الجـــــزء الثاني**Diet **خففي أكلج معانا

[الكيكه دندن]

كل عام ونتي بخير حبيبتي
وتقبل الله طاعتج

ولكل بنات الحمله اللي معانا عيدكم مباااااااااارك

عاد اليوم متضايقه لاني كليت امس واليوم مقلي ومن باجر باذن الله خلاص راح ارد لنظامي العدل

الفطور

1رطب قلاص ماي
بعد صلاه المغرب
1 سمبوسه خضار2قطع دجاج 2حبه بطاطس1كبه قلاص فيمتو


الساعه 12
قطعه كيك 5فناجين قهوه

السحور عصير توت و2 قطع دجاج وورق عنب

 

[miss.42]

عيدكم مبارك و تقبل الله طاعتكم :eh_s(17)::eh_s(7):

من باجر ان شاءالله اكتب لكم شنو كليت لانه تغير النظام الحين

 

[الكيكه دندن]

هلاااا والله وعيدج مبارك عادي اول ايام العيد يوم مفتوح واجازه


عاد اليوم انا بلشت صيام القضاء ومن بعده 6 شوال باذن الله

 

[الكيكه دندن]

اليوم فطوري

1سمبوسه خضار2كبه لحم قفشتين معكرونه بالباشميل وقلاص عصير توت


عايدت

وهناك امسكتني رفيجتي وقاعده تاكل فيني ونا خلاص اقولها بنفجر

وكنت لابسه الضاغط وحطيت كريم التنحيف على بطني وخصري

اكلت
2 كحك العيد خخ
قطعه شيز كيك بالكرز
2 فنجان قهوه
1كمثرى
وقلتلها خلاااااااص بنفجر ماقدر

ورديت البيت بعد نص ساعه

قلت يلا ارقص رياضه
ورقصت ساعه كامله مع بعض الحركات الرياضيه البسيطه

والحين باخذ دووووووش

وبعد ساعتين راح اتسحر
شاي حليب وخبز بجبن وزعتر

 

[جنى q8]

ممكن أشارك معاكم ؟؟

 

[الكيكه دندن]

اهلين جنى عادي شاركي ويانا وبلشي وزنج وطولج والهدف

***

اليوم 21

فطوري

3سمبوسه خضار1كبه قلاص عصير توت


الساعه 12
قطعه شيز كيك و4 فناجين قهوه


والسحور
خبزه زعتر وشاي حليب
وقبل الاذان راح اكل مشمش

واخلص الماي اللي عندي للحين تقريبا شربت لتر والحمدلله

ان شاء الله راح احاول اعمل تمرين البطن عالاقل 5 مرات

 

[تووته البسكوته]

هاي بنات شلونكم
انا بشارك معاكم ومع اني مشتركه بقروب ثاني بس عادي خير وبركه
طولي 160
وزني 90
هدفي 80 هذا الاول
الهدف الثاني 75
الحلم 60
والله يسهل



انزين لازم ادش اكتب يومياتي وكل يوم ولا عادي ؟؟لان مو كل يوم اقدر اشبك مرات ماعندي وقت
بس بحاول اكتب

 

[الكيكه دندن]

اهلين قلبي لازم تكتبين لنا كل يوم شنو كليتي وانتي لابد تحسين انه فرق اكلج عن اول بالكميه حتى تنزلين باذن الله

 

[miss.42]

سلام عليكم


اليوم الصبح تريقت اومليت من بيضتين و توسته كان الساعة 6

و كليت غدى ساعة 6 طلبت من بيتزا هت و كليت 3 قطع من بيتزا وسط جبن و بيبروني ضعيفة وايد :eh_s(22):

و تشيزي بوب و كليت جكن ونجز ههههههههه ادري بدعت و شربت معاهم عصير كوكتيل كي ديدي

و الحين قاعده اكل كرز وخوخ


و بس هالاكل لي باجر ان شاءالله

 

[دلع بآبي]

مس 42 ع هالنظاام انسي تضعفين

انتي يا تتسنعين وتسوين لج دايت محترررم يا وزنج بيظل جذي طول حيااتج

ويعايرونج يالبطة يالمتينه ومايناسبج اي فستاان واي محل تروحين له يضطرون يفصلون لج فيه













شرايج بالهوشة ههه ماكو الا جذي

انا هالايام عندي اجازة ( الدورة ) فما اضغط ع نفسي واايد ولاني قادرة امشي بس تخلص بتسنع عدل وباجر بشوف وزني
وبوافيكم بآخر الاخباار


اي صح عيدكم مباارك حبايبي مؤخراا

 

[أم وليد الشمري]

السلااام عليكم
كل عااااام وأنتم بألف خيرررر
والله ياااابنات مافضيت ابد الےْي عندها بناااات بالعيد ماتذكر شي
شخبااااركم بنوتاااات
((أنا عِنـ.̷̷̸̷̐ـديّ أجازه هاليومين شرفت الحلوه))..... بأذن الرحمن بِــ̯͡سّ تخلص ابدأ ريجيم سنع يااارب مع ان الإراده مش ولا بد
دلع .. دندن ... مس .. سواره ... شخباااركم وشلون العيد معاكم
جني تنورين حبيبتي
بنااات ::: بفضل مٍْْـٍْْ♡̷̴̬̩̃̊ـٍْْنٍْْ ربي عِنـ.̷̷̸̷̐ـديّ بنتين مابينهم فرق شكلهم توام مجننيني لْـِّْƔـِّْٱ ليلي ليل ولا نهاري نهار
ماني قادره انظم وقتي والسبب هم ربي يحفظهم
شكلي بقولكم قصة حياتي������

 

[أم وليد الشمري]

توته.... حياااج الله حبيبتي ويااارب توصلين لهدفج ونوصل كلنا يارب
بصحه وعاااافيه .... اللهم امييين

 

[تووته البسكوته]

هايوووو ياحلوات
انا مشتركه بقروبين بعد غير هذا كل هذا عشان اضعف والله كريم
المهم امس شوي بالريوق اجرمت كليت جباتي
بس بعدها ماتغدييييييت وشربت جاي اخضر وزنجبييل
وبليل حسيت بيوع جاناكل شابوره وجبن قليل الدسم
ان شالله ما اخبص اليوم بعد

 

[الكيكه دندن]

:eh_s(2): كتبت رد اشطوله وانمسح يووووه:eh_s(4):


المهم سلام عالجميع وشدوا الهمه
وناطرين قصتج ام وليد مع الدايت


ونا هم قربت الحلوه موعدها اليوم بس خايفه تخرب علي صيامي:eh_s(16):
ان شاء الله تنزل بعد صلاه المغرب


يومياتي 22\8

الفطور
2سمبوسه خضار1 كبه لحم 3 محشي خس قلاص فيمتو


الساعه 12
قطعه كيك متوسطه 1 بانكيك كوب شاي حليب

السحور
3 قفشات سلطه فواكه بالزبادي
3محشي خس 2 ورق عنب قلاص فيمتو

وشربت لتر وربع ماي ولله الحمد
وحطيت على بطني وخصري كريم التنحيف وعملت تمرين البطن 10 مرات
واحاول اتحرك

 

[سـواره]

هلا بنوتات

اليوم كلت بيض طماط .. وتبولة .. وجبس عمان مع لبن بس

سوري ما أدخل وايد .. مريضة .. ادعولي الله يشفيني وألاقي علاج

ولا تنسون صيام الست من شوال

 

[الكيكه دندن]

سلامتج سواره طمنينا عنج
ماتشوفين شر حبيبتي
***

الحمدلله كملت صيامي والحلوه تهدد كل مره يشتد الالم اذا قرب الاذان ونا مابي اتحرك شكلي يضحك ههههههه من بعد ما اذن اختفى الالم
وللحين معانده ماتبي تنزل

فطوري 23\8

قلاص عصير توت \2 سمبوسه خضار\ 3ورق عنب \2 كبه لحم

الساعه9
3حبات شوكليط من جواهر اللي لونهم بني شوكليط خالص بروحه مع 2 فنجان قهوه

2كوسه

ومادري اذا اليوم راح اتسحر او لا نشوف الحلوه متى تشرف

والماي للحين مو واضحه الكميه اللي شربتها امممممم راح اكتب لكم بعدين

 

[الكيكه دندن]

امس تسحرت 3كوسا صغار مع فيمتو

وشربت لتر ماي ولله الحمد

 

[دلع بآبي]

وزني الحالي 71.5

نازلة 100 جرام فقط

لاني أهملت الرياضة هالفترة

ان شاء الله بس تخلص الحلوة برجع بقوة

 

[سـواره]

الله يسلمج من كل شر كيكتنا

اليوم كثرت

كلت عيش أبيض ولحم ... وسلطة .. وكاكاو باونتي .. وقطعة فطاير بالجبن .. وعصير همبا

 

[miss.42]

السلام عليكم

اليوم كنت ببدي رجيم بس ما بديت ههههههههه

الصبح كنت بافنيوز ما تريقت خذيت لي من بنك بيري يوقرت بنكهة المنجا الحجم صغير و حطيت فوقه توت اسود و فراولة كان عالساعه ١١

لما رديت البيت تغديت عالساعة ٣ كليت عيش مع بطاط و دياي و شربت نص قلاص منجا و فراوله

عالساعة ٨ طلبنا حلو وكليت قطعتين ميني مولتن و كليت كيكة جلكسي

بس هذا اللي كليته اليوم و مووزه بعد