اطباق لذيذه ( سهل - متنوع - منقول - متجدد ) تابعونا

[بطه فيها نطه]

ماشاءالله ابداع يعطيج العافيه بطه

ومشكووووره


بس سؤال ابي كيكه الفستق شلون اسويها صغارر واحشيهااا في صينيه للكب كيك حجمها صغير واسفه ع السؤال؟؟

الله يعافيك ...

ولا تتاسفين .. سالي كل اللي بخاطرك .. الموضوع لكم حبيبتي

شوفي .. في ماعون كب كيك من داخله مجوف عرفتي ... لماتصبين خليط الكيك ويستوي بالفرن

وتنتهي مساله الفرن ..

عقب ماتقلبين الكيك ... طبعا وهو بارد نخليه فتره علشان مايتنتف وانتي تشيلينه من القالب

اهني لاح تطلع الحبه فيها فراغ من هالتجويف .. تصبين فيه الصوص

احاول ادورلك صوره ان شاء الله للقالب واحطها

شاكره مرورك ولاتقاطعين ...

 

[بطه فيها نطه]

رد: رد : اطباق لذيذه ( سهل - متنوع - منقول - متجدد ) تابعونا

بطه تسلم ايدج

ماشاءالله شغل حلو ومتعووب عليه

يعطيج الف الف عافيه عالموضوع ياقلبي

ماشاء الله الموضوع منور

هذي الساعه المباركه ام كوشه ... الله يعافيك

مشكوره

 

[بطه فيها نطه]

يعطيك العافيه وصفات حلوووووه

عليك بالعافيه صفاء .. مشكوره

 

[بطه فيها نطه]

شكلها عجييييبه ولذيذه حدها تسلم ايدج بجربها بس بغيت اسالج
عن الماي على اي اساس اوقفو وما اضيف زياده
يعني لازم تكون عجينه !!! نفس الفطاير

هلا وغلا بالزين ...

الماي مثل طريقة عجينة الفطاير بالضبط ... وهم ترشينها طحين

وحزة الفرد هم رشي طحين ...

مج مج انا اقطعها ,,, واحطها بصحن بالفريزر تمسك شوي

وبعدين احطها بجيس حافظ وافرزها حق الطوارى

والطعم هو هو مثل مايقولون

 

[بطه فيها نطه]

الفطاير الصينية



منقوله من :حايليه



مقادير العجينة


كوب دقيق متعدد الاستخدامات

رشة ملح

ثلاث ارباع كوب موية اذا احتاجتي دقيق اثناء العجن حطي ملعقة ونوص

تتركينها ترتاح 30 دقيقة ..




الحشوة :



لحم اي لحم تفضلين

فية كثير اضافات شفتها بالنت

رسيت على :

لحم + زنجبيل طازج + ثوم + زيت سمسم

تحطينهم على النار لين تنشف مويتة تمام

خلية يبرد ثم اضيفي علية البصل الاخضر .. بدون اضافة اي بهار او ملح .

نبدا بفرد العجين .. اذا حابة القشرة تصير شفافة خففي سمك الفرد

او ثقلي السمك حسب ماتحبين .

بالصوره خفيف السمك :





بعدين تطبقينا نص دائرة وتضغطين على الاطراف ثم تبدين تجمعينهم بشكل متقارب







نجي لطريقة القلي بس 4 سم من الزيت النباتي وخلي يسخن ثم حطي الفطاير






وبالملعقة خوذي من الزيت باسفل المقلاة و اسقي الفطاير من فوق شي بسيط لمن يتحمرون كويس من تحت شيليهم من الزيت

وشيلي الزيت من المقلات عشان ماتصير دسمة حيل عليك

وارجعي حطي الفطاير بالمقلات كلهم صفيهم

نجي للخلطة الاخيرة :

صوص الصويا مالح + ملعقتين نشا + ملعقة سكر + مكعب ماجي وموية مرق دجاج او يكفي الماجي حسب رغبتك ..

صبيهم على الفطاير وغطي المقلاة دقايق بس يمكن 5دقايق وانتبهي للنار تلازم تكون هادية ..


طفي النار وخليهم بخارهم شوي ثم حطيهم بصحن التقديم مع شطة "

 

[بطه فيها نطه]

مطبق

منقول من / حايليه


ممكن نسوي المطبق

بعجينة البيت او برقاق الجاهز ( جلاش )


عجينة البيت مقاديرها :



3 كاس طحين

ملعقة زيت

بيضه

ملح

كاس ماء دافي

تعجن العجينه وتكور الى كور صغيره بحجم اليد تقريبا 6 كور وتوضع في طبق فيه زيت ونصب على الوجه شوية

زيت ونغطيها ونتركها ترتاح لمدة 30 دقيقه

نبدأ بتفرد العجينه بقليل من الزيت



نضع الحشوه :

لحم مع بصل يقلب على النار ويوضع جميع البهارات + ملح

بعد مايستوي نشيله عن النار

نكون مجهزين كراث مقطع صغير وطماطتين وبيضتين مخفوقه نضع اللحم ونخلطهم مع بعض ونضيع شوي فلفل اسود وملح.






ثم نضع مقدار ملعقه او ملعقه ونوص بوسط العجينه

ونبدا نلفها تطبيق عادي .

وندهم الصاج بشوي زيت اونحط المطبق عليه لين يتحمر.

 

[بطه فيها نطه]

كيكة الشوكلاته

منقول من / غدو


المقادير



1 كوب سكر

1 كوب ماء

1 كوب زيت

1 كوب دقيق أبيض

2 م ط بيكنج بودر

بيضتان

4 م ط حليب ودره

4 م ط كاكاو بودرة





الطريقة..

تخلط جميع المقادير السابقة بخلاط الكيك ماعدا الدقيق والبيكنج بودر.. تخلط لمدة 10 دقايق ثم نضيف الدقيق والـــــ b.b وتخلط حتى تمتزج

المقادير مو تكثري خلط حتى لا يخرب عليك البيكنج بودرز

يصب الخليط بصينية مدهونة زيت ومرشوشة بالدقيق.. تزج للفرن مسبوق التسخين على حرارة 180 درجة مؤية ( 360 فهرنهايت) لمدة

40 دقيقة ممكن تختبري النضج بغرز عود أسنان في الكيك قبل إخراجهامن الفرن..


التوبينق..

3 م ط كاكاو بودره

نص كيس دموع هرشي

3 قطع زبدة..



تذوب جميع المقادير بحمام مائي.. ثم يضاف لها علبة قشطة وتخلط جيدا

وتصب فوق الكيكة..

تقطع و تقدم دافئه وبالعافيه..



الكيكة...قبل التقطيع








والحلو في الكيكة إنها من الداخل مرررره طرية وهشة كأنها مشربه ...يعني تذووووووووب بالفم

 

[بطه فيها نطه]

وافل بالفواكه وايس كريم

منقول من / غدو
المقادير..


خليط البان كيك جاهز

حليب

بيض

فانيلا

فواكهـ (موز/بلوبيري/فراولهـ)

آيس كريم لايت



الطريقهـ...

صلحت مثل ما هو مكتوب على العلبهـ بس زدت بيضهـ زيادهـ... وحطيتهم بجهاز الوافل

وطلع الوافل بصراحه يحكي زينتهـ ببيري وموز وصوص الكراميل

والشكولاتهـ~~وحطيت فوقهـ سكوب آيس كريم فانيلا لايت...

 

[بطه فيها نطه]

كريب

منقول من / غدو



الطريقه :



3أكواب حليب بارد

3 حبات بيض

كوب ونص طحين أبيض

3 ملاعق زبده بحرارة الغرفه

1م ص ملح

2 م ط سكر

فانيليا




الحشوه..


زبدة الفول السوداني

نويتلا


فواكة فريش مشكله للزينه



الطريقه..

ننضع جميع المقادير بالكاس الخاص بخلط الطماطم ( خلاط البندورة لو سمحتي)

و نخلطه خلطا مبرحا لمدة 10 دقايق لما تلاحظي ظهور الرغوة على الوجه الخليط عند سكبه نتركها تترتاح لمدة 30 دقيقة و كل ما أرتاحت

أكثر كان أحسن..

ثم تخبز بالطريقة المعروفه لخيز الكريب وكل ما كانت الطبقه رقية كل ما كان أحسن وألذ..

ثم تحشينها ..

إما نوتلا وفواكه مشكله

أو زبدة الفول السوداني و موز

وهذه صورة الكريب..

 

[بطه فيها نطه]

سيزر سلاد



منقوله من : غدو


اللي يميز الوصفه.

صوص السيزر.. بصراحه صوص كريمي

و كمان طريقة تحضير الخبز للوجه..

على السريع..



نجي للمقادير..

صوص السيزر سلاط

خس أي نوع مفضل عندك ( مقطع كبير)

جبن بارميزان

خبز محمص




مقادير الصوص..

4 م ط مايو

2 م ط ديجي ماستر... مو العادي ( يجي بعلبه يكون حار)

ملح حسب الذوق...ورشة فلفل أسود

2 م ط من سمك السردين معلب

1 م ط زيت زيتون

نص عصير ليمونه

2 م ط خل أحمر ...لو مافيه ممكن العادي

2 فص ثوم..

3 م ط italian dressing

2 م ط capers


وهذه صورته..





طريقة تحضير الصوص..


تخلط المقادير... في الوعاء الخاص بدق الثوم ..أو ممكن تخلطيها بمحضر الطعام ( توضع في الثلاج لحين الإنتهاء من بقي مقادير السلطه)



طريقة تحضير الخبز..

نحضر خبز فرنسي ويقطع مكعبات متوسطه ... يضاف لها الزيت زيتون ...و بودره الثوم والبصل...والملح... والقليل من الأريغانو

(حسب الرغبه)


تخلط مع بعض...


و تفرد على صينيه مدهونه .... تحمص في الفرن من أعلى..


.....


طريقة التقديم..

نوضع الخس..

ثم الصوص...

ثم الخبز المحمص..

و نبشر جبن البارميزان بمقشر البطاطا... على الوجه

 

[78MariMar78]

يمي يمي

تسلم ايدك بطة


وربي يعطيكِ الف عااااافية

 

[أحلى همبه كويتية]

شكرا لج على هالوصفات الروعة
تخلون الواحد غصب ياكل ويمتن :botetoo:
هههههه

 

[أم@الحلوين]

تسلم ايييييييييييييدج ع الموضوع

بطوووووووووووووطه

للرفع

 

[شيخه***البنات]

يعطييييييييج العافيه على موضوع المميز ماشاءالله تسلم ايدج عالنقل ..

 

[جارة القمر]

رد : اطباق لذيذه ( سهل - متنوع - منقول - متجدد ) تابعونا

الموضوع كل ماله ويصير رووووووووووووووعه



وعجيب


ويم يم يم يم




http://www.q8yat.net/showpost.php?p=20309942&postcount=302



هالكيكه عجيبه


بس وين أنحصل القالب

 

[أم ريوف 1400]

رووووووووووووووعه

بصرااااااحه فنااااانه باختيار الاطبااااااااااااق

جااااااااارونة عند تافولا
اشوف بشورة تستخدمهاااااااااا

 

[nadoo]

موضوعج روووعه

 

[بطه فيها نطه]

مرمر / هبوش / شيخة البنات / ام الحلوين / جارونه / ام ريووف / nadoo

مشكوررررين ياحلوين على مروركم اللي مثل العسل على قلبي

واللي رفع الموضوع ... رفع الله قدره وشانه

جارونه : القالب ان شاء الله تحصلينه عند المهند هذا اكيد ... بس مااقدر اوصفلك مكان ثاني تتعنين

ويطلع مو عنده ... سالي بشوره

وسامحوني على التاخير ... ماابي انزل لكم الا المميز والشي الحلو

بس soon على قولتهم

 

[زمردة الكويت]

الموضووع عجييييييييييييب

وبرووووحي يوووووعااااااانه اهئ اهئ

تسلمييين بطبوووطه و متاابعه و ان شاء الله بطبق و بوريكم تطبيقياتي

 

[78MariMar78]

حبيبتي بطه
خذي راحتك ووقتك
واحنا واثقين باختيارك وذووقك

كل عام وانتي بألف خير