اراده حديديه مع passion لرجيم هلا فبراير

[مدرسة طفشانة]

اشلونكم يا حلوين
علياء حبيبتي الحمد لله على سلامتج
بنات لا تنسون الهمة احنا متفقين ننزل عدل هالمرة
باشن حياتي صار لي جم يوم مخففة بشكل كبير والحمد لله اليوم حسيت بخفة واحس نفخة بطني اقل
لأني صايرة اشرب سوائل واذا كليت شي اشرب وراه شاي اخضر بالزنجبيل الطري والدارسين يقولون يذوب الشحوم
وان شاء الله خير

 

[ملكة زماني]

ولكم باك باشن

انا اول وحده انشالله
وباذن الله بدعم مشاركاتي بالصور

سيلينا
يالله لا تتخلين عن هدفج
واشتركي معانا الاسبوع الياي

ومدرسة طفشانه
استمرييييييييييييييييييييييييييي

 

[سيلينا]

ولكم بااك باااشن ان شاء الله انا معاكم لاني ابي انزل هالكيلو وابي رجيم تثبيت الوزن


انا معاكم ان شاء الله

الف الحمدالله ع السلامه علياء

الله كريم ملكه زماني اجمعين نوصل لهدفنا يارب

كيكه توفي موفقه يااارب

مدرسه طفشانه الله يشافي بنتج ويوفقج يارب

 

[عليـاء]

مرحبـا بنات
ياعسااكم كلكم بخير حبيايبي
والله يسلمكم من كل شـر
أنا اليوم أخيراً استقريت بعد السفر , حوسة الشنط والصوغة :eh_s(9):

ملكة زماني
فديتج لو أني بالكويت صوغتج بتوصلج ياقلبي .

سيلينا
يالله معانا كنت سبب من أسباب التشجيع والله

مدرسة
الله يقوي إرادتج أكثر وأكثر ويشفي بنتج حبيبتي

بااشن
أنا ولهانة عليج ويالله بما ان جددتي اشتراك النت
نبي نشوفج دوم ياقلبي

---

يومياتي اليوم

- الصبح
شاي

- الغداء
- سمك هامور
- ربيان مشـوي

- قطعة بوليمي " اللي كأنه ليمون "
- 4 قطع تشوكليت مع نص كافية بدون كافيين .

يارب ثبتني
والتشوكليت لازم اتخلص من أكله بس لأن علي الحلوة ومشتهية حلو .

 

[عليـاء]

- اشتريت من بوتس اللي هناك
شي اسمه ديتكوس حق تنظيف الجسم عبارة عن 5 زجاجات
تستخدمين كل يوم زجاجة مع لتر ماي وتشربينه طول اليوم
والحين باجربه إن شاء الله .

 

[كيكه توفي]

السلام عليكم .. شلونكم بنات

عليا .. الحمدلله على السلامه

اليوم

ريوقي : 5 تمرات + نسكافيه

الضحى : عصير اناناس

غداي : تونا + سلطه

العصر : 3 تمرات + نسكافيه

شربت يانسون

عشاي : روب

بس الحمدالله

 

[عليـاء]

هلا كيكة
الله يسلمج من الشر ياقلبي
وبالعافية عليج أكلج

انا على العشا خبصت جاوا هلي وكلت
ومن بكرة يارب التزم
باسوي ريجيم اتكونين المعدل من دشتي
:eh_s(16):

 

[passion.666]

شلونكم يا حلوات
انا متابعتكم لاتحاتون
عليااااااااء
شلونج ياقلبي
مدرسه طفشانه
طمنيني على بنتج
كيكه توفي لاتنسين ابي وزنج 70
ملكة زماني
انتي ملكة روحي
سليناااااااااااااااااااااااا
اين انتي

بنات اذا تغبت اختنا مدرسه طفشانه او ماشاركة بيومياتها
معذوره لأن ظروفه غير والله زين منها اتشارك معانا ورجيم وتعب وبنتها مريضه فأنا عاذرتها
الله يقوم بنتها بالسلامه

اللي معاي بالقروب

ملكة زماني
مدرسه طفشانه
سلينااااااااااا
علياء
كيكة توفي

يوم 4\4 ابي اوزان جديده طبعا بالناقص

 

[مدرسة طفشانة]

تسلمون والله بنات احس عيني بتدمع لما اشوفكم تدعون حق بنوتي
الله يشافيها ويشافي كل مريض يااااااااااااااااااااااااااااا رب
حبايبي مشكورين عالتشجيع صج صج ونستوني
وان شاء الله ما اخيب ظنكم وابشركم بالوزن اليديد يوم الأحد بإذن الله
صار لي يومين شادة على روحي وقاعده اتبع الريجيم المركب >>> رجعت له مرة ثانية لأنه عجيب
الصبح اشرب حليب مع نسكافيه
والغدا كان روب
والعشا شوربة كنور
واسوي لي شاي اخضر بالزنجبيل الطري وعود دارسين >>> يقولون يذوب الشحوم
وبحاول ارجع للرياضة ان شاء الله وموعدنا مع الميزان هو الحكم

 

[ملكة زماني]

قواكم الله بنات
ملتقانا الاحد باذن الله

 

[عليـاء]

بنات شلونكم
الله يقويكم على الريجيم فديتكم
باشن
نور المكان ياقلبي
ولهت عليج وملتقانا الأحد

مدرسة
يعطيج العافية يارب تثبتين وتزيدين إصرار على النزول
وتقر عينج بشفاء بنتج قلبي

ملكة زماني
بالعافية أكلج ونشوفج الأحد

 

[عليـاء]

يومياتي

غداي
سيزرنج دجاج وبالخضار
وسيزر سلد
من فرايدز

السناك
3 تمرات
ونص كافية خالي من الكافيين .

والعشا
للحين ماقررت
بس راح يكون يمكن بيضة وزيتون وجبنة .

-

 

[سيلينا]

مسااااء الخير بنوووتات اشلوونكم

يومي الصبح كاان تمااام

تريقت كابتشينو لايت

بعدها بساعتين 2 كراكت مع 1 جبن لايت سلفايد مع شاااي

الغدا للاسف رحت نينو بس ما خربطت حيل

وبعدين المغرب كليت اشويه بنك باري اعتقد انه لايت مو كله من السمول انا واختي تشاركنا فيه

ماافي عشااا ابي انام حووسه الصغار بالطلعه طلعت عيني تصبحون على خير

باجر ان شاء الله اوفايكم باخر اخباري

سوري مارديت على احد بس والله حدي فاصله بااجر ان شاء الله اشوفكم على خير

 

[عليـاء]

هلا سيلينا
فديتج بالعافية

--

عشاي
- سبع زيتونات
- حبتين ناكتس
- سيزر سلط

وبعدها
شربت شاي اخضر وتمرتين

طبعا نظام الاتكوتين
يسمح بالتمر
وبفاكهة اوعصير مرة بالاسبوع
ونشويات مرة بالاسبوع

 

[passion.666]

شلونكم يا حلوات
مستعدين حق يوم الأحد
ابي نشاط

سيلياااااااااااااااااااااااااااااااااا

عليااااااااااااااااااااااااااااااااااااا

ملكة زمانييييييييييييييييييييييييي

مدرسه طفشانههههههههههههه

كيكة توفيييييييييييييييييييييييييييي

باشننننننننننننننننننننننننننننننننننن


شدووووووووووووووووووووووووووووو الهمه


​

 

[عليـاء]

جمعة مباركة عليكم
الله ينعم عليكم بالصحة والعافية ويحقق أمنياتكم يارب

باشن
مستعدين ياقلبي

بديت يومي
بـ تشوكليت لأني أكلت حبوبي
والحين اشرب ماااااااااي

 

[passion.666]

up up up

 

[مدرسة طفشانة]

لا تحاتين باشن
كلنا ان شاء الله بنكون نازلين بالوزن
قولو آآآآآآآآمييييييييييين

 

[سيلينا]

مستعدين ان شاء الله

عووووفي عليااااااء صبااح الخير موفقه بالرجيم يااارب


مدرسه طفشااانه وباااشن صباااح الخير اشلووونكم

 

[مدرسة طفشانة]

يا صباح الأنوار سيلينا
انا اليوم الحمد لله انتي اشلونج؟
طبعا اليوم شربت نسكافيه الصبح
وبروح اتغدى مع عيالي عشان عيد ميلاد ولدي الجعدة فدييييييييييييييته
وبخلي الغدا شوربة او سلطة والعشا يكون عكس الغدا
ولما ارجع البيت راح العب عالاوربترك ربع ساعة
وان شاء الله خير
وييييييييييييييييييييييييين باجي البنات؟؟؟؟؟؟؟؟؟