الشوكولاته المحشيه بالبسكويت والفستق والكريما
للعضوه / tresor
المقاديـــر :
6 حبات جالكسـي ساده
5 حبات بسكويت اصابع
فستق مجرووش
حليب مكثف
علبه قشطــه
الطريقــه :
الجالكســي كان ذايب من الاساااس لاني محطيته بالمطبخ
واللي حابه تذوبه اكثر تستخدم طريقه الاخت شوكولاته uae فنانه هالطريقه
هذا الجالكسـي اللي استخدمته
بالفرشـاه عبيت القالب بالجالكــسي ,,
عقب ما خلصت حطيته بالفريــزر لمده 10 دقايق
طلعت القالب من الثلاجه ونثرت عليه الفســتق
كسرت اصابع البسكويت
هذا البسكويت اللي استخدمته ,,
سويت خلطـه الكريــمــا
وهيه عباره عن 4 ملاعق قشطه + 4 ملاعق حليب مكثف ,,
وطبعا حسب الكميه اللي انتي بتسوينها
واخر طبقــه عبيتها بالجالكـــسي ,, كامل
وحطيتها بالفريز لمده نصف ساعه حتى التقديم ,,
وهذا شـكلها بعد ما طلعت من القالب ,,
حطيـتها بورق التقديـم
ملاحظة :
تقدرين تحشينها باي نكهه تحبينها
يعني قطع كيك مع توفي ,,
مكسـرات بالتوفي ,,
جوز الهند والبسكويت بالكريمـا
