اطباق لذيذه ( سهل - متنوع - منقول - متجدد ) تابعونا

[نورآ ..]

حلآ
للعضوه / انثى زجآجيه

حطيت بالكاسه اول شي اوريو مفتت
وصبيت فوقه كارميل الي زي الهيرشي
وحطيت فوقه كيك مفتت امريكانا شوكلت
وحطيت فوق الكيك ذوبت سنكرس مع قشطه وزبده ونوتيلا
وفوقهم حطيت كيك مفتت فنيلا
وفوقه كيك شوكلت
وحطيت خلطه الي هي دريم ويب وقشطه ونستله وكيري وزينته بالفليك المفتت والمالتيز

​

 

[نورآ ..]

../ سآندويشآت بيض ؛
للعضوه / عفآآآف

المقآدير ::



- بيض مسلوق
- بصل أخضر
- بقدونس مفروم
- جبن سآيل + خردل + مآيونيز
- ذره
- زيتون أخضر

<~ جميع المقآدير ع حسب الأشخآص
الطريقه ::
نقطع البيض + البصل + البقدونس , ونخلطهم مع بعض
ونحط عليهم ذره + زيتون أخضر وبعدها نحط ملعقتين جبن سآيل وملعقه خردل وملعقه مآيونيز
ونحشيهم بَ توست أو خبز عآدي



وبَ العآآآآفيه ع الجميع ​

 

[نورآ ..]

فلآفل ؛
للعضوه / عفآآآف​

المقآدير ::
- كيلو حمص منقوع ليله كآمله ومصفى
- 7 فصوص ثوم
- حزمه بقدونس
- حزمه كزبره
- 2 بصل مفروم
- 1 قرن فلفل حآر <~ ع حسب آلرغبه
الطريقه ::
تطحن جميع المقآدير بَ مكآينه اللحم مرتين لمآ تصبح مفرومه فرم نآعم
وبعدين نآخذ المقدآر ألي نبي ونضيف له ملح وكزبره مطحونه وكمون مطحون وبآكنج بودر ونقليه بزيت عميق حتى ينضج ..
​

 

[نورآ ..]

طريقه صوص الطحينه
للعضوه / عفآآآف

كوب طحينه سآيله + كوب ماء + ملعقتين خل أبيض + فصوص ثوم + فلفل أسود + ملح
أخلطي المقآدير مع بعض في الخلآط وبس



​

 

[78MariMar78]

ماشاءالله نورااااا

تسلم ايدك

ويعطيكِ الف عاااافية

 

[نورآ ..]

ماشاءالله نورااااا

تسلم ايدك

ويعطيكِ الف عاااافية

الله يسلمج يابعد قلبي :eh_s(17)::eh_s(22):

 

[نورآ ..]

الكابتشينو
للعضوه / ظل الازهار

في الخلاط الكاس
في نفس الكاس اللي بتشربين فيه كاس موية حار مو مليان موية عشان الرغوة
سكر حسب رغبتك
نص ملعقة كبيرة نسكافيه
ونص ملعقة كبيرة دريم ويب
وتشغلين الخلاط دقيقتين
وصبيها في الكاسات وزينها مثل ماتحبين
​

 

[نورآ ..]

حلا جوز الهند
للعضوه / حجازيه

المقادير :
- كيك سواء جاهز او شغل يدكم
- حليب نستله مركز
- جوز الهند (نشقره عالنار) بس يادوب ياخذ لون .. بس انتبهو ترا ياخذ لون بسرررعه

الطريقه :
تقطعو الكيك مكعبات متساويه .. وقلبوه بالحليب المركز .. وبعدها بالنارجين .. وبردوه
​

وبالعااافيه ​

 

[نورآ ..]

مراوح السنبون
للعضوه / غالا

المقادير :
¾٢ كوب دقيق (ممكن نحتاج زياده ١ م ك دقيق )
¼كوب سكر بودر
١ م ك غير ممتلئه خميره فوريه
رشة ملح
٤ م ك زبده
⅓ كوب حليب سائل
¼ كوب ماء
١ م ص فانيلا
٢ بيضه كبيره

مقادير الحشو :
٤ م ك زبده ذائبه
١ كوب سكر حبيبات ناعم
١ م ك قرفه ممكن الزياده حسب الرغبه

الطريقه :
نضع الزبده والحليب على النار حتى تذوب الزبده ويقارب للغليان
ثم نضيف عليه الفانيلا والماء ويرفع عن النار ويترك خليط السوائل جانباً يبرد
نخلط المواد الناشفه مع بعض الدقيق والسكر والخميره والملح في وعاء
وفي وعاء أخر او في العجانه نضع البيض

نقوم الان بخفق البيض ثم يضاف له خليط السوائل ويخفق

ثم تضاف له خليط النواشف دفعات ويعجن ببطء ٢ دقيقه

لو كانت العجينه لينه جداً ممكن نضيف ١ م ك دقيق فقط وتعجن على سرعه عاليه لمدة ٥ دقائق

نضع العجينه في وعاء مدهون بالزبده وتغلف وتترك لمدة ساعه تخمر

ثم نعاود عجنها وتكور وتترك لمدة عشر دقائق ثم تفرد بشكل مستطيل بسمك نص سنتمتر
ممكن نفردها شوي ونتركها ترتاح ونعاود الفرد مره اخرى وتدهن بالزبده

نخلط السكر الحبيبات الناعم ( في سكر حبيبات لاكن خشن وفي حبيبات لاكن ناعم بس مو بودره )

ثم ترش بخليط السكر والقرفه

تقطع شرائح طوليه متقاربه في الحجم

ثم ترص الشرائح فوق بعض وتقسم الي مجموعه من القطع

وناخذ كل مجموعه وتوضع في صواني الكب كيك او في اكواب ورقيه

تدخل الفرن على نار متوسطه لمدة ١٠ دقائق

بعد خروجها من الفرن تقدم اما ساده او مع اي نوع من الصوص مفضل لديك
شوفو الشكل كيف يكون تاخذ من شكل القالب اللي كانت فيه
وهنا سويتها باكواب ورقيه وكان الشكل جداً رهيب

​

 

[نورآ ..]

الشابوره
للعضوه / ديار الروح



المقادير:
بيضتين , ملعقه أكل بيكنغ باودر ,بياله واحده زيت ,3فناجين سكر ,ملعقه صغيره حبه سوداء, 1,5كاس طحين

الطريقه:
نخلط البيض , والزيت , والسكر ,والبيكنغ باودر,والحبه السوداء
يضاف اليها الدقيق بالتدريج حتى تصبح متماسكه
وترص في صينيه ونرشها بسمسم وتدخل الفرن من تحت وفوق واذا طلعتيها على طول قطعيها مستطيلات صغيره
وبالعافيه
​

 

[نورآ ..]

سلطة الفواكه
للعضوه / miss princes



مكونات الحليب:-
4 ك ماء
5 م ك حليب بودره
6م ك سكر

نخلط المكونات مع بعض وانحطها على النار الين ما يغلي
الحين خليها على نار هادئه لمده 5 دقائق



مكونات المهلبيه:-
نص ك ماء
3 م ك بودرة الكاسترد

نخلطهم مع بعض








انحط خلطة الكسترد في الحليب شوي شوي وانحركها بالمضرب الين ما يغلظ الكسترد







اندخل الكسترد في الثلاجه لمدة ساعه كامله

مكونات الكريمه:-
علبة قشطه
ظرف دريم ويب
ظرف كريم كراميل
1م ص فانيلا
نص ك حليب بارد

نخلط مكونات الكريمه بالمضرب واندخلها الثلاجه لمدة ساعه كامله



الحين طلعناها من الثلاجه وخلطناهم مع بعض بالمضرب







نقطع الفواكه على شكل مربعات
انا احب (تفاحه وموز)
اذا حابه اي نوع من الفواكه حطي فيها (على حسب ذوقج)

حطيهم في الخلطه





وحطيها في الثلاجه لمدة ساعتين على الاقل
حتى يبرد زين



بالعافيه​

 

[نورآ ..]

سويت الكادبوري
للعضوه / tresor



المــقاديـر :
علبه قشطه
ربع كوب حليب سائـل
4 حبات كيـري
ملعقتي حليب مكثف
2 ظرف دريم ويب
2 ملعقه كاكاو باودر


للزيـنه :
كاكاو كادبوري + حبات جالكسـي


الطــريقه :
في وعاء نحط كل المقاديـر ما عدا البسـكويت ..
ونخفـقه بخلاط اليد او العصــير ,,

اهني بدا يتغيـر لونه ويميـل للبني

اهني انتهيـنا من الخفق تقريبا مده 3- 5 دقائق
وهذا شـكـــل الكريمــا ,,

في صينيه البايـركس حطيت ملعقتين من الخليط ومسـحتها على كامل الصـينيه وبديت اصف البسـكويت ,, بعد ما اغمسـه بالحليب ,, وعقب ما انتهيت حطيت عليه طبقه من الكريمـا ,,

تقريـبا سويت 4 طـبقات ( بسكويت وعقب كريمـا ) وتكملين ,,

يبت الكاكاو البودره ورشيته ع الويــه ,,, وهذي صوره الكاكاو

وزينتها بحــبات الجالــكسي ,, وحطيـتها بالثلاجه لحد التقديم ,,

وهذي النتيــجه ,,

صوره مقربه اكثر

​

 

[نورآ ..]

سويت لونين
للعضوه / Ria

اول طبقة اول شئ حطيت بسكوت مغمس في حليب وحطيت علية الكريمة ( مثل ما قلت قبل الكريمة اختياري... انا حطيت دريم ويب وحليب سائل وقشطة وجبن فلادلفيا او كيري حسب الموجود .. قسمت الخليط 3 اقسام .. خليت واحد ابيض .. والثاني حطيت عليه كاكاو .. والثالث حطيت عليه كريم كراميل .. اي لون موجود يناسب )



ثاني طبقة ( بديت احط الطبقة الثانية.. شوي من هذا اللون وشوي من اللون الثاني )



صوره اقرب...

التزيين ( اختياري .. انا حطيت نصه فليك والنص الثاني حبات كاكاو الماليتيزرز )



​

 

[نورآ ..]

سويت النيدو المحمس
للعضوه :Ria

اول طبقة بسكويت مغمس في حليب
بعدين تحمسين كوب حليب بودرة وشيليه من النار ضيفي عليه واحد قشطة ونص فنجان ماء وفنجان سكر وقطعة زبدة صغير واخلطيهم وحطيهم في الكاسات على البسكويت

ثاني طبقة حطيت كوب وربع ماء و4 ملاعق حليب بودرة وواحد كريم كراميل وواحد قشطة وخليتهم على النار لين غلى وصبيته في الكاسات



ممكن تزينين السويت باللي تحبينه



صوره ثانية...

​

 

[نورآ ..]

خلية النحل الوردات
للعضوه / #..Lamar..#



المقادير:
5 أكواب دقيق أبيض
ربع ملعقة شاي ملح
ملعقة كبيرة سكر
2 ملعقة كبيرة خميرة
بيضة
نصف كوب زيت زيتون
2 كوب ماء دافىء


​

الحشوه :
جبن فيلدلفيا أو كيري



الطريقه :
تعجن زين وتترك لتختمر ربع ساعه
وبعدين تقسمينها على شكل دوائر صغيره
وتحشينها وترصيهافي الصينيه المدهونه بالزيت
على شكل وردة

وبعدين يدهن وجه الوردات بالبيض المضاف اليه القليل من الفانيلا او رشة الملح وترشي عليها سمسم وحبه بركة على حسب الرغبه

ودخليها الفرن من تحت ومن فوق للتتحمر و هاذي صورتها النهائيه

​

 

[نورآ ..]

قوارب البف باستري مع صلصة البشاميل
للعضوه / atyabqalb


​

المقادير:
-عجينة مربعات البف باستري
-شرائح باذنجان مقليه أو محمره في الفرن
-كأس صلصة بشاميل
- ملعقة زيت
- ملعقة طحين
-كأس حليب
-صلصة اللحم المفروم
- بصل +لحم مفروم
-بندورة مبشور
-بقدونس
-صلصل وبهارات
-جبن موزاريلا

الطريقة:

نقوم بوضع شريحة الباذنجان على عحينة البف باستري المربعه ونقوم بوضع صلصة اللحم المفروم على الباذنجان

نقوم بغلقها كما في الصوره ثم نضع عود التوثبيك حتى لاتفتح معنا في الفرن

ثم نصف القوارب في الصينية ونغطيها بقليل من صلصة البشاميل ونرشها بجبن الموزاريلا
ثم ندخلها الفرن حتى تتحمر

وهذه هي النتيجه .. قولوا ماشاءالله

وهني وعافيه​

 

[نورآ ..]

كيكة الشعيرية بصلصة التوفي اللذيذة
للعضوه / نوره البستكي

المقادير راح نقسمها إلى 3 مجموعات وكل مجموعة اسهل عن الثانية

المقادير ( أ ) :

2 علبة قشطة ( قيمر )
1/3 كوب زيت
1 كوب سكر
1 ملعقة طعام باكنج بودر
​

نخلطهم في الخلاط

المقادير ( ب ) :

1 كيس شعيرية باكستانية
3 بيضات
ملعقة صغيرة فانيليا سائلة
​

نكسر الشعيرية صغار

نضع البيض والفانيليا في وعاء الخلط ونخلطهم بالخفاقة الكهربائية ويستمر الخفق حتى يبيض الخليط ويصير خفيف وهش
​

​

نضيف المقادير ( أ ) إلى المقادير ( ب ) ونخلطهم

نضيف الشعيرية

ونخلطهم ويترك لتتشرب الشعيرية بالخليط لمدة 10 دقائق وتصبح هكذا

يصب في قالب مستطيل مدهون بالزيت

ويدخل الفرن (سبق تسخينه) على حرارة 160 درجة لمدة 20 دقيقة ثم يحمر السطح ويخرج من الفرن

المقادير ( ج ) ( صلصة التوفي )

1/2 كوب سكر
ملعقة طعام زبدة
علبة قشطة ( قيمر )

يحرق السكر على نار متوسطة حتى يذوب تماما

لازم يذوب كل السكر مثل الصورة

نضيف الزبدة
ونحركه حتى تذوب الزبدة

عقب نضيف القشطة ويحرك جيدا

ونستمر بالتحريك ، وإذا لاحظتي وجود كتل يابسة حركي على نار هادية لين يذوب تماما ويستوي مثل الصورة بالضبط

نصبه على الكيك وهو حار ويساوى على السطح هكذا

يقطع مباشرة إلى مربعات صغيرة ويوضع في أوراق الزبدة

وعن قرب

​

 

[نورآ ..]

كـــرات المـــارس
للعضوه / نوره البستكي​

المقادير:
​

​

مثل ما قلتلكم يتكون من 3 مكونات فقط ..
6 حبات كاكاو مارس الحجم الكبير طبعا ..
2 ملعقة طعام زبدة .. ( وممكن 1 ملعقة طعام يعني على حسب الرغبة )
1 كوب ونص كورن فلكس الأرز بالشوكولاتة ..

وهذا الكورن فلكس من قريب للي ما تعرفه

بالأضافة إلى فستق مطحون للتغطية ( وممكن استبداله بالنارجيل أو أي شي تحبونه ،، بس الفستق غييييير ^^ )

الطريقة :
نضع قدر صغير في حمام مائي ونسيح فيه الزبدة .. ( ضرووووري الحمام المائي والا شغلج كله بيخترب )

عقب نضيف المارس ..

ونقلبهم ..

ونستمر بالتقليب ..

حتى يذوب المارس تماما ..

ويستوي جي ..

ونرفعه من على النار .. نضيف الكورن فلكس ..

ونقلبهم .. وعقب نخليه يبرد شوي ..

نكور الخلطة باليد بهالحجم ..

ونقلبه في الفستق المطحون ..

ونحطه في الأكواب الورقية الصغيرة .. وهذا شكله ..

​

​

 

[نورآ ..]

[ نقانق + بيض مسلوق ]
للعضوه / عنودالصيد



3 اصابع نقانق + فلفل احمر + بصل + ملعقتين جبن سايل
نقطع البصل ونحمسه في زيت زيتون .. ثم نضيف الفلفل البارد .. ونتبله بالملح والفلفل
ثم نضيف النقانق بعد التقطيع .. ونتركها تطبخ دقيقتين ونضيف الجبن

نقدمها مع البيض والخبز المحمص ..
نزينه برشة بقدونس مفروم

​

 

[نورآ ..]

[ عجه بالفطر ]
للعضوه / عنودالصيد

بيض + فطر + فلفل بارد + بصل + جبن تشيدر + بقدونس
نقطع البصل والفلفل البارد ونحمسهم بالزيت .. ثم نضيف الفطر ونتبله بالملح والفلفل ..

نخفق بيضتين ونخلط معها البقدونس ونصبها ع الفطر .. ثم نضيف جبن التشيدر مكعبات ونتركه ع النار حتى ينضج ويذوب الجبن

نقدمه مع خبز محمص - شرايح طماط

​