تجمع خاص للي أوزانهم 60 كيلو و حابين يكون 55 كيلو أو 50 كيلو

[سأكون يوما ما أريد]

وينكم بنات وين يومياتكم

ام براك ام وليد حراير كلي رقه وباقي البنات ​

 

[طريق السعاده]

رومي
اهلا و سهلا فيك، نورتينا :d

من جد ... طولك 120؟؟؟ اذا طولك 120، انتي كم عمرك؟

امين ... مشكورة على الدعوة

سأكون يوما
انتي من اي بلد؟ لانك تقولين عندنا مطر ... اشتغل الفضول عندي :d

طريق السعادة
انا ما احب الاجواء الممطرة، الظاهر انتي عكس
ي

:eh_s(10): غريبه من جدك احد مايحب الاجواء الممطره :eh_s(10):
والله اني اعشقها واعشقها واعشقها هههههه :rerrerek: تحمسسست :krkrkr:
جددد لان خاطري اطلع فيها وهالايام اختبر واحب اطلع اشم ريحه المطر :hjy5jewf::yaaaaaarb:
احس تتحسن نفسيتي مررره وارجع متحمسه اركز ومفتوحه نفسي هع:eh_s(7)::eh_s(17):

 

[طريق السعاده]

اي واحب اشكرك ع النظام الي عطيتيني ههههه لان في اشياء كنت مب عارفتها صراحه وقلت مب لازم زي الحبوب وكذا يعني ماكنت اعرف وش بضبط
ووو انا احس مرتاحه مع هالدايت لان ماحس بالجوع وكمان اكل وضميري مرتاح

يارب يفرحني ويفرحكم بالوزن الي نبي بصحه وعافيه ولايضيع تعبي ولا تعبكم يابنات

 

[دبه موت]

توته الحلوه والاموره بعد هههه:eh_s(7):
والله تستاهلين كل خير على طيبتك يالله يرزقك ربي بالوظيفه عاجلا غير اجلا
انتي اصلن تجننين اكوس وحده بالعالم مافي مثلش:rerrerek:


يومياتي اليوم
الفطور
شرحتين توست بر+وزيتون اسود+ملعقة لبنه
الغداء
شريحتين لحم مشويه+وسلطه ملفوف وخيار مع زبادي خالي الدسم
المغرب
بيالتين شاي وبياله شاي بلحليب
العشاء
حبتين شابوره بر+كوب حليب بسكر دايت
الرياضه
ساعه بنادي​

 

[الحراير]

مرحبا

فديت من فقدني سأكون وعساج ماتفقدين غالي
وصايره ادخل متأخر بس وربي انتوا عالبال فديتكم
يومي لليوم فطوري بيض وطماط مع خبز اسمرخفيف وشاي

وعالمغرب شاي وقهوه وكيكه

وعشاي مشويات وباجر صايمه ايام البيض

 

[كلي رقة]

ساكون يوما فديتج حبيبتي:eh_s(17):
انا قررت من اليوم لنهاية الاسبوع ابتعد عن الرجيم والتخفيف
برجع اكل عادي وببتدي من بداية السنه الجديدة
مادري ليش احس فيني كسل ومالي خلق اسوي ريجيم ويمكن ياس مادري:bbbiu:
بس ان شااء الله راح ابتدي بداية قويه من بدايه السنة وراح اختار ريجيم صحي
بس لاتحاتون راح اكون متواصله معاااااكم :eh_s(7):
شدووو حيلكم ياحلوااااات
​

 

[تووته البسكوته]

هاي ياحلوات شلووونكم
ماشالله عليكم اوزانكم حلوه بالنسبه لي وكل مادش هالتجمع اتشجع اكثر

انا مشكلتي ماشيه ع نظام الحياه ماعندي شي اسمه رجيم احب اخفف اكلي برووحي ماحب التزم لوووووول
وانشالله اوصل للوزن اللى ابيه

تريقت شابوره ولبنه وامس خبصت الدنيا ماودي اقول شنو كليت من الفشله هههههه
الله كريم

 

[توووووتة الحلوة]

السلام عليكم يا حلوات

ياااااه يا قلبي ... يا انا احبكم واااااااااااايد امممممممممممواه :eh_s(22):

رومي
قلبو اصلوا ... عورني قلبي لما قريت الرقم ، انا طولي 160 و صديقاتي ايام الثنوي كانوا يقولون لي اني قصيرة ... عقدة عندي طولي انا دايم البس كعب لما اطلع من البيت لا يقل عن 10 سم حتى لو رايحه مول او مستوصف ... ياااه بعدك صغنونة انا عمري 29

صعب انساك
و عليكم السلام

ايه حبيبتي ... احسن ما تسوين اتركي الدايت عنك ايام الاختبارات، خصوصا انك على وجه تخرج ... و حلوة كثير فكرة النادي بعد الاختبارات :rerrerek: لكن بليييييز ابي اشوفك بعد الاختبارات ... احب طلاتك ..
الله يوفقك و يسهل عليك يااااااارب ... لاااااااااااا ان شاء الله ما تصير عاطلة و تتوظفين احسن وظيفه يااااااااااارب. انا لي سنين و انا اعاني من البطالة، اصلا اكثر شي مضيق صدري في حياتي هو هالموضوع ... نفسيتي تعبت كثييييييير و نفسي اشوف كل البنات يتوظفون و لا يمرون بمثل تجربتي

فطومة
و عليكم السلام فطومتي قريت موضوعك و اعجبتني شخصيتك كثير و كان ودي احط تعليقك عليه لكن دامك جيتي هنا ماراح اتعاني للموضوع >> وحده كسولة بعيد عنك

اراتك قووووووووووية :ggdw: الله يبارك لك
اعجبتيني كثييييير :eh_s(15): اكيد ممكن تدشين معانا ... اهلا و سهلا فيك ، و لي الشرف بعد
نظامنا كل وحد ما شيه على النظام اللي تحبه ... الوزن نقيسه كل عشر ايام، موعد الميزان القادم راح يكون في 29/12 ان شاء الله ... و اللي تخسر اكثر ... راح تكون رشيقة الاسبوع
بصراحة طولك ووزنك حلو لو توصلين لل 64 راح يكون حلوووو لكن انا اشجعك على 58 :ggdw: احسن شي :eh_s(15): الله يوفقك

سهام الهاشمي
يومك جدا رائع من ناحية الاكل و الرياضة :rerrerek: حتى لو اكلتي شكولاته بس مو كل يوم بس مرتين بالاسبوع :rerrerek: لو استمريتي على هالحال صدقيني راح توصلين لهدفك :eh_s(15):

سأكون يوما
و عليكم السلام ورحمة الله و بركاته
العفو قلبو :eh_s(17): يومك رائع كالعادة ، الله يبارك لك

بنات احذروا من هالمستخدم "سأكون يوما" شكلها راح تصير رشيقة الاسبوع للمرة الثانية على التوالي ... منافسة قوية و شرسة

طريق السعادة
انا لو اعيش في لندن راح يجيني اكتئاب حاد اتوقع ... انا ما احب الاجواء الممطرة و الغيم، احب الصيف و الشمس ... اموت في الشمس و الصيف ,,, و ما احب الشتاء اطلاقا و لا البرد
ههههههههه لاحظت من الحماس انفعلتي :krkrkr:
العفو يا حبيتي ، ايه هاي الميزة المميزة في ريجيم نوع الجسم ... كولي مثل ما تبين بدون ما يحس الواحد بتأنيب الضمير و فوق كل هذا الوزن ينقص و المقاسات تختلف كثيييييييير

دبة موت
اثتحي اثتحي :eh_s(22): مثكولة على كلامث الحلو
امين ياااااااااارب، الله يجزاك خير

يومك رائع كالعادة و الاحلى الساعة اللي بنادي، تعجبيني :rerrerek: هذي هي العزيمة و الا فلا

الحراير
مرحبتين حبيبتي :eh_s(17): حتى انا فقدتج، لكن انا من النوع اللي ما اتكلم ... انبسط لما اشوف ردودتك و مشاركاتك ... طمنتيني ... دام احنا على بالج يومك حلو كثير لكن الاحظ .. ما فيه رياضة ... ترى الرياضة مهمة للصحة و لتناسق الجسم :rerrerek:
الله يتقبل صيامك

باك مع باقي ردودكم ...

 

[توووووتة الحلوة]

كلي رقة
قلت لك لا تشدين على روحج، هالشي راح يأثر على صحتك و عزيمتك. المهم حلو انك راح تتركينه كم يوم ... علشان تتجدد عزيمتك ... الله يوفقك وين ما كنتي
و انا فرررررررحت كثييييير انك راح تواصلين معانا :ggdw:

توته البسكوته
احنا بخير عساك بخير ... انتي وينك يا بنية ... تحبين تزورقين ... تقطين رد و بعدين نقعد ايام ما نشوفك ... ترى راح اعصب :eh_s(14): هههههههه امزح معك .. و بدون مجاملة احلا شي اللي انتي قاعدة تسوينه .. حاطة الدايت نظام حياة :rerrerek: تعالي عندنا خلي البنات و انا نستفيد من خبرتك ... ريوقج حلو وصحي :rerrerek: لكن ما قلتي ايش اخبار الرياضة معاك؟

ام وليد
لك وحشه ... لكن انا اعرف ظروفك و مقدرة

ام براك
و بعدين معاك؟ اين انتي يا فتاة ...

بنتو
و ينك وحشتيني كثييييييير يا بنية

 

[سهام الهاشمي]

مرحباااب بنات
كيفكم
اليوم
الفطور
1 بيض مسلوق+ شاي اخضر+ ماي مع عسل وليمون
الغده
مشويات+ صحن سلطه
العشاء
فواكه+ كاسة لبن قليل الدسم

 

[FatoOoMa_<3]

توووتة الحلوة

مشكوووووووره حبيبتيييي ما قصرتيي
و الله شجعتييني و انشالله راح ابدي ويااكم من باجر باذن الله
و كثر ما اقدر راح اتواصل وياكم يوميا و كل ما اعرف معلومة تفيدنا راح اكتبهااا لكم
و الله يوفق الجمييع و انشالله كل وحده ب هل المنتدى الحلو توووصل لهدفهاااا و تفتخر بنفسهاااا

Keeeeeep going *

 

[سأكون يوما ما أريد]

السلام عليكم

ههههههه يا ليت توته اخذ اللقب

يومياتي:

الريوق : 2 شريحه توست + ملعقه لبنه

الغدا : 8 ملاعق رز+ نص صدر دجاج+ سلطه

السناك: قطعه بسبوسه

العشا : سلطه + 2 سيخ كباب + 4 شيش طاوق + حبه عرايس

حاسه ثقلت بالعشا

الرياضه نص ساعه

توته كم تقيميني ؟​

 

[سأكون يوما ما أريد]

توووته الحلوه انتي ليش ما تكتبين يومياتج؟:bbbiu:

​

 

[إم بــــرٍآك]

السلام عليكم

اخباركم بنات

توته ايام البلعه الصراحه ماتذكر كم كان وزني لاني توني والده والجسم مايستعيد وزنه الطبيعي الابعد 6 شهور من الولاده

امس وزنت بس مابكتبه الحين ابي اتاكد لموعد الميزان احسن اخاف الميزان غلطان هع
ساكون سالت عنج العافيه حبيبتي امس ماقدرت ادخل المنتدى اكتب يومياتي عيوني كانت تعورني وايد


فطوري

بيضه بالجبن وشاي

الغدى سلطه فتوش وبرياني ملعقتين وشوربة دجاج

مااكلت شيء بين الوجبات

العشاء
باستا وسنكرز صغير

مشيت العصر بالسوق يعني ساعه ونص مشي تقريبا

والحمدالله

 

[الحراير]

مرحبا يارشيقات

توته ماعندي وقت العب رياضه والبرد مالج خلق تتحركين
بالنسبه لي كنت ماشيه صح لاني صايمه بعدين خربطت عالعشا ومن بعد العشا بدأ التخربط
بس حاليا قاعد احرق الاكل بشاي رويال

ومابقي شي واتركم بس راح ادخل اذا فضيت وبتابعكم فديتكم

 

[FatoOoMa_<3]

صبااح الخير بناات

بسم الله الرحمن الرحيم


فوااااائد الشوووفاااااااان :
إذا كان من الممكن ان تختار غذاء مركب من كربوهيدرات نشوية من أجل تقليل الدهون ، فيكون الشوفان هو الغذاء المناسب . فهو من الكربوهيدرات التى تمثل 100 % من الأغذية الذي يستخدمها الرياضيين و المهتمين بجمال أجسادهم ، ويستخدمونهم يوميا . لماذا الشوفان من الأغذية الممتازة ، لأنه من الكربوهيدارت الممتازة المتوازنة بين الكربوهيدارت ، البروتين ، الدهون الجيدة .فنجان من الشوفان يحتوي على 3 جرامات من الدهون ،27 جرام من الكربوهيدرات و 5 جرامات من البروتين .رقم سكر المنخفض. يحتوي على خليط من البروتينات والدهون التى تجعل الكربوهيدرات بطئية في الشوفان .تأكد أنك تختار الشوفان الطبيعى الخالي من المحليات أو المحتوي على المحسنات .


بناات حطو الشوفان ضمن وجباتكم اليومية هذي بس نبذة بسيييطة عن فواااااائد الشووفان الي ما تخلص

انا عن نفسي اكلة عالريوق مع الكورن فليكس ( كورن فليكس فتنس + حليب قلييل الدسم + قفشتين كباار شوفان ) لذييييذ و مفييييد


بس بناات لا تشترون اي ماركة

والله نصييحة اشترو كل اغراضكم من ( ارض الطبيعه ) ماركة ارض الطبيعه
عندهم كلللل شي كلل شي ! و كلللله صحي
تره باجي المنتجات اكثرهم مضرررررر ه

بالتوفييق بنااات

 

[توووووتة الحلوة]

صباح الخير بنوتات

اليوم داخله بدري علشان فطومه شجعتني :ggdw:

سهام الهاشمي
يومك حلو يعتبر، لكن ما كتبتي ايش كثر اكلتي مشويات على الغدا و لا ايش كثر اكلتي فاكهه على العشا

فطومتي
العفو ... ترى انا حبيتج و ارتحت لج وايد :eh_s(22): انتي تقولين اني انا شجعتك و انا اقول انك انتي اللي شجعتيني :ggdw: روحك و ايجابيتك و تفاعلك :eh_s(15): امين

سأكون يوما
و عليكم السلام ... يومك تبين الصراحة حلو :rerrerek: لكن العشا ثقلتي حبتين :eh_s(10): لكن مو مشكلة الكتور اوز يقول الغش احيانا يكون مفيد ... علشان يرفع معدل الايض بالجسم ... و اللي يعجبني فيك انو ما تقطعين الرياضة ابدااااااااا :ggdw: الله يبارك لك

اما بخصوص يومياتي و ليش ما اكتبها فمعاك حق انك تسأليني ... راح اقولك السبب انا لما ادخل الموضوع اقعد من نص ساعة الا ساعة تقريبا اقرأ ردود البنات و ارد عليهم ... و في اخر رد اكون موصلة حدي من كثر الوقت اللي قعدته و التركيز ... فيصير بهالوقت ابي ارتاح و مالي خلق اكتب شي ثاني

اذا ودك تمسكين ادراة الموضوع عني و كل يوم تقرين ردود البنات و تردين عليهم وحده وحده ... ابشري من عيوني ... كل يوم راح ادخل و اكتب يومياتي

ام براك
و عليكم السلام

اخيرررررررررررررررا شفناك يا قميلة :eh_s(17):
ما شاء الله ... يومك تمام التمام :ggdw: الله يبارك لك، مبين الارادة ردت لج. صرتي تشكلين خطر على باقي المشتركات بالقروب و يمكن تاخذين اللقب ... من يدري يا عزيزتي ؟

الحراير
مرحبا :eh_s(17): ايه عارفة انو ما بقى شي و تتركين التجمع ... من اول ما اشتركتي بالتجمع و انتي تقولين راح اتركه على اخر السنة ... المهم احنا كثير كنا سعداء بمشاركتك لنا و الله يوفقك وين ما كنتي

بالنسبة ليومك ... مو مشكلة اعتبريه كان يوم مفتوح ...

فطومتي
صباحو ... شكرا كثيرررررر على المعلومات فيما يخص الشوفان ... انا احب شوربة الشوفان ... استخدم هذا الشوفان اللي كل الناس تعرفه

 

[كلي رقة]

صباااااح الخيييييييييييييييييييييييييييييييييييييييييييير

مثل ماقلتلكم تركت الريجيم فترة
بس مع جذي بقووولكم يومياااتي
الريوق كان عصير برتقال فرش وسندويشتين وحدة مشكل ووحدة بيض
الضحي كليت ماكنتوش بس ماذكر جم حبة بس كثرت
الغدا ماتغديت
علي الساعة 7 كليت مكسرات مادري شكثر ماعديت وشربت جاي متروس شكر:eh_s(22):
العشا ماتعشيت
وبس:eh_s(17):

 

[دبه موت]

يسعد مساكم ياحلووووين
ماقدرت ادخل البارح لانه طالعه مع بعض الناس

يومياتي امس
الفطور
شريحتين توست بر+زيتون اخضر واسود
الغداء
شريحتين توست +شريحة برغر لحم+جبنه
العشاء
كنت طالعه مطعم
كلت نص حبه ورق عنب
شوربة الفطر كم ملعقه
اكلت كبه ثنتين
كباب دجاج وحده كامله بس
وكم حبة بطاطس تقريبا 3 حبات
والحمدلله على النعمه احس خبصت بس بعوض بالايام الجايه ان شاء الله اشد اكثر على نفسي
الرياضه
ساعه بنادي
واليوم وبكره اوف عندي ودي اسوي رياضه اليوم في البيت​

 

[تووته البسكوته]

هاي بنات
تووته انا مشكلتي الرياضه مالالعب ..واذا لعبت حدي يومين مالي خلق وماعندي وقت
انا بس لو اتحرك جان صج نزلت ..القعده تمتن لوووول
الله كريم
ريوقي توست امريكانا اسمر ....
امس الغدا كان مخلوط مع العشا سلطه من جيليز وبعدها شويه خبز رقاق مع قيمر وعسل بدعت صح ههههه
وانا ادش ايام الدوامات لاني اشبك بالدوام لوووول فبالويك اند تلاقيني ما ادش خخخخخ