تجمع خاص للي أوزانهم 60 كيلو و حابين يكون 55 كيلو أو 50 كيلو

[الحراير]

كاني جيييييت اقحص توته من الوناسه بحط وزني
وان شاء الله اكون رشيقة الاسبوع

وزني السابق٦٠،٢
وزني الحالي٥٩،٢

كيلو نزلت ولله الحمد

 

[شقيقة النعمان]

مبروك للحلوات الي نقصت اوزانهم
الله ينحفنا من غير شر يارب

 

[Ŝ3β_άηśαķ]

مساء الخير


هاليومين مادخلت وكنت مشغوله

الاسبوع هذا نزل وزني ١٠٠ جرام
يعني معدل نزول وزني هاالاسبوعين كيلو وميه جرام

كان ٦٩ و٢٠٠ جرام
وصار ٦٨ و١٠٠ جرام

انا الي يخربني الويكند

يكون اليوم المفتوح واحد ويمتد الي يومين

بنات اذا عندكم نصايح التخبيص في الويكند فيدوني

 

[BNTO LA MISHO]

السسسسلام عليكم والرحمممه


البسكوته صارلى يومين على رجيمي التناسلى من روابط توته فديتههها
واحس نفس اكلى اليومي مافيه شي بس افضل من الى كنت اسوووية
وان شاءالله نتايج حححلوه


وزني لتاريخ 19ـ12

64 مانزلت الا كيلو وآدري انه بيرجع
ف ان شاءالله نتايجي افضل يارشيقات
فى الموعد الياي

 

[دبه موت]

يومياتي:
الفطور.
ربع خبزه بر+بيضه وحده +كوب شاي
الضحى.
كوب شاي بلحليب
الغداء.
كوب شاي بلحليب +وقهوه
المغرب.
نصف موزه
العشاء.
ربع دجاجه مشويه+عصير ليمون
الحمدلله على النعمه​

 

[شقيقة النعمان]

انا مشكلتي مشكله ابي حل
وزني 72 و 300 جرام
اسوي رياضه يوميا ساعه
واكل صحي دايت
اسوي يوم مفتوح بالاسبوع وبعد اليوم المفتوح يصير وزني 73
وارجع الاسبوع احفر رياضه ودايت ويصير 72 و 300 جرام
ياربي وش اسوي

 

[الحراير]

مرحبا
يومي اليوم فطوري بيض وشاي
وعالمغرب قهوه وشاي مع قطعة حلا
وطبعا مافي غدا ولا عشا اليوم الا اكلت كم ملعقة عيش بس تذويق وبعدها نسكافيه

والحين بطني تطلع اصوات بس ماراح اكل
شقيقه حرام تزيدين وزنج باليوم المفتوح چذي تعبك بيروح اذا ودك وزنج ينزل بسرعه خلي يوم مفتوح كل اسبوعين او شهروافتحي علي وجبه
وحده مو اليوم كله مفتوح يعني اكلي اللي نفسك فيه احسن مايضيع تعبج وتقبلي كلامي ياقلبي

 

[سأكون يوما ما أريد]

تسلمي توته ربي يخليك

يومياتي :
ليوم الخميس كان صيام

افطرت 2 حبه تمر + حليب منزوع الدسم

بعدها بنص ساعه كليت سلطه+ 6 ملاعق مرقوق+2 سبرنغ رول+ فطيره صغيرونه

وبس هذا كان يومي

الرياضه نص ساعه ​

 

[شقيقة النعمان]

مرحبا
يومي اليوم فطوري بيض وشاي
وعالمغرب قهوه وشاي مع قطعة حلا
وطبعا مافي غدا ولا عشا اليوم الا اكلت كم ملعقة عيش بس تذويق وبعدها نسكافيه

والحين بطني تطلع اصوات بس ماراح اكل
شقيقه حرام تزيدين وزنج باليوم المفتوح چذي تعبك بيروح اذا ودك وزنج ينزل بسرعه خلي يوم مفتوح كل اسبوعين او شهروافتحي علي وجبه
وحده مو اليوم كله مفتوح يعني اكلي اللي نفسك فيه احسن مايضيع تعبج وتقبلي كلامي ياقلبي

المشكله باليوم المفتوح مااكل اوفر اكل عادي
بس مستغربه ليه وزني مو راضي ينزل

 

[أم وليد الشمري]

حبيبتي توته .. عذريني كنت حدي مشغوله ما فضيت
وبما ان الحلوة كانت مشرفه قلت مااوزن لما تخلص
اليوم وزنت الحمدلله
الوزن السابق:62
الوزن الحالي:61
معدل النقص الحمدلله كيلووو
والدكتور طارق الحبيب تعجبني اطروحاته وافكاره .. ربي يكثر من امثاله
اصلا من فتره ودي اروح له ... كان ببالي تحضير رساله الماجستير وكان ببالي من اول الناس الي بلتقي فيهم (( اطروحتي كانت عن عقليه المراهق الخليجي))
لكن الحين بروح له استشاره نفسيه????

 

[أم وليد الشمري]

شقيقه حبيبتي انا مثلج لي تسع شهور ووزني ثابت
سويت المستحيل وماكو ينزل كيلو ويرجع له
وكنت رياضه مااقصر وتخفيف اكل لكن نفس الشي
عاقده اتفاق مع هالوزن
اخيرا اكتشفت ان نقص فتيامين دال يأثر بشده
روحي سوي تحليل وتأكدي
انا كل يوم بقول اروح لكن الكسل ذابحني والظروف مش ولابد وامتحانات ما افضي

 

[أم وليد الشمري]

توووته.. انتي ام الذووق والذرابه دايماااا
فديتك وفديت غزلك ياااحلي بنوووته
ودي اسولف معاكم متى افضي ماادري
ع العموووم جسمي درقي (( بعد تعب والف تفكير واختيار بين الاربعه))
اكتشفت الذره.... ان جسمي درقي يبيلي اتقيد بإذن الله واشوف النتيجه

 

[Ŝ3β_άηśαķ]

شقيقه انا مثلك فقررت من اليوم مافيه يوم مفتوح الى لما اخلص اختبارات
يعني بعد ثلاث اسابيع ان شاء الله



يومي
الفطور كوفي و٧ تمرات

سناك ربع تفاحه

العشاء ٤ ملاعق فاصوليا+ وعلبه زبادي اكتيفيا صغيره +وسندوش +ونص كوب حليب

 

[صغيرة على الحب]

توتة شلونج

شلونكم بناااات

ذبحني الاحتقان و النشلة


توتة سوري خطا مطبعي 65 مو 55

ههههه ياريت 55

انا بنات حدي تعبانة احتقان و التهاب

اكلي كله شاي و بقصم و ساعات الغدا اكل بس شي خفيف

من باجر بنظم الوجبات عدل

 

[توووووتة الحلوة]

مساء الخير و الاحساس و الطيبة

وحشتوني ... وحشتوني يا حلوات

طريق السعادة
الله يسهل عليك و تتخرجين و تلاقين الوظيفة الزينة و المرموقة اللي تليق فيك، احنا البنات ندرس و نتعب و نتخرج بعدين نجلس في بيوت اهلينا ندفيها :eh_s(2):

شوفي قلبو تصنيف نوع الاجسام:

1) التناسلي :فوق نحيفه تحت سمينه
2) الكظري :فوق سمينه تحت نحيفه
3) الدرقي : من فوق وتحت سمينه بس خصرها صغير يعني زي الساعه
الرمليه.
4) النخامي:كلك على بعضك سمينه

دام انك ممو سمنتك لا من فوق و لا من تحت و عندك خصر ... ما يبلها ذكاء انتي جسمك درقي

و نصيحة دام هالفترة امتحانات لا تضغطين على نفسك واايد بالدايت ... سوي تخفيف الى ان تعدي فترة الامتحانات ... و انصحك بقوة ب ريجيم نوع الجسم :rerrerek:

التمجع مفتوح لك ... اهلا وسهلا فيك بأي وقت. على فكرة مو لازم تكونين بالستين علشان تشاركين معانا

دبة موت
مشكورة قلبو، تسلمين. الله يسهل عليك و يوفقك ... بس تعالي اهني اذا قرب عرسك تعالي خبرينا علشان نحتفل فيك و حلو كثير ريجيم طالب الشمري :rerrerek: اختيار موفق

الحراير
كلوووووش كلووووووش ... انتي ترقصين من الفرحة و انا اطق اصبع :ggdw: فرحت وااايد و اخيرررررا بعد 4 اسابيع تحرك وزنج :eh_s(9): الف مبرووووووك حبيبتي :eh_s(17):
لا ما تصيرين رشيقة هالاسبوع لانو اغلا معدل خسارة للوزن كان ل سأكون يوما و كلي رقة ... طبعا اللقب كان مناصفة بينهم. ان شاء الله تكونين الاسبوع الجاي رشيقة الاسبوع>> ترى هالحجي من وراء قلبي ... لانو ودي اكون انا رشيقة الاسبوع الجاي :krkrkr:

شقيقة النعمان
الله يبارك في عمرك، مشكورة على التهنئة لي و للبنات

صعب انساك
مساء النور و السرور
مبرووك على النزول :ggdw: حلو كثير خلال اسبوعين خسرتي كيلو و 100 غرام

ايه حبيبتي عندي نصايح حلوة حق تخبيص الويكند: سمعيني زين بما انك جسمك تناسلي ... كولي بكميات كبيرة رز ، ذرة ، عدس او شوربة عدس، فول، بازلاء، فاصوليا، منتجات البان قليلة الدسم سواء الجبن بأنواعه او الحليب او اللبن او الزبادي، خضار بأنواعه، فاكهة خوذي راحتج فيها بكل انواعها

بكميات معتدلة كولي سمك و تونة و بيض و زيوت نباتية ... زيت الذرة عافية او مازولا، زيت زيتون، الخبز بأنواعه. و ممكن تأكلي جالكسي واحد او مارس او تويكس واحد ... الخ

تجنبي تماما اللحوم الحمراء و الزيتوت الحيوانية مثل السمن و الزبدة و الكريمة. و تجنبي التوابل و البهارات و الشطة

وعد مني لك اذا زاد وزنك بعدها جرام واحد :rerrerek: اتحدي انا كنت اخبص في اليوم المفتوح و نتيجة التخبيص الغير مدروس كان في اليوم الثاني يزيد وزني لكن من بعد ما عرفت ريجيم نوع الجسم، وسويت اللي قلت لك عليه صار وزني ما يزيد اطلاقا بعد اليوم المفتوح و لا حتى 100 جرام

بنتو
و عليكم السلام و رحمة الله و بركاته
فديتك روحك انا :eh_s(17): ان شاء الله تكون النتايج حلوة و ناطرة تجربتك تنتهي علشان تجين تقولين لنا ايش صار معاك و ايش استفدتي

الف مبررررررروك على النزول :eh_s(9): كيلو ... كثير حلوووووووو و يعتبر انجاز :ggdw: عقبال الكيلوات الباقية ان شاء الله

دبة موت
يومك امس جدا رائع :rerrerek: لكن وين الرياضة؟ :eh_s(10):

شوي و اكمل باقي ردودي على تعليقاتكم ... نطروني

 

[دبه موت]

ابـــــــــــــشري عيوني ولا يهمــك انتي اول المعازيم الرياضه خمس مرات في الاسبوع لانه تبع نادي

انا ببتدي فيه من بكره رجيم طالب الشمري​

 

[توووووتة الحلوة]

شقيقة النعمان
قلبو مشكلتك قد مريت فيها و عانيت مثل ما تعانين الحين، و كنت حيييل مخنوقة :eh_s(2): لكن من بعد ما سويت ريجيم نوع الجسم ... و عرفت الاكل اللي ما يناسبني و يمتني ... انحلت مشكلتي و هذه تجربتي الشخصية :rerrerek: انا ما اتبعته حرفيا و لا سويت زي العادة فطور، غداء، عشاء.

انا راح اقولك ايش سويت، اخذت قائمة المسموحات تبع نوع الجسم حقي (نوع جسمي تناسلي) و اكل على راحتي (بلعة في بلعة ) اما قائمة المسموحات باعتدال ... اكل منها لكن باعتدال يعني انتبه اني ما اكثر. اما قائمة الممنوعات ما اقرب صوبها ابدااااا

و النتيجة خلال اسبوع كانت مبهرة بالنسبة لي ... مقاساتي اختلفت كثير من منطقة الارداف ... انا اصلا هاي المنطقة اهي عقدتي لكن لقيت الحل ،الحمدلله. و حتى اختي لاحظت علي ... قلت لي انتي ناحفة بالرغم من انها تشوفني كل يوم. الحمدلله

حتى انا انبهرت من اختلاف مقاستي مع اني ما غير بلعة من قائمة المسموحات ... الله يبارك

و انتي سوي اللي يريحك، الله يوفقك و يسهل عليك يارب

الحراير
مرحبتين :eh_s(17):
يومك حلو لكن ليش ما فيه عشاء، ترى مو زين جذي سواء نفسيا او جسديا و بعدين جسمج يصير يتعود على كميات صغيرة من الطاقة و اذا حصل في يوم و كثرتي اكل يصير يخزن الطاقة على شكل دهون ... بلييييز انتبهي من هالنقطة فديتج. ما ابيج تغلطين غلطتي ... اوكي

سأكون يوما
الله يسلمك ... لكن ما شفتك فرحتي باللقب لو انا كان طرت من الفرحة :krkrkr:
رائع يومك امس، و اصلا انتي تعرفين رأيي فيك من زمان ... الله يتقبل طاعتك قلبو

ام وليد
تدرين فيني يا حبيبتي اني عارفة ظروفك عدل و مقدرة حجم المسؤوليات اللي عندك ... ارقدي و امني من هالناحية
الف مبرووووووووك على النزول :eh_s(9): كيلووووو كثيرررر حلووو
تعجبيني كثيررر على هالطموح اللي عندك، احب كثير و اموت في الانسان الطموح، و على فكرة عنوان اطروحتك جدا مشوق ... مسكين المراهق في الخليج ... احس انه مهمش للاسف

خلاص ناخذ مواعيدنا للدكتور طارق مع بعض في يوم واحد

مشكورة على الكلام الحلو ... خلاث خلاث اثتحي :eh_s(22):

ههههههههههههه ضحكتيني على سالفه انك تعبتي ليما عرفتي نوع جسمك ... روحك حلوة فيها نوع من المرح و الفكاهة الظريفة ... اللي اسعدني بالموضوع انك اكتشفتي نوع جسمك :rerrerek: سعيدة لك يا صديقتي

صعب انساك
يومك امس حلو كثير، تعجبيني كثير ملتزمة، الله يبارك لك

صغيرة على الحب
انا بخير و البنات بخير الحمدلله. مشكورة على السؤال :eh_s(17):
الف سلامة على قلبك، ان شاء الله ما تشوفين شر
قلبو بليييييييز اكتبي بعد وزنك السابق علشان نعرف كم نقصتي؟ انا اللي اعرفه اخر مرة كان وزنك 67 و كسور يعني نقصتي 2 كيلو و كم جرام
الف مبرررروووووووك النزول :ggdw: عقبال الكيلوات الباقية ان شاء الله

 

[توووووتة الحلوة]

ابـــــــــــــشري عيوني ولا يهمــك انتي اول المعازيم الرياضه خمس مرات في الاسبوع لانه تبع نادي

انا ببتدي فيه من بكره رجيم طالب الشمري​

شكراا حبيبتي، تسلم عيونك :eh_s(22): و شي حلو انك مشتركة بنادي يعطيك حماس اكثر ... و دام انو 5 مرات في الاسبوع فتعتبرين في السيف سايد مثل ما يقولون

 

[شقيقة النعمان]

اهلين بنات
والله نفسيتي وايد تعبانه احس مجهودي على الفاضي يروح وانا من الناس الي اذا التزمت التزم يعني مااخربط وامسك نفسي
يوميا رياضه بس يجي هاليوم المفتوح ويخرب كل شئ

بالنسبه توته لنوع جسمي عجزت اعرف واحدد اي نوع
انا ماعندي كرش على انه الحمدلله عندي اطفال بس بطني عادي مو كبير
مشكلتي بالارداف خلفيه كبيره وشويه فخوذ
والزنود عندي مليانه
شنو نوع جسمي

 

[دبه موت]

يومياتي:
الفطور
ربع خبز بر+شريحة جبن+تفاحه صغيره
الغداء
نص خبزه بر+سلطه +بيضه
المغرب
شاي بلحليب
العشاء
شريحتين لحم مشويه +شريحتين دجاج بلبقصماط مقليه بشوي زيت
وملعقتين جبن+ربع خبزه بر
والحمدلله على نعمته



توته عمممممري رجيم نوع الجسم كانو عاجبني بس المصيبه ماعرف نوع جسمي
ودي اجربه بعد رجيم الدكتور طالب