~¤ô¦¦§¦¦ô¤~ دوانية رشيقات المستقبل ~¤ô¦¦§¦¦ô¤~

[ام فجور 2008]

عنيد كل شي تغير حتى البشر تغيروا قبل البنات يطلعون يلعبون الحين حتى عالصبي ينخاف

 

[عنيّد]

استغررررررررررررررب من الناس الي تقول
فلان وييييييين كااااان وويييييين صااااااااااار
ويستغني على روسنا !!!

كأنه الواحد لما يسعى ويبذل مجهود والله يوفقه ويعلي من شانه جزاة على تعبه يكون غلطان !


حيل حيل مستغربه من كلام بعض البنات الله يهداهم عن الدكتور عبدالله المطوع

 

[teenaa]

صبااااااااااحووووووو
انا حدي حدي حدي بزي اليوم


لا تشوفون توني قعدت

شربت رشفه قهوه وحده الله وكيلكم


ومنقوع زنجبيل عالريج
وبس

 

[بطة رشيقة]

صباح الخير ..

انا يت ...

قوه كلكم شلونكم

منمن حبيبتى انا وياج افا عليج ..

جسوت وانتى بعد ربى لا يحرمنا منج ولا يفرقنا ابد يا بعد شبدى والله .. وما تشوف شر الوالده ..

عنيد يا هلا وغلا ومبروكين ان شالله والسااااااااامرى افا عليج روحى حق بريزاا الرومى ...

تينا .. يعطيج العافيه

زيونه وينها ..؟

انا اليوم تاخرت شوى لانى رحت قطيت كارز بيتنا ومريت الجمعيه شريت توست وخرابيط حق الدوام ...

وتونى يايه تريقت نص خبزه مع جبن وزعتر وخيار وطماط وعصير برتقال والحين بشرب جاى اخضر واى احس بطنى يعورنى وهذذى يايتنى ومالى خلق ومتكسره ..

واليوم ما وزنت عشان ما ابى اخترع من الدوره ومن الاوف اللى يوم الخميس ..


شلونكم كلكم ....

 

[عنيّد]

تينااا ،، صباح الانوار ، الله يعطييييييج العافيه


بطووووووط ،، صبااااح الخيرااات ويبااارك بعمرررج وعااافيااااات الريوق

قريت عن بريزه الرووومي
بس يقولون ماتيي البيت الا اذا اكو مجموعة بنات ، ماتدرب وحده ثنتين
ومادري اذا اكو نادي تدرب فيه الحين ولا لا !

خااااطري

 

[teenaa]

اهلين بطبط وعنيد

وين باجي الينات ؟؟

مالهم حس

 

[بطة رشيقة]

خلاص تعالى خل نتيمع ببراحه .. ونحط سامرى ونرقص خخخخخخخخ

 

[بطة رشيقة]

ما ادرى والله .. بنات عندى سوعال ..

ادرى بتطقوونى بس مهم بالنسبه لى خخ

اكو مطعم اسمه سلايدر او سلايدرز او شى جذى شكله يشوق وايد وايد .. ما ادرى احد مجربه ..؟

اذا مجربينه قولووووا لى ..

 

[عنيّد]

بطوووط ،، مطعم سلايدر ستيشن ، هذا الله يسلمج بسطرة المطاعم الي قبال السيف
الكل مينووووون بهالمطعم وطق عصي عليه ، صغيرون وزين اذا حصلتي مكان فيه ، بس انا صراحه مو وايد ولسبب واحد
ان احلى شي فيه على كلامهم اهو الصوص المختلف الي ينحط بالسندويجات وانا كلش مومن ربع الصوص ، اطلبها ساده :dddds:
اغلب اكله يكون الميني برجر
بس هو مشهووووووووووور حيييييل حييييييييل بالحلو ماله ، مثل كيك صغار ومعاه ايسكريم ، انا صراحه وام رفيجتي اتفقنا انه سيريلاك وايسكريم :krkrkr:
بس صج لذيذ

وهذي صورته من زيارتي مع شلة الاربعا للمطعم _03BA:

 

[زيـنـه]

ظهر الخير

شلونكم ؟

انا كنت اجازه الاسبوع اللي فات و الحمدلله انقضت على خير بكل احداثها .. و كان فيها عافور ريجيمي خطير .. بس الحمدلله ما اثر بالميزان .. و اليوم رديت من يديد على نظامي

و المنتدى كلش بطئ و ما يساعد على المداخله اليوميه معاكم.

اليوم وزنت ووزني 83.6 ,, و مره 83.2 .. اختاروا اي واحد تبون .. المهم اني برينج ال 83 .
ان شاء الله لي اخر الشهر اقط هال 4 كيلو و اوصل ال 79 ياااااا رب .

شلونكم ؟

 

[عنيّد]

زيون ،، هلاو هلاو عاش من شافج
وعالبركه الخروج من العافور بدون اضرار :dddds:
اي والله المنتدى يعل القلب شوي :/

 

[teenaa]

مبروك زيون انج التزمتي احسن مني
خرتها بالويك اند لووووووووووووول

 

[بطة رشيقة]

هلا فيكم ,, شخببباركم ..

هلا زيوونه هلا وغلا ..


شلونج وعساااج طيبه ..


عنيد امممم والله اشوف هاليومين الكل هاب فيه ومشووووووقنى يم يم ..

انا الحين باخذ سناااكى بسكوت مع قهوه فرنسيه ..


انا بطلع الحين وان شالله اكون تمام التمام ..

اشوووفكم على خير باجر ان شالله ..

حطووا بالكم على روحكم ..

 

[زيـنـه]

من من .. موفقه بريجيم العبد .. على الاقل للعيد اسبوعين فيهم 2-3 كيلو حلوين .

جسوت .. بالعافيه الوجبه الفري.. بس عاد عسى اعجبتج ؟؟ !!

عنيد .. بالمبارك زواج اخوج .. والفال لج تلحقينه باذن الله .. و بالتوفيق مع العبد .. و ان شاء الله نزول مستمر و نيو لووك للعيد والسنة اليديده .

بطبط . بالعافيه روحة المزرعه و روبي تيوزداي .. و نشكر لج خطبج لانها صج تشجع و تحث و طالعه من القلب .

تينا .. شلونج الحين و شلون عويناتج ؟
و ان شاء الله تردين تلتزمين ولا تخربطين.

ام فجور .. يالله يا بنيه التزمي .. و شدي الحيل .. و موضوعج عن التجهيز شحلوه واصلني الايميل و يشوق .

و الباجي .. شلونكم ؟

 

[عنيّد]

بــــــــــــخ

:eh_s(6):


ووووووووووياااااازييييييييين الانبطااااااااح ع الفراااااااااااش

وووووووياااااااااازيييييييييين اللابتوب لا صار ع الكرررررررش

ووووووياااااااااااازين الرجيييييييم زينااااااااه << خخخخخخ ترفع معنوياتها :krkrkr:


اليوم وانا طالعه من الدوام عند البصمه ، شافوني 2 من البنات وحده سلمت جان تقولي عنــود !! ماعرفتج ضعفااانه
عاد انا كلش ماطولتها قلت لها اي مسويه رجيم :dddds:
جان الثانيه تقولي عيل باجر اخذه منج واليوم عندج هووم وورك لووول


زيوووووووووووون ،، اتمنىىىىىى لججججج دخووووول عالم السبعيناااااات على العيد يااااااارب

 

[teenaa]

لووووووول يحليلج عنيد انا قاعده اشرب شوربه كنور الجاهزه بالكوب

خبرج بالدوام

 

[عنيّد]

تينااا ،، بالعافيييه


بناااااات سؤاااااااااااااااااااااااااال
تعرفون رقم الي ايون البيت مع عدتهم والاكل وووو ويسوون باربكيو ؟

 

[mn.mn]

مساااااااااااااااااااااااااااء الخير

شلونكم وشخباركم ؟

واي اليوم لا لا كان الوضع مو يلوع الجبد بالدوام الا اييب الماحي صج صج لاعت جبدي وطبعا لازال للعذاب بقية باجر

هالاسبوع طلاتي راح تكون قليلة لان صج عندي زحمة شغل امتحانات ولوية ودرجات بس على الصعيد الرجيمي ان شاء الله ملتزمة خلال

الاسبوع لي الويك اند والرياضة راح اخليها على الخفيف تمرين معدة وقرص بس لان ولدي عنده امتحانات وكل طاقتي قاعدة افرغها فيه

نهائيا مالي خلق بعد امشي ولا في مجال اطلع من البيت ومفكرة هالويك اند اصوم لان باجيلي دين 3 ايام فقلت على الاقل اصوم احسن

من اني اخربط بس لي الحين ما قررت اليوم غداي كان حمسة همبرجر مع فلفل اخضر وبصل والعصر كليت كتكات مع اعشاب والحين

بشرب لي كوب قهوة لاني صدعت عدل على مادرست ولدي واااااااااااااااااااااي ياكرهي للتدريس بس ما باليد حيلة

عشاي راح يكون خيار وطماط وخس و3 شرايح حلوم وزيتون اسود مقطع ودايت

عنيد ترى انا بعد خاطري اتعلم سامري صج احس في فن وذوق

 

[زيـنـه]

مساء الخير

شلونكم ؟

انا الحمدلله يومي كان اوكي .
ريوقي توست اسمر و جبن و خيار و خس و حليب معاه قهوه .
سناكي 1 .. روب اكتيفيا بالفراوله
غداي 5 قفاش عيش مشخول مع شيش طاووق و خس و خيار ---> سويت خلطتج عنيد و ما حسيت بطعم السلطه و حسيت الاكل وايد و يشبع
سناك 2 .. كان 3 حبات بلح الشام (على اساس حلو بدال الكاكاو و ادري كثرت ) مع قهوه عربيه .
عشاي سلطة فواكه مع عصير برتقال فريش .

و الحمدلله على النعمه والله يتمم علي .

عنيد .. ان شاء الله اشوف السبعينات اخر الشهر يا رب .

من من .. الله يعينج .. بس طلي طلي علينا طلي .. حاولي .. و الله كريم.

 

[عنيّد]

غداي 5 قفاش عيش مشخول مع شيش طاووق و خس و خيار ---> سويت خلطتج عنيد و ما حسيت بطعم السلطه و حسيت الاكل وايد و يشبع
سناك

لوووول اي شفتي اشلون
هذي الطريقه الوحيده بصراحه الي قوّت علاقتي مع السلطه
بس البركه بالعيش لأنه يحلى كل شي معاه :dddds:
أما المشاوي فجربي فتوش فيلا فيروز ، رووووووووووووووووعه :eh_s(1):