انطلاق حملة اخسري ١٠ كيلو دهن بدون رجعه و بدون تعب او رجيم ( من ١ مارس حتى ١ مايو )

[زوراروسا]

رد: انطلاق حملة اخسري ١٠ كيلو دهن بدون رجعه و بدون تعب او رجيم ( من ١ مارس حتى ١ ماي

ما شاء الله عليج مس ليزليز كلامج يشجع ويحمس

يومياتي نفس الشي تقريبا كل يوم
افطر على نسكافيه وبعدها اقعد ع الماي لوقت الفطور افطر خفيف ورياضه خفيفه والغذا بعد خفيف واحس انه كميه الاكل اللي صرت اخذها صارت اقل بدون جوع الحمد لله والعشاء قبل النوم ب ساعتين وقبل لا انام اشرب لي شاي اعشاب
اللي موقفته المساجات لانه ما افضي سبحان الله مع الاجازه بس ان شاء الله ارجع لها باول فرصه

 

[طلة برنسيسه]

رد: انطلاق حملة اخسري 10 كيلو دهن بدون رجعه و بدون تعب او رجيم ( من 1 مارس حتى 1 ماي

قوة بنات يومي أمس كان فيه خرابيط :bbbiu:

الفطور :
نسكافيه + 2 توست اسمر + 2 شريحة جبن قليل الدسم

سناك 1 :
روب قليل الدسم

يا حلاتنا الصبح لا خرابيط ولا شي والإرادة 100% :eh_s(4):

الغداء : :eh_s(16):

كان المفروض : ستيك دياي + خضار مسلوق بس أنا ضفت عليهم صحن صغير عيش و 3 حلو القهوه :eh_s(4): كنت حدي يوعانه :0bee2e8d89:

سناك 2 : ما اخذت بس استكانة شاي

العشاء :
1/4 خبزة شعير + عجة بيض (بيضة + فلفل أخضر مقطع + مسحة زيت زيتون)

وبالليل شربت جلاس شاي ابيض :rerrerek: الله يوفقهم إلي دلوني عليه صج صج صج عجيب ومستمرة عليه ان شاء الله :eh_s(9):

ان شاء الله يوم الأحد عندي موعد بعيادة التغذية بتوزن وبقولكم جم صار وزني علماً إني من اسبوع كنت 72.5 ... حاسة وزني صار بطيء ينزل بعد ما خسرت 10 كيلو .. صج احباط :bbbiu: بس مكمله ماني هاده الرجيم بشوف آخرتها شنو ويا هالعشرة كيلو الثانية :eh_s(4):

 

[fraulina]

رد: انطلاق حملة اخسري ١٠ كيلو دهن بدون رجعه و بدون تعب او رجيم ( من ١ مارس حتى ١ ماي

أسفة علي الانقطاع بس كانت عندي ظروف اليوميات ريوق زبادي مع ملعقة بذرة الكتان وشريحتين أناناس ونصف لتر ماي بعد شوي راح العب رياضة متنوعة للصقل لي باك مع باقي اليوم ان شا الله

 

[namola_mtena]

رد: انطلاق حملة اخسري ١٠ كيلو دهن بدون رجعه و بدون تعب او رجيم ( من ١ مارس حتى ١ ماي

مرحباا
بعد انقطاع طويل طويل جدا رجعت
صج اني شوي خربطت بس الحمدلله وزني مازاد ورجعت استمر بالرجيم و نزلت كيلو
علما انه قبل لا ابدي الرجيم كان وزني 61 ويوم بديت معاكم ووزنت بيوم الوزن كنت 59 و الحين وزني 58
ومستمره باذن الله ما راح اوقف المشواار ابد حتى لو تباطيت وياكم

 

[BlackBird]

رد: انطلاق حملة اخسري ١٠ كيلو دهن بدون رجعه و بدون تعب او رجيم ( من ١ مارس حتى ١ ماي

إذا مو غلطانه اعتقد الوزن اليوم مو@.@؟؟

عموما ااااه وزني متنح ومتذبذب ما بين 70 و69

يلا الله كريم لأن طولي قريب من وزني 165 ومتنح@_@

على العموم يوميات كوبين ماء والفطور كعك وحليب

الغداء شوية لحم مفروم محموس مع فقع + عصير فريش

العصر رياضة المشي + ايربوتراك + معدة + ستريتشنج

العشاء مافكرت والله بشي معين بس بدخل الخضار فيه مسلوقة ان شاء الله

 

[عيون سارة]

رد: انطلاق حملة اخسري ١٠ كيلو دهن بدون رجعه و بدون تعب او رجيم ( من ١ مارس حتى ١ ماي

مس لزلز: حاولت ادز لج الوزن على الخاص مايستقبل

بس الفرق 3.7 كيلو ناقصه خلال اسبوعين

 

[لك الحمد ربي]

رد: انطلاق حملة اخسري ١٠ كيلو دهن بدون رجعه و بدون تعب او رجيم ( من ١ مارس حتى ١ ماي

عيون سارة ما شاااااء الله عليك الفرق مرررة حلووو

 

[نهايات الوله ~]

رد: انطلاق حملة اخسري ١٠ كيلو دهن بدون رجعه و بدون تعب او رجيم ( من ١ مارس حتى ١ ماي

الحين الوزن نكتبه هنا ولا نرسله بالخاص .......؟

 

[MISS_LIZLIZ]

رد: انطلاق حملة اخسري ١٠ كيلو دهن بدون رجعه و بدون تعب او رجيم ( من ١ مارس حتى ١ ماي

مساء الخيرات و الليرات و الاخبار الحلوة مع الميزان
هذا الرد تذكير ان اليوم هو يوم الميزان و مثل المرة الماضية كل وحدة تدخل تكتب وزنها حتى نشوف الفرق و نعرف تغيير اول شهر على انطلاق تجمعنا

ان شاء الله لي عودة لرد على جميع تعليقاتكم و أسئلتكم

 

[Lulu_Perla]

رد: انطلاق حملة اخسري ١٠ كيلو دهن بدون رجعه و بدون تعب او رجيم ( من ١ مارس حتى ١ ماي

هلا بنات شلونكم..؟

اليوم ريوقي توستة سمرا + عصير اناناس

ماتغديت و. العشا توه ساندويتش صاج شيش طاووق




*



بالنسبة للوزن
وزني المرة اللي فاتت ٨٥.٥

و اليوم ٨٤.٥

مو وايد نازلة للأسف
بس يالله ماعليه نازلة ولا زايدة

 

[نهايات الوله ~]

رد: انطلاق حملة اخسري ١٠ كيلو دهن بدون رجعه و بدون تعب او رجيم ( من ١ مارس حتى ١ ماي

انا استغربت شفت الكل دخل وماكتب قلت لايكون بالخاص
المهم للاسف الشديد مانقص وزني مثل ماهو .. ومثل ماحسيت
يمكن لان الدوره قربت مدري صراحه بس جد احباط :eh_s(11):

 

[عيون سارة]

رد: انطلاق حملة اخسري 10 كيلو دهن بدون رجعه و بدون تعب او رجيم ( من 1 مارس حتى 1 ماي

عيون سارة ما شاااااء الله عليك الفرق مرررة حلووو

لان حبيبتي انا بطه فالفرق بيكون واضح
انا اتوقعت اكثر

 

[لك الحمد ربي]

رد: انطلاق حملة اخسري ١٠ كيلو دهن بدون رجعه و بدون تعب او رجيم ( من ١ مارس حتى ١ ماي

اتاخرت في كتابة الوزن لاني زعلانه

وزنت امس كنت 49 اليوووم 50
وزنت الصبح والعصر والمغرب والعشاء 50
يعني ما اتغير وزني

 

[نهايات الوله ~]

رد: انطلاق حملة اخسري ١٠ كيلو دهن بدون رجعه و بدون تعب او رجيم ( من ١ مارس حتى ١ ماي

غريبه الكل وزنه ثابت ..... ماحد نقص !!
على بالي لوحدي ...

 

[@شمس الضحى@]

رد: انطلاق حملة اخسري ١٠ كيلو دهن بدون رجعه و بدون تعب او رجيم ( من ١ مارس حتى ١ ماي

السلام عليكم
انا وزني مثل ماهووووو ماتغيررر
بس للامانه انا م االتزمت كلششش وغصب عني يعني مافيني فايده

 

[algamar]

رد: انطلاق حملة اخسري ١٠ كيلو دهن بدون رجعه و بدون تعب او رجيم ( من ١ مارس حتى ١ ماي

السلام علييييييييييييكم

اعتذر خــآص لمس لزلز .. الحريصه علينـــآ . .
والله اني افكر وانننب حالي بس راح ارجع اقوى . .
الاسبوعين الي فاتوا كان الدوره + لخبطه عائليه خاصه فيني + اجازه اهل السعوديه خخخ
طلعت تقريبا 5 ايام .. بمخيم والجو جميل جدا والحمد لله ..


ان شاء الله راجعه اقوى
اعتذر برضوه لمنافستي اني اهملت ومااشتغلت صح ع نفسي مع ان كان هدفي 4 كيلو
بس بعد التخبيصات والاهمال الله يعييين ..

اسبوعييين الجايه راح اكون بطله وبشتغل ع نفسي صح ..


اممممم
قريت كل شئ .. ومره مس لزلز ماقصرت معنا صور تخلي الواحد يبكي ..
بس مااهم احسن منا .. مواضيع جميله جدا ..


بالنسبه لنقص . . انا بعد حملين وراء بعض نقص عندي الكالسيوم بس نقص خفيف
وعندي نقص فضيع في فيتامين دال اخر مره قسته كان 9

.. واكل فيتامينات بس للاسف مو مواظبه عليها

ننتظر نصائجك وبكره راح احط وزني ان شاء الله ناقصه كيلو بس : (

 

[MISS_LIZLIZ]

رد: انطلاق حملة اخسري ١٠ كيلو دهن بدون رجعه و بدون تعب او رجيم ( من ١ مارس حتى ١ ماي

بينك باربي

الرياضة من حركات صقل و جري سريع او نط ممنوعة و غير مناسبة على الاطلاق اثناء الدورة السبب لان الرحم يكون منخفض عن مستواه الطبيعي و كذلك انسجة الحوض فما تتحمل الضغط الرياضي و الاجهاد

لكن افضل شي للجسم و تكونين تسدين خدمة جميلة لنفسك ممارسة المشي في هذه الفترة لانه يساعد على تدفئة الجسم و تسريع الدورة الدموية و نشاطها و ضخ الاكسجين بمعدل كافي لجسمك بشكل صحي و سليم و الوقت المحدد للمشي ساعة و نصف مقطعة على فترات

زورا روسيا
جزاك الله خير حبيبتي ان شاء الله فعلاً تستفيدون و تطبقون يا رب
و لا تتركون الاجازة تسحب منكم شغلات حلوة تريحكم و تبسطكم

طلة برنسيسة

مشاء الله يومياتك حلوة غذائياً لكن نتمنى نسمع شلون رياضتك و كيف وضعها معاكي و ثبات الوزن شي طبيعي من جسمك
خذي جسمك بالراحة و لا تستعجلين عليه هالمرحلة كثير مهمة للجسم و طبيعية جداً و بالعكس مفيده له كثير لانه في هالفتره الثابته الجلد يشد نفسه حتى ما يترهل و جلس يثبت الوزن . . يعني لا تخافين من ثبات الوزن راح يرجع يتحرك و ينقص كمان


بريق الماس

الصراحة يعجبني اقرء انك نزلتي و لا اقرء انك ما نزلتي شي الحقيقة انا سعيده و فرحانك لك مقارنة بوضع غيرك

لك الحمد ربي + نهايات الوله

راح اشرح لكم ليش وزنكم ثابت لان الفترة اللي طافت كنا نستعمل تمارين صقل و نشد الجلد و العضل بسبب الكيلوهات اللي خسرناها فشي طبيعي ان الخسارة تكون ضئيله او شبه معدومه

عيون سارة
مشاء الله القراءة المبدئية حلوة عقبال ما نقرء لك بعد اسبوع قراءة ثانية احلى و اجمل سعيدة لـ هالرقم

 

[MISS_LIZLIZ]

رد: انطلاق حملة اخسري ١٠ كيلو دهن بدون رجعه و بدون تعب او رجيم ( من ١ مارس حتى ١ ماي

احتاج قراءة الميزان لبقية النواعم

 

[algamar]

رد: انطلاق حملة اخسري ١٠ كيلو دهن بدون رجعه و بدون تعب او رجيم ( من ١ مارس حتى ١ ماي

مس قائدتنا

زين لقيتك .. صندوقك ملييييييييييييييان ..
ماقدرت ارسلك : (

 

[نهايات الوله ~]

رد: انطلاق حملة اخسري ١٠ كيلو دهن بدون رجعه و بدون تعب او رجيم ( من ١ مارس حتى ١ ماي

هلاااااااااااا Miss lizliz
زين دخلتي كل شوي اشيك متى تدخلين حسيت باحباط
والله شكيت بالموضوع انه من تمارين الصقل
ان شاءالله انزل بعدها كثير مليت من الستينات ابي الخمسينات

والله ماتقصرين معانا .. تدعمينا بكل المعلومات المفيده
والصور اللي تزيد حماسنا اكثر واكثر
يعطيك العافيه