اطباق لذيذه ( سهل - متنوع - منقول - متجدد ) تابعونا

[Miss Cherry]

واااو نورا يعطيج العافية

انا شايفه الموضوع من قبل واتوقع اني رديت عليه بس رجعت له وشفت الوصفات الجديدة وعجبتني جم وحده سيفتها

 

[نورآ ..]

واااو نورا يعطيج العافية

انا شايفه الموضوع من قبل واتوقع اني رديت عليه بس رجعت له وشفت الوصفات الجديدة وعجبتني جم وحده سيفتها

حياتي والله حياج بأي وقت :eh_s(7):

 

[نورآ ..]

رول الجالكسي
للعضوه / الفردوس

المقادير
حليب نستله
1 زبده
2 بسكويت شاهي
نصف علبه جالكسي السائله

الطريقه:
نطحن البسكوت ويكون ناعم..

ونضيف معاه علبه النستله والزبده بعد ما نذوبها وراح تكون مثل العجينه
ناخذ نصف الخلطه (العجينه) ونفردها على القصدير
ويكون فيه شوي زيت علشان ما تلصق الخلطه بالقصدير
نذوب الجالكسي (نحط الجالكسي بقدر فيه مويه ونخليه على النار لما يذوب)
وناخذ شوي من الجالكسي ونحطه فوق الخلطه اللي فردناها

وخليها تكون مثل الشكل هذا

حطيها بصينيه ودخليها للفريزر
بعد ما يجمد الجالكسي طلعيها ولفيها بهذا الشكل

بعد ما تنتهين من لفها دخليها للفريزر

وطلعيها وقت التقديم وشيلي القصدير عنها

وقطعيها قطع متساويه

والنصف الثاني من العجينه سويه بنفس الطريقه

وقدميها بارده مع القهوه

وهذا شكلها النهائي

​

 

[نورآ ..]

كيك بالسنكرس
للعضوه / شهرزاد

خليط كيك جاهز/ في قوالب في داخله قطع صغيره سنكرس

​

 

[نورآ ..]

حلى سنكرس
للعضوه / شهرزاد

القادير مع الطريقه

الطبقة الأولى / كيك سويسرول شوكولاتة مقطع حلقات و مصفوف بقالب قاع متحرك او كيك مفتفت ​

الطبقة 2 / نضع بالخلاط : 2 دريم ويب ، 2 قشطة ، كأس حليب بودرة ، نصف كأس سكر ، 8 حبات جبن كيري . ثم تصب على الكيك و توضع في الثلاجة مدة ساعة

الطبقة 3 / نأخذ 4 حبات سنكرس أبو ريالين و نص و نسيحها في حمام مائي و نخلطها بعلبة قشطة

*ثم نضعها على الكيك كمطبقة ثالثة ثم نرجعه للثلاجة و بعد ساعتين نستمتع بالطعم المميز ،،، صحة و عافيه

​

 

[نورآ ..]

سلطة الزعتر بالخبز والخضار
للعضوه / الماركه شما




المقادير

حمص / طماط مقطع / خس / خيار مقشر مقطع / خيار مقطع / ذرة / جزر/ فلفل رومي / عصير ليمون / سماق / زعتر / زيت زيتون / روب / خبز مقطع مكعبات / طحينة / فاصولياء حمراء


الطريقه.

أخطلي الخضروات بطاسه حطي فوقها قفشتين زيت زيتون وعصير ليمون و ملح .
تحطي البقوليات مع بعض وتصبينهم فوق السلطه وتقلبيهم
تاخذين الخبز وتحمصينهم مع زيت زيتون وقفشة زعتر وتصبينهم فوق السلطه
تحطي الروب مع الطحينه وتقلبينهم مع بعض وحطي فوقهم شوي ملح وعصرة ليمون وتحطينهم فوق السلطه.
آخر شي ترشي سماق فوق الصلصه البيضا الي هي الروب وتحطينهم بالثلاجة يا اا اااااااا حلاتها وهي بارده.



​

 

[نورآ ..]

بسكويت التمر
للعضوه / tresor​

​

ملاحظــة بسيطه : انا استخدمت اكواب القياسات ​

​

المقاديـر :
​

3 اكواب طحيـن
​

نصف كوب زيت او سمن كيو بي بي او زبده
​

بيضه
​

ملعقه كبيره بيكنج بودر
​

ذره ملــح
​

ماء للعجــن ,, ​

​

الحشـوه :
​

كوبين تمر منزوع النوى
​

ملعقه قرفه مطحونه
​

3 ملاعق سمن
​

وممكن انج تحطين الهيـل والسنوت او اي نكهات تعيبج
​

انا اكتفيت بالقرفه فقط ​

​

الطريقه :
​

نخلط المقادير كلها ما عدا التمر
​

هذي العجيـنه

​

اهني عجنت التمر مع القرفه مع السمـن ,,

​

​

في صينيه نفرد العجيـن بحيث انها تكون خفيفه جدا يعني مش وايد غليضه بيطلع شكـلها اروع لما تكون خفيف ​

​

​

نفرد عليها طبقه التمــر ​

​

​

ونكرر العمــليه ع حسب الطبقات اللي تبينها انا اكتفيت بطبقتيـن
​

ممكـن انج تسوين 4 او 6 وبعدها قطعتها على شكـل مربعات صغيره قبل لا ادخلـها الفرن​

​

​

بالفرن لمده ربع ساعه بس مجرد ما يحمر الويــه ,, ممـكن انج تحطيـن ع الويه سمسم

اهني بعد ما طلعتها من الفرن ​

​

صوره مقربه اكثر ​

​

​

​

واهني اكــثر ​

​

​

​

 

[نورآ ..]

المعكرونة الصينية
للعضوه / نوره البستكي


نبدأ بالمقادير:
أنا سويت 2 كيس معكرونة يعني هاذي مقادير 2 كيس وإذا حبيتوا تسووا كيس واحد سووا من كل شي نص الكمية
2 صحن (450جم ) صدور دجاج مخلي من العظم مقطع صغار ..
3 بصل مقطع شرائح ..
4 فلفل أخضر حلو مقطع شرائح طويلة ..
2 جزر مقطع شرائح طويلة ..
2 علبة فطر مقطع ..
4 مكعبات ماجي ..

صلصة الصويا الحلوة ..
2 ملعقة طعام نشا مذاب في 2 كوب ماء ..
2 كيس معكرونة اسباغيتي
فلفل أسود مطحون ( نسيت اصوره)

الطريقة :
نسلق المعكرونة مع أضافة ملح وزيت إلى الماء وبعدين نصفيه ونصب عليه ماي بارد عشان ما يلصق في بعض

يحمر البصل

ثم نضيف الفلفل البارد والجزر ويحرك ويترك على النار حتى يذبل الفلفل والجزر

يضاف الدجاج ويقلب حتى ينضج الدجاج

يضاف الفطر ومكعبات الماجي والفلفل الأسود

يخلط مع بعض ويستوي مثل اللي بالصورة

تضاف صلصة الصويا الحلوة والكمية على حسب الرغبة ( أنا تقريبا احط ثلث الغرشة على 2 كيس معكرونة )

يضاف النشا المذاب في الماء ويخلط الجميع

نضيف المعكرونة ونقلب الجميع

ملاحظة هامة: المعكرونة ما يدخل فيها الملح إلا في ماي السلق ،، وبالنسبة للي ما تحب المذاق الحلو تقدر تبدل صلصة الصويا الحلوة بالمالحة مع مراعاة تقليل الماجي لأن بيطلع مالح شوي ..

​

​

​

​

 

[نورآ ..]

بطاط محشي
للعضوه / الخياله ​

​

المقادير ``
بطاطس حبات متوسطه
دجاج فيليه مقطع قطع صغيره
بازيلا ( مجمده مافي مشكله )
بصل مقطع جوانح
جبن موزوريلا
ملح - فلفل - نعناع مجفف مطحون
عصير ليمونه - ملعقتين اكل زيت زيتون - ملعقه خل
صلصله صويا​

الطريقه ``
نقشر البطاطس ونفرغه من الوسط بحيث تكون مجوفه
ونسلقه نصف سلق عشان مايلين مره

بتاوه او مقلاه او اللي تسمونه نحطه على النار ونضيف الزيت زيتون
ونضيف البصل لحد مايتحمر شوي

بعدين نضيف الدجاج والبازيلا ونضيف البهارات بالتدريج
مع الليمون والخل والصلصه
وخليه على النار لحد مايستوي تقريبن من ثلث الى نص ساعه ​

آخر شي ضيفي جبن الموزوريلا وقلبيه خفيف بدون نار
هو بيسيح من حراره الحشوه ​

بعدين حشي البطاطس وصفيه في صينيه وغطيه بقصدير ودخليه الفرن شي نص ساعه
واذا خلصت افتحيه من فوق خليه يتحمر شوي ​

وقدميه بالعافيه ​

 

[نورآ ..]

بطاطس ودجيز
للعضوه / بنتـ DXB

بطاطس
كاس دقيق
2 ملعقه بيكنج بودر
ملعقه شطه
ملعقة كركم
ملح حسب الرغبه
ماء


الطريقة:
- تقطع البطاطس بشكل نص قمر و تسلق ربع سلق .
- تخلط المقادير السابقه ( التوابل ) جيدا في قدر و يضاف الماء حتى يتكون لدينا خليط متوسط السمك .
- يوضع الخليط على البطاطس و تقلب جيداَ .
- تغطى البطاطس و تترك لمدة نصف ساعه أو ساعة حتى تأخذ النكهه .
- تقلى البطاطس بالزيت , ثم يصفى من الزيت و يقدم .
أو تحمر في الفرن بتكون ألذ وأخف وتقدم ساخنه

وقدميه بالعافية

​

 

[نورآ ..]

خبز الروب
للعضوه / زهره المشموم



​

 

[نورآ ..]

سَلطة النّاتشوز - بالخطواتْ المُصوَّرة -
للعضوه / أم أيامـ،ـي​

المقادير :​

( خَس أمريكي + ملفوف )​

​

​

^
جبنة
_____________​

​

الصوص :
فرنسية (الموضحة فالصُورة)
ليمونة ( الأفضل نصفها - عسبة ما تكُون حامضة وايد )
ملعقة خل ابيض
نكهة ثوم ( مقدار لا يُذكر )
أرويغانو​

​

نبدأ نحطهم ع شكل طبقات​

​

​

​

​

​

​

​

​

​

بعد ما نضيف الجبس ( دوريتوس بنكهة الجبن )​

​

نرجع نضيف نفس الطبقات - بنفس الترتيب
وأخيراً نحط الصلصلة​

​

​

صحتين و عافية​

 

[نورآ ..]

سلطة الباذنجان بالروب
للعضوه / Miss Cavalli​

المقادير:
-باذنجانه صغيره مقطعه اصابع رفيعه و مغمسة بالطحين ثم تقلي بزيت حار الى ان تحمر و تذبل ...
- خيارة مقطعه مكعبات صغيرة
-طماطه مقطعه مكعبات صغيره
-تقريبا اقل عن ربع حزمة نعناع مفروم ..
- علبة روب 500 غرام
-فص ثوم مهروس
- ملح و فلفل اسود​

الطريقة بالصور : ​

اولا نضع كل المكونات مع بعض



ثم نضع الباذنجان ​

​

ثم الروب ​

​

و الثوم و نخلط عدل ​

​

ثم الملح و الفلفل الاسود .... و نزين بورقة نعناع ​

​

و بالهناء و الشفاء ​

 

[نورآ ..]

حلى رقائق شوكولاته
للعضوه / أم غزوله







المقآدير:



رقائق شوكولاته تلقونها جاهزة باي جمعيه وواظحه بالصوره ( في نوعين داارك وبالحلليب اناا جرربت الاثنيين و حبيت بالدارك اكثر )
-
أوريو
3 ملاعق قشطه اوو يمكن اكثر حسب كمية الاوريو < اطحنوا الأوريو واخلطوه مع القشطة لين يصير عجينه وخلوه على جنب شوي
-
شعيريه باكستانية مكسره صغار ومحموسه ع الفرن واذا انحمست اعجنيها مع علبة نستله محلى وخليها شوي
ع جنب

- حبوب مالتيزرس

الطريقه :
.. جيبي رقائق الشوكو وحطي عليها كوره من عجين الاوريو واضغطي على خفيف
( انتبهو لهالخطوه لاازم تحطين الاوريو قبل الشعييريه وليس العكس لاانه الشعييريه بتكوون حااره وبتذووب كاكاو البرينجلز على طوول )

بعدين جيبي كوره أصغر منها من الشعيريه وحطي فوق الأوريو واضغطي شوي

بعدين زينيها بحبة مالتيزرس

وصفيها وصبي عليها شوكلين هيرشي شوي

​

 

[نورآ ..]

رز بالحليب
للعضوه / ACI HAYAT


المقادير :
6 اكواب حليب
1 كوب سكر
1/2 كوب نشا
1 كوب ماء
3/4 رز مصري مسلوق
ماء زهر
للزينة ( فستق حلبي . جوز بلدي . جوز هند . .... حسب الرغبة )

الطريقة :

يذوب النشا بكوب الماء ويضاف في وعاء ويضاف اليه الحليب ويوضع على النار مع التحريك المستمر حتى يغلي ثم يضاف اليه السكر والرز مع التحريك المستمر وبعد ما طفي النار ضيفي عدة نقط من ماء الزهر وبعدين تصبوهم باكواب التقديم وتزينوهم ....

وهي الصور النهائية :

​

 

[نورآ ..]

السلطه العجيبه
للعضوه / الموج الثائر


المقادير :





- خسس على حسب الرغبه ،
- 4 خيارات او على حسب ،
- 4 ليمونات كبار،
- روب كبير،
-علبة فاصوليا حمرا،
- علبة ذره،
- سماق،
- زيت زيتون،
- 15 بطاطس عمان او على حسب الصينيه،



الطريقه :

نقص الخيار مربعاات صغار وعقب نحط فوقه الذره بـ هالشكل




وعقب نسوي خلطة الروب اللي هي : " نحط روب مع ليمونتين ونخلطهم"
ونصبه فوووق الذره والخياار بـ هالشكل ..




وعقب نحط الفاصوليا الحمراا على الروب بـ هالشكل ،






وعقب نقص الخس صغااار ونحطه فووق الفاصوليا بـ هالشكل :



وبعدين نسوي خلطة الزيت زيتون و نحطها فوق الخس عشان يعطينا طعم حامض وحلوو
فنجان زيت زيتون / ملعقتين سماق / 2 ليمونتين ونخلطهمم




واخر شي نكسر البطاطس عماان مثل اللي بالصوووره ونحطه ع السلطه من فوووق




تحطيها بالثلاجه نص سااعه قبل الاكل عشان شوي تتماسك..

 

[نورآ ..]

قوارب الباف باستري بالدجاج والجبن
للعضوه / بنتـ DXB


المقادير:

باف باستري- دجاج مفتت ومخلوط مع جبن قلاصات وقيمر وجز مبشور وفلفل اسود وشوية ملح

الطريقة:

ندهن قوالب الكب كيك ونقطع الباف باستري لاربع قطع وكل قطعة نخليها في القالب ونمسحها ببيض ونحمرها من تحت وفوق

بعد ما نطلعها من الفرن نغطيها بالحشوة ونرش شوية جبن مبشور وندخلها الفرن من فوق علشان تذوب الجبنة ونقدمها

​

 

[نورآ ..]

الباستا البرتقاليه مع الدجاج
للعضوه / لازلت اذكرهم


واحد ونص باكيت مكرونه طوال مسلوقه في مويه وملح وزيت

في هالوقت تكونين مقطعه دجاج صغار ومتبلته ببهار وثوم مفروم وملح ..

حطي في المقلاة زيت ولما يصير حار حطي الدجاج وقلبي لحد مايتسوي ..

في الخلاط الكأس اخلطي :
2 حبة فلفل بارد أحمر ( لازم أحمر )
بصل أبيض حق السلطه مقطع
مكعبين ماجي
6 ملاعق جبن سايل
علبة حليب أبو قوس
علبة قشطه
ملعقة كبير ممسوحه باربيكا
ومعلقه فلفل أحمر بودره (للي يحبون الحار )

حطي المكرونه في صينية بعد ماتصفينها من المويه وعليها الدجاج والخلطة وقلبيهم مع بعض ..

دخليها الفرن تقريبا نص إلى ساعه إلا ربع .. أو لحد ماتنشف الخلطه تماما ً .. بس انتبهي تحترق ..

طفي عليها النار وحطي الوجه جبن تشيدر مبشور .. وفلفل بارد شرايح ( اختياري)
ودخليها الفرن يذوب الجبن على حرارة الفرن المطفى ..

​

 

[نورآ ..]

سطلة الباذنجان
للعضوه / N.D.H

المقادير

دجاج مفروم _ انا افضل دجاج الوطنيه _ نكشنه مع بصل وماجي وبهارات وملح وفلفل اسود
بقدونس مفروم
بصل ابيض مقط شرايح
باذنجان مقطع مكعبات ومقلي
بطاطس مقطع مكعبات ومقلي
حمص معلب
زيتون مقطع معلب
زبادي
مايونيز
خبز مقطع مكعبات ومقلي

في صينية التقديم , راح تكون السطلة طبقات
الطبقه الاولى _ البقدونس المفروم

الطبقه الثانيه _ البصل الابيض

الطبقه الثالثه _ الدجاج مفروم

الطبقه الرابعه _ الباذنجان والبطاطس المقليه

الطبقه الخامسه _ الحمص والزيتون

الطبقه الخامسه _ صوص الزبادي والمايونيز ونحط عليها سماق

الطبقه السادسه والاخيره _ الخبز المقلي

وبالعافيه ..​

 

[نورآ ..]

المسالا
للعضوه / انثى زجآجيه ​

الطريقه مع المقادير
اول شي تجيبين صدور دجاج تقطعينه على الحجم الي تفضلينه بعدين تحطينهم بصحن وتصبين فوقهم نص كوب ماء وملعقه زيت وملعقه كركم وملعقه لون طعام احمر << اللون يحكي

وخليه عشر دقايق يتخمر زين مع اللون
جيبي خلاط وحطي فيه
2طماطم كبيره
3فصوص ثوم
شوي من الكزبره الطازجه انا ماحصلت طازجه حطيت المجمده
3ملاعق صلصة طماطم
نصف علبة زبادي
انا حطيت قرن فلفل حرارته وسط تقدرين تستغنين عنه
اخلطيهم زين واتركيهم على جنب
الحين جيبي بصل واحمسيه بزبده بعدين جيبي الدجاج الي مخمرينه وحطيه فوق البصل بدون المويه بس لاتكبين مويته خليها قلبيه شوي وحطي الحين نص حبه ماجي وبهارات المسالا اذا ماهي عندك حطي بهارات هنديه او اي نوع عندك بس افضل بهارات المسالا وحطي بهارات الكاري ملعقه وملح شوي وفلفل بودره احمر انا حطيت الي مره حار

بعدين حطي عليهم ربع كاس ماء وخليه يتسبك شوي خمس دقايق

بعدين حطي الخلطه الي خلطناها بالخلاط على الدجاج + المويه الي خمرنا فيها الدجاج اول

خليه نص ساعه مغطى على نار هاديه بعدين افتحيه خلي مويته تثقل شوي وحطي نص او ثلاث ارباع كوب قشطه الخفق قلبيه وخمس دقايق ذوقي ملحه اذا يحتاج زيديه

وهنا بعد ماخلص زينيه بالبقدونس

وقديمه مع الرز
طريقتي بالرز حطيت زبده وكم حبه قرنفل وحبه ورق غار وملح وماجي وحطيت مويه لين غلت حطيت فوقها الرز
زيني الرز بكاجو او مكسرات حمسيها بالزبده او السمن
وبالعآفيه يارب ​