وعصير أناناس

سناك ١ : خمس تمرات

غداء: مافيه

سناك ٢ :٢ بسكوت وكوفي

العشاء: سندوش و٣ ملاعق فاصوليا وعلبه زبادي قليل الدسم

الرياضه ١٥ دقيقه اوربتراك ومشي بالسوبرماركت ومشي وانا ادرس



الحمد لله



التقييم ٨٠ /١٠٠

 

[الحراير]

صباح الخير

يمه في وحده قاعده بالزاويه وتطق بالعصا ههههه

حيلج فيهم شقيقه
يومي فطور توست اسمر مع جبن سلايس دايت وشاي
وعالمغرب نسكافيه نفسي مسدوده اليوم وتعشيت متاخر بيض ماي ونص خبزه سمره مع عصير اناناس
وبعدها شربت مراميه

 

[زوراروسا]

صباح الخير بنوتات
امس يومي كان الحمد لله
ع الريج زيت يزتون قفشه مع ماي وبعد نص ساعه نسكافيه
الفطور حبتين كيوي وشوي شبس
الغداء خفيف والسناك حبه كاكاو مع شاي اعشاب وما تعشيت
شربت 5 اكواب ماي
ولعبت رياضه 30 دقيقه مشي + اوبتيتراك
بس عندي من امس لليوم صداع فضيع حتى وانا نايمه احس فيه
يالله الله يخفف عني دعواتكم بنوتات

 

[الحراير]

توته وينج عسي المانع خير ياقلبي
>>>ليكون وصلتي ال55ونسيتينا!!

 

[الحراير]

حياتي زور الله يعطيج الصحه والعافيه يارب

 

[توووووتة الحلوة]

صباح الخير يا حلوات

اعتذر منكم كلكم، امس كنت تعبانه و كله بالفراش اليوم الحمدلله تمام

الحراير
لااااااااااااا انا فقدتج كثير لكن حسبت انج انسحبتي، قلت في نفسي "خلاص على راحتها" لانو مو من عادتج انو تغيبن يومين . المهم وحشتيني :friends: طلع انو ما قدرتي تدشين المنتدى.

لا انتي احسن مني، تطبخين، انا كسلانه. انا اشتري شكولاته و حلاو واحطها في كيس و في اليوم المفتوح اروح و ارد عليها لكن كلش مو مشتهية اكل. لو تشوفيني في ايام الدايت سعابيلي تقطر اذا شفت نتفه شكولاته :krkrkr:

و بعدين يا قلبو انتي معذورة لانو صعب عليك تدخلين من الفون، مو لازم تدخلين كل يوم ... مع انو ودي اشوفج كل يوم ... خلاص عطيتج الضوء الاخضر و اهلا وسهلا فيج لنهاية الشهر

ام وليد
صباح الورد يا حلوة :eh_s(17): انتي علشانج ام و متزوجة تعبتي من الوظيفة. عنوني انا عزوبية ما وراي شي ... اكبر طموحي اني اتوظف
ام وليد لا انا اراقبك و اراقب يوميات البنات ... بس ما احط يعلق على يومياتي ... ايه انا المديرة فوق النقد و الملاحظات :krkrkr:
يومك حلو امس لكن الاكل قليل لكن معذورة من الدودو

صعب انساك
صباح الجوري ... الله يسلمك. نظمي كان يبله اقل شي اسبوع ... قلت اذا فاد راح اقولكم عليه واذا ما فاد ما راح اجيب طاري له ... النتايج تبشر بالخير ... الحمدلله. اليوم راح اكتبه في رد خاص ... تابعيني

و يومك جميل امس :rerrerek:

سأكون يوما
شوي و راح اذكركم بتاريخ الميزان. انا ما اشرب شاي اخضر و الا كنت افدتج

ام براك
و عليكم السلام ورحمة الله و بركاته
ايش اخبارك يا حلوة؟ افتكرتك انسحبتي لانو اخر مرة قلتي انو وزني زاد صار 61 ... فقلت يمكن الميزان جابلها احباط :eh_s(16): حتى انا بردت عزيمتي ما ادري ليش، يبلها انعاش يومك رائع امس لكن بلييز لا تنسين الرياضة ... اوكي قلبو

الحراير
احلا طبع ... انا قد قلت لج من قبل اني عنوان للالتزام :rerrerek: قلتي كلمتج و كنتي قدها ... الله يبارك لك

زوراروسا
وعليكم السلام. حلو كثير انج مهتمة و مراقبة اكلج ... استمرررررررررري زورا

شوي و لي باك على باقي ردودكم ... نطروني .. احبكم