تجمع خاص للي أوزانهم 60 كيلو و حابين يكون 55 كيلو أو 50 كيلو

[شقيقة النعمان]

الي قاهرني باقي 30 يوم بالضبط عندي مناسبه مرة مهمه وودي يكون وزني وقتها 65 يعني ابي 7 كيلوو انزلها لازم

 

[الحراير]

صباحووووو
شلونكم ياحلوات
يالله توته نتنافس عالرشاقه ههههه
انا اللي يخرب علي اكلي قليل علشان جذي مايحرق
وبالنسبه لليوم فطوري شاي وجبن قليل الدسم وخبز اسمر

وبعدها سويت فطاير لامي وشاي مخدر عالدوا واكلت حبه وحده مع شاي
وتعشيت خفايف بالملعقه مع شوربه واخر الليل شربت اعشابي هي مراميه وزنجبيل منقع بماي حار
شقيقه احسن حل ينزل وزنج للمناسبه شاي رويال انا دايم اجربه ولي سنين

صغيره ماتشوفين شر بس انتي من زمان تعبانه اخذي مضاد انا اخذته ولله الحمد طبت وشربي اي شي دافئ
وان شاء الله اجر وعافيه

 

[شقيقة النعمان]

وين احصله شاي لوريال وكم ينزل

 

[سأكون يوما ما أريد]

هلا حبيباتي اخباركم

فديتك توووته الا طايره من الفرحه بس مو عارفه كيف اعبر

يوميات تخفيف الى حد ما رياضه نص ساعه​

 

[Ŝ3β_άηśαķ]

شقيقه النعمان موجود شاى رويال بالسوبر ماركت الكبيره جهه الشاي
انا استخدمه اذا فيني إمساك قوي لانه يمشي البطن

 

[Ŝ3β_άηśαķ]

يومي


الفطور : كوفي + ٢ بسكوت نخاله

الغداء : عصير أناناس + فطيره لبنه + وصحن صغير بليله

العشاء : شوربه + سلطه



الحمد لله

 

[طريق السعاده]

تووووته يسعد قلبك حبيبتي ان شاء الله ربي يسمع منك هين من الحين جالسه المح لاهلي مالي شغل تعبت ودرست يخلقون لي وظيفه ههههههههه عاد جد كل التخصصات جربتها ودرستها مابقي شيء هع ربي يسهل كل شيء بامره
بالنسبه لنوع الجسم تسلمين ساعدتيني انا كنت متوقعه انو درقي بس خفت اكون اخترت خطا هع فحبيت اسال الي افهم مني بهالتقسيمات ..
باذن الله رح اسوي هالرجيم تبع الجسم انا حطيت رجيم التمر 3 ايام وبكرا اخر يوم وابتدي باذن الله فالريجيم نوع الجسم من يوم الاثنين ..

بالنسبه للاختبارات والدايت انا كنت ماشيه بالراحه مب ضاغطه ع نفسي بس بنت خالي بتملك وحددت ملكتها بعد الاختبارات وابي انزل اكبر عدد من الكيلوات قبل ملكتها ( جالسه اقولها مره وقتك غلط خخخ جد ماكنت اتوقع فهالوقت بس الله يوفقها ويسر امرها ..

 

[الحراير]

صباحوووو
شقيقه تحصلين رويال بالعطار او الجمعيات
وينزل حيييل الوزن بس حاولي تكثرين ماي علشان مايصير جفاف

يومي لليوم فطوري شاي وشابوره
الغدا مافي كالعاده وعالمغرب نسكافيه وعشاي ٢توست بمرتديلا وجبن سلايس دايت وشاي

واخر الليل شربت مراميه وزنجبيل كوبين

واللحين شربت عصير اناناس ودايجستيف

 

[كلي رقة]

صبااااااح الخييييييييييييييييييييييييييييييييييييييييييييييييييييييير:eh_s(17):

توووووته حيييييييييييييييل فرحت باللقب انا توني ادش علي النت ودريت
بس يااااافرحة ماتمت
هالويكند خرااااااااااااااااب مادري اشفيني شهيتي مفتووووحة علي الاخر :eh_s(16):
بس بحاول التزم مصختهاااا :bbbiu:

 

[تووته البسكوته]

هاي شلونكم
شاي رويال متى ينشرب بعد الغدا والعشا ؟؟؟

 

[تووته البسكوته]

اممم اكتشفت ان في توتتين هههه
خلاص انا سموني بسكوته

 

[توووووتة الحلوة]

اسعد الله ظهيرتكم بكل خير، وحشتوني

اسفه غبت يوم كنت تعبانه ... الدودو قربت و النفسية :eh_s(16):

باك على ردودكم السابقة

شقيقة النعمان
اهلين يا حلوة حاسة فيك ... مريت بمثل تجربتك ... كنت ملتزمة 100 في المية ... لكن ظل وزني ثابت فترة طويلة تقريبا 6 شهور :eh_s(2):

على وصف جسمك، اذا كان وصفك اللي ذكرتيه مضبوط و صح ... فنوع جسمك تناسلي

دبة موت
شوفي حبيبتي بخصوص نوع جسمك ... اللي اتذكره من سنة لما كنت مشتركة معاك في قروب واحد ... انك تعانين من سمنة الجزء السفلي الافخاذ و الورك ... هذا يعني انو جسمك تناسلي مثلي لاني انا اعاني من نفس المشكلة

دبة موت يومك امس حلو :rerrerek: الله يبارك لك، من عرفتك من سنة و انتي دايم تكونين ملتزمة كثيييير

شقيقة النعمان و دبة موت
هذا رابط الموضوع حق نوع الجسم، علشان ما تتعبون و انتم تدورونه
ريجيم نوع الجسم

شقيقة النعمان
حبيبتي مو زين تضعطين على نفسك علشان العرس، شنو تنحفين 7 كيلو ب شهر :eh_s(10): قلبو مو زين لا لجسمك و لا نفسيتك و لا لصحتك ... المعدل الطبيعي للنزول في شهر من 2 كيلو الى 4 كيلو ... النزول اللي اكثر من كذا مو زين اطلاقا

الحراير
مساء الخير حروره
شي حلو انو نتافس انا وياج على اللقب ... لا تخافين راح اسحب البساط من تحت ريولك لكن بليييييز انتبهي لا تتكرفسين >> عدال يالقوية خفي على البنت شويه :krkrkr:

ايه انا ملاحظة انو اكلك قليل، بس تبين الصراحة احسن لصحتك قبل وزنك، كثر الاكل مو زين حق الجسم و الصحة

و يومك حلو امس ...

سأكون يوما
اهلين يا قميلة، احنا بخير ... عساك بخير
هههههههههههه، اجل الفرحة خلتك صامتة
و حلو استمري على ما انتي عليه

صعب انساك
رائع يومك امس :eh_s(15): استمرررررررري

طريق السعادة
الله يرزقك احسن وظيقة ... انتي وكلي امرك لله وهو سبحانه راح يدبرك احسن تدبير
حلو ريجيم التمر اهم شي ما تزدين عن 3 ايام :eh_s(15): و على فكرة انا ناطرة تجربتك برجيم نوع الجسم، اذا نجحت تعالي قولي لنا

الف مبروووووك لبنت خالتك الملكة :eh_s(9): ان شاء الله تفرح و تستانس. قلبو صدقيني الامتحانات اهم من نزول الوزن ... الدرجات و فهم المواد ما يتعوضون اطلاقا لكن الوزن لاحقة عليه بأذن الله. عارفة انو علشان هالمناسبة تبين تنحفين ... لكن وقت الامتحانات خط احمر بالنسبة لي ... يكفي الضغط :eh_s(16): مو زين تزيدينها بالدايت ... خايفة عليك، قلبي معاك

الحراير
مرحيا ... كيفك اليوم يا حلوة؟ اتمنى تكونين بأفضل حال
و يومك حلو كالعادة :rerrerek:

كلي رقة
صباح النور و السرور ... و شي حلو اللقب ... يونس صح ؟ يمكن الدورة قربت عندك علشان كذا شهيتك مفتوحة ... يمكن :eh_s(10): و بعدين لا تضيقين خلقج ان شاء الله تعوضينها

توته البسكوته
هاي تووووووت ... ايه شفتي في الموضوع فيه 2 توت زين مو اكثر :krkrkr:

 

[سأكون يوما ما أريد]

مساء الخير بنااات

تريقت : ربع خبزه + ملعقه لبنه+ عصير سانكست
تغديت : رز+ وسمك + وسلطه ...... زوتها حبتين بالغدا

عشان كذا حرمت نفسي من العشا

رياضه 45 دقيقه موفقين حبايبي ​

 

[سأكون يوما ما أريد]

فديتك توووته ربي يخليك ​

قاعد اقرا نظام الدكتوره احلام حق نوع الجسم بصراحه انلحس مخي مو عارفه نوع جسمي احس مو واضح كلامها​

شوفيشنو نوع جسمي ويا ليت البنات يوضوح وش نوعه لو ما عليكم امر​

مليانه من فوق من عند الارداف اكثر شي اما من تحت فهو متناسق يعني اذا نحفت فعل انحف من تحت اكثر من فوق ... اما انتي فهو نوع جسمك واضح التناسلي ما يبيله تفكير زي الكمثري تدرين حلو هالنوع من الجسم انا احبه يكون كذا مليان من تحت ومن فوق نحيفه ع العموم انتظر رد الحلوات​

 

[إم بــــرٍآك]

توته عطيني اللقب لوبالجذب هع

يومي تعب بتعب

الفطور كلوقز بالفواكه الحمراء

الغداء

مجبوس بس كميه بسيطه

العصر كوب كوفي بدون سكر

العشاء

فاصوليا وشاي

طبعا متعشيه ع الساعه 7 ونص تقريبا

والحمدالله معلش بنات ادخل من البيبي والماوس جنني

 

[دبه موت]

فديتك ياتوته يابعدهم كلهم ماتشوفين شر حبيبتي
يومياتي اليوم
الفطور
شريحتين توست بر+ملعقة جبن سائل
الغداء
زبادي خالي الدسم مع خياره+شريحتين دجاج
المغرب
شاي بس
العشاء
كوب عصير جريب فوت
اخر الليل شربت كوب نسكافيه بدون اضافات حسيت اني جوعانه مابغيت الجوع يسيطر عليا
الرياضه ساعه بالنادي

 

[الحراير]

صباح الخير
شلونكم
انا مصدعه ورابطه راسي بس احبيت ادخل والحمدلله ملتزمه
توته اسحبي البساط بس اهم شي علي صحه وعافيه يارب
بسكوته شاي رويال بعد الاكل بساعه وكل يوم مره
وكاتبين عليه التعليمات

 

[دبه موت]

صباح النور حراير ماتشوفين شر حبيبتي خذي لك بندول وريحي

 

[توووووتة الحلوة]

صباح الخير يا حلوات

سأكون يوما
حلو يومك امس :rerrerek: خصوصا بالرياضة

اتوقع جسمك كظري ... انتي فوق سمينة وتحت نحيفة ... صح؟

اذا كنتي من فوق اسمن من تحت ... فالامر واضح ... جسمك كظري

احلى نوع جسم هو الدرقي ... من فوق مثل تحت مع خصر بارز :rerrerek: و خبراء الازياء دايم يقولون صاحبات هالجسد محظوظات ... الجسم يكون زي الساعة الرملية ... ترى مو حلو التناسلي لكن الحق ينقال اهون من الكظري

ام براك
تصدقين اول مادشيت المنتدى قلت راح اسأل عنج و اقول اين انتي غاطسة يا دميلة؟ شفت ردج كان ابتسم الموهيم انا سعيدة بشوفتك ... سلامتك

يومك رائع لكن لاتنسين الرياضة طيب دخلي من اي جهاز غير البلاك بيري ... انتي من صجك؟؟؟ داخله من البلاك بيري @@ شلون مستحمله

دبة موت
شكرا قلبو، الشر ما يجيك ان شاء الله ...
يومك شويه عليه كلمة رائع :ggdw: صدقيني اذا استمريتي على نفس الالتزام ... راح تلقين نتايج مبهرة بأذن الله

الا ابي اسألك انتي من وين بالسعودية؟ اتوقع انك من الشمال ... صح؟ او من حائل
انا من العاصمة الرياض

الحراير
و عليكم السلام ... صباح النور والسرور يا حروره ...
سلامات ما تشوفين شر ان شاء الله ... ياخوفي برد داخل جسمك ... اشربي زنجبيل و تدفي زين ... اوكي

 

[توووووتة الحلوة]

ام براك

كم كان وزنك ايام البلعة و النحف؟