*&*أفكار وجبات الأكل حق المدرسه لعيالكم يوميا بالصور*&*

[حلم الطفولة]

السلام عليكم ....



بحط لكم جدول حق أفكار تغذية لعيالكم حق اسبوعين وآنا وكل فتره راح أكتب لكم تنويع ثاني ان شالله .. واللي عندها أفكار تكتب وتضيف لنا ..حياكم ,, (( وشوفو بعد باقي الصفحات كلها أفكار ))


00 ملاحظه : جميع الصور من النت 00

الأحد :
كيس نفيش شغل البيت ... + .. ... سانويش دجاج مسحب بصلصة هاينز ميونيز بالثوم . ..+ العصير.

الأثنين :
كيك صغار ..كب كيك ... + ....... شيكن ناقيتس أو روبيان ناقيتس .. + عصير.

الثلاثاء :
6 حبات فلافل ........... + ..... كليجه هولنديه اللي هي وافلز << ممكن تسوونها بالبيت أو تاخذونها من اجمعيه محطوطه برف البسكوت ومغلفه بالحبه + .. سلطة خس وخيار بالملح والليمون ( بدون خل عشان معدتهم )+ عصير

الأربعاء:
ساندويش ديك رومي مدخن ( تلقونه مثل المرتاديللا عالأرفف بالجمعيات ) بالجبنه والخس شغل البيت + سلطة فواكه وعصير

الخميس :
ساندويش حلوم مشوي ..... + .. ماعون نخي أو باجلا ! .. + عصير

_______ الاسبوع 2 _______



أقصد بالعصير : ممكن لبن أو عصير كيديدي أو حليب بالكاكاو أو .....

الأحد :
ماعون مكرونه بارده بالزيت والليمون والخس وجبنة الشيدار ( كرافت ) .. + .. كب كيك . + عصير

الأثنين :
ساندويش تونه بالمايونيز .. + ... كرواسان بالعسل .. + عصير

الثلاثاء :
بان كيك شغل بيت .. + ... بسكويت تك المالح .. + .. سلطة خس وشيكين بوب كورن + عصير

الأربعاء :
روب بالفواكه أو ساده .. + .. ساندويش جبن بالمربى .. +.. سوسيج حبات مشويه بالفرن .( نقانق ) .. + عصير

الخميس :
بيتزا منزليه و جاهزه ..+.. بيضه مفيوحه ( ويرفق معها ملح باكيت صغير). . + كوكيز .. + عصير .

مشكورين للدخول .. وقولولي رايكم .. :gathering:

 

[ريشه123]

رد: *&*&* جدول أفكار وجبات الأكل حق المدرسه لعيالكم يوميا *&*&*

والله خووووش وجباااااات بس ولدي للاسف حده كرواسون وبالغصبببب بعد

 

[صاحبة البلاط السلطاني]

رد: *&*&* جدول أفكار وجبات الأكل حق المدرسه لعيالكم يوميا *&*&*

روووعه تسلم أيدج عل موضوع بس للابتدائي والروضه ماينفع نبي أفكار حق الصغار

 

[rawona]

رد: *&*&* جدول أفكار وجبات الأكل حق المدرسه لعيالكم يوميا *&*&*

خوش وجبات وخوش افكااااااااار

بس انا بنتي اذا كلت ربع توسته زين

نبي افكار الساندويش للاطفال :ggdw:
​

 

[meskq8]

رد: *&*&* جدول أفكار وجبات الأكل حق المدرسه لعيالكم يوميا *&*&*

تسلمين على الافكار والمينو

 

[اشراقة الحياة]

رد: *&*&* جدول أفكار وجبات الأكل حق المدرسه لعيالكم يوميا *&*&*

والله انا عيالي ..........

ما ياكلون جذي ......

وكل يوم نفس الاكل ...........

توست اسمر ....مع ....جبن كرافت
توست اسمر ...مع....كاكاو نوتيلا
وعصير kdd ....
بطاط نايس..........
كاكاو صغير........

مـــــــــــــلاحظة:
اعطي عيالي ...........توست اسمر ..........لان الدكتور قالي احرك عملية الايض عندهم .......ومممتازه وايد حقهم



يعطيج الف عافيه ..........

 

[الخيلاء]

رد: *&*&* جدول أفكار وجبات الأكل حق المدرسه لعيالكم يوميا *&*&*

ساعات اوديهم قيصر الصبح الساعه 7 وينقون على كيفهم و يحطون لهم ب بكس ابيض مثل علبة الهمبرغر ....وااايد عجبهم و يقولون ان الطلبة التموا علينا يبون مثلنا ....فوايد عجيتهم الفكره بس متعبه مو كل يوم ...انا عياي اولى و ثالثه ابتدائي...و ماياكلون بس هالطريقه كلو

 

[أم عبووووود]

رد: *&*&* جدول أفكار وجبات الأكل حق المدرسه لعيالكم يوميا *&*&*

وعليكم السلام ورحمة الله وبركاته

مشكوووورة حبيبتي على هالموضوع الحلو والوجبات الحلوة بس عيالي لو ياكلونهم وجبة بالمدرسة ماراح يتغدون:0bee2e8d89:


ان عيالي وجباتهم تتكون من عصير وبطاط وصمون او توست ( جبن وزعتر او جبن وطماط او جبن وخيار ) او لبنة وزعتر او لبنه ساده تشوفيني الصبح متربعة وكل واحد يقول اشيبي واسوي له:082502bye_prv:

او اكون شارية لهم كرواسان ولا الفطاير الجاهزة

ومرات يشتهون احط لهم خيارة او فاكهة هذا حدهم

وبسسسسسسس هذي وجبة عبالي للمدرسة :tek:

 

[نواره الحلوة]

رد: *&*&* جدول أفكار وجبات الأكل حق المدرسه لعيالكم يوميا *&*&*

آنا اعيالي احبون توست محمص مع كاكاو نوتيلا أو مربى أو سندويشة مرتدلا مع جبن سلايس وجبن قلاص كرافت مع زيتون >>> غرام وليدي
وفي كورن فليكس كوكو بوبس اصير جنة قطع كاكاو كبيرة بكيس صغير بدال الكاكاو العادي و كوكيز أو بسكوت الشوفان وطبعاً الحليب كي دي دي ما أرضى ياخذون عصير المدرسة وعندكم كيك أمريكانا وطبعاً لازم الفاكهة وهالأيام هابين ياخذون الكريم كرمل الصغار المدرسة بس ماأحط لهم شبس لأنهم راح ياكلونه ويخلون الأشياء المفيدة ولدي يخليه ياكله بالهده فيسد جبده عن الغدا وأحب ياخذون كل يوم غير عشان ما يملون مع ان ولدي يحن عطيني فلوس عشان أشتري من مقصف المدرسة بس نووووو ويييييي

 

[حلم الطفولة]

رد: *&*&* جدول أفكار وجبات الأكل حق المدرسه لعيالكم يوميا *&*&*

مشـــكوورين على مشاركاتكم .. وان شالله نكون أفدنا أمهات وايد .

حتى آنا بناتي ماياكلون زين ولو تشوفونهم عصلات .. وكنت دايما معتمده على ساندويش جبن وكرواسان وعصير وبسكوت ...لأن هذا الشي الوحيد للي مضمون يحبونه .. عندهم تشرّط بالأكل .
بس لاحظت الفتره الأخيره قامو ماياكلون يروحون ويردون بالساندويش على حالها
قمت أبدل لهم وأنوع وهمه استانسو ..
مره ياكلون ومره يرجعون فيه مو مجيوس وساعات ياكلون نصه .. المهم التنويع ..

::::: وهذي بعد إضافات يديده اتفضلو :

ورق عنب بالزيت.....

.... كب أ كورن = ذره حب مفصص بكوب بالليمون والملح والزبده

 

[حلم الطفولة]

رد: *&*&* جدول أفكار وجبات الأكل حق المدرسه لعيالكم يوميا *&*&*

وجـبات تنفع للروضه والإبتدائي :

* .. جيكن ناقتس + عصير
* ..كرواسان .. + لبن
* .. بيتزا صغير شغل بيت أو فطاير صغيره جاهزه أو شغل بيت + حليب كاكاو
* روب الفواكه الصغار ميزته انه ثقيل ( جامد )
ومافيه قطع فواكه ويقدر حتى طفل الروضه يفتحه وياكل بدون مساعده

* ..خبز توست يمسح بالزبده والكتشب وجبنه قلاص .. ويوضع بالداخل همبرغر وتقطع الخبزه دائريا مثلا الهمبرغر وتضغط جيدا



* .. كورن فليكس ..

* .. نفيش : وايد ممتاز ومغذي

* .. سمبوسك .. جبنه ..سمبوسك بطاط .. كبب صغيره.
*.. تفاحه . أفندي مفلل .. موز ..

* .. خياره كامله مو مقطعه ..

** .. كيك سويس رول


((((( ماودّي أكتب بطاط شيبس وبفك .. لأن شخصيا ما حط لعيالي هالأشياء مو صحيه بس إذا الطفل ماياكل ممكن تضاف له كيس بفك بين يوم والثاني )))))

* .. دونت صغار بون كاكاو عشان ما يدمرون نفسهم ..
* ..أكو بطاط هابي فيس جاهز للقلي .. بس مو كل يوم عشان مقليات .

:::::::::::::::::

 

[اي اسم]

رد: *&*&* جدول أفكار وجبات الأكل حق المدرسه لعيالكم يوميا *&*&*

مشكورة حلم الطفولة
بس بالنسبة للتشيكن نجتس انت تقلينه من الصبح على حزة الريسس يكون بارد
شلون يتقبلون طعمه؟
انا عيالي كل يوم ساندويشة لبنة وخس او جبن جلاس او مرتدلا مع جبن سلايس وخس ومسحة مايونيز
بالاضافة الى عصير منجا او كوكتيل او حليب كاكاو كي دي دي
مع بسكوت بالكاكاو او كووكيز او كيكة سويسرول وبطل ماي صغير
ومرات بيبي كاروت وطماط صغير او افندي او موزة او تفاحة
يعني اللي موجود ومو كل هالاشياء مجتمعة
ولدي الكبير الحمدلله ياكل بس الصغير كل يوم يرد الجنطة على حطتها
مرات بس يشرب العصير ومرات بس ياكل الجزر

 

[حلم الطفولة]

رد: *&*&* جدول أفكار وجبات الأكل حق المدرسه لعيالكم يوميا *&*&*

مشكورة حلم الطفولة
بس بالنسبة للتشيكن نجتس انت تقلينه من الصبح على حزة الريسس يكون بارد
شلون يتقبلون طعمه؟
انا عيالي كل يوم ساندويشة لبنة وخس او جبن جلاس او مرتدلا مع جبن سلايس وخس ومسحة مايونيز
بالاضافة الى عصير منجا او كوكتيل او حليب كاكاو كي دي دي
مع بسكوت بالكاكاو او كووكيز او كيكة سويسرول وبطل ماي صغير
ومرات بيبي كاروت وطماط صغير او افندي او موزة او تفاحة
يعني اللي موجود ومو كل هالاشياء مجتمعة
ولدي الكبير الحمدلله ياكل بس الصغير كل يوم يرد الجنطة على حطتها
مرات بس يشرب العصير ومرات بس ياكل الجزر

مشكوره عالرد والمشاركه ...........
هذا احنا نحاول وماردنا يرجعون الوجبه مثل ماهي .. بس ميخالف نظل نحاول ..
وبالنسبه للشيكن ناقيتس ,, شوفي لما نشتري من المطاعمالسريعه وجبة الاطفال لو بارد ياكلونه عادي .. نكهته فيه وطعمه باقي وآنا احيانا أحطه لهم ساندويش بالكتشاب والمايو .. صراحه دوامهم طويل ولما يوعون ياكلونه لو بارد .

 

[Om_RayooMa]

رد: *&*&* جدول أفكار وجبات الأكل حق المدرسه لعيالكم يوميا *&*&*

مشكوره والله في افكار جدولج
بس انا بنتي ما تاكل كل شي
والله يعطيج الف عافيه

وهذا جدولها
عصير أناناس او روب اللي على نكهه نيدو
كرواسان الصغير
بسكوت مالح تك
كوكيز
بسكوت اوريو
بطاط
طبعا ماتاكل كل هذا بس انا احط زايد بالجنطه

 

[ReeMaN]

رد: *&*&* جدول أفكار وجبات الأكل حق المدرسه لعيالكم يوميا *&*&*

واااو خوش موضوع حلم الطفوله مشكوووره تسلمين انا ولدي مايبي الا توست اسمر ولبنه بالزعتر ومره بدال الزعتر يبي خيار وكيس فيه اشويه مكسرات كازو وسبال معاهم ياخيار او جزر ساعات احط له بسكوت سمسم وعصير يا اناناس او كوكتيل وطبعا المقرر حليب كاكاو كي دي ديهذا يوميا الصبح قبل لايروح المدرسه

 

[حلم الطفولة]

رد: *&*&* جدول أفكار وجبات الأكل حق المدرسه لعيالكم يوميا *&*&*

شكرا حبوبات عالمشاركه .. يارب تفتح شهية عيالنا آمين ..

صح ريمان : مكسرات .. وسمسميه ,, مشكوره

ذكرتوني أول وحده مع بنتي .. تحط لها امها : عيش ودياي !!!! يحليلها غدا عالريوق تبارك الله

::::::::::::: فراوله ... أناناس معلب ....
ولا تنسون للصغار قطعو التوست على اشكال .. يتشجعون ياكلون من الشكل ..

 

[حلم الطفولة]

رد: *&*&* جدول أفكار وجبات الأكل حق المدرسه لعيالكم يوميا *&*&*

بيبي كاروت ... جزر صغار .. مشكوره ذكرتيني

وذره صغار : بيبي كورن

 

[حلم الطفولة]

رد: *&*&* جدول أفكار وجبات الأكل حق المدرسه لعيالكم يوميا *&*&*

حبات زيتون بدون نواة

بينت بتر ساندويش

كشمش مغسول وفواكه مجففه ..

 

[الصابرة المحتسبة]

رد: *&*&* جدول أفكار وجبات الأكل حق المدرسه لعيالكم يوميا *&*&*

جزاج الله خير ياحلم الطفوله
وانا اسويلهم ساندويش صمون محشى بيض مفيوح مع طماط وساعات صمون مع جبنه وخيار وساعات جباتي بالبيت مسوينة مع اللي يشتهونه جبن -مرتديلا- ويكون العصير وقت القيض والحليب بالشتا والحمدلله الله لا يغير علينا يالله من فضلك نعمة

 

[حلم الطفولة]

رد: *&*&* جدول أفكار وجبات الأكل حق المدرسه لعيالكم يوميا *&*&*

الله يجزيج الخير الصابره .. ومبروك افتتاح الحمله