آنا المشروبات الغازية كلها ماحبها وفي أشياء تميت سنين ما أشربها
بس من حملت استخفيت عليهم و ريلي ماكان يخليني أشرب على كيفي عشان جذي السنتين اللي طافوا كنت أشرب من فترة لي فترة
بس هم عادي شهرين ثلاثة ما أقرب يمهم أو أشرب قبل الدورة ببس
لله دري حبيبتي تقبل الله طاعتج وعليج بالعافية
عاد تصدقين أتوقع نزل وزني من شغل البيت أكثر من التخفيف
بصراحة هذا مو تخفيف آنا من بديت وآنا آكل أكثر من قبل ههههه بس أحس إني صج أكون يوعانة من الحوسة في البيت
أشوة يا معودة بنرد نداوم يرجع ينتظم الأكل
والسفن ما أشجعج عليه بس ترى هم أهون شوي من غيره من المشروبات الغازية عالأقل ما فيه ألوان
بس نصيحة ابتعدي عن الدايت خلج عالعادي إذا بخاطرج لأنه الدايت فيه اسبارتيم
وحاولي كثر ما تقدرين تخلين بدائل متوفرة عندج بكل وقت وتحبينها إذا ودج تقطعين المشروبات الغازية
