اطباق لذيذه ( سهل - متنوع - منقول - متجدد ) تابعونا

[نورآ ..]

بثووونه

المقادير : ( بسكويت دايجستف - 8 مغلف دريم ويب - 1وربع حليب بارد - ثلاث ارباع قشطة )

الطريقة

1- نخلط كلا من الدريم ويب + الحليب + القشطة ,, ونخلي الخليط على جنب
2- اضع في قاع الكأس مقدار نصف ملعقة من خليط الكريمة
3- اغمس حبة بسكويت في حليب غمسة سريعة واضعها فوق الكريمة
طبقة بسكويت ، طيقة كريمة
أنا قمت بعمل ثلاث طبقات
وفي النهاية اضع طبقة كريمة وفوقها فتات الفليك ..
اضعها في الثلاجة لحين وقت التقديم

[URL="http://imageshack.us/photo/my-images/841/img1617mz.jpg/"] [/URL]

 

[نورآ ..]

طريقة الكنافة
براجونة






طريقة الكنافة للي طلبوها :

1ـ الكنافة تشترينها جاهزة من السوبر ماركت فيه شركات كثيرة ،
هذي كنافة السنبلة ، انا ماعجبتني فيه الشركات الثانية أفضل ..
2ـ اصبع زبدة سايحة .
3ـ علبةقشطة + نصف كوب سكر مطحون + نصف كوب فستق مطحون تخلطينها مع بعض ..
واذا تبين الخلطه كثيره ضعفي المقدار ..


الطريقة :

افرمي الكنافة علشان تصير ناعمة ، وتذوبين الزبدة وتحطينها عليها وافركيها ببعض ..
حطي نصف الكنافة بالصينية بعدين الخلطة وبعدين النص الباقي ..
وبالفرن لين تتحمر من كل الأطراف ..
طلعيها وزينيها بالفستق واسقيها شيرة ..

أنا أحبها مثل الطريقة الثانية تكون بقوالب خصوصاً إذا كنت باخذها معي لطلعة ..
أرتب وأحلى شكل ومافيها تقطيع ..

بس اذا مستعجلة الصينية زينة وأسرع

 

[نورآ ..]

طريقى المهلبية
براجونة



طريقة المهلبية :

12 ملعقة حليب نيدو
10 ملاعق سكر الأفضل مطحون
10 اكواب ماء
ملعقة صغيرة فانيليا

قصري النار عليها مرررة ، وخليها حتى تصير ثقييلة..
ويبغى لها تحريك باستمرار علشان ماتتعقد ..

وبالعافيه

 

[نورآ ..]

الشوربه البيضاء
غفوهَ





المقادير ..
بصل مفروم ناعم + 4 ملاعق حليب نيدو + 2 ملعقه طحين + 2 ملعقه شوفان
2 مكعب ماجي + زيت + ثوم + دجاج مسلوق ربع بس + كزبره ناعمه

الطريقه
تجهزي اول شي الخلطه اللي هي
م4 حليب +م2 طحين + 2م شوربة شوفان في زبديه مع كوب ماءوخليهم على جنب
نكشن البص بقدر وتحطي الزيت وبعدها تحطي ملعقة صغيره حقة السكر فلفل اسود
وتحمسينه لمدة 2 دقيقه وتحطي بهارات مشكله نوعين ملعقه صغيره برضو خليه تسبك زين لمدة 1 دقيقه وحطي الدجاج بعد ماتسلقينه وتقطعينه شرائح او مربعات حنا نحط صدر واحد
وبعده الثوم + والماجي 2 مكعب
وبعد مايتسبك زين تحطين الشوربه والطحين والحليب مع المويه المنقعه
وزيدي عليهم 2 كوب ماء وخليها تطبخ نص ساعه واذا حسيتي انها ثقيله زيدي مويه شوي
ولا خلصتي طفيها وحطي على الوجيه كزبره مفرومه وبالعافيه يارب

 

[نورآ ..]

حلا المالتيرز
ح.ن.ا.نH.A.N.A.N

Shot at 2012-07-25
:
:

 

[نورآ ..]

المسقعه
hajer2012





بصينية البايروكس الطبقه الاولى بطاطس مقلي وباذنجان مقلي


الثانيه دجاج مسلوق بمويه وبهار وملح واذا استوى اقطعه قطع لاكبيره ولا صغيره وسط يعني حجم لقمه

الثالثه اكشن بصل طماطم حب وشويةطماطم معجون واحط مويه شوي واخليهم يتسبكون مرره وكمان احط فلفل رومي وابهرها واملحها واحطها فوق اللحم

الرابعه جبن سايل 3 ملاعق وقشطه وشوي مايونيز اذا تحمرت من فوق

احط جبن موزريلا افضل بوك طعمه افضل واخليها شوي بالفرن تذوب الجبنه

وبالعافيه على قلوبكم

 

[نورآ ..]

سلطه
احترت فيه



المقادير :
حزمتين خس , من 2 الى 3 علب زبادي , ملعقة متوسطة مايونيز , عصير نص ليمونة , صوص الرانش مهم بالسلطة وبيفرق بالطعم , ملح , فلفل اسود , خبز تويستوس المحمص للسلطة .
الطريقة :
تقطعين الخس مربعات متوسطة حجمها مو كبير ولا صغير بزيادة ويوضع بصينية التقديم وتخلطين الزبادي والليمون وشوية ملح وفلفل وملعقة المايونيز وتبدين توزعين بالملعقة على السلطة لما تشوفين 3/4 الخس فيه صوص مو لازم ينحط كله وتقلبينها شوية لما تحسين الخس تشرب الخلطة وتبدين توزعين شوي شوي على كل السلطة من صوص الرانش عشان تبان نكهته ويزين بالخبز المحمص والسماق والليمون .

 

[نورآ ..]

الكنافه الكذابة
ح.ن.ا.نH.A.N.A.N






نبدا بالمقادير

::

كيس توست نشيل اطرافه ونقطعه ونطحنه زيييين مازين

ثلاثه ارباع زبده

هيل وزعفران اذا تحبونهم

نحط الزبده على التوست مع الزعفران والهيل ونخلطهم زين

بعدين نرصهم في صينيه بايركس او المتحركه حقت التشيز كيك على راحتكم

::

الخلطه الثانيه

كاسين حليب سايل
اربع ملاعق سميد
فنجال سكر

نحركم على نار هاديه لما يثقلون

بعدين نحط عليها علبه قشطه قيمر حجمها وسط

وملعقه كبيره مويه ورد

وبعد زعفران وهيل شويه

نحركهم زين ونصبهم فوق طبقه التوست

ونحطهم فالفرن من تحت بعدين نحمرها شوي من فوق

ونطلعها واذا بردت نقلبها عشان يسير التوست هو اللي فوق عرفتو

ونزينها بفستق وشيره *,*

 

[نورآ ..]

تــارت البيتزا
@Roodena@



العجينه :
كوب وربع طحين
ملعقتين زبادي
نصف ملعقة صغيرة Bb
رشة فلفل أسود وبودرة بصل
ربع اصبع زبدة
تعجن كويس اذا احتاجت زبادي زيدي ,, ثم تفرد بقوالب التارت المربعه وتوضع الحشوة
( طماط وفلفل رومي تقطع مكعبات صغيرة وشوي زعتر وزيتون اسود واخضر وتوزع في التارت )
ثم يوضع عليها كور من اللبنه ,, وتدخل الفرن

 

[نورآ ..]

سلطة المعكرونه
kef al7al

</B>

</B>

المقادير :</B>
مكرونه اي نوع مسلوقه بمويه وشوي زيت وملح << امي استخدمت المكرونه الملونه </B>
ذره معلبه </B>
فاصوليا حمراء معلبه</B>
بليله معلبه</B>

مقادير الصوص:</B>
مايونيز </B>
زبادي</B>
ليمون</B>

الطريقه :</B>
اخلطي مقادير السلطه بعدها اضيفي مقادير الصوص واخلطيهم وقدميها </B>

لا احد يسألني عن مقدار الصوص بالضبط لاني مدري حطيت وبس </B>

وبالعافيه </B>



اللي تسأل عن المعلبات هي تنطبخ ولالا؟؟
لا هي ماتنطبخ وتحطينها مع المكرونه وتخلطينهم وتحطين والصوص فوقها وتخلطينه وبسس

 

[نورآ ..]

.


حلى الجالكسي بالقرفة والسكر البني
هدوء المطر

العجينة
3 كاسات دقيق
كاس ونص مويه دافيه ( أنا أحط علبة زبادي أو كاس لبن والباقي أحط موية دافية لين تكون عجينة متماسكة ..)
ملعقه كبيره خميره ونص ملعقه صغيره بكنج بودر
وثلاث ارباع فنجال سكر وذره ملح
وملعقتين حليب بودره هذي اختياريه
الزيت ثلاث ارباع بياله
خليها نص ساعة أو ساعة الا ربع ..

أخذت هالقوالب من الهزازي مقاسه صغيييييييير .. ابد حشيها جالكسي .. وكوريها وخلي جنبك صحن فيه قرفة وسكر بني مخلوطات .. جيبي الكوره ودحرجيها فيها بعدين بالقوالب وبالفرن ..
بعد ماتطلعينها من الفرن صبي عليها نستله وزينيها باللي تبين ..أنا زينتها بحبيبات الفول السوداني ..

 

[نورآ ..]

الجبنيه
وفاء~

في الخلاط :
كاس لبن ، بيضه ، نص فنجال سكر ، شويه ملح ، فنجال زيت ، م ص باكنج بودر ، م ص خميره
اضيفهم مع الطحين الين تتماسج العجينه
اذا تخمرت افرديها وقطعيها واقليها في زيت عميق وحار وحطي عليها الدبس والتهميها



* نفس العجينه اسوي فيها دونات بس تفردينها سمك نص سم وتقطعينها شكل الدونات هذي صورتها

 

[نورآ ..]

باستا الخضار
شآهـ نور







المقادير:
بصل , جزر , فلفل رومي , كوسا , زيتون أسود + أخضر , ذرة, بهارات مشكلة , ملح
مكرونه أي نوع أو شكل تفضلينه

مقادير الصوص :
كريمة طبخ المراعي , صلصة البيتزا

الإضافات :
جبن بوك سائل , علبة قشطة , جبنة برميزان أو بديل جبنة البرميزان " أنا استخدمت بديل جبنة البرميزان ", جبنة موزاريلا

الطريقة:
1 _في مقلاة تقطعين البصل وتشوحيه عالنار لحد مايذبل , تقطعين الجزر والفلفل الرومي شرايح طويلة والكوسا نصف دائرة وتضيفيهم للبصل وتضيفين الملح والبهارات المشكلة وتقلبيهم 5 او 10 دقايق
واخر شي تضيفين الزيتون الأسود + الأخضر والذرة وتقلبيهم 5 دقايق وترفعيه من عالنار ع جنب
2_ تسلقين المكرونة
3_ في هالأثناء تسوين الصوص في قدر تضيفين كريمة طبخ المراعي + 4 ملاعق من صلصة البيتزا وتخلينهم تسخين بس بدون ماتغلي انتبهي وبعدها ارفعيه من عالنار على جنب
4_ بعد ماتستوي المكرونة تضيفيها في صينية غزيرة وتضيفين لها 4 ملاعق طعام جبن بوك "اذا كانت كمية المكرونة كبيرة ممكن تزيدين على راحتك " وتخلطين الجبن مع المكرونة
5_تضيفي الخضار للمكرونة وتقلبيه معها بعدين تصبين الصوص عليها وترجعين تقلبيه لحد ماتحسين انه تشبع بالصوص وبعدها تضيفين القشطة وبرضو تقلبيه
6_ اخر شي عالوجه أول شي تضيفين جبنة الموزاريلا وبعدين بديل جبنة البرميزان واخر شي الأوريغانو وتدخلينها الفرن وتخليها تسخين لحد ماتذوب الجبنة وتطلعيها وعوافي عليكم
ملاحظة : بديل البرميزان والأوريغانو اذا مو متوفر ممكن تستغنين عنه

 

[نورآ ..]

شوربة الدجاج
.. B a n a ..

2 صدر دجاج مسلوق ومقطع صغير
كوب ونصف ماء سلق الدجاج
ثوم مقطع مكعبات صغيرة
زيت
شريحة زبدة
مكعب ماجي
فلفل أسود
ملعقة كبيرة دقيق أبيض
ملعقتين كبار قشطة
نصف كأس ماء

نحمس الثوم بالزيت وشريحة الزبدة ثم نضع الماجي ثم الدجاج المفتت
ثم الفلفل والدقيق ويحرك جيداً ثم نضيف ماء سلق الدجاج ويترك يغلي
لمدة 5 دقائق ثم نضيف القشطة والماء وتحرك جيدأً حتى تغلي وتقدم
بعد تزيينها بالتوست المحمص

 

[نورآ ..]

اكواب التوست
.. B a n a ..

توست بر
الحشوة ( شرائح بصل تشوح مع شوي زيت حتى تذبل ثم نضع حبة ماجي
وملح وفلفل أسود وصدور دجاج مفتتة وسماق وتحرك حتى تنضج )
خليط الوجه ( نصف علبة قشطة + ملعقتين جبن سائل )

يفرد التوست ويقطع على شكل دائرة ، ثم يوضع في قوالب الكوب كيك
ثم يدهن بـ ( خردل ، صوص بيتزا ، جبن ) ثم يحشى ثم نضع عليه ملعقة
من خليط الوجه ويرش بالسماق ويدخ الفرن حتى يتحمر ويقدم

 

[نورآ ..]

مثلثات التوست بالسميد
.. B a n a ..

توست بر
جبن كيري
بيضة
حليب
سميد ناعم

نفرد التوست ونشيل أطرافه ، ونقسم التوست قسمين
ونضع القطعة بالقطاعة ونحشيها جبن كيري وندهن الأطراف ببيض للتسكير
ثم تشكل بالآلة ، ثم نغمسها بحليب سايل ، ثم تغمس بالسميد
وتقلى ، ثم تحلى بالشيرة أو العسل .

 

[نورآ ..]

كيكة السميد
الشمس الزرقاء





المقادير:

كاس سميد +كاس دقيق+نص كاس سكر +ربع كاس زيت +1بيض +علبه قشطه+فانيلا
+ بكنج بودر + شيره





الطريقه:
تخلط جميع المقادير مع بعض
نصب الخليط في صينيه مدهونه بالزيت
وبعد كذا نحطها في الفرن ونشغل عليها
من تحت الين نشوف الأطراف سار لونها ذهبي
واذا خلصت من تحت نشغل عليها من فوق ونحمرها
بعد ما تستوي البسبوسة نصب عليها
الشيرة

 

[نورآ ..]

توست بالتونه
مَدىَ

بما اني احب التونه بس مااحبها بكشنه

فقلت اسويها بيضاء وبطعم لذيذ</B>
الطريقه سهله</B>
تجيبين الصينيه وتقطعين التوست مربعات وتشيلين الحواف</B>
تخلطين(علبه تونه بعد ماتصفينها-2 م مايونيز-نص حبه فلفل بارد اخضر-بصل اخضر شرائح-شوي فلفل اسود)</B>
تخلطينهم زين</B>
وتصبينهم على التوست وتخطينه بتوست مره ثانيه</B>
وتغطينه ب(قشطه-2 م جبن سائل-م مايونيز)</B>
دخليها الفرن</B>
واستمتعي بالطعم​

 

[نورآ ..]

لفائف التوست
خزامى


طريقتها

توست منزوع الاطراف ثم افرديها او ( ارصعيها بالرصاعه اسهل واسرع )

احشيها برقر اصابع مخلل خس ولو وجد جبن شرايح يكون افضل

وتقدرين تحشينها اي حشوه انتي حابتها مثل البيتزاء حطي شوي صلصله جاهزه او مصلحتها

ثم زيتون شرايح وفلفل اخضر وجبن


ولفيها وسكري طرفها بجبن سايل وادهنيها بالصوص

( كاتشب وشطه سومطره وزيت زيتون و زعتر ) مقدار حسب كميتكم وفي الفرن من فوق مجرد تحمير او في الحماصه

 

[نورآ ..]

كيكة السميد
أمولة الدلوعة




كيكة السميد

طبعا اول شيء قبل لا تبدأين سوي شيره او قطر بمسمى آخر معروف طريقتها ما يحتاج اقولها
وحطيها بالثلاجه تبرد ليت تنتهي الكيكه .


المعيار اللي استخدمته كوب الجبنه الصغير

والخلاط اللي استخدمته خلاط العصير

المقادير

كوب زيت
كوب ونص سكر
كوب ونص لبن
3 اكواب سميد
3 بيضات
ملعقه صغيره فانيليا
ملعقه صغيره بكنج بودر

الطريقه :

في الخلاط اول شيء حطي الزيت والسكر وشغلي الخلاط
بعدين حطي البيض بالتدريج حبه ورى حبه والخلاط شغال طبعا
بعدين حطي الفانيليا
وروحي خذي لفه صغيره بالمطبخ وارجعي بس لا تطولين يعني مثلا روحي جيبي اللبن من الثلاجه

بعدين حطي اللبن
آخر شيء حطي السميد والباكنج بودر بالتدريج
هذا كله طبعا والخلاط شغال
وبعدين حطيه بالصينيه مدهونه بزيت ودقيق





وخليها تقريبا ربع او ثلث ساعه قبل تدخلينها الفرن
والحكمه من ذلك عشان السميد يتشرب الماده السائله وتصير الكيكه طريقه سمعت هالمعلومه من شيف وطبقتها وعجبتني النتيجه

وبعدين دخليها الفرن تقريبا من ثلث الى نص ساعه والنار هاااااااااااااديه وكل شوي طلي عليها بس لا تفتحين الفرن الا بعد مرور ربع ساعه
بعدين اشغلي النار عليها من فوق تتحمر شوي وخرجيها وعلى طول وهي ساخنه سقيها بالشيره البارده .