الجـــــزء الثاني**Diet **خففي أكلج معانا

[الكيكه دندن]

بسم الله الذي لا يضر مع اسمه شيء في الارض ولا في السماء وهو السميع العليم

فطوري 5\8

نص سمبوسه دجاج \نص كباب دجاج \قفشتين من محشي كوسا\1كفته لحم\شويه بطاطس كله مشوي
ونتفه توست بالقيمر لانه كان مقلي \قلاص تانج ليمون

صحيح بالكتابه وايد بس انا كنت اتذق من كل شغله والحمدلله شبعت


بعد صلاه العشا
شربت تقريبا 3 فناجيل قهوه +4 ميني شيزكيك وايد صغار بالاناناس\بالكشمش الاسود\بالشوكليط\بالتوت
وربع كيك بالجبن والشوكليط كنت اجرب طعمهم لاني انا اللي طابختهم ههههه ولزيز طعمهم الحمدلله بس لازم ننتبه للوزن


السحور
نص خبزه +بيضه +شاي حليب

قبل الاذان بنص ساعه كليت ساندويش ايسكريم

وبعده شربت منقوع الحبه السوده لانه يفتت الدهون

وخلال اليوم كله شربت لترين ماي ولله الحمد

وراح امشي ربع ساعه بعد شوي

 

[دلع بآبي]

اعذروني بنات هالكم ماراح آقدر آدخل دوم

المهم 5/8

فطوري بالنسبة للمأكولات كان حبة لقيمات + نص ملة باجلاء + نص ملة شوربة + لبنه + رطب ..

والمشروبات قلاص لبن خالي الدسم + 1 قلاص فيمتو + 1 قلاص ماي

ومشيت ساعة كاملة ..

اما السحون فكان عبارة عن برتقاله + 3 حبات كيوي

ها شرايكم شطورة ؟؟

 

[الكيكه دندن]

اييه ماشاء الله عليج


***

بسم الله الذي لا يضر مع اسمه شيء في الارض ولا في السماء وهو السميع العليم

*يومياتي 6\8*

الفطور

1سمبوسه لحم1كفته لحم 1 حبه شيش طاووق4حبات ودجز كلهم مشويين مع قلاص تانج برتقال


الساعه 11
3 فناجين قهوه 3 ميني شيز كيك وربع قطعه كيك بالشوكليط


السحور
حليب دافي بالكركم وملعقه عسل لان عندي كحه معتبتني وهم سمعت مشروب الكركم وايد حلو للبشره

وكليت شويه سلطه فواكه بالزبادي

قبل الاذان
ملعقه عسل بحبه البركه لان حبالي الصوتيه تعبانه من هالجرثومه اللي انتشرت هالايام الله يسامحها هههههههه


وشربت لترين ماي ولله الحمد

وراح امشي بعد شوي ربع ساعه باذن الله :**

 

[miss.42]

زيين بنات و الله محافظيين ما شاءالله


انا اليووم خربت ابو النظام :eh_s(16): كنا مسوين غبقة فكليت وايد اشياء

و الله ضاق خلقي و ودي امشي على نظام معين عشان اضعف عدل :eh_s(11): و راح ابدي من باجر ان شاءالله و اكتب لكم

عاد خل نشجع بعض :eh_s(9):لانه احس ما عندي اراده و ان شاءالله معاكم استمر و اتشجع شوي :yaaaaaarb:

 

[سـواره]

اليوم كليت صحن عيش .. و حبتبين بيتزا بس

يبالي أسوي رياضة .. بس دايما أتكاسل

 

[miss.42]

عليج بالعافية

اي و الله حتى انا واايد اتعييز اسوي رياضة :bbbiu:

بس اليووم شديت الهمة و لعبت رياضة :eh_s(9): بس هم مخربطة بالاكل :eh_s(16):

انا ما اكل وايد بس اكلي كله خرابيط هذا سبب متني :eh_s(2): و اذا مشيت على رجيم الحمدالله بسرعه يبين علي و يفرق جسمي و اضعف بس ما عندي ارااده

اي و بنات انا العب رياضة مع jillian اشوف فديواتها باليوتوب و اسوي معاها الحين العب level 2

وايد احبها و احسها تشجعني :eh_s(9): و اهيا مثلي الاعلى لانها قدرت تنزل و زنها ما شاءالله و صار جسمها رياضي

و رياضتها اتعب و تشد عضلات الجسم و والله حسيت بفرق بجسمي معاها انصحكم تشوفون فيديواتها

 

[miss.42]

لوووول توني استوعب الفكرة level 1 لمدة 10 ايام و level 2 لمدة 10 ايام و level 3 لمدة 10 ايام و بجذي يصيروون شهر

راح ابدي العب من اول وياها

 

[أم وليد الشمري]

مبرووووك افتتاح الجزء الثاني
معاكم بأذن الله بس عذروني برمضان ماادخل وايد
الوزن الحالي: ٦٢
الهدف الاول :٦٠
الوزن الي احلم فيه:٤٦

 

[أم وليد الشمري]

بقولكم ان شاالله قصتي مع الريجيم
ونزلت الحمدلله٢٠ كيلو تقريبا بعد جهد جهيد
بس جم يوم واقولكم شلون

 

[الكيكه دندن]

يا هلا فيج يا ام وليد

ومس برافو لازم رياضه ويالله شدي الهمه يا سواره
وعادي ياليت هم تحطين لنا يا مس اليوتيوبات حتى هم نطبقهم كلنا بالقروب

وحاولي تشترين ضاغط البسيه بالتدريج يعني باليوم الاول ربع ساعه وهكذا حتى تتوعودين واهو يخليج ماتاكلين وايد وهم تحبين جسمج عليه ومع الاستمرار تلقين نفسج خلاص مقلله والبسيه باي زوارات حتى ماتلخبطين وايد
وحاولي تطبقين بالزوارات والاعراس نظام اللقيمات يعين اكلي من كل طبق يشدج قفشه وحده وراح تشبعين باذن الله


***

بسم الله الذي لا يضر مع اسمه شيء في الارض ولا في السماء وهو السميع العليم


يومياتي 7\8

الفطور
قطعه بيتزا\1كبه بطاطس مقليه \2حبه بطاطس مقلي ماكليت وايد لاني مقاطعه المقلي بس اضطريت قلاص سانكويك برتقال


الساعه 11
ربع كيكه 2ميني شيز كيك و3 فناجين قهوه

السحور
1فطيره جبن شاي حليب
كوب حليب بالكركم وم صغيره عسل
وشربت ولله الحمد لترين ماي

ولبست الضاغط الكامل تقريبا 3 ساعات وكنت حاطه على بطني كريم شيب آب
وتصبحون على خير حبايبي

اييه صح راح امشي بعد ما اقعد من النوم ربع ساعه باذن الله :**

 

[دلع بآبي]

سوي بنات بالموت أحصل نت

يومياتي ل 6/8

فطوري كان نص صحن شمام + لبنة + رطب + 1 ميني بيتزا + 1 فطاير + صحن سلطة

والمشروبات 1 لبن خالي الدسم + 1 فيمتو + قلاص ماي لوول بالتفصيل


والساعة 11 كلت شمام وسحوري كان 1 فطاير + هوت شوكليت ومشيت ساعة ..





يومياتي ل7/8

فطوري كان شمام + رقي + 5 قفش ثريد + لبنة + رطب

السعة 10 كلت مكسرات + 2 شاي

وع الساعة 12 شربت موكا فراباتشينو + حب :d

وسحوري كان رغيف صغير خبز + جبنة لايت + عسل

ومشيت 45 دقيقة

تخبيص أحس ><

 

[سـواره]

اليوم خبصت شوي

كلت كاكاو وايد ... ما قدر أصبر عن الكاكاو

وكلت صحن عيش و حبة فطاير

والحمدلله ع النعمة

وبعد أخذ شهيق وأشفط بطني داخل

حبيبتي miss42 .. حطيلنا الروابط

 

[miss.42]

و الله بنات ما اعرف الروابط لاني شابكة من الايباد السمووحــه .. :eh_s(7):

كتبوا باليوتيوب jillian michael's 30 days shred level 1 و راح يطلع لكم الفيديو

و اليوم تفطرت صحن الصغير عيش مع كفتة و كليت رقي الحمدالله

بعدين شربت جاي اخضر و قبل شوي خربطت كليت ورق عنب و حلو مارس ،، الحين بحرق جم كالوري تعويض بلعب رياضة نفس الفيديو لاني ببدي من الاول
و اليوم اول يووم :ggdw: صج اتعب بس نتايجها حلوة :rerrerek:

 

[الكيكه دندن]

اهلين حبايبي

امس ما مشيت لاني انشغلت وايد وهم اليوم


بسم الله الذي لا يضر مع اسمه شيء في الارض ولا في السماء وهو السميع العليم



يومياتي8\8

الفطور

نتفه محشي كوسا \و4محشي خس\قلاص فيمتو \1كفته لحم\1همبرجر\شويه بطاطس \1 سمبوسه لحم كلهم مشويين

1ميني شكلمه جوز الهند

الساعه 1ص

خبزه سمره بزعتر وجبن كيري +شاي حليب

وبعد صلاه القيام الساعه 3ص حسيت بالجوع

كليت ربع فطيره جبن بالفطر وربع بيتزا وشربت حليب بحبه البركه وملعقه عسل


وشربت لتر وربع ماي

والحمدلله على النعمه

تصبحون على خير :**

 

[أم وليد الشمري]

بالعافيه ... بنوتاااات
اليوم اكلت نوعا ما بس بسيط...
وشربت ماي وايد،،،،
هاذي الروابط وايد حلووووه

Strive High Impact Aerobics - YouTube


‫تمارين تخسيس شد ترهلات الأرداف الجناب الفخدين‬‎ - YouTube


‫تمرين الارداف 5 دقائق للتخسيس Keshow - 5 Min Butt Workout 2‬‎ - YouTube


‫نصائح لرفع عملية حرق الدهون بجسمك‬‎ - YouTube

ان شاالله تفيدكم هالروابط

 

[سـواره]

اليوم كلت صحن عيش >> كالعادة لوول

وكاكاو وبسكوت وحبتين فطاير

والحمدلله

شكرا حبيبتي miss بنسخ الروابط بعدين بفتح الفيديو

بالتوفيق للجميع .. والله يبلغنا ليلة القدر

 

[دلع بآبي]

يومياتي لـ8/8 ..

فطوري كان لبنة + رطب + نص ملة كاسترد + حبتين خلية نحل

وع الساعة 10 كلت ايسكريم جلكسي 221 كالوريز

وبعدين شربت 2 شاي

وسحوري كان برتقالة + تفاحتين

ومشيت ساعة حرقت فيها 450 سعرة

والخميس اوبن دي وربي يضعفنا بصحة وعافية ^^

 

[الكيكه دندن]

آمين يارب الله يجعلنا من عتقاء الشهر
ويسلمو عالروابط الحلوين راح ابلش فيهم بعد رمضان باذن الله

اليوم
9\8

بعد السحور مشيت نص ساعه

الفطور
1فخذ دجاج 1سمبوسه وقلاص فيمتو


الساعه 9 كنت بالزواره وحاولت ما اكل وايد
1 ميني شيز كيك \ربع كيكه\2 فنجان قهوه \1مادري شيسمونه حلو اللي كله عسل ههههه كليتها بالغصب ونا لايعه جبدي غصبوني عالاكل اقولهم دايت يقولون لي لا اليوم خليه فري
1مشمش \ربع استكانه شاي


رديت البيت كليت شابوره دايت مو كلها مع كاس شاي حليب
قبل الادان هريس شوي مع قلاص فيمتو


وخلصت لتر ماي ولله الحمد

 

[miss.42]

السلام عليكم


اليوم تفطرت محشي بس و شوية عيش و قطعة من صدر ديايه

و بعدين عال١٢ كليت قطعة بيتزا و كتكات مني الصغير

و عالساعة ٢ حسيت بيوع قمت سخنت المحشي و كليت منه و كليت خوخه و كرز كانو جبالي ما قاومتهم و كليت قطعتين من حلو مارس

و الحمدالله عالنعمه احس واايد كثرت لاني مو متعوده اكل جذي عالسحور

بالنسبة حق الرياضة ما لعبت و الله تعبانة ان شاءالله باجر

 

[أم وليد الشمري]

السلام عليكم ورحمة الله وبركاته
بالعافيه ما أكلتوا ... وعسى ربي يضعفنا بصحه وعافيه
اليوم فطوري:أكلت رطب - قطعه دجاج - سمبوسه خضار - سمبوسه جبن
بعدين اكلت مكسرات-
شربت زنجبيل + قشر قهوة + كمون
السحور : فخذ دجاج
ولله الحمد والمنه ... متعوده يوميا امشي نص ساعه اليوم حدي تعبانه ما مشيت
بنات مجنني الوزن على كل تعبي وتقليلي الاكل إلا انه يا ثابت يا يزيد لو كثرت شوي