اراده حديديه مع passion لرجيم هلا فبراير

[passion.666]

خللي يومج يمر ويكون احلى من امس
شدو حيلكم يابنات الرشاقه مهمه حطي هدف وان شاءالله راح توصلون لهدفكم

 

[مدرسة طفشانة]

اهلين باشن
انا اليوم من الصبح احباط يتني الدورة وانتي بكرامه
وصعدت عالميزان والا صايره 100 بعدين تذكرت ان الوزن وقتها يزيد
بس ان شاء الله هالأسبوعين اشد على روحي وانزل عدل لأني ملييييييييت
تريقت الصبح نسكافيه
والغدا كان صدر دياي مسلوق مع خضار مسلوقه
والحين بشرب شاي اخضر بالنعناع عشان الدورة
ونشوف الباجي شنو صار معاهم

 

[كيكه توفي]

باشن

ان شاء الله راح ينزل وزني بهالاسبوعين بسوي كل اللي اقدر عليه ابي ادش الستينات

مدرسة طفشانة

يارب توصلين للوزن اللي تبينه .. ماعليه الوزن يزيد وقت الدوره كيلو كيلوين لا تتحبطين

 

[كيكه توفي]

باشن متى راح يكون يوم الميزان الياي تاريخ جم ؟

 

[passion.666]

هلا وغلا

مدرسه طفشانه
وزنج 100 يا مجرمه
بعد اسبوعين ابي يكون وزنج 95 باطول ولا بالعرض انا ابي هالرقم 95 يوم الميزان
4\4 يوم الأحد
اعتقد الفتره كافيه تنزلين من وزنج انا ابي 95 تكتبينه لي بعد اسبوعين​

 

[passion.666]

هلا وغلا

كيكة توفي

شلونج ياعسل
يوم الميزان 4\4
يعني بعد اسبوعين اعتقد فتره كافيه تنزلين من وزنج بعداسبوعين ابيه يكون 70
انا ابي هالرقم 70 شدي حيلج ابي الرقم من غير كسور​

 

[passion.666]

مساء الخير يا حلوات
وينكم ياعسلات عسى ماشر
بنوتة الطائف
سلينا
علياء
جوانا
ملكة زماني
احساس الغلا
مس سولييتر
جميلة العرب

وين قروبي العزيز شخباركم انا مستمره مع القروب حتى لو ظليت بروحي ما عندي مانع
نصيحه من اختكم لاتهملون روحكم ولا تملون لو انتو مستمرين شهر بالضبط والله راح تضعفون اهمشي الأراده
اللي تدخل وطل على صفحتنا من غير ما تسلم علينا مو حلوه بحقها لا تستحون بالعكس اساس النجاح هو الفشل والاصرار الوصول الى الهدف
خلو ارادتكم قويه وبشو معاي من باجر​

 

[عليـاء]

بنات شلونكم
باشن وحشتيني ياقلبي
انا معاج لاتخافين صج مسافرة بس كل يوم ادخل اقرا
ولأن سفر وتخبيص فما أقدر اكتب يومياتي أنا بارجع يوم 30 - 3 ان شاء الله
وان شاء الله يوم الميزان اكون نازلة وصايرة اوزن على طول عشان مااخبص ثاني يوم اكثر

وحشتوني كلكم
كيكة
سيلينا
مدرسة
مس سوليتر
حساسة
والجميع ياحلوات
الله يوفقكم وتنزلون كلكم

 

[كيكه توفي]

عليا

حبيبتي فقدناج ترجعين بالسلامه ان شاء الله

 

[كيكه توفي]

يومي

الريوق : شريحتين توست اسمر مع بيضه + جاي

الضحى : جاي اخضر

الغدا : فتوش + 1 كباب + صدر دياي

العصر : 2 بسكوت دايجستف لايت + قهوه تروبيكانا

العشا : صمونه من صبواي + عصير اناناس

بس الحمدالله

 

[miss_solitaire]

أنا موجوده و مستمرة على الرجيم

بس ما أقدر أشبك على طول

من الشغل اللي على راسي من تصحيح

و تحضير

و تدريس و تعب

المهم رغم الرجيم

وزني ثبت مو راضي ينزل حتى 100 جرام مو راضي ينزل

 

[مدرسة طفشانة]

الله يسمع منج حبيبتي باشن واوصل للوزن المثالي
الصراحة بشد على روحي هالأسبوعين ويمكن ارجع من باجر حق ريجيم طالب
احسه اكثر ريجيم اقدر التزم فيه ونتايجه روعة معاي
عليا مشكورة يا قلبي عالتشجيع
نبي همتكم بنات وينكم؟؟؟؟؟؟؟؟؟؟؟؟؟؟؟؟؟؟؟؟

 

[ملكة زماني]

اشلونكم صبايا
واشلونكم يا امهات كل عام وانتم بخير

انا من امس بلشت عدل مدل
والحمدلله عدى على خير
ماخربطت

بس اريوقي كان منيي صمون عدد 2 من بي كيك


وشربت نسكافيه مع مني دونت


والحمدلله


واليوم وزنت ووزني 70 و900 غرام <<< طبعا كان زايد عن اول ما اشتركت بالمسابقة

وانشالله ناويه لي 4/4 باذن الله اسويه 65

خلاص زمن الخربطة والبلعه والمتن ولى
وانشالله راح ابدى عهد يديد مع الرشاقة

 

[ملكة زماني]

باشن
عندي اقتراح
اشرايج نفتح موضوع يديد وانبلش عدل عدل
عشان يكون جدي ومضبوط
نفس القروبات الثانيه

 

[مدرسة طفشانة]

اهلين ملكة وانت بخير وصحة وسلامة يا قلبي
صاجه والله جان زين نفتح صفحة يديدة وتجمع يديد والارادة تكون حديد>>> جني صرت شاعره خخخخخخخ
الصراحه نبي نبتدي بدايه جاده وتكون فيها عقوبات للمخالفة ونفس الطريقة بالنسبة للي تكون نازلة نجازيها
ويكون فيه التزام باليوميات والوزن وحتى اذا بغينا نكون نفس النظام عشان نشجع بعض وكل وحدة تذكر الثانية بالنظام
هذا رايي واذا عندكم شي احسن يا ريت تقولونه عشان نتفق عليه
والا اشرايج باشن؟؟؟؟؟؟؟؟؟؟؟؟؟

 

[passion.666]

السلام عليكم ورحمة الله وبركاته

شلونكم ياعسولات

بناء على طلب البنات راح ابلش موضوع جديد ويوميات جديده راح يكون اول يوم الأحد 4\4
راح تكتبون يومياكم بصوره يوميه وبدون توقف وكل وحده وعلى راحتها
اللي تحب تكتب اول بأول او في نهاية اليوم تكتب يومياتها و إذا امكن مع اللصور
واتحط وزنها لازم اول يوم رجيم ويكون موعد الميزان بعد اسبوعين يعني
يوم الأحد 18 \4

الشروط:

- اللي ماتكتب يومياتها كل يوم تلغي من القروب ومافيها واسطات
-اللي ماتحط وزنها اول يوم في بداية الرجيم راح تلغي من القروب
- لازام اتحطون برنامج الرجيم من الدكتور او اي رجيم عندج من قسم التغذيه اسبوعيا وراح اتابع البرنامج ومن غير نظام رجيم او على كيفها راح الغيها
-ممارسة الرياضه مهمه في حاله اذا خربطتي الرياضه اتعوضج
- موعد الميزان كل اسبوعين وللي ما تنزل تلغي من القروب على الأقل لو جرام

هذي شروطي قبلتها اهلا وسهلا وحياكم الله سواء قروبي القديم او المشتركات الجديده

وموضوعي اللي راح انزله ان شاءالله يوم الأحد 4\4 تحت عنوان

قروب passion اقوى قروب اراده حديديه من 4\4 لغاية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟​

اعتقد عندكم وقت كافي لغاية 4\4 كل وحده اجهز حالها نفسيا ويكون عندها استعداد تام
ولاتضايقون مني انا ابي مصلحتكم
وهذا الوجه الثاني لي

كل شي عندي عقاب وحساب ودقه بكل شي
واي وحده مستعده لشروطي اتسجل اسمها
وشكرا​

 

[كيكه توفي]

السلام عليكم

انا معاكم بالقروب اليديد ان شاء الله

يومي

الريوق : شريحتين توست اسمر مع زعتر + جاي

الضحى : عصير اناناس

الغدا : 2 كباب + صدر دياي + تبوله

العصر : زنجبيل

العشا :تفاحه + لبن

بس الحمدالله

 

[عليـاء]

هلا حبايبي
الله يسلمكم يارب
ورادة لكم بقوة

باشن انا معاكم
وفرحت وايد وايد بالتجمع
انا وياكم
وفرصة اني ارجع وابدأ معاكم

 

[عليـاء]

باشن جد جد نبيج تهاوشينا واللي ماتجي يوم لازم ترسلج رسالة عن ظروفها
لازم تكتب يومياتها خلال 24 ساعة بعدها تنحدف على طول عشان الكل يلتزم ياقلبي

 

[passion.666]

السلام عليكم

شلونكم يا حلوات

كيكة توفي

عفيا عليج ابي اراده قويه
ان شاءالله يوم 4\4 اتحطيلي وزنج وانشاءالله اشوف الرقم 70 كيلوا ضغطي على عمرج حبيبتي


علياء

ان شاءالله تردين لنا بالسلامه وشلون لندن ان شاءالله ستانستي

حبيبتي انتي والله
ولهة عليييييييييييييييييييييييييييييييييييييييييييييييج

ان شاءالله معانا بالقروب وموفقه

على فكره تري شروطي مو صعبه والله راح تشكروني لما ينزل وزنكم
اهم شي المصداقيه يابنات وانا واثقه منكم مثل ماني واثقه من نفسي

والشاطر اللي يفتتح موضوعي اول واحد طبعا عقب ما انزل الموضوع واحط القوانين والشروط والعقوبات

شدو حيلكم ياقروووووووووووووووب passion