(¯`•.¸(¯`'•.¸حلمي اصبح حقيقه ¸.•'´¯).•'´¯)

[لاحزن مع القرآن]

صباح الخير
ورد جوري وشوشو
الله يبارك فيكم
يومي امس
الغدا
توستة مع صدردجاج وسلطة
السناك
حبة شوكليت وقهوة عربية
بالليل
سناك بار شوكليت من كلوقز

 

[تبولة حامضة]

أهلين وسهلين ..

شخباركم صبايا ؟

ماشاء الله يومياتكم حلوة .. عسى درب الرشاقة دوووووووووووووم يمنا ...


أمس فطرت على :
شوربة خضار وشوفان بنكهة الدجاج ...

خذيت لي مظروف شوربة شوفان بنكهة الدجاج ماجي ومظروف شوربة خضارماجي .. بشرت معاهم حبة كوسة وحبة جزر وحبة فلفل بارد وحبة طماطم .. مع شوية بهارات خفيفة .. وشبت وكزبرة .. وعصرة ليمون في الاخير .. طبعا قسمتها ليومين ..

فكان فطوري شوربة .. بعدها برتقالة ..

عقب رديت تسحرت بشوربة وعقبها ست حبات تمر ..

وبس هذا كان يومي ..


تحياتي

 

[$كشوخه$]

^ يوومج حلوو استمرري :rerrerek:

الحمدالله اليوم شكله في تطوور في النظآآم وبداية تعديله :rerrerek: لأأن من بدت الإجازة وأنا أخرربط

قررت اليووم أقطع النشويآآت واذا جعت بآخذلي سنآك برتقآآل أو أشرب مآآي . . بسوي هالنظآآم لأن خلاص أبي أدش الخمسين هالإسبوع حتى لو نهآآيته بس ملييت

المهم قمت الصبح وشربت كأأس مااي

وبعدها مشيت على الجهاز وانا لابسه مشد عشر دقايق وحرقت 41,1 كآآلووري

وبعدها شربت كوب جآآي حليب بس

 

[$كشوخه$]

سنآآكي ألحيين

تفآآحه خضرآآ

 

[((!ورد جوري!))]

مساءالخير حبايبي بالعافيه أنا اليوم صايمه فطرت ٧حبان شيس طاووق مع كوب تبوله ولبن أكتيفيا دايت علي الساعه ١٢سويتلي حليب خالي الدسم وحطيت معاه شوفان وحليته بسكر وخليته يغلي وصار متماسك وأكلته لما برد والحين ما أدري شفيني يوعانه بشرب عصير أناناس مع ٢بسكوت دايجستف لايت واليوم مشيت نص ساعه باجر إن شااالله بصوم

 

[((shoOoshoOo))]

صباح الحب


عوافي بنات ماكليتم



يومياتي لأمس :

الريووق = 5 تمرات + ملعقه قيمر وسط

ماتغديت

والسناكـ : كان قهوه مع 3 تمرات

والعشا كان متأخر : 2 شباتا متوسط + لبنه وزعتر وزيت + شاي

وبعدهااا بكم ساعه سويت المشرووووب السحري لوووول : عصير اناناس + كيوي

 

[لاحزن مع القرآن]

صباح الخير
بالعافية عليكم
يوميات امس
الريوق
توستة مع جبن وزيتون وحليب نسكافيه
السناك
سلطة فواكه
الغدا
توستة مع تونة وسلطة
السناك
سناك بار شوفان بالحليب الي حطيتلكم صورته
قبل فيه ١٢١ سعرة حرارية
العشا
توستة مع حليب قليل الدسم وحبة تمر

 

[تبولة حامضة]

أهلين وسهلين ..

أمس فطرت على : خمس حبات تمر ..

بعدها أكلت لي زبادي متبل بنعناع يابس وملح وفلفل اسود .. مع جزرة ..

عقب أكلت لي صمونة حشيتها بشريحةجبن لايت .. وبرتقالة .. وبس ..


وسلامتكم ..

 

[((!ورد جوري!))]

هلا حبايبي عوافي علي ماكلتوا أنا اليوم صايمه تفطرت نص دجاج مسلوق مع خضار (جزر -كوسا )حطيت معاه شويه معجون من غير دهن شربت لبن أكتيفيا لايت مادري شفيني صايره ما أحب السلطه قطعت فلفل أخضر وأكلته مع خيار مخلل٣حبات والحين قاعده أشرب جاي تعرفون بعد الفطور الواحد دايخ وبعد شوي راح أمشي نص ساعه وأحاول أشرب ماي وايد

 

[((!ورد جوري!))]

بنات بسالكم الشوفان ( كويكر )يمتن أنا أسويه سحور أحط علبه حليب خالي الدسم مع ٣قفشات شوفان وشويه سكر وحركه لما يغلي بعد مايبرد أكله حلووو طعمه لذيذ وأحسه يشبع بس خايفه يزيد وزني

 

[((shoOoshoOo))]

ولله مادري اذا الشوفان يمتن


بس شوقتيني على الاكله لوووول

 

[بدويه برستيج]

صباح الخيرات


شخباركم بنات اشتقتلكم وماشالله فرحت لانه الموضوع لين الحين نشيطين اتوقعت محد يكمل بس ماشالله عليكم فرحتوني

ومبروك لكل وحده نزلت


انا غبت عنكم لفتره قلتلكم عشان كانت عندي فتره علاج كنت اخذ دوا وتوقعت نفسي حامل قطعت الرياضه ولكن ما انكتب لي احمل ونزلت علي الدوره ولله الحمد كان خاطري احمل زعلت وايد بس ما اقول غير الحمدلله والله يرزقنا انشالله الذريه الصالحه


وبالنسبه لوزني رجع زاد ووصلت ١٠١،٦ وفيني حاله اكتئاب وااايد ماأثره علي حتى مالي خاطر للرجيم ولا رياضه ولا شي وملابسي كلها ضاقت علي وثقتي في نفسي انعدمت


ماني عارفه شسوي

 

[تبولة حامضة]

أهلين بدوية ..
ماصارالا الخير .. وعسى أن تكرهوا شيئا وهو خير لكم ..
اللي فيه خير وصلاح لج الله بيسويه .. قولي الحمدلله على كل حال ..

حاولي تكسرين جو الكآبة اللي عايشته .. طلعي .. استانسي .. اعيدي جدولة حياتج .. لا تخلين عمرج وانا اختج للكآبة ..ترى احنا الوحيدين المسؤولين عن سعادتنا .. لا زوج .. لا اهل .. ولا عيال .. لازم احنا في المرتبة الاولى نقوي نفسنا ونهيئ السعادة لنا ونحارب الكآبة ..

الدنيا حلوة يا بدوية .. والله ما حرمج الحين الا علشان يعطيج أكثر بعد حين .. فلا تيأسين ..

توضأي .. وصلي ركعتين .. وتمعني في كلام الله في كتابه .. وقومي اخذي لج شااااااااااااور منعش مفرفش .. وابدأي يوم جديد ..

 

[تبولة حامضة]

أمس يومي كان :

فطرت على سبع حبات تمر .. وماي ..

بعدها تفاحة وزبادي متبل بنعناع يابس وملح وفلفل اسود ..

بعدها صمونة بر حشيتها بشريحتين جبن لايت ..

وسلامتكم ..

 

[لاحزن مع القرآن]

أهلين بدوية لج وحشة اشتقنالج احنا بعد
لاتضايقين حبيبتي والحمدالله على كل حال
وأهم شي حبيبتي الصحة والعافية هذي أكبر نعمة
وأي شي بعدها يتعوض وشكثر ناس أعرفهم حملو
بعد سنين طويلة والله عوضهم ويجيبون توأم
وكل تأخيره فيها خيره وكثري من الدعاء والاستغفار
وان شاء الله بيتحقق لج إلي تبينه

 

[لاحزن مع القرآن]

ورد جوري
ماأتوقع يمتن اذا كان الحليب قليل الدسم والسكر قليل
مثل الكورن فليكس يعتمد على نوع الحليب وكمية السكر
وبالعكس ترى الشوفان حيل مفيد أحسن من الكورن فليكس
وبسكوت دايجستف مالهم فايده

 

[لاحزن مع القرآن]

يوميات امس
الريوق
توستة مع جبن وزيتون
السناك
سلطة فواكه
الغدا
عيش مع سمك وسلطة
السناك
حلو تك من دايت كير وحليب قليل الدسم
العشا
حبة كيكة فليك

 

[لاحزن مع القرآن]

إذا كنتِ عزيزتي ممن يعانين من الوزن الزائد وتبحثين عن حميات سهلة أو حلول بسيطة للقضاء على الكيلوجرامات الزائدة في جسمك ، تابعي معنا السطور التالية :

ينصحك خبراء التغذية كثيراً بتناول الشوفان وذلك لقيمته الغذائية العالية للجسم وللصحة ، ولكن تغفل الكثيرات هذه الفوائد ، لذا نقدم لكِ القيمة الغذائية المحتوي عليها الشوفان:

يخفض الشوفان نسبة الكولسترول في الدم, مما يخفف من مخاطر أمراض القلب والشرايين حيث أن 3 جرام من هذه الألياف يومياً (أي ما يحتويه كوب واحد من الشوفان) تعمل على خفض معدل الكولسترول في الدم ، كما ينظم عملية الهضم في الجسم ويخفف من المشاكل المعوية والإمساك ، ويساعد في المحافظة على الوزن الصحي إذ يعطي الشعور بالشبع


فوائده لا تحصي

ولا تقتصر فوائد الشوفان على خفض الوزن فقط فهو واحد من أفضل المصادر التى يمكن الحصول من خلالها على مادة (Inositol) الهامة للمحافظة على معدلات الكولسترول الطبيعية بالدم .

ويشير خبراء التغذية إلى الفوائد العديدة الذي يقدمها الشوفان لصحة الإنسان ومنها :

- شراء الشوفان وتناوله عندما يكون الإنسان مصاب بالحزن أو الإحباط ، لأنه مضاد طبيعي للاكتئاب ويعطى إحساس بالهدوء ، كما أنه يعالج حالات الاضطرابات العصبية.

- تناول طحين الشوفان غير المعالج بشكل منتظم يقلل من الضغوط ، بينما الشوفان المطهى يعالج الإرهاق.

- نتيجة لاحتواء الشوفان على نسب عالية من الألياف ، فإن من خواصه الإيجابية حماية الشخص من الإصابة بسرطان الأمعاء.

وصفات خاصة بالريجيم

ويشير الخبراء إلى أنه يمكنك تناول الشوفان كوجبة خفيفة وسط النهار أو وجبة إفطار أو عشاء لأنه لا يحمل الطبق الواحد منه سوى 4 جرام من الدهون ، و 204 سعر حراري و 7 جرام من البروتين ، وإليكِ هذه الوصفات الخاصة بالريجيم :

 

[لاحزن مع القرآن]

منقول من منتديات سيدتي

 

[بدويه برستيج]

أهلين بدوية ..
ماصارالا الخير .. وعسى أن تكرهوا شيئا وهو خير لكم ..
اللي فيه خير وصلاح لج الله بيسويه .. قولي الحمدلله على كل حال ..

حاولي تكسرين جو الكآبة اللي عايشته .. طلعي .. استانسي .. اعيدي جدولة حياتج .. لا تخلين عمرج وانا اختج للكآبة ..ترى احنا الوحيدين المسؤولين عن سعادتنا .. لا زوج .. لا اهل .. ولا عيال .. لازم احنا في المرتبة الاولى نقوي نفسنا ونهيئ السعادة لنا ونحارب الكآبة ..

الدنيا حلوة يا بدوية .. والله ما حرمج الحين الا علشان يعطيج أكثر بعد حين .. فلا تيأسين ..

توضأي .. وصلي ركعتين .. وتمعني في كلام الله في كتابه .. وقومي اخذي لج شااااااااااااور منعش مفرفش .. وابدأي يوم جديد ..

تسلمين تبوله حامضه وشكرا على كلامج بالفعل سويت مثل ما قلتيلي بالظبط