اخواتي..انا جدا منهاره وحزينة...هذا قصتي لاتحرومني ارائكم

[قلب طفـــله]

وين المشكله مااشوف في مشكله وانتي جميله واجتماعيه ومادري شنو ! لول

المهم الريال شاريج والدلع مايفيد بهالمواضيع اذا تببينه ردي له وين ساكنه انتي بالصين ! بالكويت متى مااشتقتي لاهلج جم ساعه وتكونين عندهم !

عبالي الريال طاقج ولاخانج !

حدج مكبره الموضوع

 

[كاملة الدسم]

لا تصيرين انانيه الريال شاريج اخطبج اكثر من مره وتعلق فيج

ردي لبيتج وريلج وادعي الله يرزقج بالضنى الصالح واهلج تقدرين

تروحين لهم كل شهر 3 او 4 ايام

و بصراحه انصحج تراجعين استشاري نفسي يتابع حالتج

 

[اميره1980]

الزوجة هي اللي تتبع زوجها وين ما راح صح ؟
الخوات ما قصرو في باجي النواحي
انا لو مكانج احط ريلي بعيوني
و الله ريال باع الدنيا عشاني و اصر يتزوجني ووحيد امه و ابوه و فوق هذا ما شاء الله دكتور و الله ما اخليه من صجج؟؟
الحل:

ان شاء الله تكونين حامل و العيال و المسئوليات تلهيج عن باجي الناس و امج و ابوج الله يخليهم لج مو دايمين لج و اذا اشتقتو لبعض انتي زوريهم بالشهر مره او اهلج يجون عندكم كل شهر مره عليج و مره عليهم و الحياة تمشي و صديقاتج مو دايمين لج كل وحدة راح تتزوج و تلها بحياتها الجديدة
فكري في بيتج و زوجج اكثر من اي شي ثاني بالدنيا و ان شاء الله ربي يوفقج

 

[سوسو حبيبتى]

احمدي ربك

زوجك حنون واخدتيه عن حب

والكويت لزقه بالسعوديه

اعرف بنات اصلا بينها وبين اهلها شارع وجوزها حابسها مايطلعها كانها خدامه

والله اعرف بنت كان بينها وبين امها بنايه وولو تتطلع من البلكونه تشوف بيت اهلها وامها

وجوزها كان منعها حتي تتطلع البلكونه تخيلي ؟؟

انا جربت الغربه مرتين ..مرة بكندا بجددد دي الى عذاااااااااااااااااااااااااااااااب

وحاليا بقطر اهون كتيير

فى الحالتين مابقدرش اسافر لاهلي طبعا غير مرة ف السنه او مرتين بالكتير

بس الى مهون عليه الانترنت والتليفون

بكندا كنت حاطه اللاب توب واكلم اهلي ع الاسكاي 24 ساعه لدرجه كنت انام على صوت امي الله يخليها لى

اقول لها يااما هااانام واخلي الكاميرا علييه وانا نايمه تشووفني وتتطمن عليه

صح عذاااب

خلتيني اعييط وانا اكتب


بس حياتي مستمره والحمدلله

ارجعي يابنت الحلال لجوزك وحياتك بكره بعد عمر طويل كل واحده من اخواتك هاتتجوز

واتفقي مع جوزك انك تسافري لاهلك كل شهر مره

ولواهلك ماعندهمش نت شغلي لهم النت وعلميهم ع الاسكاي وهاتفرق معاااكي كتير

وانصحك سافري لجوزك فى اقرب فرصه قبل مايضيع منك وتندمي ندم العمر كله

 

[هيبة ملك]

يارب تكوني حامل ويجي اللي يملأ عليج حياتي

حبيبتي ارتاحي كم يوم وردي لبيتج وزوجج وحاولي تأقلمين ترا مافيه شئ أنت بس مكبرة السالفة

موفقه ياقلبي وعسا ربي يسعدج

 

[الغـــــزال]

تعوذي من أبليس...زوجك نعمه لاتقدر بثمن..
كفايه أنه يحاول يرضيك بكل شي..ويخلي دوامه اذا عرف انك متضايقه..

حاولي ترجعين له قبل لا يفوت الفوت..

 

[ام احلى خلودى]

عورتى قلبى حدى اندمجت بالقصه .....نصيحه لاتضيعين الريال من يدج وشكله ماشاءالله خوش واحد واذا على مشكله الاهل روحيلهم كل ويكئند وانحلت المشكله والله يسهل امووورج

 

[هيبة فتاه]

يوووة والله انتي مو حامده ربج ....



اوكي عندج مشاكل ماقلنا شي بس مشاكلج عاطفيه بالدرجة الاولـى الحين زمن العاطفة انتهى وبعدين ...

وين وظيفتج تلهيج ؟؟؟



وغير جذي وايد بنات يتمنون النعمه اللي انتي فيهآ .....فرصه لاتضيعينها منج

 

[روح مووود]

مايبلها ارجعى لزوجك ولو الكل فكر زيك كااااااااااان محد تزوج
وبعد مو انتى بس الاى تغربتى والله انى متغربه عن اهلى لى ست سنوات
اجيهم زيارات بسسس قبل يجينى عهيال صح كنت احس بغربه بس الحين الحمدلله
عيالى اخذين وقتى ولا افكر بحد

 

[السهم الصويب]

وييينج ردي علينا يا بنت الناااس
قوليلنا شصااار معاج؟

 

[beam_k]

السلام عليكم

اختي حكايتك تشبه حكايتي
انا من جدة و عايشة في امريكا من 2006 وو اتزوجت كويتي و كنت قبل ما اتزوجه ما اعرف و لا شي عن الكويت بحكم انه جدة بعيدة عن الكويت مقارنة بالشرقية و الرياض
و الان في امريكا لكن راجعين للكويت قريبا ان شاء الله

عموما ردي انه غربة الكويت مو زي غربة امريكا ابدا الي خلاكي تستحملي هنا ممكن تتحملي في الكويت على الاقل عشان زوجك
و الحياة حتستمر

 

[عسل سل]

الحب تضحيه
وانتي لازم تضحين ببعدج عن أهلج عشان ريلج
الوحده مو كل يوم تحصل ريال يحبها ويخاف الله فيها
مع الوقت راح تتعودين
ذكري الله ولا تخربين بيتج بيدج
فراق الاهل وانتي متزوجه بوايد احسن من قربهم وانتي مطلقه

صح كلامهاااااااااااااااااا %
والله حرااااااام تطلقين منه خصوصا انكم تحبون بعض والله مايتعوض هالرجال صراااحه :eh_s(2):
وين الي نفسه هالايام نادر وهذا اذا كان فيييه
وجيكي عالخاااااص كاتبه لج

 

[chole_84]

حبيبتي حبيت اسلوبج
نصيحه اخت ردي لزوجج مواقفه كلها حلوه وباين انه شاريج
ردي لبيتج وربي بيرزقج بالذريه ان شالله بغيرون وضعج حيييييييييل للاحسن
واهلج كل اسبوعين روحيلهم يومين وردي
وجده غريبه والله والله ماالومج على احساسج بس حرام بعد تخربين بيتج
واهلج كلميهم مليون مره باليوم
بس لاتهدين زوجج
صدقيني ماتلقين مثله
والله يكتبلج الخير وويسعدج

 

[الاستاذة نونو]

تدرين انا مستعدة اتنازل عن كل العالم لو وجدت رجل واحد يحبني وشاريني نفس زوجج!!

اختي انتي مو مقدرة النعمة

انتي تحملتي ست سنوات غربة عن اهلج ومع زوجج سنه واحدة ماتحملتي!!

انتي تعرفين انه طبيب والطبيب دوامه طويل ما يتفرغ لحياته الزوجية


اااااااه وقف قلبي لما قلتي كان مستعد يترك الكويت ويعيش بجده بس عشان يكون قريب منج !! انتي متخيلة حجم التضحية!! كان بيخلي امه وابوه وهو وحيدهم ويخلي طموحه العلمي ( الطب) ووظيفته عشان عيونج ! كان مستعد يتنازل عن العالم كله لأجلج

انتي مو قادرة تتأقلمين على عيشتج بالكويت لان ماعرفتي تكونين صداقات

اكيد صداقات الطفولة غير صداقات الكبر

المفروض الحين تشيلين نفسج وعلى اقرب طيارة وترجعين لزوجج ترا هو الوحيد اللي راح يبقى لج اهلج كلهم بيتزوجون وصديقاتج بيتزوجون وامج وابوج ماراح يديمون لج والاعمار بيد الله

بس راح يجي يوم تموتين من الوحدة نفس ما انا قاعدة اموت منها

صدقيني الاهل مايديمون لج

ارجعي لزوجج النادر وارجعي لقلبه الكبير وافرحي لو كنتي حامل وخططي للطفل الجديد وعيشي حياتج

لا تصيرين غير ناضجه الى الان

وتذكري دايما انج عشتي غربه ست سنوااااااااات لوحدج

 

[BlueDazy]

بيكون ردي غريب لكن هذي قناعاتي
اسمحيلي ما اقتنعت بالقصة
الدراسة والنجاح والحب و التضحية و الزوج المثالي !!!
الأسلوب درامي أكثر منه عرض مشكلة...
والجواب الي تبين تسمعينه اعتقد اغلب البنات جاوبوه...

 

[بولندية]

الله يعينج البنات كفو و فوو صلي الاستخارة و بالعكس صارحي اهلج لا تخشين عنهم خصوصا اذا كنتي تثقين برايهم

اللي معاي بالدوام مثلج سعودية و متزوجة كويتي تقولي اول سنة زواج كانت صـــــــــــــعبة بالنسبة لها ومع العيال و السنين تعودت عالوضع

 

[روحي تحبk]

حرام عليج لا تسويين جذي انتوا بينكم حب وتزوجتوا بصعوبة التكنولوجيا تطورت تقديرين تتواصليين مع اهلج بسهوله وبين كل اسبوعين تزورينهم وقدمي ع وظيفة واكيد بيصير عندج رفيجات
حرام انتي منكدة ع ريلج واهوا مايستاهل منج هالمعاملة
انتي الحين بجدة صح ؟ انا اقول ردي لكويت وسويها مفاجئة له وطيبي خاطره
وطمنينا عنج

 

[ورد]

صديقتي عايشة في جدة مع ان اهلها في الشرقية (المسافة للشرقية والكويت واحد) ،، في البداية ما تاقلمت لين بعدين وصلت لاتفاق مع زوجها ان كل اسبوعين تروح لاهلها وتقعد عندهم الويكند ،، تروح الاربعاء وترجع الجمعة في الليل ،، وتاقلمت وارضت الطرفين ، مو من غلات تذكرة جدة - الكويت ، روحي لهم كل اسبوعين وداري زوجك لا يطير منك ..

 

[kuwaitya_zoGaa]

حبيبتى ذكرى الله
انا بعطيج حل الوحده مخليتج تحسين بالوحده
انا بقترح عليج ليش ما تشتغلين ؟؟ ليش ماتدخلين دورات ؟؟
وزوري اهلج كل اسبوعين مره وربي يتمم عليج

 

[القمر الخجول]

جدة والكويت جنب بعض كل بعد اسبوعين تقدري تزوري جدة ارجعي لزوجك وربي يوفقك ويسخره لك ياااارب