الجـــــزء الثاني**Diet **خففي أكلج معانا

[أم وليد الشمري]

بناااات نصيحه ابتعدوا عن الكاكاو .... ما ينزل الوزن دام تأكلونه
واذا كان لابد قطعه صغيره بين جم يوم
دندن... يسلم قلبج ربي وان شاالله بعد بنزل لكم روابط اذا الله قدرني
بس المهم انه انطبق
دلع حبيبتي .. شلونج شخبارج وانا اختج قصيره طولي: 153
فلازم اضعف يعني وزني مو حلو ابد??
توي قرأيت سؤالج بالموضوع الأول
يابنات كثروا هالايام صلاة وقيام وقراءة قرآن ربي يبلغنا اجمعين ليلة القدر
ويجعلنا من عتقائه من النار في شهره الكريم
اللهم اميييييين

 

[سـواره]

آمين أم وليد ... الله يبلغنا ليلة القدر

أنا اليوم كلت عيش وتبولة وبسكويت وكاكاو وحبتين فطاير

كل ما أبا آكل شي تون ع بالي وأخفف هههههه

الحمدلله

بس بعد يبالي أضغط على نفسي أكثر ... أنا وزني زين بس شوي أضعف و عاداتي الغذائية جدا سيئة وإن شا الله أصير أحسن

بكثر من الماي من الحين للفطور

 

[الكيكه دندن]

آآآمين يارب الله يوفقنا ويجعلنا من عتقائه يارب
وصحيح ركزوا عالعباده والقرآن والدعاء ربي يوفقنا جميعا يارب ويسهل امورنا

هههه سواره شطوره انا بعد هم اذا ابي اكل اقول لا اهم شي جسمي والقروب اللي معاي شقولهم

ام وليد حاولي تغيرين شوي بنظامج ممكن جسمج تعود على روتين معين عشان جذي وقف يضعف وصحيح الشوكليط وايد يسمن بس اكو خدعه حلوه تقدرين تشترين حليب خالي الدسم وبودره شوكليط وكل ما اشتقتي للشوكليط هذا البديل حلو ويضعف بعد وخاصه لما تبذلين مجهود شربي كاس هالمعلومه خذيتها من موقع اجنبي وهم قالها دكتور اوز

يلا ابلش يومياتي 10\8

بسم الله الذي لا يضر مع اسمه شيء في الارض ولا في السماء وهو السميع العليم

الفطور

قلاص فيمتو \ستيك دجاج \جناح دجاج بالفلفل\3حبات ويدجز\3 ملفوف خس \3 ورق عنب\نتفه من محشي كوسا


السحور
نص خبزه ايراني فيها حبن كيري وزعتر وكاس شاي حليب

كاس حليب شوكليط خالي الدسم

قبل الاذان ب5 دقايق شربت منقوع الحبه البركه

ومستمره على كريم البطن والخصر احطه كل يوم والبس الضاغط

وان شاء الله اليوم امشي ربع ساعه

وشربت لتر ونص ماي ولله الحمد

يلا تصبحون على خير حبيباتي :**

 

[دلع بآبي]

هلا حياتي أم وليد نصيحة لثبات الوزن كثري رياضة يعني لو متعودة تمشين نص ساعة امشي ساعة

وبالنسبة ليوم الجمعة الللي هو أمس فطرت رطب + قفشتين هريس + حبة دونات + حبتين لقيمات

وشربت فيمتو ولبن وماي

والمصيبة اللي سويتها كلت اصبعين جلكسي + مكسرات + ايسكريم ومجموع السعرات فيهم كلهم = 450 ياخراااشي

وقررت انتقم من نفسي فمشيت ساعة ونص حرقت فيهم 675 سعرة

وعقابا لنفسي ماتسحرت هههه والحمدلله ع كل حاال

بنات ادعولي تكفوون مايمر هالشهر الا وانا حامل

ترى الرجيم اللي اسويه كله عشان الحمل بالدرجة الاولى قالت لي الدكتورة تبين تحملين اضعفي أول

وانا أحاول ارد وزني قبل العرس زدت 10 كيلو يالله هانت حرقت 6 وباقي 4 كيلو ارد وزني السابق

ومتوكلة ع الله

 

[الكيكه دندن]

دلع الله يرزقج ياااااااااارب توأم يارب ويفرح قلبج آآآآآآآآآآآآآآآمين


11\8

فطوري

شويه مسخن \قلاص فيمتو \ميني فطيره لحم بالبطاطس\ميني فطيره لحم بالجبن


الساعه 11 قطعه شيز كيك بالكشمش الاسود\3 فناجين قهوه


السحور
شويه مسخن وفيمتو

وشربت لتر ونص ماي ولله الحمد

 

[miss.42]

الله يرزقج بالابناء الصالحين بحق هاليالي الفضيلة :eh_s(17): و ما يمر الشهر الا انتي حاامل ياا رب

اليوووم ههههههههههه شنو ما كليت

الفطور كان صحن الصغير عيش مع كفتة و قطعتين رقي

عالساعة 12 كليت فطيرتين وحده لبنة و وحده جبن مع قلاص صغير فيمتو و كليت ككاو ارو

مريت المطبخ ساعة 2 كليت 3 حبات ورق عنب بس اللي اسويهم واايد صغاار و بطلت الثلاجة شفت جلي و كليت منه قفشتين



مادري متى بتبع نظام غذائي سنع :eh_s(4):

 

[الكيكه دندن]

مس اهم شي انه يكون فرق عن اول يعني حتى لو كان اكلج تشوفين انه وايد بس يكون اقل من طريقتج بالاكل سابقا

يومياتي 12\8

الفطور

1كبه بطاط بالسبانخ وجبن \2قطع دجاج صغار\2سمبوسه جبن صغار\4بطاطس ودجز \شويه معكرونه بالقشطه\ قلاص فيمتو


الساعه 12
4 فناجين قهوه \ربع شيز كيك\ربع كيكه بصوص الشوكليت والفليك

السحور
خبزه بجبن كيري وزعتر وشاي حليب

وشربت حليب جلاكسي بالكراميل حسيت انه وايد ثقيل خففته مع حليب خالي الدسم

وشربت لتر ونص ماي

والحمدلله

 

[أم وليد الشمري]

دلع ... ربي يرزقج الذريه الصالحه عاجلاً يارب
وبخصوص الرياضه مافيني شده ابد ومافيني طاقه لها
حدي نص ساعه وصار لي جم يوم وقفت ،، الله يعين
دندن.. بالعافيه حياتي .. تدرين انا ما اتبع نظام معين بجرب الحليب بالشكولا بأذن الله ومشكوره ع النصيحه ياعسل
سواره ... هني ما أكلتي وربي يجمعنا بالفردوس الأعلي كلنا ويغفرلنا ولجميع المسلمين يارب
مس .. بالعافيه حبيبتي حاولي تتدرجين مع نفسج ولازم تسوين نظام معين اذا بتضعفين اكثر من عشر كيلوات
واستخدمي نوت واكتبي كل الي أكلتيه ولاحظي يوم عن يوم انتي تزيدين بكميه الأكل والا تنقصين ؟؟!
ويارب نضعف كلنا واحنا بأفضل حال

 

[دلع بآبي]

الحمدلله نزلت 400 جرام هالاسبوع ..

كان وزني 72والحين 71,6 اللهم لك الحمد مابقى شي

وأقول باي باي سبعينآآت ..

 

[سـواره]

دلع بابي : الله يرزقج بالذرية الصالحة إن شا الله .. يااااا رب ما يخلص رمضان إلا وانتي حامل .. اللهم أمين

حبيبتي دندن : كيف طريقة الحليب والجوكلت .. يعني أشربه بارد ولا أسخنه ؟؟ لأني ماحب أشرب الجوكلت وهو بارد
وهاليومين الحمدلله مب ماكله كاكاو .. وبمسك نفسي بالأسبوع حبة كاكاو خخخ

واليوم فطوري .. عيش ودياي .. و قطعتين بسبوسة .. وحبة فلافل ... وان شا الله بكثر ماي

وبالتوفيق للكل حبيباتي

 

[الكيكه دندن]

حليب الشوكليطه اخذي حليب خالي الدسم وحطي عليه بودر شوكليط واذا تبين الايض عندج يتحرك بسرعه وتنزلين حطي معاه ملعقه صغيره قرفه وعادي ممكن تشربينه بارد او دافي بس بارد اتوقع ينزل وزنج بسرعه
وطبعا للي تبي تحمل توخر عن القرفه لانه تأخر الانجاب تمامو حبايبي واشربيه بعد ما تلعبين رياضه

ومبروك النزول دلع ونا هم ان شاء الله بدخل الستينات ان شاء الله وداعا يا سبعينات وناسه هههه
***
يومياتي 13\8

الفطور

بعد الأذان تمرتين وقلاص ماي

بعد الصلاه

1كفته بطاطس بالدجاج \نص همبرجر دجاج \حبتين بطاطس لولبي \قفشتين مجبوس دياي عليه قفشه عدس \ربع مسخن \قلاص عصير توت


الساعه 12
قطعه كيك +4فناجين قهوه

السحور
خبزه وشاي حليب

وخلصت لتر ونص ماي ولله الحمد

وبالنسبه للرياضه ماسويت صارلي جم يوم بس لما اشتغل بالمطبخ يعني اتحرك واستقصد ما اجيب شغلات من المخزن واروح رايحه راده ولغرفه الأكل بعيد شوي فيعني حركه ههه

يلا تصبحون على خير :**

 

[سـواره]

هلا حبايبي

اليوم كان أكلي كالتالي

عيش ودياي .. شوي هريس .. وحبة باكورة بس

وأحين طيران بسير أسوي الحليب بالشوكلت

^____^

وأتمنى التوفيق للجميع

 

[miss.42]

اليوم كلتىعالطور قطعة لزانيا

بعدين عالتسع شربت جاي اخضر و كيكة جلكسي

شربت عصير كوكتيل كي ديدي

قبل شويً كليت هبي مييل من ماكدونالدز و خذيت عصير برتقال شربت شوية منه

 

[miss.42]

اكلت عالفطور ***

 

[الكيكه دندن]

اليوم 14\8

عند اذان المغرب

تمرتين وقلاص ماي

بعد صلاه المغرب


1كفته بالسبانخ 1 كفته بالدجاج 1سمبوسه خضار1 فخذ دجاجه 1ناجتس دجاج بالجبن قفشتين معكرونه بالباشميل قفشه حمسه خضار وقلاص فيمتو


الساعه 12
قطعه كيكه و3 فناجين قهوه


السحور
2بيض مفيوح وكاس شاي بالحليب

وشربت لتر ونص ماي ولله الحمد

ومستمره على كريم البطن والخصر

تصبحون على خير :**

 

[سـواره]

السلام عليكم

اليوم أكلي كان عيش أبيض مع برجر مشوي . .وكلت روب وخيار

عصير همبا . . وروب

الحمدلله ع النعمه

 

[الكيكه دندن]

عوافي على قلوبكم

اليوم 15\8

الفطور

عند الاذان

حبتين تمر وقلاص ماي

بعد صلاه المغرب
1ناجتس دجاج2سمبوسه جبن نص همبرجر 2 بطاط لولبي وملفوف
قلاص عصير توت
الساعه 12

قطعه كبيره بسكويت بالكريما وكوفي

السحور
ورق عنب وملفوف وقلاص فيمتو


وشربت لتر وربع ماي
الحمدلله

 

[سـواره]

اليوم كلت

عيش أبيض وعدس وقطعة لحم

شوي هريس

فستق .. خخخخ كلت وايد

دانيت بالشوكولاتة .. حصلته بالثلاجه ما قدرت أيود عمري

عصير همبا

والحمدلله ع النعمة

 

[الكيكه دندن]

16\8

الفطور

عند الاذان 3 رطب وقلاص ماي

بعد اذان المغرب

الفطور

1سمبوسه خضار2قطعه دجاج بالفلفل الحار1همبرجر دجاج 2ودجز5ورق عنب 5 ملفوف قلاص عصير توت


الساعه 12
5قطع بسكويت دايجستف بالشوكليط +6 فناجين قهوه
هههههههه لما اشرب القهوه مع الحلو اكون سرحانه كاني مدمنه بعدين اتذكر اقول هييه انتبهي خلاااص هههههه

السحور
نص خبزه بزعتر وجبن وكاس شاي حليب


قبل الاذان بربع ساعه حليب دافي بالكركم
لاني صوتي تعبان من يوم ما سخنت اول رمضان للحين مو راضي يرد صوتي اهيء ماعرف ليش

وشربت لتر وربع ماي ولله الحمد


تصبحون على خير :**

 

[سـواره]

ههههه الإدمان ما يطلع إلا وقت ما تاكلين كاكاو

سلامتج كيكة دندن

اليوم كلت : عيش ولحم .. هريس .. حبتين فطاير .. عصير همبا .. وفستق

والحمدلله


كل عام وانتوا بخير حبايبي