تحدي لمدة 30 يوم – متجدد

[لله دري]

علييييج بالعاااااافيه ياحلوووه

ماشاءالله حبيبتي مبررررروك الكيلوووو عقبال الخمسينات يااااارب 

يووومي ماكان عاجبني بس لمن حسبت السعرات استانست

كان ريوووقي كالعاده
شريحتين توست اسمر
قفشة لبنه
رشة زعتر بدون زيت
شرايح طماط
كوب حليب
قليل الدسم مع نص قفشه اكل نسكويك

والضحى كيكة من هيلث كومباني
ماكليتها كلها وسعراتها قليله اللي كليته مو اكثر من 100 سعره

الغدا لاني طالعه كليت من سب واي صمونه سمره بالخضار مع جبن لايت وصلصه لايت وعصير اناناس ومعاهم ليز

وان شاءالله العشا بسس روب 

ولعبت عالقاري نص ساعه والحمدددلله

 

[((shoOoshoOo))]

مساااااء الخير احلى تجمع


وحشتوووووني بسكووووته ولله دري^_^

ومنورين باجي البنـــاتـ


اللوعه الحمدلله بدت تخف

واكلي مادري شلون صاير ! مره غداي بطاط فيكوو وعصير وميني توكس والعشا * شاورما ^_^

اليووووم

تغديت هارديز امبيييه من زمان عنه

كليت ساندويج بيج فليه مع شوي شبس كرسبي حسيت ان البيبي مشتهي ياكلله لووووول


وبس

العشا شكله محاشي

بس جم مفروووض حبه ملفوووف ؟! 6 او 5 ^_+

 

[((shoOoshoOo))]

مبروووووووك النزووووول بسكوته وو نيوب ^_^

 

[لله دري]

صبااااااحكم ورد ياوروود

اهلييييين هلا ب شووووشووو
واحنا مور مور واللهي
الحمدلله يلا ماعليه بداية الحمل لازم الخرابيط والاكل مادري شلون يصير
كلها فتررة ويررد طبيعي ان شاءالله :$

6 حبااات ولا يهمج
وبالعاااافيه عليج حبيبتي 

/

خل يبلش يومي عدل وارد اكتب :$$

 

[NaYoob]

بنات حبايبي سوري مو قاعده ارد ولا اتواجد بالمنتدى عشان امتحاناتي وباحر اخر امتحان دعواتكم

 

[((shoOoshoOo))]

نيوووب

موفقه حبيبتي


لله دري

كليت للامانه 5 ملفوف مع صحن صغير مقلوبهـ ^_^



واليووووم

اول ماقعدت

روب نص دسم

وعقبها * استكانه جاي زعتر

وعقبها حلاوه استربسلز نعناعـ

 

[لله دري]

عدنااا

نيوووب حبيبتي شدي حيلج
عسى الله يوفقج يارب وتجيبين معدل زين 

اول ماقمت اكتيفيا لايت + جاي اخضر

ريوقي

خبزه سمرا خفيفه
قفشه جبنة شيدر
قطعه باذنجان طازجه صغيرره
و4 حبات زيتون اخضر
نص كوب عصير برتقال مراعي

شربت جاي اخضر

والضحى اكتيفيا فراوله 88 كالوري

وغداي

7 قفاش عيش مشخول
وبحدود 5 قطع صغار حيل ربيان مع جم قفشه من مرقتها

وشربت جاي اخضر

 

[لله دري]

شوووشووو
برررافو حلووووو عليج بألف عافييه 

 

[لله دري]

صباح الخير

وينكم بنااات صخه
عسى خير ان شاءالله

من ساعه ونص تقريبا تريقت

بيضه مسلوقه
سلايس لايت
توست اسمر شريحتين
وجاي حليب مع قفشة سكر صغيره

وشربت جاي اخضر توني
والحين بدرس امتحاني دعواتكم

 

[لله دري]

باااك

مع الغدا

كان ربيان مشوي مع خضار وعيش
من هيلث كومباني 404 سعره حراريه
و عصير اناناس


اممممم العشا مادري اتوقع كالعاده ماتعشا وانام d:

 

[بـ سـ كـ وتـ ة]

عليكم بالعافية بنوتات

شوشو ولكم باك ... من طول الغيبات ياب الغنايم

اشيايبتلنا معاج؟ هههه

لي عودة الصبح ان شالله مع يومياتي

أحبكم في الله

 

[لله دري]

بسكوته

اخيرا
فقدتج بعد من غيرر شر
واحناا كذلك نحبج ف الله يالغاليه♡♡


يومي اليوم الحمدلله زين

ريوقي
كان قطعتين ككاو صغير مع جاي اخضر

غداي وسناكي من هيلث كومباني
كان ساندويج شيش طاووق مع بطاط مشوي وسلطة ملفوف
وعصير كيوي
وسناكي تيراميسو
سعراتي 692.51 مع قطعتين ككاو مادري جم نقول 900

يبقا 200 يمكن سلطه امريكانا مع روب -.-
مع ان ادري اقل الككاو بس احتياط :$


وابشرررركم لوول بعد عناااء نزلت كيلوو الحمدلله يارب 67 ضبط
عقبالكم حبايب البي :*

 

[modern]

ماشالله كم يوم باقييلك ؟

 

[NaYoob]

صباح الخير واخيرا خلصة امتحانات

وطول الوقت نايمه فيني فقر نوووم اعوض لانا باجر دوامي يبدي

المهم امس خربطت بالاكل الزواره علينا و الحلو كان علي سويت كيكة الليمون بالشعر بنات

وكيكة الكت كات وفراولة بالجوكلت ههههههههه وقهوة وشاي والعشا مشاوي والغدا كان بيتزا اكسبرس ههههههه وبس

 

[Blonde B]

عاااشوووو لاااا يوقف

 

[لله دري]

مساااء الخير

شلونكم ياحلوين
ومبررررروك نيوب عقبال النتيجه الحلوه
عادي عادي هم انا امس بدعت 
كان يومي حلو بس خربتها آخر الليل طلبت انا واخوي بيتزاهت
ماكنت ابي بس مصر يبي احد معاه والبيت فاضي
جريمه حدده وكليت بس بيتزا حبتين وسط وبطاط وشوية مقبلات
وطبعااا بعدها تكرمووون رجعت كل اللي كليته ماتحملت معدتي الصغيره > خير ان شاءالله لوول بس وناسه

وشسمه اليوم حلو
تغديت حبة توست اسمر
و 1 برجر دجاج مشوي
وخس وقفشة وحده ماسترد معاه مايونيز مخلوط
وقفشه ثانيه باربكيو صوص

وشربت دارسين وجاي اخضر

وعشاي
توا كيويه وحده وروب اكتيفيا لايت
والحمدلله

واوبتراك 20 دقيقه
وان شاءالله ننضبط 

 

[بـ سـ كـ وتـ ة]

ماشالله كم يوم باقييلك ؟

حياج الله حبيبتي

المفروض إن خلصت هههه

الحمدلله طلعت منه بنتيجة لا باس فيها نقصت كيلو تقريبا

حياج الله إذا حابة تشاركين لأن احنا مستمرين

 

[بـ سـ كـ وتـ ة]

عاااشوووو لاااا يوقف

عاشت أيامج بعد عمري

عسى الله يفرح قلبج بالحمل السليم المعافى يا رب

 

[بـ سـ كـ وتـ ة]

عليكم بالعافية ان شالله

سامحوني مو قاعدة أدش كل شي ملخبط ما في نظام هههه

طالع لي جيس دهن الحمدلله على كل حال بس ودي أعالجه بدون عملية لأنه كبير ومكانه مو شي خايفة يترك أثر

من الخوف مثل الشاطرة قاعدة أشرب ماي وليمون وبحاول اليوم أخليه خضار وفواكه جود يتنقى الجسم من السموم ويروح

 

[بـ سـ كـ وتـ ة]

لله دري الله يبارك فيج ... الحمدلله كيلو حلو

لما تطلبين من سب واي صمونة بالخضار شنو الخضار اللي تطلبينها؟ ملقوفة أدري بس أحس الصمونة تشوق ... عبير تبي تقلدج

لا وشوقتيني عالربيان بعد عليج بالعافية ... موجود بالفريزر ينطرني أسويه هههه

ألف مبروك النزول ... شعور لذيذ (مافي فايدة البطة بطة حتى بالمدح تستخدم مصطلحات البلعة)

زين سويتي آنا مثلج كله آخذ أسوء الاحتمالات يعني التفاحة 100 كالوري أقول لا احتياط بحسبها 150 خخخ

عاد وناسة حلو شعور إن معدتج تصير ما اتقبل الأكل الثقيل ... الحين تقدرين تقولين معدتي الصغيرة لا تتحمل ههههه

بسئلج بعد سؤال ثاني ... ياكثر أسئلتي اليوم

الأوربتراك ما يعور الركب؟ طان عندي الغزال الطائر وعور ركبي جان أوزعه ههه

موفقة يا رب بامتحاناتج