اللي بـ السبعينات ويبون الستينات حياكم ، خلونا نشجع بعض ^_^

[الكلثوم]

تعشيت حليب قليل الدسم ونص خبزة شعير وجبنة مثلثة

 

[الكلثوم]

صباح النشااااط
قاعده مبجر عشان اراجع
تريقت حليب قليل الدسم شريحة توست بر مع بيض مقلي وحبة فليفله

 

[احبك يايمه]

سلام اليوم اضطريت اكل لان عندي ضيوف عالغدا والبارح بعد تعشيت بس مو مشكله لاني ابي امشي هالحين
وبكرا وبعده ابي اصوم وافطر عالشي خفيف لان عندي مناسبه الخميس وودي انحف عشان اذا كليت مااحس بتانيب

 

[الكلثوم]

تغديت مجبوس دجاج ماكثرت عيش
رحت مقابلتي وخلصت الحمد لله انتظر النتيجة
لما رجعت سويت قرص عقيلي للدايت يمي يمييييي

 

[جوجو جرامنه]

سلامم بنااات

انا يوومي كاان تماام افطررت قرص زعتر بس اسمرر

والغدا كان علبة زبادي

وعشااي حبة برتقال

اه صح وانا اقرا اليوميات شفت وحه كاتبه انها تاكل كاجووو

الكااجو يا بناااااااات يسسمن

الحبه فيه تقريبا 95 سعرره

يعني اختي نحيفه وحكالها الدكتور تااكل كاااجوو

يعني اذا بنفسك كلي حبتين فققط

 

[الكلثوم]

المكسرات النية الغير محموسة ما تمتن اذا اكلت كميات قليلة جداً
بس الكاجو صج حتى الني يمتتتن
اللوز والجوز خفيفين ومفيدين للرجيم يكفي ٥ حبات في اليوم ويفضل تكون بوجبة الفطور



المغرب تقهويت قهوة شعير واكلت من قرصي العقيلي والحين اكلت ٣ لوز ني
*

 

[خرافية المنشأ]

السلام عليكم
كيفكم حبوبات
والله انا متابعتنكم بس مستحيه اكتب يومياتي لانها مخجله وبالفشل
كل ما ابي ابدي صح في نهايه اليوم انتهي بغلط
يعني انتو ما شاء الله تاكلو اشياء تنعد على اليد
انا باقي اعدهم على اليد والرجل ههههههههاى :'(

مع ذلك خلني افضفض لكم يمكن كل مااخبرتكم تصير عزيمتي اقوى

جلست 11 وتغديت الساعه 1ونص برياني لحم من المطعم حاولت اني ما اكثر
بحدود نص الكميه الي اكلها ههههههههه مع ذلك متووسطه يعني لا تفكرو انه قليل
وشربت كاسين لبن

العصر اكلت شبس صغير تمشيت بالمول
وثلاث قطع بسكوت تمر صغيره

العشاء عدس مع قرص خبز بر وربع كب كيك
كنت ببيت اهلي

رجععت شقتي واكلت دونت صغيييرة مررا كذا حجم 3 اصابع ولا كنت باكل غيرها هههههه
بس مسكت نفسي وشربت كاسين عصير برتقال <<<<<لا والله تعبتي نفسك

ودعوواتكم بعد الله يهديني واقلل الخرابيط
ان شاء الله بكرا يومي للافضل وان شاء الله اامشي ع السير

 

[طريق السعاده]

صبااح الخير


يومي كان جميييل رغم كل شيء فيه هع

صحيت ع 1 وكانو اهلي محضرين الغدا ف ماقاومت ولا سويت طقوس دايم خخخ طوالي من السرير ع الوجبه هع
كليت 7 ملاعق رز + صحن سلطه + نتفه دجاج وبصل وطماطم بالفرن مطبوخ
ع الساعه 5 تقهويت فنجانين قهوه عربيه مع حبه تمره
ع 7 طلعت قابلت بنات عمي ب مول طبعا جمعه بنات ووناسه جد استمتعت اليوم من قلب

فرفرت فالسوق لين يمكن ع الساعه 9 ونص شربت كاس موكا لاتيه بالبندق من ستار بكس
وكملت مشيء فالسوق لين 10 ونص او 11 تعشيت من صب وي صمونه 6 انش بر ترياكي بدون صلصات دجاج وسلطه وشريحتين جبن ابيض
مشيت بعدها ل 12 فالسوق طبعا تالي رجعت البيت وانتهى يومي ع كذا

ادري غلطت فالكفي الي شريته لان كان حالي مع اني ماضفت سكر بس معروف انه يحلونه شوي بس جد كلهم طالبين مشروب وشوكليت وحلى وحركات ميصير بلحالي ما طلب شيء هع

بالنسبه ل يومياتكم قريتها وكلكم تقريبا اوكي جوجو يومك جميل & احبك ي يمه عوضيها بكرا بالرياضه والالتزام وعليك بالعافيه & الكلثوم يومك حلو تقريبا وانتبهي من العيش قد ماتقدرين احسبي عدد ملاعقك فيه
وصادقين بنات الكاجو يسمن بس كان ف نفسي وماكله الا كل فتره لاني ماحب المكسرات واجد ف عادي هالشهر تقريبا اول مرا اكله هع وان شاء الله رح انتبه بعدين لان ماكنت ادري انو حيل فيه سعرات ومشكورات ع التنبيه
خرافيه المنشأ بدايه حلوه عادي خففي شوي شوي لين تقدرين تسيطرين ع نفسك واكتبي افضل لانك بتصيرين تراقبين نفسك كل يوم وبعد في شغله مره خطا سالفه تاكلين وعقبه تشربين لبن حاولي تلغين هالسالفه اول شيء اللبن ثقيل يثقل عليك وبعد كل ماكليتي وشربتي مع بعض يتوسع بطنك اكثر ويسبب كرش انا تدرين اول مستحيل اقدر اكل بدون مشروب !! ماقدر ابلع طلع كل السالفه عاده ونفسيا اقتنعت فيها احين مستحيل اشرب مع الاكل شيء اكل وجبتي وبعد ساعه اشرب مويا او ساعتين بالبدايه صعب بس هذي اهم خطوه كبدايه ربي يسهل امرنا وامرك ونوصل للي نبي بصحه يارب ..

 

[الكلثوم]

طريق السعادة برافووووو اعتبري الكفي مكافأة التزامج
بس عاد مو كل يوم مكافأة ههههههه

امس عشاي كوب حليب قليل الدسم وجزرة
اليوم تريقت نص كوب حليب خالي الدسم و٣ لوز ني

 

[الكلثوم]

تغديت مرق سمك و صحن سلطة

 

[سما الشقين]

تغديت سمك مشوي ورز وبعدين دارسين وبسكوت

 

[احبك يايمه]

اليوم كنت صايمه بس حسافه قبل الاذان نزلت الدوره وخربت علي الصيام

كليت تو ساندوش بيض مقلي وكوب حليب بشاي

انا هالاسبوع ماراح اوزن بنات لاني ابي اهتم بنفسي واكلي بدوره لان صاير وجهي اصفر وشعري يتساقط ويكفي انه متاخر عني 17يوم وإن شاءالله الاسبوع الي بعده اقيس

بس اكيد راح ادخل كل يوم واكتب يومياتي

 

[طريق السعاده]

هههههههههه الكلثوم اي الاراده حديد ان شاء الله ومرح اخبص باذن الله :yaaaaaarb:

احبك ي يمه هع جد حظك نحيس بس انكتب لك الاجر باذن الله وتعوضينها وفطور العافيه وانتبهي ع صحتك انا احس شعري بعد يتساقط اكثر عن اول بس جالسه احاول قد ماقدر اكل سلطات وكذا وان شاء الله كل شيء مع الوقت يصير اوكي:eh_s(7):

سما الشقيين يومك روعه لحد احين بدايه حلوه وقووود لايك وحاولي تعدين ملاعقك فالرز خليها عدد فردي وكحد اعلى 7 ملاعق شدي حيلك :ggdw:

برنامجي

صراحه النوم مو ذاك الزود صايره مانام كويس :bbbiu::eh_s(10):
كنت مواصله لحد 11 الظهر هع ف ع الساعه 8 ونص فطرت شريحتين توست محشيه بيض اومليت + مسحه جبن

شربت قاروره مويا طول الصباح 600 ملي جلست لحد 11 ونمت

صحيت 2 تغديت 3ع الساعه 3 تمرات وماي

ع الساعه 4 ونص او 5 كليت قطعه كيكه بالتمر صحيه وصفتها امي مسويتها عشان الدايت مافيها دهن واجد وبدل السكر اعتمدت التمر المهم كليت قطعه مع فنجانين قهوه عربيه

وبس .. ناويه اتعشى بعد شوي سلطه زبادي + خيار + ثوم + شوي ذره ومدري وش احط بشوف وش فيه بالثلاجه يصلح واحطه ويمكن ماضيف شيء غيرها هع

وبس اليوم مامشيت لكن بحاول ع نهايه اليوم امشي لو نص ساعه لان مافضيت بس احين بتعشى وبعد بساعه او ساعه ونص بحاول امشي:rerrerek::ggdw:

 

[الكلثوم]

جوجو اهتمي بصحتج لاحقه ع الدايت

طريق السعادة شاااطرة بالنقد البناء

اممممممممممم
المغرب اكلت شوية نخي وجاي
العشا قطعتين بيتنزا وقطعتين جوانح فقط
المشكلة ان اليوم ماشربت ماي واجد

 

[طريق السعاده]

احمممم


الكلثوووم ربي يسعدك لازم هالشيء عشان كلنا نكون ماشين صح واكيد ماستغني عنكم خواتي

تكمله يومي تعشيت سلطه زبادي مثل ماقلت فالرد الي قبل بس بدون ذره استغنيت عنها وحطيت بدالها رشه سماق

ووو كلمت وحده من صحباتي وانا امشي ع السير خخخ ماحسيت بعمري الا مر 65 دقيقه هههههه اكتشفت ان هذرتي واجد لو ماخلص رصيدي كان مانتبهت للوقت :krkrkr::krkrkr:


وحاليا بيدي قاروره ماي 600 ملي ناويه اشربها احين:ggdw::ggdw:

 

[خرافية المنشأ]

رحبا صبايا
الامس جلست من النوم جوعااانه حدي لو بكيفي كنت راح اسوي لي اكل كثير
بس حاولت ان احدد كميته الاكل واشوف اذا ماشبعت راح اكل شوي بعد
الساعه 7 فطرت 5تمرات
كاس ونص حليب وكورن فلكس نص كاس
شريحه وحده توست محمره داخلها شويه جبن سائل

الساعه 10 اكلت شريحتين توست مع جبنة و شبس صغير

الساعه 2 شربت كاس عصير برتقال

على الساعه 4 ونص تغديت 3سمكات مع رز ابيض بدون اضافات
وعلى نصيحتك طريق السعاده حاولت اني ما اشرب شي ماقاومت اكثر من 20 دقيقه وشربت نص كاس مانجو ماكثرت

بعد ساعه ونص شربت كاس حليب

بعد ساعتين ونص اكلت برتقاله
للان اوكي بس خربت

 

[خرافية المنشأ]

كل شي زوجي جاب من برا بيتزا وزعتر
اكلت كل واحد منهم 3قطع كانو صغار
وتوكس اصبعين وماء
وخلاااص انتفخت على هالعشاء ولا جاني خلق اكل والمني بطني شوي
رغم اني تضايقت لان اكلت هالعشاؤ بس ارتحت نفسيا لان بالعاده اكل هذا دبل قولو ما شاء الله لا اله الله الله
وعسى للافضل

والله يوفقنا جميعا ورشيقات بصحه وعافيه

 

[احبك يايمه]

خرافية المنشأء ماينفع كذا انا اليوم تميت 3شهور من بديت ريجيم ولي نفعني اني اول مابديت ابدا ابدا ماخربتها واراقب سعرات الحراريه بكل شي اكله

مو اذا جاب زوجك شي من برا لا حبيبتي خلي لك وجبه بالاسبوع تاكلين شي تحبينه غير كذا امسكي نفسك

وانتي اذا اسويتي ريجيم لمدة اسبوع بدون ماتخربطين وقستي وزنك وشفتي النزول اكيد راح تصير عندك اراده وتكملين

ومثل ماقالت طريق السعاده لاتشربين شي مع الوجبه انا كنت اسوي كذا واختفت الكرشه الي اطلعتلي بعد الولاده

انتبهي لنفسك لاتمر الايام عالفاضي وانتي تزودي كيلو وتنقصين كيلووو

لا شدي حيلك وكل اسبوع انزلي اكثر

ومعروف اول اسبوع اقل شي تنزلين3كيلو بالاسبوع

 

[احبك يايمه]

كمالة يومياتي البارح

كليت كبده+خبز +شاي
وقبل مانام شربت حليب

اما اليوم افطرت عال
باقي الكبده الي البارح +خبز تميز+وحاليا ابي اشرب شاي لدوره كمون وقرفه الخ

ياربي مااحب الكبده بس غصب عني سمعته حلو لفقر الدم عاااد حنا عايلتنا كلنا بنا فقر دم الله يعين

 

[ام ديما22]

الحمد لله الي الحين راضيه بالنزول وخلصت ثلاثه ايام من رجيم التمر واللبن ا
ببدا اليوم برجيم 17 دي يمدحونه مره لانه سهل وماهو ممل