اطباق لذيذه ( سهل - متنوع - منقول - متجدد ) تابعونا

[نورآ ..]

سلطه
للعضوه : فهاوه

هالسلطه اخذتها من متو
طبعا ماحطيت فيها فاصوليا حمرا مارغبها فشطبت عليها
وهي قايله تفاح احمر حطيت اخضر عشان الالوان >>غرفه نوم هو

ط1= خس امريكي مقطع طويل
ط2=بطاطس مربعات مقلي
ط3=ذره
ط4=تفاح يقطع مربعات يقطع وقت التقديم عشان اللون

اخر شيء الصوص ( علبه زبادي + ليمونه + خل +صوص رانش 5ملاعق الى 7 )

 

[نورآ ..]

شوربة الفطر بالكريمة
للعضوه : شوكولاتة بالجبن

أعتقد معروفة للكل ، بس صراحة هي نقطة ضعفي

فطر كبير طازج ، يقطع ويشوح بملعقتين زبدة وفص ثوم مهروس لمدة دقيقة

يضاف له الملح والفلفل الأسود وشوي ماء حتى لايحترق

في زبدية ( كاس حليب طازج ، 4 ملاعق دقيق ، كاس كريمة خفق ) تخفق جيدا وتضاف للفطر

تترك حتى تغلي ، وتبعد عن النار

تقدم مع الليمون ، وشرايح البصل الأخضر


مدة الطهي 5 إلى 7 دقائق فقط

 

[نورآ ..]

الدجاج المشوي ,,

{ الطريقة والمقادير ,,

اي عجينة فطائر معتمده عندك
انا عجينتي المعتمده لغرور أثنى ربي يسعدها
مقاديرها
3 كوب دقيق ويفضل الكويتي
ممكن تزيد أو تنقص حسب الدقيق
3 ملعقة حليب بودره
1 ملعقة بيكنج بودر

تخلط هذه النواشف في زبدية إلى أن نخلط باقي المقادير وهي:
في الخلاط:
1 علبة زبادي دافئ
1 بيالة زيت
1 ملعقة خميرة ونص
فنجان سكر
شوي ملح
مقاس علبة الزبادي ماء دافى
تعجن وتخمر ساعه في الفرن او في مكان دافئ

نفردها بحيث تكون متوسطه مانخليها سميكه
ولا رقيقه ونشكلها بشكل البانيني
وتمسح بالحليب والبيض ولكم الخيار لو حبيتوا تضيفون لها سمسم او حبه سوداء او تخلونها ساده
نخبزها في الفرن ونحشيها

عملت حشوتين
دجاج فيليه مشوي مع خس وجبنة وطماطم وصوص رانش وخردل

والحشوة الثانيه مرتديلا مع خس وجبنة وطماطم وصوص رانش وخردل
تحمصونها في الشوايه وتقدم وبالعافيه ..

 

[نورآ ..]

سلطة البيض المسلوق والبطاطس ..
للعضوه : غرور انثى

المقادير والطريقة مع بعض لأنو ما تسوى مررره سهله

2 حبة بطاطس كبيرة مقطعه مكعبات ومقليه .
5 حبات بيض مسلوق ومقطع مكعبات
بقدونس مقطع ..
علبة جبن تشيدر وسط ( مبشوره )
تخلطونهم مع بعض

السوس
2 ملعقة زبادي + 2 ملعقة مايونيز <~ كلهم مو مليانين مره
شوية ملح + كمون

ملاحظة : تقدرون تضيفون بصل أخضر للخليط لذيذ جربته مره ..

 

[نورآ ..]

✿|Cup توُست|✿

للعضوه | وفـآء |

..【آلمقآدير】..
■ توست
■ صينيه كب كيك
■ حشوه دجاج مجهزة بطريقتك


[ جبن سآيل مع قشطة + جبن موزريلا ]

..【آلطريقة】..
نفرد قطعة التوست بالفرآدة شوي بس مو نخليها رقيقة مرة ونجيب قطاعة بشكل دائري
ونقطعها بعدين نحطها بقوالب الكب كيك ونحط فوق كل قطعة شوية جبن سآيل مخلوط بقشطة
يعني يكون قآع نفس كل التوست فية جبن ..
ونحط فوقة حشوة الدجاج الي مجهزينها من قبل وبعد فوق شوي جبن مرة ثآنية
( آختيآري لانو رآح تكون دسمة بس رآح يكون آطعم ) وفوقة رشة موزاريلآ ..

وتدخل الفرن من تحت الي ان تتحمر شوي وبعدها شغلي الفرن من فوق ..

 

[نورآ ..]

✿| قوآقع محشية |✿

للعضوه | وفـآء |

..【آلعجينة】..
+ المقادير أ +
■ م ونص ص خميرة
■ نصف ك ماء دافي
■ م ك من السكر

+ مقادير ب +
■ حليب سايل ابو قوس او اي نوع آخر
■ نصف بيالة من اللبن
■ 3 بيضات


+ مقادير ج +
■ كاس من الدقيق الاسمر
■ 2 ك من الدقيق الابيض
■ م ص من الملح
■ م ص من الباكنج بودر


..【آلحشوة】..
لحم مفروم يضاف مع البصل حتى ينضج ويضاف الية
الجزر المبشور ويحرك حتى يلين قليلا لمدة ربع ساعة
ثم نضيف الية من البهارات ونصف م ص من الملح الناعم او حسب الرغبة ..

..【آلطريقة】..
لصنع العجينة نخلط مقادير أ مع بعض لمدة 5 دقائق
وتضاف الى مقادير ج ويضاف عليها مقادير ب

وتخلط جيدا حتى نحصل على عجينة طرية متماسكة لاتلتصق باليد وتترك لتتتحمر مدة ساعة ..

نبدا بفرد العجينة وتقطيعها على شكل دوائر متوسطة الحجم ..
ثم نبدأ بقليها في زيت عميق ووضعها بعد ان تشقر على ورق للمقليات

تغطي المنافيخ حتى تلين ثم نبدأ بشقها من الوسط ووضع م ك من المايونيز
وقليل من شرائح الخيار

نقدر نغير الحشوة بالبيض او دجاج او على حسب الرغبة

 

[نورآ ..]

حلآ ستايلي
للعضوه : فهاوه

ايسكريم ساندويتش يصف بصينيه بايريكس الوسط

بالخلاط( قشطه خفق صغيره مقدار كاس وربع+ 6جبن + ظرف كريم كراميل + ظرف دريم ويب )
تخلط بالخلاط بعدها يضاف 10 حبات اوريو بدون الحشوه ونخلط من جديد

بعدها يصب الخليط بالصينيه وتوضع بالفريز 4 ساعات

عند التقديم يوضع اوريو مكسر وهرشي

 

[نورآ ..]

السوفليه
للعضوه : # لحن #

المقادير /
1/ ( كأس ونص حليب بودرة
كأس ونص شوكلاته نسكويك بودرة
كأس ونص ماء )

2/( نصف اصبع زبدة
فنجال سكر
ملعقتين دقيق)

3/ ( بيضتين
ملعقة بكنج بودر
ملعقة صغيرة فانيليا )
أوريو

الطريقة /
_ تحركالزبدة في قدر على نار هاادئة ثم اذا ذابت يضاف لها الدقيق وتلقب حتى يتمازج ثم يضاف السكر ويحرك
_ في وعاء بلاستيكي تخلط مقادير (1) بالخفاقه اليدويه جيداً ثم يصب نصفها على الدقيق والزبدة << النار هاادئه جداً >> وتقلب جيدا حتى تتمازج ثم نصب النصف الثاني من المقدار وتحرك جيداً وماتزال النار هادئة مع مراعاه ان يسخن فقط ( لا يغلي ولا يقارب الغليان )
_ تخلط مقادير (3) بالخفاقة اليدوية في وعاء ثم تصب على الخليط السابق على نار هادئة وتحرك مدة دقيقة واحده فقط ثم يصب الخليط دون ان يغلي في الأكواب و يكسر فوقة أوريو لكل آنيه حبة أوريو ثم يوضع في انزل رف للفرن واشعال العين العلويه فقط لمدة ثلث ساعه ويقدم ساخناً وبالعافية

 

[نورآ ..]

كفته الدجاج والبطاطس
للعضوه : احبني بث



بطاطس
بقدونس
فلفل اسود
بيضه
عصاج دجاج
ملح
جزر مبشور

عصاج الدجاج
يكشن بصل مع زيت مع ثوم وماجي ثم يوضع عليه دجاج مفتت وملح وبهارات

طريقه الكفته
يسلق البطاطس ثم يخلط مع البقدونس والجزر المبشور والبيضه وعصاج الدجاج وملح وفلفل الاسود
وتكور ثم تقلب في بيض وبقسماط وتوضع في الفريزر لاكثر من نص ساعه ثم تقلى
وبالعافيه

 

[نورآ ..]

حلآ كآسآت
للعضوه احبني بث



ط1/ كيك جاهز مفتت او مقطع

ط2/ خليط من
((علبه حليب سايل + ظرف كريمه + ظرف دريم ويب + 5 حبات جبن
+ 2 ملعقه حليب نستله ))
تخلط ويؤخذ نص الخليط على جنب

ط3/ بسكويت مفتت

ط4/ خليط الطبقه 2
يوضع معه 2ملعقه كاوكاو بودره + ملعقه حليب نستله
ويخلط ويوضع طبقه رابعه

ويزين ببسكويت مكسر وبالعافيه

 

[نورآ ..]

كرات البف باستري
للعضوه : RM ~




تقطعين البف باستري 4 قطع وتحشينه جبن كيري
اهم شي تكونين مطلعه البف باستري من قبل عشان يذوب الثلج
وتقدرين تكورينه يصير زي العجينه
بعدين اقليها ، وبعد ماتقلينها حطيها على ورق نشاف عشان يمص الزيت

وفي الخلاط : 3 حبات كيري + نص نستله
وصبيها على الكُرات + شوي هيرشي ، ورشي عليهم قرفه مطحونةة
تططلع زي السينابون ( سينابون كذاب )

وبس بالعافيةةّ

 

[نورآ ..]

فطائر التورتيلا :
للعضوه : BOTHN

مرتديلا تقسم لقطعتين
و خبر التورتيلا يقسم لمستطيلات نحيفة
و جبن شرايح يقطع لثلاث مستطيلات

أول شيء نحط شريحة الجبن و فوقها الخس وفوقها المرتديلا
وبالطرف ندهنا جبن سايل عشان تلصق

و قبل التقديم تدخل الفرن من فوق شوي بس عشان يسيح الجبن

 

[نورآ ..]

حلآ
للعضوه : آسرآء

8 اصابع توكس نحطها في حمام مائي
و نحاول لما تدوب الشوكولاته نكسر البسكوت
و نحطها في الخلاط و معاها علبة قشطه و ربع آصبع زبده ذايبة
وبعدين نضيف عليه
ظرف دريم ويب + 5 حبات جبنة كيري
لحد ما يصير خليط متجانس


نآخذ صينية و نحط فيهآ طبقه من بسكوت الشاي مغمس بحليب و نحط فوقو ثلث خليط آلتويكس
بعدين نحط طبقة بسكوت مغمس بحليب وبعدها بآقي خليط آلتويكس .. و نزينهآ بفليك أنا ماكان عندي حطيت عليها شبس الشوكلا

وندخلهآ آلثلآجه لحد ما تتماسك

 

[78MariMar78]

ماشاءالله

تسلم ايدك نورااا



بطوط
اشتقناااااااااااااااااااااااااااالك

 

[نورآ ..]

كور البطاطس المحشيه
للعضوه : iĞiиαℓ®


المقادير

1) الحشوه

دجاجه أو صدور دجاج

حبه بصل

حبه فلفل رومي

حبتين جزر

فص ثوم

شويا كزبره

والبهارات: بابريكا- أوريغانو - كزبره جافه - ملح وفلفل.

2) للبطاطس:

4 أو 5 حبات بطاطس

ربع كاسه قشطه خفق

ملح وفلفل

3) التلبيسه:

3/4 كاسه قشطه خفق

ملعقتين جبنه سايله

حبه جبنه كرفت مبشوره


ويلا نبدأ

هنا الدجاج مقطع صغير




وهنا البصل والثوم والجزر والفلفل




وهنا الكزبره والتلبيسه وفنجال القهوه




* أول شيء قشروا البطاطس وقطعوها لأرباع وحطوها في قدر فيه مويه وملح

ونبدأ نشتغل على * الحشوه بنحط شويا زيت في القدر بعدها البصل والثوم لين ماتذيل



كملت حطيت الدجاج ونقلب




* نضيف البهارات على كيفك انا حطيت البابريكا نص حار ونص حلو



بعد ماأستوي الدجاج * نضيف الخضار ( جزر - فلفل ) شوي لين ماتذبل ونطفي النار

* نضيف الكزبره الخضرا المفرومه آخر شيء .. بكذا تكون أنتهت الحشوه



* نشوف البطاطس خلصت أكيد نصفي المويه ونهرسها



* نضيف ربع ك قشطه وشويا ملح نخلطها مزبوط




* نبدأ نكور ألحين نأخذ فجال قهوه كبير أو صغير على حسب مقاس الكور الى تبغينه

نغلفه بورق نايلون علشان يسهل التكوير معانا .. راح نحط شوي بطاطس ونفردها

ونضيف الحشوه وفوقها طبقه بطاطس ونلف النايلون ونرفعه وماتحتاج تكوير تكون خلاص جاهزه



* نرصها في الصينيه لين ماتمتلي ..

المهم لسا ماخلصنا * نرجع للخلطه حقتنا ( قشطه الخفق والجبنه السايله ) نخلطهم سوا

* بعدين نصبها على الكور

* ونبشر جبنه الكرفت ونرشها عليها

وهذي هي قبل ماتدخل الفرن



* الفرن شغال من فوق يادوب تتحمر بس ..

 

[نورآ ..]

كريمه كارميل لايت
للعضوه : _N O R A _

المقادير:
3 بيضات
نص كاس سكر سبلندا الخاص بالطبخ
كوب ونص ماء
6 ملاعق حليب بودره قليلة الدسم
شوي فانيليا وزعفران


الطريقه:
1 . ناخذ شوي من السكر و نحرقه في قالب الكريمه الكارميل
2 . تخلط جميع المقادير بالخلاط الكهربائي وتصب في القالب فوق السكر طبعاً
3 . يترك في حمام مائي لمده ساعه وربع و بعدها يوضع في الثلاجه وبالعافيه

وبالعافيه على قلوبكم

 

[نورآ ..]

حلى الجيلي
للعضوه : Layla Bnt Ahmad

الطبقه الاولى : بسكوت مطحون يعجن بي نص زبده و قشطه قليلا ( تقريبا ملعقتين الى 3 )
الطبقه الثانيه : بخلاط اليد ( 1 دريم ويب - بيالة حليب بودره - نص علبة نستله - 5 حبات جبن كيري - قشطه )
الخليط لازم يكون ثقيل و يوضع فوق الطبقه الاولى و يوضع بالفريزر ساعتين الى ان يتماسك ويتجمد
الطبقه الثالثه : 2 جيلي بالكرز او فراوله ( اي شي ) قبل مايوضع فوق الطبقه الثانيه يدخل الثلاجه ساعه وبعدين يسكب فوق الطبقه الثانيه

 

[نورآ ..]

سندويش الدجاج على شكل ورده
للعضوه : Layla Bnt Ahmad

اول شي يقطع اطراف خبز التوست بعدين يفرد الخبز ويشكل على قوالب كوب الكيك ( بشكل ورده )
و بعدين تحشى بحشوه الدجاج : يحمس البصل و يضاف له الدجاج المقطع لين تطلع موية الدجاج
يضاف فلفل رومي و بهارات ملعقه و ملح لين يستوي الدجاج يرفع من النار و يضاف البقدونس
والكزبره و 3 ملاعق كبيره جبن سايل و جبن الموزريلا و يحشى بالتوست و يوضع بالفرن من تحت

 

[نورآ ..]

حلى الشعيريه
للعضوه : D . L . 3

المقادير :
شعيريه باكستانيه
حليب مركز
قشطه جبن كيري

الطريقه :
تكسرين الشعيريه وتحمسينها ع النار لين يطلع لونها اشقر ، وبعدين
تصبين عليها حليب مركز وتخلطينهم سواا ،
وتاخذين شوي من الشعيريه وتصفينها بالصينيه ، وبعدها تضعين طبقه من القشطه
، وتقطعين جبن كيري وتنثرينه فوق القشطه ، واخر شي بعد الجبن تحطين طبقه من الشعيريه ..

 

[نورآ ..]

حلى الشوفان بالكرامل والنوتيلا
للعضوه : غرور أنثى

المقادير
1 كاس شوفان
1 كاس حليب بودرة
1 كاس جوز هند
الكل محمصين على النار لحد ماصار لونهم عسلي
بعدين نحط عليهم نص كاس سكر
ونعجنهم بكاس حليب سايل << اللي بالجيك



نبدأ نشكلهم على شكل دائري ونضغطه من النص يطلع
كنه غضارة شرب الماء حقت منول



نتركه بالثلاجة تقريباً ساعه
بعدين نطلعه ونحشيه زي مانحب
مره سويته وحشيته كرامل " توفي "
ومره لأ يقالي سويت حركة وخلطت توفي ونوتيلا والكل أعجبهم أكثر

هنا بالتوفي



هنا بالنوتيلا



وصحتين والف عافية ..