حوامل سمينات

[حياة ريلي]

امس فطوري كان 6حبات قبوط ماخذته من هيلث سناك الحبه فيها 14 كالوري بس و لذيييييذ اييج مثلج و بس تقطينه بالمرق. طبخته مع مرق الدياي مالي بدون قطرة دهن مع بيديانه و حبة كوسا و اكلته بالقفشه كان لذيذ يهبل
و كوب سلطه خضرا و قلاص عصير ليمون مع سبلندا
سناك 1 : شريجتين اناناس
سناك 2 : بيضتين مفيوحات
سحوري : حبتين تورتييا لو كارب (الوحده 50 سعره) مع كرات الدجاج اسويهم بالبيت اطحن صدور دياي صافي مع بصل و شوية بقدونس قليل و بهارات و اكورهم و اثلجهم. المهم سويتلي خمس حبات صغار كبر اللقيمات بالفرن و حطيتهم داخل التورتييا و ترستها خس و طماط و فليفله و فلفل حار و قفشة دقوس تايلندي و سويت صلصة روب و ثوم و ليمون و سماق و حطيت فوقهم طلعت عجييييبه اكلت لفتين تورتييا فيهم حوالي 280 سعره و 30 جم بروتين

 

[حياة ريلي]

امبيه طولت وايد بس لاني اخاف اقول تورتييا دياي الناس عبالهم مثل الفاهيتا مقلي و ناقع دهن و يردون وين الرجيم !!!!! قبوط و تورتييا . ههههههههه
وانا اكلي كله تحت الالف سعره

 

[Aloe Vera]

ماشاء الله شكلها اكلاتج شهية و صحية
انا ابي قبوط حق النفاس باللحم المفروم قلت بسوي بالطحين الاسمر و اثلج



ولا برايج اطلب من هيلثي سناك؟؟؟


احب اسويه مع مرق خضرا

 

[حياة ريلي]

مال هيلثي سناك بدون لحم بس اعتقد فيه حسو وايد حار و لذيييذ
بس الطحين الاسمر فوايده مو وايد احسنلج بالحبوب الكامله مال هيلث سناك بدون طحين ابيض او اسمر
ياخذون بذر الكتان و الشوفان و الشعير و هالسوالف مع قشرتهم و يسوون منهم العجينه

 

[حياة ريلي]

اخذي منهم و قطي بمرق الدياي او اللحم افيد و تعرفين الكالوريز عدل . و هم سويلج شوية باللحم اذا تحبين
انا ولاداتي قيصريه فما اكل هالسوالف و اخاف امتن. بس منجاتهم راح تساعدني احارب الامساك اللي بعد العمليه

 

[Aloe Vera]

شكلي بطلب منهم عيل تجربة

وهم اسويلي بالطحين الكامل ادري ماله وايد فوايد بس لان احبه باللحم المفروم و افضل المرقة تصير بالخضرا
انا مو وايد احب اللحم و الدياي بالمرق

 

[حياة ريلي]

بنات منو تعرف شلون ننزل صور من السامسونج هني

 

[حياة ريلي]

سويه بمرق الخضره و اشويلج دياي يمه

 

[حياة ريلي]

انا عويه بالاسدام ما اكل الا صدور و لازم شايلين الجلد من قبل الطبخ و فايحين الدياي و كاتين مايه بعدين يسوونلي اياه مرق او احطه بجيس بالفرن
و اللحم ما اكل الا عجل صافي مااكل غنم و حا اكل اي بروسيسد ميتس مثل سوسج و تركي و مرتاديلا و هالخرابيط ابد ولا تدش بيتنا.
و اللحم المفروم اخذ قطع عجل صافي و افرمه بالبيت.

 

[حياة ريلي]

اليوم فطوري كان صدر دياي بالفرن و بروكلي و كوسا عالبخار و سلطه و ثلاث قلاصات ماي و ثلاث تمرات
سناكي بيكون نص كويست بار و سناكي الثاني احتمال موزه او بقصم هيلثي سناك مع شاي

 

[حياة ريلي]

وين حلاتي و تبطي عظم ماكو الا انا وانت الوفيرا .. الحبايب شكلهم منحاشين من الزف

 

[Aloe Vera]

انا بعد ماحب اي نوع من اللحوم الباردة البروسيسد استغفر الله ماحب ريحتهم بس زوجي الله يهديه يحب المورتاديلا و بناتي ساعات ياكلون معاه بس شي بسيط مو وايد و مو دايماً نشتري

و انا مشكلتي مو وايد اتقبل اللحوم و انا شبه فيجيتاريان اكل خضار و بقوليات اكثر من اللحوم
و اهم شي تحاليلي زينة الحمدلله و الحديد في دمي زين


على طاري اللحم المفروم
انا ودي اشتري فرامة لحم لان ماعندي و توني استقر في بيت و اكون مسئولة عن طباخ

اهي ظرورية؟

مو كفاية اخذ لحم مفروم من اللحامين ؟؟

 

[Aloe Vera]

تبطي عظم امس دخلت المستشفى ياها طلق مبكر و طلعت بعد ماخذت ادوية و ابر الله يتمم عليها و توصل التاسع و تولد بالسلامة و يوصل البيبي بصحة و عافية

 

[حياة ريلي]

اف اف ما تشوف شر ما دريت والله
تبطي عظم الله يثبت البيبي لين اخر التاسع
الوفيرا بخصوص اللحم على راحتج بس انا اشوف الفرامه مهمه .. متى ما بغيت اسوي بيرجرز بالبيت او كرات لحم او دياي او بيرجر تيركي او حتى كبه لازم فرامة لحم.
وبالنسبه حق نوعية اللحم القصاب دايما يحطون مع اللحم المفروم شوية فات و انا احبه صافي 100% ريلي ياخذلي فخذ عجل و يقصصونه لي ستيكات و قطع حق مرق او مجبوس و هالسوالف و لما اييبونه هم ارد انا اصفيه عدل من اي شحم لازق فيه.
بالتالي انا متاكده من الكواليتي مال اللحم اللي اكله.
و اذا على الريل ريلي يوم اخذته ياكل هالخرابيط بس انا لوعت جبده منهم و هو يحاسب على صحته و رشاقته فبطل. و اذا شاف ساعات يشتهي بس انا ما اخليه اقوله لا مو زين لا تاكله يمسك نفسه.
و قايلتله خرابيط ما تدش بيتي. لا حلاو و لا بيبسي و لا عصاير قواطي و لا معلبات الا اللي ماله بديل لا فرش ولا مجمد ولا بروسيسد ميتس.
طبعا كاكاو و بسكوت و ايس كريم اوكي لان مو وايد فيه مواد حافضة و الوان و مواد كيميائيه كثر الحلويات و هالخرابيط من جلي و كاندي

 

[Aloe Vera]

لا عيل انتي ماشالله ستركت اكثر مني من ناحية الاكل انا ودي كل اكل بيتنا هول فودز




انا قطعت شوط مع ريلي الحمدلله بس ليلحين البيت فيه شوي خرابيط يعني مثلاً يرجع البيت معاه وايد كاكاو اقوله ليش قطعتين كافي ياكلونهم البنات الحين و خلاص بس جذي قاعد يزيد و يقعدون ياكلون كل شوي
و من القرقيعان لاعت جبدي من كثر ما القط بالحلاو و اخشه
كليوم القى شي يديد و اليوم بعد الزوارة ماقصرو ردينا معانا ٣ جياس حلاو
انا قاعدة اخش الحلاو من غير ما بناتي يدرون و بعد رمضان بعطيه حق ناس انا ماحب القرقيعان و لا احتفل فيه

 

[Aloe Vera]

صج بسئلج انا وايد احب الفول مال ماركة حدائق امريكانا
و كل ما اشتريه احس بتانيب الضمير مادري زين و لا لأ؟

 

[حياة ريلي]

هههههههه ضحكتيني على سالفة هول فودز يوم دخلته بامريكا عجعجت فيه كل يوم اروحله ههههه
اليوم سناكي الاول كان موزه
و سناكي الثاني حبة بيتزا من هيلثي سناك فيها 85 سعره
و سحوري كان شعير مطبوخ بحليب خالي الدسم و دارسين و نص موزه و فوقهم قفشة شرايح لوز محمص فيه حوالي 308 سعرات

 

[Aloe Vera]

هذا الشعير بالحليب اهو نفسه التلبينه؟
واي اموت عالتلبينه منزمان ماكليتها
ودي اكلها مع موزة و اصب عليها maple syrup يميييي

 

[حياة ريلي]

عفوا مو شعير اقصد الجاودار اللي هو rye flakes
في بلولو ميبل سيروب بس مال رجيم شوغار فري محلى بمحليات صناعيه بس ما افضله للحامل تصير القفشه فيها خمسة او عشرة سعرات

 

[حياة ريلي]

اليوم الفطور عند الحموله الله يستر