اطباق لذيذه ( سهل - متنوع - منقول - متجدد ) تابعونا

[نورآ ..]

التشيز هذي طريقته
~~ترف

ط1: 2 بسكوت شاهي مطحون _ زبده_ شوي مآآآ
ط2: 3 زباادي _ 8 فناجيل قهوه حليب مجفف_3 فناجيل قهوه سكر وف الخلاط لحد ما تمتزج مع بعض وتوضع فوق ط1 وتدخل الفرن من فوق فقط لتمآسك الطبقه الثانيه طبعآآ مو تحمير
وتخرج من الفرن وتدخل الثلاجه مبآآشره
ط3: كاس كبير شراب فيمتو محلول بمآآ ( اللي في الثلاجه تبع الفطور ) + 2 باكيت كريمه كراميل =تتطبخ ع النآر لحد ذوبان الكريمه و ارفعيها من النآآر لحد مآ تسير دآفيه
وتخرج الصينيه من الثلاجه وتوضع ط 3 وبس .... ملاحظه " لازم يكون جآهز قبل التقديم ,,, اختي تعمله الصبآآآح افضل وقت ويجلس ف الثلاجه اللين المغرب ... بالعافيه عليكم

 

[نورآ ..]

حلا اليوم
حياتي طيوووفه

الطبقة الأولى ::
في الخلاط

باكيت بسكويت شاي
ظرف كريم كراميل
علبة قشطة
فنجان شاي ماء
2 م ك سكر
ونوزعهم في الكاسات

الطبقة الثانية ::
3 مارس
3 سنيكرز
علبة قشطة
نسيح المارس والسنيكرز في المايكرويف ونضيف عليهم علبة القشطة ونخلطهم كويس ..
ونوزعها في الكاسات فوق الخليط الاول

الطبقة الثالثة ::
علبة جبن كيري ( 6 قطع )
حليب نستلة في الخلاط وتوزع على ط2 وتزين وعلى الثلاجه

وهنا وعاافية

 

[نورآ ..]

طريقة المكرونه
j.a.n

اول شي :
1- تسلقين صدور دجاج حسب كمية المكرونه اذا كثيره الصدور كثير اذا قليله الصدور قليل
2- بعد ماينضج الدجاج المسلوق تجيبين شوكه وتنتفينه مثل الخيوط يصير
3- تجيبين صينية تيفال شوي زيت وتحمسين شوي بصل مع شوي ثوم بعد مايتكشن تحطين الدجاج عليه وكل ماعندك من بهارات تحطين عشان يطلع الدجاج له لون مثل الصوره مايل على اصفر (كركم- ماجي - ملح - فلفل اسود ...الخ)
4- تقطعين شبت تقطيع صغير مره وتحطينه على الدجاج وتقلبينه معاه بعدين تجيبين ملعقه صغيره معجون طماطم مو لازم كل الدجاج يجيه المعجون لانه لو صار كثير بيخرب طعم الدجاج وتخلطينهم سوا وتقفلين النار

5- تكونين سلقتي المكرونه انا مااحب السباجيتي احب اللي مفتوحه من النص الاسطوانيه عشان الصوص يدخل داخلها
6- تخلطين على جنب بصحن جانبي 4 ملاعق جبن سايل وواحد كريمة خفق صغيره واحسن لو القوام ثقيل شوي

7- اخر شي تجيبين صينية تحطين فيها المكرونه والدجاج فوقه و ثلاث ارباع الصوص وتخلطينهم سوا عشان يتداخلون مع بعض وبعدين تحطينهم في الصينية اللي تدخل الفرن وتصبين فوقه باقي الخليط وترشين فوقه بارميزان و بهارات ايطاليه " مو ضروري " و موزريلا وبالفرن من فوق ومن تحت ربع ساعه ماتطول كثير لان كل شي ناضج

 

[نورآ ..]

تشيز كيك |
k2ana

| الطريقه والمقادير مع بعض | :

للقاعدة :

نطحن بسكوت - طحنت دايجستف -
ونضيف عليه زبدة مذوبه .

* ذوبي إصبع زبده وأضيفي نص المقدار على البسكوت وحركيه ,
إذا كان الخليط متماسك حلو , لو لا زيدي عليه من الزبدة لين يوصل لهالقوام :

بعد كذا جيبي صينية التشيز كيك وحطي الخليط بالقاعده وإضغطي عليها لين يصير مثل كذا :

وندخله الفرن 5-10 دقايق ونطلعه .

.
.

الحين نحضر خلطة التشيز ,

نجيب مقدار 600 جرام جبن فيلادلفيا ( يعني علبتين من اللي فيهم 300 جرام )
ونحركه بملعقة لما ينخلطون مع بعض .

الحين نضيف عليه نص علبة زبادي ونحركه شوي شوي لما يتجانس .

بعدها نضيف 3 حبات بيض .
نضيف حبه ونحرك وبعدين الثانيه وكذا ..

بعدين نضيف الفانيلا - تقريباً ملعقة صغيره - ,
أنا عن نفسي أخلط كل بيضه مع شوي فانيلا بعدين أضيفها على خليط الجبن .

ونحرك .. ونضيف عليها سكر مقدار 3/2 كأس .
لو تحبين حلاها أقل ضيفي نص كاس .

ونحركه بالملعقه لما نحس إن السكر ذاب ,
ويصير قوامها كذا :

الحين نصب الخليط في صينية التشيز كيك على طبقة البسكوت ونساوي السطح ,
ونغلفها من برا بقصدير عشان لما نسوي لها حمام مائي مايدخل الماي لداخل .

الحين نجيب صينية فرن أكبر من صينية التشيز كيك ونصب فيها ماي مغلي .
ونحط صينية التشيز كيك داخلها مثل كذا :

وندخلهم فرن مشغل مسبقاً على درجة حرارة 360 .
ونخليها لما تستوي .. نعرف هالشي لما نلمس السطح ونحسه متماسك وتكون فيه طبقه عازلة سميكه .
خذت معاي ساعه تقريباً .. يختلف هالشي حسب الفرن والكميه وحجم الصينية .

بعد كذا نسكر الفرن ونخلي الصينية داخل مانطلعها تقريباً نص ساعه ,
تكمل سوا , وتبرد على مهل .

لأن لو طلعتيها برا تبرد ممكن تتشقق ,
فخليها تبرد على مهل مع الفرن .

وبعدها دخليها الثلاجه .. الأفضل تقعد وقت طويل بالثلاجة .
سويتها الفجر عشان تاخذ وقتها بالثلاجه لين الليل .

بعد ما تاخذ وقتها بالثلاجه نقطع الفراوله للتزيين + نسوي صوص الفراوله .

صوص الفراوله سهل جداً وماياخذ وقت :

نخلط :

- نص كاس ماء
- 5 ملاعق كبيره مليانه مربى فراوله
- ملعقة صغيره نشا
- قطرات من ملون طعام أحمر - اختياري -

ونحطهم على النار لما يثقلون شوي بس .

نصب الصوص على التشيز كيك ونصف الفراوله المقطعه عليه .
أنا عن نفسي ماصبيته فوق التشيز كيك لأن مو الكل يرغب فيه .
مع إن طعم التشيز كيك يفرق كثييير بدونه وطعمها أفضل معاه

 

[نورآ ..]

صينية الرز بالقشطة
عيون طفله

صينية الرز بالقشطة
المقادير
2 صحن صدور دجاج مقطع صغار
بصل مقطع صغار
2 فلفل رومي مقطع اعواد
3 اكواب رز
4 ملاعق جبن سائل
علبة قشطة
ملح وبهارات

الطريقة:
يحمس البصل في زيت ثم نضيف البهارات ثم الدجاج والملح ثم الفلفل الرومي
نسلق الرز
نخلط الجبن والقشطة ثم تصب على الدجاج وتحرك بسرعة وتطفى
يوضع الرز في الصينية ثم نضع الخلطة فوقه ويوضع بالفرن ربع ساعه من تحت

وبالعافية ..​

 

[نورآ ..]

سينابون
انـيـ قلب ـن

للي طلبو السينابون

المقادير:

4 اكواب ونص دقيق
ربع كوب سكر
ثلث كوب زيت
2 ملعقة خميرة
ملعقة ملح
ماء للعجن

تعجن وتتخمر لمدة ساعه

الحشوة كالعادة
سكر بني + قرفه

تقسم العجينة لقسمين او ثلاثة اقسام براحتكم

تفرد وتوضع عليها الحشوة وتلف سيسرول وتقطع كل ماكنت صغيره تكون احلى

وعالفرن

وعلى بال ماتجهز نعمل الصوص الابيض
عباره عن :

حليب نستله مركز
8 حبات جبن كيري
تخلط في الخلاط الكاس ثم توضع في قدر على نار

ونزين فيها السينابون

 

[نورآ ..]

مقادير العجينة
وفاء~

مقادير العجينه :
كاس لبن مخفف بمويه
فنجال سكر
م ك خميره
شويه ملح
بياله زيت
كاسين ونص دقيق
تعجن وتخمر ، اذا تخمرت كوريها الحجم اللي تبين
ادهنيها فوق ببيض مخلوط مع نص ملعقه صغيره نسكافيه ( النسكافيه ذوبيها بشوي مويه شوي مره لما تذوب )
بعد ما تدهنين وجه البرقر رشيها بسميد وعلى الفرن حمريها فوق وتحت
وبعدين طلعيهم واحشيها اي حشوه برقر تحبونها
وبالعافيه

​

 

[نورآ ..]

كعكة جوز الهند بالشوكلاته
بثووونه


مقادير الكيكة : " أنا استخدم الأكواب المعيارية "
( 2 كوب طحين - ثلاث ارباع كوب سمن نباتي - 1 كوب سكر عادي - ملعقة صغيرة فانيليا سائلة - بيضتين مخفوقات - 2 ملعقة صغيرة بيكنج بودر - كوب وملعقتين كبار حليب سائل )

الطريقة :
- ينخل الطحين و البيكنج بودر ويترك على جنب
- نخلط السمن و السكر بخلاط الكيك لمدة 3 دقايق .
- ثم اضيف البيض + الفانيليا واخلط جيدا
- ثم يضاف خليط الطحين بتناوب مع الحليب ..

ادهن صينية الفرن بالقليل من الزيت . وادخلها الفرن إلى ان تستوي معي

مقادير الصوص الخارجي :
( 4 ملعقة كبيرة كاكاو بودره - 2 كوب سكر ناعم - 1 وربع كوب ماء )

الطريقة :
- ينخل الكاكاو و السكر ، ثم يضاف إليه الماء
- نقوم بعمل حمام مائي على النار ، واقوم بخلط الخليط إلى يصبح الخليط متجانس وسائل ..
( ملاحظة : الصوص لازم يكون سائل مثل الماء ،، لا تخلينط يصير ثقيل وإلا ماراح يضبط )
- اجعل الصوص على جنب يبرد شوي .

بعد ما أطلع الكيكة من الفرن .. اقطع الكيكة مكعبات صغيرة او الحجم الي تبغينه .

اسكب شوية من الصوص في صحن وابد اغمس الكيكة من كل الجوانب تغميسه خفيفة وسريعة

وبنفس الوقت تكونين مجهزية صحن وفيه نارجيل .. وبعد ما تغمسين الكيكة دحرجي الكيكة فالنارجيل وغطيها من كل الاتجاهات

وهني وعافية .. وأي سؤال تراني في الخدمة ..

[URL="http://imageshack.us/photo/my-images/51/img1789eu.jpg/"] [/URL]

[URL="http://imageshack.us/photo/my-images/36/img1791u.jpg/"] [/URL]

 

[نورآ ..]

كورات القرفة بالكيري ....

ٌٌHayoo



أي عجينة فطائر إنتي معتمدتها ... وهذي عجينتي ...
المقادير :
بيالة زيت
كوب ونص ماء
كوب دقيق
3 ملاعق سكر
3 ملاعق حليب بودرة
2 ملعقة خميرة
ملعقة بينكج بودر

تخلط في الخلاط .. مو أقل من 7- 10 دقايق ...
بعدين تعجيننها بـ كوبين دقيق ....
وتستخدمينها مباشرة .. ما يحتاج لها وقت للتخمير ... ولا تخافون بتنتفخ وتصير هشة كمان ..
العجينة عشانها ما تجلس وقت ترتاح .. الأفضل إنك تغطينه بعد الفرن .. عشان ما تكون ناشفة ..

نجي اللحين لطريقة الكرات ... خذي قطعة صغيرة من العجينة .. وفرديها بيدك فرد خفيف ..
واحشيها بقطعة جبن كيري .. ممكن تستبدلينه الجبن بأي نوع تفضلينه ...
بعدين ترشين عليها قرفة .... وعلى الفرن ..
أنا أحطها بصينية الكب كيك بأوراق البلاسيه عشان تكون أسهل في التنظيف .. وكمان يكون شكلها
مرتب وحجمها متقارب ...
بعد ما تطلع من الفرن .. أصب عليها حليب نستله ....

 

[نورآ ..]

كيكة التمر
كارديال


في الخلاط الكاس
3بيض
م ص فانيلا
1/2 كوب زيت
1كوب سكر
1كوب حليب سائل
وتخلط مع بعض

ثم نضيف:
2كوب دقيق +م ك باكنج بودر

ونجهز الصينية اللي بنستخدمها بالزيت ويرش بالدقيق
ونضيف نص الكميه ونوزع التمر المعبوط او المفرررود
ثم نضيف الكميه الباقية من الخليط
وتدخل فرن ونشغل عليها من تحت وبعد ماتنضج نشغل
عليها من فوق وتقلب وتقدم في صحن التقديم

​

 

[نورآ ..]

توست باللبنه
عُهود مُحمْد

تقطعين التوست بالشكل الي تحبين وتدهنينه ملعقه صغيره لبنه وانا حطيت بقدونس شوي
مع زيتون محشى وطبقتها وزينتها بالاعواد وبس

 

[نورآ ..]

حلا الكراميل
دنــدن و حنين

تصفين بسكوت شاي طبقتين بعد ماتمرريه بالحليب
وبعدها تحطين في الخلاط
ظرفين دريم ويب + ظرف كريم كاراميل + حبتين جبن كيري + قشطه
وبعد الخلط تصبيها ع البسكوت واخر شيء
اختاري نسكافيه او بسكوت اوريو مبشور للتزيين
وحطيها بالثلاجه وبعد ماتبرد استمتعوا بالطعم

وبالعافيه ع قلوبكم

 

[نورآ ..]

صينيه القشطه
عبره

اول شي سلقت الدجاج
وكشنت بصل وثوم وماجي وبهارات
حطيت عليه فلفل اخضر بارد مقطع مربعات وجزر مبشور
لما بدى يذوب شوي
قطعت الدجاج قطع مستطيله وحطيته فوقهم
خلطته لين انخلط بالبهارات
.
.
وقت ماكنت اسلق الدجاج
كنت مركبه الرز ع النار
سلقته مع حبه ماجي
لما استوى
رصيته بصينيه البايركس كطبقه اولى
وحطيت طبقه الدجاج مع الخضار كطبقه ثانيه
واخر شي الصوص
علبه قشطه تقريبا 4 ملاعق جبنه بوك سايله / شوي مايونيز
خلطتهم
وصبيتهم على الصينيه
واخر شي رشيت جبنه موزاريلا
.
.
وع الفرن للتحمير من فوق بس
.
.
وهني وعافيه على قلوبكم ..

 

[78MariMar78]

تسلم ايدك نورا

 

[ام دونه]

ان شا الله يردج لاهلج?

 

[ام دونه]

ان شالله الله يردج لاهلج��

 

[الله يفرجه]

متااااابعتكم لا تطولون عليييينا

 

[طول عمري حلوة]

يعطيج العافية ياقلبي

 

[احساس السعوديه]

يعطيك الف عافيه ماشا الله موضوع قييم ومفيد

ربي يجزاك الجنه ويرزقك ماتتمنين


تسلم ايدك ان شا الله كل ما احتجت له رجعت له الموضوع

مشكوره

 

[نورآ ..]

طريقه هـ الحلا
njoo^_^ood

المقادير

14 حبه بسكوت اولكر ساندويتش
2 ملعقه كبيره فول سوداني (بنات بتر )
حليب نستله محلى كبير

للتزين بسكوت شاهي مطحون وهيرشي شكولاته


الطريقه

نطحن بسكوت اولكر بالطاحونه بعدين نحط ملعقتين الفول السوداني على البسكوت المطحون ونحط حليب النستله على شوي شوي

ونبدأ نكور الخليط ونغمسه في بسكوت الشاهي المطحون وفي الاأخير هيرشي شكولاته