الجـــــزء الثاني**Diet **خففي أكلج معانا

[الكيكه دندن]

يعطيكم العافيه بنات قررت اني افتح الجزء الثاني لموضوعي خففي أكلج واللي بلشت فيه بشهر 5
ونزلت فيه ليومنا هذا ولله الحمد 4كيلو 800 وراح نبلش فيه من اليوم باذن الله

واللي حابه تشارك تلتزم وحتى باوقات الدوره تخفف واللي ارادتها ضعيفه بليز لا تشارك


اللي تبي تشارك هذا توقيع الحمله

والدايت مثل ما اهوا مبين من عنوانه تخفيف
اكلي مثل اكلج لكن بطريقه صحيه واقل وماتحرمين نفسج هذا اهوا نظام حياه راح تستمرين عليه على طول باذن الله :rerrerek:


شروط التخفيف

يلا بلشي وخففي اكلج اهم شي صحتج ورشاقتج
*ابتعدي عن الدهون بقدر الامكان واكلي مشوي او مسلوق
*اشربي ماي من لتر الى 3 باليوم
*الحركه بركه حتى لو ربع ساعه باليوم

الميزان

راح يكون بدايه كل شهر ان شاء الله

واللي عندها اعتراض او ماكو اراده لا تشارك :rgewrg:

يلا بلشوا:eh_s(7):

الطول:
الوزن:
الهدف الحالي:
الوزن اللي تطمحين له :
​

 

[الكيكه دندن]

الطول:163
الوزن:70.20
الهدف الحالي:67
الوزن اللي تطمحين له :60

وراح ابلش اكتب يومياتي من باجر باذن الله

 

[دلع بآبي]

مبروووووووك الجزء الثاني انا علي قص الشريط

ومبروك دندن ع النزول 800جرام بعد حلوين

الطول:160
الوزن:72
الهدف الحالي:70
الوزن اللي تطمحين له 58


بس فرق آني كل اسبوع أو اسبوعين راح اشوف الوزن

ومن يوم بديت رجيم الى الان نزلت مايقارب ال 6 كيلو ونص وكانت بدايتي

بشهر 4 مدري 5 المهم مش بطالين بس أبي أشد الهمة أكثر وبرمضان نادرا ما اتحرك

مش كسلا لكن الوقت مايسمح وانا لاني ماقدر العب رياضة وانا صايمه وبعد الفطور

كلشش ماعندي وقت وو الله كريم لبعد رمضان

تدرين دندن كل الخوف اني ارد هالكيلو ونص بعد رمضان لاني قطعت النشويات بالمرة برمضان

ومستحيل أكمل ع هالنظام بعد رمضان اذا عيش ومعكرونة ماتغدا شبتغدى عيل

ونظامنا نظام تخفيف مو حرمان وهكذا يعني

 

[سـواره]

الطول:158
الوزن:55
الهدف الحالي:52
الوزن اللي تطمحين له :47

إن شا الله من المشاركات

 

[miss.42]

يسلموووو عالتجمع. :eh_s(9):

انا مخففة اكل و احاول اني آكل اكل صحي و ابتعد عن الدهون و السكريات و يوم و ترك العب رياضه من 45 دقيقة لي ساعه و ان شااءالله بستمر معاكم :eh_s(7):

الطول : 167 اذا ما طلت اكثر :eh_s(22):

الوزن : امتن وحده فيكم 89

الهدف الحالي : 85

الوزن اللي اطمحله الوزن المثالي حق جسمي و اهوا 65 :eh_s(11):

ان شاءالله الله يقدرنا و نوصل للي نبيه :eh_s(16):

 

[الكيكه دندن]

يا هلا فيكم نورتوا الموضوع حبايبي ونا راح احاول اني انزل لكم مواضيع مفيده وتساعد بالنزول باذن الله مثل الموضوع الاولى بس القى وقت ان شاء الله
دلع الله يبارك فيج حبيبتي

يلا نبدأ

بسم الله الذي لا يضر مع اسمه شيء في الارض ولا في السماء وهو السميع العليم

اليوم 4\8

*السحـور *
خبزه فيها جبن كيري 2 وزعتر +شاي حليب

قبل الأذان بربع ساعه
كليت جريب فروت الوردي1
وكليت قبل الاذان بدقيقه ملعقه حبه سوده وشربت معها قلاص ماي

ولي باك ان شاء الله

 

[الكيكه دندن]

تدرين دندن كل الخوف اني ارد هالكيلو ونص بعد رمضان لاني قطعت النشويات بالمرة برمضان

ومستحيل أكمل ع هالنظام بعد رمضان اذا عيش ومعكرونة ماتغدا شبتغدى عيل

ونظامنا نظام تخفيف مو حرمان وهكذا يعني

ان شاء الله ماراح تردينهم
حاولي تعملي فرق عن اول مثلا لو انتي تاكلين قبل نفس جذي
صحن اكبر وكميه كبييييييره

راح تغيرين الطبق وتخلينه اصغر وبهالطريقه راح تكونين اكلتي كميه اصغر والمعده راح تصغر ومع الاستمرارا انتي ماراح تحبين تاكلين وايد واذا تحبين تاكلين بطبق كبير عادي اعملي خدعه سهله وحلوه مع المعكرونه او الرز ضيفي سلطه وايد و3 ملاعق مثلا من الرز او المكرونه وهكذا
راح تلاحظين انه قاع تقللين باكلج
وراح ينزل وزنج ان شاء الله

 

[سـواره]

السلام عليكم

كيكة .. انا حاليا ما عندي ميزان في البيت

فيمكن ما أقدر أكتب وزني كل شهر

عادي أكمل معاكم أو لا

 

[miss.42]

سلام عليكم بنات

اليوم فطوري كان صحن الصغير لازانيا و قطعتين كبة برغل ة قلاص ماي و طاسة سلطة و الحمدالله ليلحين شبعانه

سويتلي مطارة جاي اخضر لاني متعوده كل يوم هالحزه اشرب جاي اخضر او اعشاب و باكل معاه كيكة جلكسي الصغيرة

 

[الكيكه دندن]

السلام عليكم

كيكة .. انا حاليا ما عندي ميزان في البيت

فيمكن ما أقدر أكتب وزني كل شهر

عادي أكمل معاكم أو لا

كملي عادي واشتري ميزان حبيبتي كله بدينار ونص مو لازم الميزان يكون غالي

 

[الكيكه دندن]

اييه نسيت هم عالسحور شربت حليب فراوله قليل الدسم

الفطور

ربع خبزه +3 ملاعق صينيه كبه بالكريمه +قلاص تانج برتقال

بعد صلاه العشا

شربت حليب خالي الدسم

وخلصت للحين لتر ونص ماي ولله الحمد

وبالنسبه* للرياضه* راح امشي باذن الله بعد السحور ربع ساعه

 

[سـواره]

كملي عادي واشتري ميزان حبيبتي كله بدينار ونص مو لازم الميزان يكون غالي

مشكورة حبيبتي

ان شا الله بالكثير أسبوع وبشتري ميزان يديد .. واذا طلع في فرق في الوزن بين الميزان القديم واليديد بكتبه لأن القديم شكله خربان

برنامج أكلي اليوم :

كلت مجبوس دياي .. بس الحمدلله ما كثرت منه وايد نفس قبل .. وان شا الله أحاول أخفف أكثر

وكلت قطعتين ميني بيتزا

وشربت ماي وايد الحمدلله ولبن أب وايد أحبه لوول

وكليت بعد سمبوسة محشية بالجبن :bbbiu:

والحمدلله على النعمة

وفي شي أسويه أني أشفط بطني لداخل كل ما أتذكر .. وايد مفيد سمعت هالشي من طبيب تغذية للي يبا يتخلص من الكرش يجرب هالشي

​

 

[سـواره]

اييه نسيت هم عالسحور شربت حليب فراوله قليل الدسم

الفطور

ربع خبزه +3 ملاعق صينيه كبه بالكريمه +قلاص تانج برتقال

بعد صلاه العشا

شربت حليب خالي الدسم

وخلصت للحين لتر ونص ماي ولله الحمد

وبالنسبه* للرياضه* راح امشي باذن الله بعد السحور ربع ساعه

ما شا الله عليج كيكة مخففة عدل

فرق بيني وبينج لوووول

ان شا الله تحصلين نتايج حلوه :eh_s(7):

 

[miss.42]

كليت هالايس كريم و فيه 90 كالوري

انا عن نفسي مدمنة ككاو فراح تشوفون على طول اكله بس باعتدال

 

[miss.42]

و صج انا متعوده ما اتسحر اشرب ماي من الحين لي الاذان و بس

يالله تصبحون على خير و راح اشاركم باجر باذن الله :eh_s(7)::eh_s(8):

 

[ضــمــاد]

بالتوفيـــــــــــــق

 

[الكيكه دندن]

الله يوفقج


سواره عوافي على قلبج اييه صحيح مخففه لاني كنت ابي اثقل عالسحور فاذا ثقلت عالفطور اخفف بالسحور وهكذا

miss ساندويش ايسكريم عندي بالثلاجه بس كل مره انسى اكل انا بالنسبه للشوكليط احاول اني اكله يعني هم باعتدال مو نفس قبل هوس الحمدلله
واكو معلومه حلوه اذا تبين تضعفين ترا الشوكليط يضعف بس مو اي شوكليط يعني حاولي بعد ماتعملين مجهود رياضه تشربين حليب قليل الدسم او خالي وحطي عليه ملاعق بودره شوكليط وملعقه صغيره قرفه
راح يحرك الايض عندج ويساعد على انزال الوزن .

ضماد تسلمين

***

يومياتي 5\8

قبل السحور

شربت شاي حليب وكليت خبزه


السحور
ربع قطعه معكرونه بالبشاميل +2 محشي كوسا2ورق عنب وعصير ليمون تانج

وشربت لتر ماي ولله الحمد

قبل الأذان ب10 دقايق كليت م حبه بركه وعسل
وشربت وراهم قلاص ماي

بعد الآذان
مشيت ربع ساعه

 

[miss.42]

هااي

اليوم تفطرت حبة كبة و صحن الصغير عيش و حمسة ربيان
و كليت 4 حبات رقي و شوية بلالييط ههههههههه

و الحين بشرب مطارة الجاي و بشوف مسلسلات و بلعب رياضة عقب :eh_s(9):

 

[سـواره]

اليوم كلت شوي عيش و حبة فطاير
وكلت جلكسي بالكرميل >> عوقي لووول

وكوب نسكافيه ولبن بس

والحمدلله ع النعمه

الحمدلله مخففة اليوم

 

[miss.42]

قبل شوي كليت توست اسمر مع شريحة مرتديلا و جبن كرافت و كليت 4 حبات ككاو يايبينه من سويسرا ما قاومته بس 4 حبات فيهم 140 كالوري

و الحين بشرب ماي لين الامساك

تصبحون على خير :eh_s(7):