اطباق لذيذه ( سهل - متنوع - منقول - متجدد ) تابعونا

[نورآ ..]

​

​

​

كيكة الباونتي
للعضوه / DLo3t 2boha
​

​

الكيكه
نصف كوب زبدة
ثلثين كوب سكر
كوب وثلاثة أرباع من الدقيق
ملعقة بكنج باودر كبيره
ملعقة فانيلا
4 بيضات
4 ملاعق حليب سائل
3 ملاعق كا كاو
الطريقة
يخفق الزبدة والسكر
ثم ينخل الدقيق والبكنج باودر والكاكاو
وتضاف البيضات بالتدريج
ثم الحليب السائل
ويضاف الطحين تدريجياً ويخلط جيدا
نبطن القالب بورق البرده ونحط فيه الخليط وتدخل بالفرن لما تستوي وبعدها نترها تبرد شوي ....​

​

​

الطبقه الثانيه
2 كاس حليب سائل
6 ملاعق كبيرة سميد
ثلث كاس الزبدة
ثلاثة كاسات جوز الهند
ثلثين الكاس سكر
نخلط كل المقادير على النار لحد تتماسك وينضج السميد
ونحطه ع الكليك وهو ساخن
وندخله الثلاجه تتماسك اكثر​

​

الطبقه الثالثه
علبة قشطة
فنجان سكر بورده
ملعقة كبيرة زبدة
ملعقة كبيرة كاكاو
نخلطهم سوا ونضيفهم ع الكيك ونترها بالثلاجه تبرد شوي
ونزينها بالي نحب وعوافي​

​

 

[نورآ ..]

​

​

​

بف باستري بالنونيلا​

​

مربعات عجينه الف باستري
للعضوه / DLo3t 2boha
​

بيضه
كريمة نوتيلا
قشطه
سكر بودره
نقطع العجيه الى 4 مربعات او مستطيلات
نمسح وجهها بالبيض
ونخليها بالفرن تنفش وتتحمر على خفيف
نخفف النوتيلا بقشطه
لما نطلعها وتبرد شوي
بطرف السكينه وبخفه نفتح كل مربع نصين ونحشيه بكمية من الكريمه
ثم نرش الوجة بالسكر
وبالعافيه​

​

 

[نورآ ..]

سلطة الزهره :
​

للعضوه / بَ .





اول حاجه نقطع الزهره صغار ونقليها لحد ماتتشقر شوي
بعدها نبشر الملفوف والجزر ولو يكون الملفوف لونين ازين
وشوية ذره
نقلبها ونضيف لها الصوص اللي هو :
علبه ونص زبادي , ملعقتين مايونيز
ملعقتين بلو تشيز , فص ثوم مهروس
شوية ملح , حبة ليمون
او للي مايحبون الثوم والمايونيز :
علبه زبادي, ليمون
شوية ملح , طحينه سايله
نخلطها ونصبها على السلطه وندخلها الثلاجه شويه لما يجي وقت التقديم
بعدها نحط فوقها عيدان البطاطس

​

 

[نورآ ..]

​

بسبوسة البف باستري :
للعضوه / بَ .​

​

بف باستري
جبن كيري
نقطع البف باستري اربع مربعات ونحطها في القوالب
نقطع الجبن مربعات صغيره ونحطها ع البف باستري



بعدها بالخلاط :
نص كاس سكر
كاس حليب
ربع كاس زيت
2بيض
2كاس سميد
ربع كاس جوز هند
ربع كاس طحين او اقبل " ع حسب العجن "
ملعقة بكنج بودر
وبعدها نوزعه في القوالب مقدار ملعقه صغيره وندخله الفرن تقريبا ثلث ساعه
نطلعه ونصب عليه شيره " فيه بعضهم يحطون عليها نستله وهيرشي "

​

 

[نورآ ..]

مسقعة الباذنجان بالباشاميل
للعضوه / DLo3t 2boha​

​

المقادير (حسب الكميه )
شرايح باذنجان مقليه
شرايح بطاطس مقليه
شرايح طماطم (ماحطيتها) هع
لحم مفروم
بصل مفروم -ثوم-كزبره او بقدونس مفروم
معجون طماطم -فليفله
بهارات مشكله -فلفل اسود-ملح
صنوبر مشوح
التغطيه
-صلصة باشاميل
-او (قشطه +ملعقتين جبن سايل +ملعقة مايونيز )



الطريقه
نجهز اللحم .. نحمس البصل والثوم بزبده ثم نضيف الفليفله
ونقلب ثم اللحم والبهارات والملح والفلفل والمعجون
ونتركه ينضج اخر شي نضيف الكزبره والصنوبر
ونرفع ونجهز الصينيه
نصف بطاطس ثم باذنجان ثم لحم ونكرر
اخر شي الباشاميل ونرش الوجه بالجبن المبشور
وتتحمر وبالعافيه​

 

[نورآ ..]

نكمل بكرره
آببي ردود على هالتعب :eh_s(2)::eh_s(4):

 

[نورآ ..]

كنافة بالتوست
للعضوه / همسه

كيلو كنافه مفرومه ناعمه انافرمتها
نص كيس توست منزوع الاطراف ونفرمه فرم ناعم
مهلبيه نشاء زي اللي في الصورة مع سكر
شيرة وحليب مركز
4علب قشطة
وفستق ناعم
3اصابع زبده



طريقة المهلبية

انااحط 3ملاعق نشاء وكوبين حليب المراعي
وفنجان سكر واحرك على نار هادئه اذا شفت انها تحتاج حليب اضيف
بكل صراحة ماعندي مقدار بس حاولي تكون شويه ثقيله مو ثقيله حيل
شوفي الصورة وبتعرفين شكلها

هنا خلطت الزبده تقريبا 3اصابع مع التوست المفروم والكنافه المفرومه وفركتها حيل
حتى تداخلت الزبده بعد كذا اقسم الخليط قسمين واضغط القسم الاول واكبسه حيل
وأخلط المهلبيه مع القشطه واضعها على الكنافه



اضع القسم الثاني على المهلبية واضغط باليد قليلا
وادخلها الفرن على نار هادئه لمدة 3ارباع الساعه الى ما تتحمر



هنا بعد ما طلعناها من الفرن وقطعناها

​

 

[نورآ ..]

صينية الرز بآلدجآج:
للعضوه / حلآ الروح



بدآية مقادير التتبيله :
صحن صدور دجاج مقطع شرايح رفيعه
ثلاث ارباع كاس لبن أو علبة زبادي
٥ فص ثوم مقطع شرايح رفيعه
ملعقتين اكل خل
عصير ليمونة
شوي زيت زيتون "تقريبا فنجان قهوة"
ملعقه اكل كبيره مليانه كركم
نص ملعقه اكل صغيره كمون مطحون
نص ملعقه اكل صغيره كزبرة مطحونه
فلفل اسود + ملح
رشة فلفل احمر
رشة بهارات خاصه بالدجاج موجوده بأي سوبر ماركت

يتبل الدجاج ساعتين او ليلة كامله < طبعا خليته ساعتين كنت عجله



الطريقة:
- نقلب الدجاج على نار عالية بدون اضافات .
- اذا بدت تنشف موية الدجاج نقصر النآر.
- على بال مايستوي نقطع حبة فلفل احمر بارد مكعبات + بطاطس مقلي
على طول نطفي النار .. نغطيه ونروح نسلق الرز
نسويه أبيض عادي..


- بعد مايخلص الرز نكون مجهزين صينية بايركس نفرش تحت الدجاج
ثمين نحط الرز فوقه
ونسكره بقصدير ونحطه بالفرن شوي "قرابة ربع ساعه "
وبذلك يكون خلّص وعليكم بالعافية .




​

 

[نورآ ..]

صينية الدجاج بالزهره
للعضوه / وَجَّـدْ

تفكك الزهر إالى زهرات متوسطه وتغسل وبعدما ماتتخلص من الماء تقلى
صدور دجاج مقطع مكعبات+ بصل مقطع صغير + علبة شرائح فطر + بهارات وملح
قشطة خفق
نشوح البصل بالزيت لحد مايصير لونه ذهبي ونضيف الدجاج والفطر وبعدها الملح والبهارات
ونستمر بالتقليب لحد ماينضج ..
نضع الزهره المقلية في صينية ومن ثم الدجاج ونصب عليها قشطة الخفق
وندخلها الفرن من 10 دقائق الى ربع ساعه ..​

 

[نورآ ..]

صينية البطاطس بالدجاج
للعضوه / وَجَّـدْ

3 او 4 حبات بطاطس مقطعه مكعبات ومقليه
دجاجه مسلوقه ومنتفه
صوص عباره عن "علبة قشطه + 8 حبات جبن + 2 م ك مايونيز + بيضه "
بالخلاط الكهربائي
نضع مكعبات البطاطس المقليه والدجاج المنتف بصينية بايركس
ونسكب الصوص عليها وندخلها الفرن من اعلى واسفل لحد ماتتحمر


​

 

[نورآ ..]

ساندويتشات الدجاج
للعضوه / وَجَّـدْ​

صدور دجاج مقطعه مكعبات + بصل مفروم +فلفل رومي مقطع مكعبات+
زيت + ملح + بهارات + فلفل اسود + ثوم مطحون +ماجي
نشوح البصل بالزيت لحد مايذوب وياخذ اللون الاشقر وتضيفين له الدجاج والفلفل الرومي وتقلبينهن
بعد كذا تضيفين الملح والبهارات والفلفل الاسود والثوم والماجي وتستمرين بالتقليب
واخر شي تحطين شريحة جبن وتقلبينها لحد ماتذوب
ومن ثم تبدين تحشين الساندويتشات ​

​

 

[نورآ ..]

بسبوسة القرفه
للعضوه / وَجَّـدْ ​

المقـاديـر بالاكواب العادية::
كوب سميد
نصف كوب سكر بودره
نصف كوب حليب بودره
نصف ملعقه كبيره بيكنج باودر
اصبع زبده مذوب
علبة قشطه
ملعقه ونصف كبيره قرفه

الطـريقـه ::

ادهني صينية القوالب الصغيره بالزيت <== او ممكن تلبسينهم بالورق ، وسخني الفرن على درجة 350
اخلطي المقادير كلها سوا وصبيهم بالقوالب <== بلا خطوات بلا هم
بعدها جيبي قشطة قيمر - او طازجه - وحطي شوي بوسط كل قالب
انا استخدمت القمع مو علشان الشكل لانه اصلا بيسيح بالفرن ، لانه اسرع من اني اقعد بملعقه احط بكل قالب ..
ودخليهم الفرن حتى يتحمرون - بتاخذ نصف ساعه تقريبا - وطلعيهم و طوالي شربيهم بالشيره
اتركيهم على جنب يبردون او بالثلاجه مو مشكله <== انا احبهم يكونون بدرجة حرارة الغرفه لا باردات ولا حارات
وللتزيين من فوق :
اخفقي كريمة خفق حتى تثقل وحطي عليها شوي سكر بودره وشوي قيمر وقلبيهم وبالقمع شكليهم عالبسبوسه
ورشي عليهم فستق وقدميه .. ​

​

 

[نورآ ..]

سينابون
للعضوه / وَجَّـدْ ​

المقادير
2 كاس دقيق ..
3 ملاعق حليب بودرة
فنجان شاهي زبده مذوبه عادي بس مو حاره لأ دافيه
ملعقة ك خميرة
2 م ك سكر بودرة
م ص Bb
كاس ماء..

وأخمرها ربع الة نص ساعه بعدين أفردها
وأدهنها شوية زبده وبعدين ارش عليها السكر البني والشوكلاتة والقرفه
وأكون مجهزة خلطه عبارة عن كاس سكر بني وقالب زبده وسيرب الذره
وجوز " بيكان مجروش: أحطهم بقاع الصنيه اللي بدخلها الفرن ..
أحطهم جنب بعض وأتركها 10 دقايق بعدين أدخلها الفرن لما تنضج
وأقلبها بعد ما أطلعها واحط عليها صوص أبيض سويته بس من جد خرافي
طلع نفس صوص سينابون ..
اللي هو علبة جبن فيلادلفيا ونص كاس الى كاس سكر
سيرب الذره وروح البرتقال شوي << لا تكثرون يعطي مراره
زبده مذوبه << شوي مو كثير وشوية قشطة خفق

كل هذول مع بعض وترا ممكن مو بس تكون للسينابون لأ
لكل الحلويات​

​

 

[نورآ ..]

​

الحلى السريييع
للعضوه / L e e n a

​

​

المقادير ::
5 كورسان ساده
3 فليك
هرشششي ​

​

الطريقه ::
قطعي الكورسان حلقات ورشي فوقه الفليك والهرشي وعاااافيه ​

​

​

​

 

[نورآ ..]

​

قهوة المارس
للعضوه / L e e n a



المقادير ::
1 مارس
ملعقة صغيرة نسكافيه
حليب الصافي الحجم الصغير
أو أي نوع حليب سائل المهم يكون المقدار عباره عن كوب .
بودرة شكولاته للزينه

الطريقه ::
أغلي الحليب مع المارس مع النسكافيه على نار هادئة حتى يذوب المارس
ثم أسكبي القهوة في الكوب , ورشي بودرة الشوكلاته للتزيين
وقدميها ساخنه ​

​

 

[نورآ ..]

سلطة الزهرة مع عيدآن البطآطس
للعضوه / عزووف


المقادير :
زهره
كرنب
عيدآن البطآطس
مايونيز
ليمون

الطريقه ..
_ تقلين الزهره وبعدين تقطعينهآ صغار .,
_ تقطعين الكرنب شرايح رقيقه
_ تخلطينهم مع بعض مع 2 ملعقه مايونيز وليمون وفلفل اسود ..
_ عند التقديم تحطين فوقهم عيدآن البطآطس ,,

​

 

[نورآ ..]

فطيرة البيض ..
للعضوه / عزووف


المقآدير + الطريقه ..
_ اي عجينه فطاير انتي معتمدتهآ تسوينهآ وتخلينهآ تتخمر ..
_ اسلقي بيض وابشريه
_ قطع بصل وطماطم واحمسيهم ع النار سوآ ..
بعدهآ اضيفي البيض وجبن كرفت مبشور مع ملعقه جبن سايل
واهم شي بالاخير اضيفي عليهآ نعناع مفروم او مجفف ,,
وافرد العجينه كأنك بتسوين بيتزآ وحطي عليهآ الحشوه
وسكريهآ ب عجينه ثانيه فوقهآ وادهنيهآ ببيض ورشي عليهآ سمسم ...
ودخليهآ الفرن لحد ماتستوي ..

​

 

[نورآ ..]

ميني مآك ..
للعضوه / عزووف



ميني مآك ..

نسوي خبز ماك المعروف:

مقادير العجينة:
3 كاس دقيق
ملعقة طعام خميرة
ملعقة طعام بكينج بودر
3 ملعقة طعام حليب بودر
ربع ملعقة صغيرة ملح
ربع ملعقة صغيرة سكر
ربع كاس زيت زيتون
كاس وربع ماء دلفئ للعجن
حبة البركة ملعقة طعام ( الحبة السوداء)

نتركهآ تتخمر لمده نص ساعه .. بعدين نسويهآ
دوآئر صغار ونحمرهآ ع الصاج ..

الحشوه :
برقر نقليه ونقطعه بشكل طولي ..
مخلل
صوص : (مايونيز + جبن سايل + خردل + صويا + شوي خل )
ونسويهم زي مو واضح بالصوره
​

 

[نورآ ..]

معمول تمر
للعضوه / عزووف


المقادير :
2 ك طحين
نص ك زيت
2 بيضه
نص ك سكر
م ص بكنج
م ص خميره
3 حبات جبن مثلث

الطريقه ..
تخلطين السكر والبيض ب الخلاط وبعدين
نحط المقادير الباقيه ..
وبعدين نصب الخليط ع الدقيق ونشكله ب ادآة المعمول ..
وب العافيه

​

 

[نورآ ..]

Tart dates..
للعضوه / عزووف


الطبقه الاولى :
اصبع زبده + ك طحين + فنجان سكر ناعم
ربع ك نشآء + بيضه
ونلبس العجينه بالقوالب

الطبقه الثانيه :
نزيل النواه من التمر ونقطعهآ مربعات ونحط بكل قالب قطعه
وبعدهآ نخلط ( 8 حبات جبن مثلث + علبه نستله + 2 ملعقه قشطه)
ونصبهم عليهم ..
وندخلهم الفرن لمده 8 دقايق او اقل ,, ونحمرهآ من فوق
وب العافيه

​