(¯`•.¸(¯`'•.¸حلمي اصبح حقيقه ¸.•'´¯).•'´¯)

[تبولة حامضة]

عالاقل نحفز بعض .. ندعم بعض ... واذا شفنا الارقام نتشجع ..

 

[((!ورد جوري!))]

أهلين حبايبي أنا اليوم تريقت قلاص صغير حليب والغدا ٢ برجر مع سلطه وبعد الغدا بساعتين جاي أخضر وبعد شويه سناك كوفي والعشا للحين ما فكرت تبوله حامضه فكرتج حلوه نخصص يوم نقول فيه أوزانه علشان نتشجع أكثر

 

[((shoOoshoOo))]

عوافي بنات ماكليتم


الغدا : نص خبزه بجبن حلووووم وزيتوون + جاي بالحليبـ

السناك : 5 تمرات
+ ماااي

نسكافيه

العشا : ماقررت



بنات شلون طريقتكم بالنسكافيــــه ؟!

 

[لاحزن مع القرآن]

هلا بنات
أنا تغديت عيش مع خضار بالفرن وسلطة
والمغرب ككاو جالكسي
قبل شوي حليب قليل الدسم وسلطة خس مع حلوم وطماط

شوشو
بالنسبة حق النسكافية
قبل كنت أكثر الحليب الحين قفشة صغيرة حليب قليل الدسم
بدال كوفي ميت
مع قفشة صغيرة نسكافية وقفشة سكر عادي
والكوب يكون صغير

 

[((!ورد جوري!))]

هلا بنات عشاي روب أكتيفا لايت وبرتقاله ومشيت نص ساعه والحين قاعده أشرب جاي أخضر بالنسبه للنسكافيه أسويه قلاص كبير أحط قفشه مالت الاكل نسكافيه مو متروسه حيل وقفشتين كوفي ميت قليل الدسم الازرق وقفسه سكر العادي واحط الماي المغلي الصراحه يسد اليوع

 

[((shoOoshoOo))]

تعشيت صمونه جكن فليه من هارديز + دايت ببسي و4 شبسات عن خاطري

 

[تبولة حامضة]

أهلين وسهلين ..

أمس فطرت على تفاحة ورقّي بااااااارد ..:eh_s(15):

بعدها بساعة تقريبا أكلت لي زبادي قليل الدسم متبل بنعناع يابس وملح وفلفل أسود .. يمي لذييييييييييييييذ

بعدها بأقل من ساعة .. دلعت روحي كالعادة بصمونة حشيتها بلبنة وشريحة جبن لايت وطماطم .. لذيييييييييييييييييييييذة واااااااااااااايد ..

تسحرت بتفاحة .. وبس ..

هذا كان يومي ..:eh_s(7):

 

[تبولة حامضة]

صباح الورد للجميع ..

بحط لكم وجباتي أمس .. كملت عشرة أيام صيام والحمدلله .. منه ان شاء الله نحصل أجر ومنه للرشاقة .. وان شاء الله اواصل لرمضان ..

المهم .. أمس سويت لي شوربة خضار .. مكونة من :
حبة كوسة مبشورة ، حبة جزر مبشورة ، حبة فلفل أخضر بارد مقطعه مكعبات صغااار ، خمسة أعواد كرفس ، مظروف شوربة البصل من كنور ، وثلاث ملاعق شوفان ، وكزبرة مفرومة .. وطبعا البهارات لابد منها : فلفل أسود ، شوية ملح ، شوية بابريكا ، شوية شطة ، شوية دقوس .. هذا بهار عندنا مشهور بالبحرين ..

المهم سويتها ولما جهزت عصرت عليها ليمون يمي يمي .. وأكلت لي ملّة وسط .. مع سبع حبات تمر وماي دافي تفاديا للإمساك ..

هذا كان فطوري ..

السحور كان تفاحة وملّة صغيرة من نفس الشوربة عليها عصرة ليمون وكزبرة مفرومة ..

وبس ..


تحياتي .. في انتظار وجباتكم ..

 

[$كشوخه$]

السلاام عليييكم

هلا والله بالرشيقااات

سوري على الغياب بس كنت مشغولة مع الامتحانات والحين برد لكم وبهمة قوية ان شاء الله

ومبروك لكم كلكم على النزول وعقبال المزييد

بكتبلكم يومي اليووم الحينن

 

[$كشوخه$]

قمت الصبح متااخر وشربت ربع كوب جاي حليب مع حبة معموول

وبعدها تغديت مجبوس لحم مع شوي سلطة وكاأس لبن

وبعد شوي بمشي على السير الكهربائي واخييرا هههه

برد لكم وبقولكم كم دقيقة مشييت

 

[((!ورد جوري!))]

هلا بنات بالعافيه علي قلوبكم تبوله حامضه ما شاالله عليج إستمري عاد باجر الميزان إن شاالله نازله أنا اليوم تريقت حليب خالي الدسم وقبل الغدا خلطه الكمون وسويتلي ٣ نقانق دجاح سلقتهم وبعدين وحمست بصل وفلفل أخضر بنص قفشه زيت زيتون وقطعت النقانق وحطيتهم معاه عقب ماحطيته بالصحن قطعت جبن شريحه وحده عليها وشويه كاتشب بس كانت لذيذه مع سفن دايت بشرب جاي أخضر الحين وإن شااالله راح أمشي لو نص ساعه

 

[$كشوخه$]

بالعاافيه ورد جووري

ابشرركم اليوم اول يوم لي مع المشي على السير ومشيت ٢٢ دقيقة وانا لابسه مشد ،كنت بكملها نص ساعه بس تعيجزت وتعبت وحرقت ٨٧،٧ كالووري الحمدالله

حلووة كا بداييية

 

[((!ورد جوري!))]

االله يعافيج كشوخه ما شاالله عليج إستمري ودي أشتري الجهاز بجم شريته ومن وين شنو حجمه صغير يعني أبيه ما ياخذ مكان بالغرفه حلووو تطلع جم سعره حراريه تنحرق بالتوفيق تنزلين إن شاالله أنا المغرب شربت كوفي والعشا سويتلي عصير كيوي مع أناناس وشربت نص قلاص بس خربتها شويه أكلت ٢ورق عنب مع ٣قفشات سلطه ذره بعد ساعه بشرب جاي أخضر إن شاالله باجر الميزان وكلنا ننزل يارب

 

[((!ورد جوري!))]

:yaaaaaarb:االله يعافيج كشوخه ما شاالله عليج إستمري ودي أشتري الجهاز بجم شريته ومن وين شنو حجمه صغير يعني أبيه ما ياخذ مكان بالغرفه حلووو تطلع جم سعره حراريه تنحرق بالتوفيق تنزلين إن شاالله أنا المغرب شربت كوفي والعشا سويتلي عصير كيوي مع أناناس وشربت نص قلاص بس خربتها شويه أكلت 2ورق عنب مع 3قفشات سلطه ذره بعد ساعه بشرب جاي أخضر إن شاالله باجر الميزان وكلنا ننزل يارب

 

[$كشوخه$]

والله حبيبتي ناسيه ومو انا اللي ماخذته هو موجود بالبيت له اكثر من ٦ سنيين

انا تعشييت حبتيين معموول ووبس

 

[لاحزن مع القرآن]

صباح الخير
شخباركم
يوميات امس
الريوق
توستة مع جبن وزيتون مع نسكافية
السناك سلطة فواكه
الغدا
توستة مع تونة وسلطة
المغرب
سناك بار شوكليت من كلوقز لذيذ وفيه 83 سعرة حرارية
العشا
نص بيضة مسلوقة مع خس

 

[لاحزن مع القرآن]

ورد جوري
بالنسبة حق جهاز المشي أنا ماخذته من النصر الرياضي الي مقابل الافنيوز
وحجمه زين متوسط ويبين فيه كم سعره حرارية حرقتي
وسعره كان ١٩٠ دينار تقريباً

 

[تبولة حامضة]

أهلين وسهلين بالكل ..

فطرت أمس على سبع تمرات .. وماي .

بعدها أكلت برتقالة ..

بعدها ثلاث ارباع علبة زبادي مع جزرة ..

الفطور الرئيسي كان شريحة بيتزا لايت .. مع شوربة خضار ..

وبس ..


الوزن كااااااان قبل عشرة أيام 120


واليوم وزنت وصار ..



116



تحياتي ..

 

[((!ورد جوري!))]

أهلين بنات شلونكم لاحزن مع القران بشوف أروح النصر الرياضي وأجيبلي واحد لاني ما أقدر أمشي بالممشي حر تبوله حامضه مبررروك علي النزول ماشاالله ٤كيلو حلووو إستمري أنا أول ما قعدت شربت قلاص صغير ورحت وزنت الحمداالله الاسبوع الي فات كان ٩٢و٨٠٠ الحين ٩٠ و٦٠٠ بشروا بنات علب النزول *

 

[$كشوخه$]

^

مبرووك بنآآت على النزوول وعقبآآل المزييد تستآآهلون كل خيير :ggdw:

أنا إن شآء الله أوزن الإسبووع الجآآي لأني توني رديت للريجيم