اللي بـ السبعينات ويبون الستينات حياكم ، خلونا نشجع بعض ^_^

[خرافية المنشأ]

ريوم هلا حبيبتي
الميزان يوم السبت


بالتوفيق♡♥♡

 

[احبك يايمه]

خرافية المنشأ// يومك تمام التمام ما شاءالله عليك

مس ريوم//حياك الله وشدي حيلك

طريق السعاده// إن شاءالله تنبسطي اليوم انا مثلك الليله رحت جمعة بنات بالاستراحه وخبصت شوي بالحلا اما العشاء ماكلت الا شوي شوي من ارز بس كذا جلست عالمفطح (مشاهده فقط)
وكمان مثلك رجعت البيت جوعانه واكلت خبز تميز+ حبة جبن كيري

الكلثوووم//بالعافيه

جوجو//نورتي يالغلا ويومك حلو

 

[احبك يايمه]

كمالة يومياتي

اكلت حلا بسبوسه 1+مادري حلا نوع1ونص+وحلا نوع ثاني يمكن4 خيااااال طعمه يم يم يم+2فطيره

عصير مشكل+وشوي رز ولحم

ورجعت البيت جوعانه اكلت
خبز تميز+جبنة كيري

مع شاي وقهوه ماحسبتهن

 

[بنوته مو صج]

بالعافيه بنات

اليوم ريوقي كان حلووو مثل ما قلت لكم من قبل ساندوش توركي معا + برتقاله و عالساعه 12 تقهويت و كليت اربع تمرات الساعه 2 الغدا كان مجبوس لحم كليت مقدار قوطي الروب ع الساعه 3 مشيت العشا شنو سالفة هالعزايم عاد اليوم اختي عازمتنا بالعشا على مشاوي كليت نص عرايس و الباقي ما اذكره بس اللي اذكره بدعت بالاكل بس ما خليت نشويات (يعني خبز ) وايد بس بروتين

وشكرا كانت معكم بنوته مو صج من قلب الحدث ههههههه

 

[طريق السعاده]

اعتبرت يومي فري خبصت ف الحلى والشيبس بس ماتعشيت ولا احس اني جيعانه انا اساسا ماحب المفاطيح هع جلست كليت لقمتين وقمت بس جلست عشان محد يقعد يعزم فيني خخخ ماحب كل شوي احد يقول تعالي تعشي بالتوفيق صبايا وي حيا الله ريومه نورتي ي عسل حياك معنا والميزان يوم السبت انتي اوزني يوم السبت وخليه الوزن البدايه وع السبت الجاي شوفي كم تنزلي

 

[الكلثوم]

طريق السعادة عز الله حتى انا ما احب سوالف قومي تعشي قومي اكلي اكلي اكلي يووووووووه
جننوني لااا واذا درو مسويه ريجيم يزيدون علي
اليوم ما كنت ناويه اتعشى سويت عشا لامي وخواتي هم ما اكلو واجد قمت انا اكلت الباقي لاا وبقى بعد
اكثر شي يبط الجبد اذا قالولي سوي لنا عشا وما كلوه آكله انا من الحررره ياااي
هالفترة كرهت المطبخ والطبخ مع اني احب الطبخ عشان ما اتحسف ع التعب وآكله ههههههههه
الله يعين

 

[خرافية المنشأ]

انا ما نمت لسى الساعه 2
سويت لي بطاطا صغيرة مررا مطبوخه واكلتها مع شويه خبز وكاتشب مرررا لزيزة كانها ودجز
واكلت 3قطع بسكويت القمح دايجستف 210 كالوري
وواحد شبس 50 كالوري
ان شاء الله بكرا اقلل

 

[الكلثوم]

خرافية عليج بالعافية
معلومة : بسكوت ماري اقل سعرات حرارية من دايجستف



تريقت كوب حليب خالي الدسم وخبز قرص اسمر

 

[جوجو جرامنه]

مرحبا بنات

اليوم فطوري نص كاسة شاي من غير سكر مع حبتين اوريو

اتندمت اني اكلت حبتين الاوريو لانو البكيت كان صغير فيه 4 حبات فيه 865 سعره اكلت حبتين يعني 400 وشوي

ومشيت حرقت 80 سعره بنص ساعه

والغدا كان خبزه غمست مع حمص وفول وبس

افكر امشي كمان نص ساعه احرق كمان 80 يعني الفطور يكون قدره يصير 300 سعره وشوي

وما رح اتعشا عقاب عالاوريو

 

[جوجو جرامنه]

اه صحييييح لا تنسووووون بكرررررررره السبت يعني الميييزان بكرره

وحياا الله البناااااات الجدد

اه صح بنااات ابشرررركم النت رجع عنا بالبيت ورح اكتب يوميااتي هنا كلللللل يووووم باذن الله

معاا للرشاقه وصحه افضل

 

[جوجو جرامنه]

جعت واكلت قطعه وحده توست مع لبنه

 

[الكلثوم]

تغديت سلطة
تقهويت فنجالين وتمرة وجكليتة وقطعة بسبوسة بالقشطة

 

[جوجو جرامنه]

مشيت كمان نص ساعه وحرقت 120 سعره ومع الي حرقتهم الصبح 80 يصيرو اليوم كله 200

 

[احبك يايمه]

2تمره
نص بيضه
كبده
حبه فلافل
خبز+10حبات بطاطس مقلي
شاي+قهوه

راح امشي ساعه اواكثر

 

[طريق السعاده]

برنامجي اليوم

فطور صامونه الهامبرجر حطيت داخلها ملعقه جبن سائل

الغدا حميسه طماط وبصل وفلفل اخضر وقطع لحم مشويه بالفرن مع 3 ملاعق رز مع صحن سلطه

ماتعشيت لان احس معدتي تعبانه وشربت ماي وكاس شاي اخضر ويانسون فقط

مشيت نص ساعه

 

[الكلثوم]

اكلت سناك ثاني موزة وكيك

والعشا مفتوح اختكم في الله ما اتقاوم المفاطيح

يفترض ان الحين احط جل ولوشن للشد واسوي رياضة بس اختي الصغيرة لزقت عندي تبي تسهر معاي يازينها

 

[بنوته مو صج]

هني و عافيه بنوتات ...
اليوم قعدت الساعه 11:30 كليت 4 حبات معمول اسمر معا قهوة عربيه
الغدا كان الساعة 1:00 كان مسوين برياني دياي كليت طاسه صغيره و كليت سلطه
السناك ( الوجبه الخفيفه ) اليوم كاكاو كت كات مع كابتشينو نستلا اللي بدون سكر 60كالوري
اليوم طلعت و هم شربت من كريبو كافيه كابتشينو بس لوفات
العشا كليت نص خبز سمره مع ثلاث قفشات حمص و حمست تونا بس مقلله الزيت
اليوم احس أحسن من امس ...

 

[خرافية المنشأ]

سلام عليكم
انا اليوم تغديت ع الساعه 3
10ملاعق ايدام بطاطس وكوسا وقرع ورز ابيض بالحم
اليوم مررا مزحومة وراسي داير من الشغل ومزكومة
حليت بشوكلاتات
وعصير البرتقال الوردي كي دي دي
وقبل لا انام بشرب كوب حليب

 

[طريق السعاده]

اليوم يوم الميزااان وين اوزانكم هع

بالنسبه لي وزني السبت الي طاف = 67

وزني اليوم = 67

ثابت ...

الحمد لله ع كل حال

 

[سما الشقين]

انا 73ثابت


لكن الصراحه استاهل ..يبي لي تكفخ علشان امشي صح