رابطة "دودات الكتب " .. حياكم

[Anastasia]

منوو يااب طاري هاري بوتر !!! هااا؟
.
وااي فديته اينن .. احبه والله شحلااااته .. قريته من الجزء الاول (شريته من المطار) قبل خمس سنين .. وتوة العام نزل الجزء السابع والاخير ..قريته بالانقلش لاني ماقدرت انطر نهضة مصر علما يترجمونه ..ذكريااات .. صاجة ناتشوو الاجزاء الاولى واييد احلى .. بس من الجزء الثالث الرواية اتخذت منحنى آخر .. الابطال كبرو .. وكل واحد يدور شريك حياته لووول ..
.
بالنسبة للطقوس .. لازم اقرا بروحي .. ويكون الوقت يا الصبح الصبح يعني ويه الفير .. ولا بالليل المدلهم .. ماكو حل وسط ههههه..
.
بس .. :d ..

 

[Anastasia]

قوة AGAIN

فيه رواية قريتها لكاتب عربي اسمه عبدالوهاب آل مرعي , الصراحة ماكنت اعرفه , واصلا اهو اول عربي اقراله , اللش شجعني اني اقرى لكاتب عربي وخاصه انه مو معروف ( على الاقل بالنسبة لي ) اهو عنوان روايته , شدني اسمها ....



"اليهودي و الفتاه العربية ..قصة الحب الخالدة"

شلون يعني يهودي بيحب وحدة عربيه ؟ لا وحب خالد بعد ! عشان ألقى رد لهالاستفسارات قمت علطول يريتها من الرف وحاسبت فلوسها من غير تفكير

القصة وااو وااو واااو , اللي قرت the alchemist راح تعجبها هذي وايد , مو لانها نفس الطقه لاا , بس فيها مغامرات وفيها ثقافه وحكم وقيم والله والله ما اجذب لما اقول ان الكاتب تحجى عن الرسول (ص) احسن من مناهجنا الاسلامية بالمدارس .
انصحكم وبشدة تقرونها اذا انتوا الحين مو مشغولين بكتاب ثاني , الرواية اذكر متينه وايد مادري جم صفحة لان الكتاب مو عندي الحين بس والله انها تسوى تقرين كل حرف بكل صفحة فيها !

.
كاميليا قريتها اليهودي والفتاة العربية ..
.
صاجة عنوانها يشد .. واسلوب الكاتب قوي وبليغ .. واستاانست اول شي على البنية يوم قامت تعيش بالصحرا وسط الحيوانات وقامت تبنيي حق روحها بيت وتربي غزال والخ الخ الخ .. >>احب سوالف روبنسون كروزر ..
.
غير جذي اسلامي .. بس اسلاميته حللللوة .. ومثل ماقلتي وصفه حق الرسول حلووو .. وطريقة وعظه روعه ..
.
بس عقب لااعت جبدي يوم يسلم اليهودي.. يعني معقوولة اليهودي جك بووم اسلم وطاح عند ريولها .. احس الرواية وعظية محشية حشووو بالوعظ .. وسياسية .. مادري مادري ..حسيتها شوي ..امم .. غير منطقية ..ووايد مثالية ..مادري ليش مارضت تدش مخي .. يعني مو مثل ماهقيتها يوم شريتها ..
.
بس صراحة بجيييت من قلبي يوم هذاك الريال يذبح التركي عشان حبيبته باول بدايتها :0bee2e8d89:

 

[.]

ايامج سعيده ياب جوجو..

يعني ماتنصحيني اشتري الروايه اليهودي والفتاة العربيه؟؟

 

[End Girl]

السلاااام عليكم


انا ويييييييني عن هالموضوع

بتكلم عن الكتب اللي قريتهم توا
كنت شاريتهم من معرض الكتاب

خلصت مساءات ورديه
مو هذاك الزود
وخلصت عرائس الصوف
حلووه
وخلصت لن اموت سدى
هم حلـوه تستاهل القراءه

هذيلا كلهم روايات

الحين ناويه ابدا بالكتب الصجيه
معلومات وتثقيف

نشالله بقرا المسلمون من الفتنه والتبعيه الى العزه والتمكين

وراح تكون لي عوده بعد القراءه

اي صح بغيت اسألكم
الحين عقب المعرض
من وين احصل كتب ليلى العثمان وميس العثمان
وو طيبه الابراهيم ؟

 

[Anastasia]

لا لا اهيا حلوة رونة .. وواايد حلوة .. ومثل ماقالت كاميليا ..تستااهل كل حرف تقرينه ..
.
بس انا منتقدة النقطة اللي قتلكم عنها مساع ..يوم يسلم فجاة .. احسه خرب علي وناستي خخخ ..ولا اهيا حلوة .. خصوصا بعدين يقعد يدمج لج قصص اكثر من شخصية .. ووضع مسلم بين الكفرة بالمانيا واهوا يشتغل بمناجم الفحم ..وخطط اليهود ..ماابي احرق الاحدااث خخخ شعقبه

 

[bint_looda]

امم كل وحده تقول شلون حبت القراءه وشنو اول شي هبت فيه

انا بلشت من زمان وكنت اقرا ماجد غرامي هالمجله..

وساعات اشتري ماجد وسعد وخالد وباسم والعربي الصغير وبراعم الايمان وميكي ومشتقاتها


عقب هبيت بالمغامرون ال5 تخت وربعه..

وعقب روايات عاديه قريت لتركي الحمد و قماشه العليان واكيد بنات الرياض

هذا اللي اذكرهم..

الللللللللللللللللله مثلي لوووووول بس الفرق اني ليلحين اقرا ماجد وميكي ومشتقاتها على قولتج والمغامرين ال5 تختخ وباقي الربع :dddds:

احب اقرا الروايات والكتب الي تحجى عن النجاح او تكوين الثروه او اشياء عن الذات مثل الثقه بالنفس ومن هالسوالف :68_asmilies-com:

 

[.]

السلاااام عليكم


انا ويييييييني عن هالموضوع

بتكلم عن الكتب اللي قريتهم توا
كنت شاريتهم من معرض الكتاب

خلصت مساءات ورديه
مو هذاك الزود
وخلصت عرائس الصوف
حلووه
وخلصت لن اموت سدى
هم حلـوه تستاهل القراءه

هذيلا كلهم روايات

الحين ناويه ابدا بالكتب الصجيه
معلومات وتثقيف

نشالله بقرا المسلمون من الفتنه والتبعيه الى العزه والتمكين

وراح تكون لي عوده بعد القراءه

اي صح بغيت اسألكم
الحين عقب المعرض
من وين احصل كتب ليلى العثمان وميس العثمان
وو طيبه الابراهيم ؟

هلا والله..

وعليكم السلام والرحمه..

اذا ماخاب ظني ملوت ليلى العثمان شفتهم بالفيرجن..

وحياج الله..

 

[Betty]

اهلين بنات عيدكم مبارك كل عام و انتوا بخير
End Girl كتب ليلى العثمان و ميس العثمان موجودين بفيرجين و بالمكتبات الباجيه بس طيبه الابراهيم و لامره شفت كتبها مادري وين يبيعونهم بصراحه ان شاء الله البنات يفيدونا

رونه قريتي ليله في فيلكا ؟ شلونها صج تخرع و لا عاديه ؟

 

[a7la tooota]

~NaZaKa~

مادري عاد أنا يعجبوني لأني أتخيلهم مسلسل مدبلج

الحين مو هالكثر ويا القراءه ,, آخر روايه قاريتها قبل سنه


ام مناف

هلا حبيبتي ,, بالعكس الروايات هذي تكسر الملل ,, وأنا اذا سافرت وايد تمر علي أوقات أكوون فاضيه وماعندي شي أسويه ,,

فأطلع الروايه وأقراها ,, وآخر مره قاريتهم قبل سنه يعني الحين مو من اهتماماتي كلش بس مثل ماقتلج كسر الملل

Little_Queen

هلا حبيبتي ,,

الغرض من هالروايات التسليه لا اكثر ولا اقل ,,

أحب أقراهم لأنها تدخلي جوو مسلسل مدبلج وبالنهايه الناس أذواق ,,

ان شاء الله بسمع نصيحتج وأجرب أقرا شي ثاني مفيد


ويعطيكم العافيه والله يوفقكم

 

[سبائك]

السلااااااام عليكم

شلونكم بنات

شهالتجمع الطيب ماشاءالله ان شاءالله بس اخلص لوية العيد بتفرغ حق هالموضوع

 

[.]

لا لا اهيا حلوة رونة .. وواايد حلوة .. ومثل ماقالت كاميليا ..تستااهل كل حرف تقرينه ..
.
بس انا منتقدة النقطة اللي قتلكم عنها مساع ..يوم يسلم فجاة .. احسه خرب علي وناستي خخخ ..ولا اهيا حلوة .. خصوصا بعدين يقعد يدمج لج قصص اكثر من شخصية .. ووضع مسلم بين الكفرة بالمانيا واهوا يشتغل بمناجم الفحم ..وخطط اليهود ..ماابي احرق الاحدااث خخخ شعقبه

عيل ان شاءالله اقراها عقب ماخلص ال3 اللي عندي.

وعندي روايه لقماشه لعليان بيصير لها سنه ماقريتها

وضاعت..

ناويه اسويلي مكتبه لرواياتي ..

متحسفه ع قصصي اللي ضاعوا اهي اهي..

ومشكوره جوجو..

ماقلتيلنا شنو خلصتي

 

[Anastasia]

اي بنات اشرايكم ببنات الرياض ؟؟
.
على فكرة ترى انزلت الرواية بالانقلش هههه .. اسمها "Girls of Riyagh" .. ناقصين سمعة خايسة عند الاجانب ..شفتها بجرير الدمام .. صغيرة ولونها اسود ومنقطة بذهبي والكتبة فوشي .. بشي بشي والله حالة ..

 

[~NaZaKa~]

الحمدلله بنات شكله ضبط معاي

هذي صورة رواية زهرة الصحراء اللي قلتلكم عنها بالاول .. وفضييييييييييييعه كلها احداث من اولها لي اخرها ولها جزئين بس ماقريتهم ..

[/url][/img]

شوقتوووني على زهرة الصحراء
في منها بجرير؟

 

[.]

الللللللللللللللللله مثلي لوووووول بس الفرق اني ليلحين اقرا ماجد وميكي ومشتقاتها على قولتج والمغامرين ال5 تختخ وباقي الربع :dddds:

احب اقرا الروايات والكتب الي تحجى عن النجاح او تكوين الثروه او اشياء عن الذات مثل الثقه بالنفس ومن هالسوالف :68_asmilies-com:

هلا بنت..

غرامي تختخ مادري اذا خلصة كل سلسلته او لا ..

ماجد مادري شلون هديتها ؟؟

معني كنت اقرا كل حرف فيها ..

ولو سمحتي عطينا اسامي كتب استفدتي منها وممتعه ..

ومرسي

 

[*أم*خالد*]

ليتل كوين مشكورة ياقلبي

واي شفتي الحظ !!

عاد انا ماحب اقرا الروايات لأني وايد أتاثر وأتقمص جني شاديه بعفريت مراتي لووول

خلصت لاس فيغاس..

امم الكتاب حلو ماشاءالله الاسلوب سلسل ..

اهو يندرج تحت ادب الرحلات..

بالكتاب ذكر انه دودة كتب خخ

وخلال الكتاب يعرض اهم الرحلات اللي سواها بلاس فيغاس بالصور ومع التقيمم بالاضافه الى وجود النصائح و ذكر المواقف الطريفه اللي مر فيها امم الكتاب فادني بوايد شغلات وحسيت جني مسافره معاهم..

في موقف ضحكني و وحسيته محور الرحله لانه عاد باكثر من مره بس طبعا بكل مره يكون ع حسب الموقف..

رحلة جديدة و كتاب جديد و أسطورة أخرى تضاف لأساطير رحلاتي التي لا تنتهي!
هده المرة كانت رحلتي الى مدينة لاس فيغاس ...!
الامر يبدوا سهلا ..
انا لست في فرنسا و لا تطاردي لعنة المنوناليزا ..
لكنها لم تكن رحلة طبيعية بالمرة ..
ففي المدينة التي لا تنام كانت لنا صولات و جولات و قصص لا تنتهي ..
عالاخر لا يمكنك ان تصدق بوجوده الا لو رأيته ..
هناك كانت مغامرتنا في قلعة السحر و قرب مدينة الأشباح ..
لقاءنا مع الساحر العالمي (ديفيد كوبر فيلد ) و المفاجأة التي نعدها معه ..
هناك تلك العروض الساحرة التي ننقلها لك و دليلك لتسسوق و تستمتع و تجوب لاس فيغاس ..
عبر رحلة تحمل الاثارة ..
و المتعة .. و .. و ..
و لكن نحسي يظل يلازمني ..
فهده المرة كان علي ان اواجه دو القدم الجبارة و القتلة في الفنادق و الباعة الدين يحاولون التودد بسخافة ..و ان اتعرض لتفتيش ( الدقيق ) ..!
ليس هدا فحسب ..
سنأخدك ايضا في رحلة الى مدينة الفن السابع .
(هوليود) ..
و هناك ايضا ..
لكن مهلا ..
لمادا لا تقرأ بنفسك لتعرف .. ؟

<< نبذه عن الكتاب اللي تكون بالغلف من ورا

سعره :3 دنانير..

موجود بسايت دايمون بوك..

انا شريته من الفيرجن..

سايت م . سند راشد..

http://www.sanadrashed.com/lasvegas.htm

وان شاءالله يعجبكم..

شكله الكتاب ممتع جدا
عاد لاس فيغاس مشهوره بالقمار وهالسوالف .. تكلم بالكتاب عن هالسالفه ؟

 

[Anastasia]

شوفي قماشة العليان .. احلى شي عندها انثى العنكبوت .. قريت عيون على السماء لوووعة حتن رفيجتي لاعت جبدها وردتها .. والزوجة العذراء الوع والوع ومااتدش العقل ..عن وحدة جيكرة مايحبونها اهلها وماتصدق يخطبها واحد الا تتزوجه .. بعدين تلاحظ عليه شغلات عجيبة وانه ماقرب منها ولادخل عليها وحتن مارضى ينام معاها بغرفة وحدة .. بعدين تتطلق .. آخر شي يطلع ريلها بنت بس مسوية عملية وصارت ريال بعدين هونت وردت بنت وزارتها عقب ماسوت عملية وردت لعالم الاناث .. ههههههه والله اهيا جذي مايبت شي من مخباتي ..ههه

 

[.]

اهلين بنات عيدكم مبارك كل عام و انتوا بخير
end girl كتب ليلى العثمان و ميس العثمان موجودين بفيرجين و بالمكتبات الباجيه بس طيبه الابراهيم و لامره شفت كتبها مادري وين يبيعونهم بصراحه ان شاء الله البنات يفيدونا

رونه قريتي ليله في فيلكا ؟ شلونها صج تخرع و لا عاديه ؟

هلا والله بيتي..

وايام سعيده يارب ..

وانتي بخير وصحه وسلامه يارب..

لا والله بس كاهي يمي امس شريتها وبقراها ان شاءالله واعطيكم رايي ..

ومرسي..


اهلين سبوج..
وعليكم السلام والرحمه..

حياج الله ..

وناطرينج

 

[~NaZaKa~]

بنات ...


انا فعلا فخورة في كل وحده في هالرابطة ... من كل قلبي اقول هالكلام و اليوم كنت قاعده أسولف ويا أمي عنكم


ما كنت أبدا متخيله ان الموضوع رح ينترس و يصير 9 صفحات في هالجم يوم البسيطين بس !

المشاهدات تعدت ال100 من اول يوم ...

و الردود اللهم زد و بارك ...

كنت متوقعه انه الاقبال ما يكون الا على مواضيع المكياج .. و الازياء ..

لكن فعلا بنات ..

انا اعتبر هالموضوع مصدر فخر لي كبنت كويتية انه في فعلا جيل من البنات الكويتيين فعلا لايزال يقرأ .. و لا يزال يبحث عن الكلمة المفيدة لقراءتها



تحية مني لكن يا دودات الكتب

ليتل كوين
والله نفس شعوري انصدمت اصلا انه في بنات من عمري يقرون نفس نوعية الروايات الي اقراها
لوووول انا الوحيده بالعايله الي تقرا والكل يطالع هوايتي على انها ملاغه وسخافه
بس خالتي الوحيده الي مشجعتني

وسلمي على اممج واااااااااايد ياحليلها عكس امي
امي كل ماتشوفني ماسكه كتاب تقولي مالاعت جبدج من هالكتب لازم يحبطون :krkrkr:

 

[Betty]

بنات عن جد انصحكم تقرون لهيثم بودي النخيل و الصالحيه قصص قصيره بس امبيه يننون مع انهم حيل قصار بس حسيت ان اثروا فيني خصوصا الصالحيه و بعد عنده روايه الطريق الى كراتشي و روايه الدروازه اللي عن الطاعون سووها مسلسل اولت العام

 

[~NaZaKa~]

خلصت لاس فيغاس..

امم الكتاب حلو ماشاءالله الاسلوب سلسل ..

اهو يندرج تحت ادب الرحلات..

بالكتاب ذكر انه دودة كتب خخ

وخلال الكتاب يعرض اهم الرحلات اللي سواها بلاس فيغاس بالصور ومع التقيمم بالاضافه الى وجود النصائح و ذكر المواقف الطريفه اللي مر فيها امم الكتاب فادني بوايد شغلات وحسيت جني مسافره معاهم..

في موقف ضحكني و وحسيته محور الرحله لانه عاد باكثر من مره بس طبعا بكل مره يكون ع حسب الموقف..

رحلة جديدة و كتاب جديد و أسطورة أخرى تضاف لأساطير رحلاتي التي لا تنتهي!
هده المرة كانت رحلتي الى مدينة لاس فيغاس ...!
الامر يبدوا سهلا ..
انا لست في فرنسا و لا تطاردي لعنة المنوناليزا ..
لكنها لم تكن رحلة طبيعية بالمرة ..
ففي المدينة التي لا تنام كانت لنا صولات و جولات و قصص لا تنتهي ..
عالاخر لا يمكنك ان تصدق بوجوده الا لو رأيته ..
هناك كانت مغامرتنا في قلعة السحر و قرب مدينة الأشباح ..
لقاءنا مع الساحر العالمي (ديفيد كوبر فيلد ) و المفاجأة التي نعدها معه ..
هناك تلك العروض الساحرة التي ننقلها لك و دليلك لتسسوق و تستمتع و تجوب لاس فيغاس ..
عبر رحلة تحمل الاثارة ..
و المتعة .. و .. و ..
و لكن نحسي يظل يلازمني ..
فهده المرة كان علي ان اواجه دو القدم الجبارة و القتلة في الفنادق و الباعة الدين يحاولون التودد بسخافة ..و ان اتعرض لتفتيش ( الدقيق ) ..!
ليس هدا فحسب ..
سنأخدك ايضا في رحلة الى مدينة الفن السابع .
(هوليود) ..
و هناك ايضا ..
لكن مهلا ..
لمادا لا تقرأ بنفسك لتعرف .. ؟

<< نبذه عن الكتاب اللي تكون بالغلف من ورا

سعره :3 دنانير..

موجود بسايت دايمون بوك..

انا شريته من الفيرجن..

سايت م . سند راشد..

http://www.sanadrashed.com/lasvegas.htm

وان شاءالله يعجبكم..

يسلمو رونه على النبذه بظيفه حق نوتي