انطلقنا : مسابقة ( قد التحدي ؟ ) | احنا قدها و قدود =))

[بـ سـ كـ وتـ ة]

صباح الخير

هههه لازم نغير اسم المسابقة إلى "رشاقتك في أسبوع المرور" لول

 

[Miss.Raza]

الله يعينج ويسهل أمورج ان شالله

ماقصرتي :eh_s(7):

مو مشكلة يالغلا

اعتبري الاسبوع الثاني اجازة

وكملي من الثالث

معذورة :eh_s(7):

تسلمين يا الغاليه. راجعة معاكم وبقوة ان شاء الله

 

[Miss.Raza]

صباح الخير حاليا انا بالجامعة

محاضراتي طويله من ٨ لي ٥ دوام


ريوقي كان مالتيزر + ماي ٥٠٠ مل


الريوق ١٨٤ سعره
بعتمد السعرات الحراريه ٩٠٠ الى ٩٥٠ باليوم ان شاء الله


طبعا ان شاء الله اليوم نادي

 

[$كشوخه$]

هههههههه بنات حتى أنا زايرتني الحلووه مع إن موعدها الإسبوع الجآآي بس ألحين جايتني شسالفة

اليوم مو صاايمة لأأن الحلووة زايرتني

فا تريقت

2 توست ممسوحين بجبن وبيض
كوب جآي حلييب

 

[جنى q8]

قوه بناات

امس كتبت رد اشطورووله وطقيت الرد السريع
ورحت ورديت لقيته انمسح لان النت فصل
ييت بكتب رد ثاني جان ولدي يقعد ويبجي واااي. مأساه

الحمدلله رب العالمين

المهم ام حديجان اشكرج حبيبتي لانج قبلتيني معاكم

 

[جنى q8]

حطيت ردي بسرعه بدون تكمله خفت ينمسح

انا والده صارلي ٧ شهور
وكنت المده البي طافت مخففه
والحين بديت صج مع دكتوره ميري صارلي اسبوع
المفروض اليوم موعدي بس مافي وقت لان اليوم اول يوم دوام بخليها الاسبوع الياي ان شالله

 

[جنى q8]

وزني يالحبيبه ٧٠
وطولي١٥٧

وابي اصير ان شااااالله٦٠ واذا صار٥٧ يكون احسن بعد

اليوم نظامي

اول ماقعدت قلاص ماي

بعدين حليب خالي الدسم مع شابورتين
اهيا كاتبه لي قليل الدسم مع٣ شابورات

عاد انا غيرت شوي

سناك حبه فاكهه
الغدا همبرجرتين مشويتين وسلطه والمفروض شوربه خضار بس ماني مشتهيه اليوم شوربه
والسناك حبه فاكهه او ٥ تمرات او بسكوت ميري مع شاي وحليب
او كوب نفيش او فول سوداني

والعشا مشوي او توست اسمر وجبن

مع الاكثار من الماي والمشي نص ساعه
الحمدلله امس يبت جهازي المشي من بيت اهلي وببلش فيه ان شالله وبشتري بدله حراريه من النصر الرياضي

والله كريم ان شالله
بالتوفيق للجميع ياااارب

 

[Miss.Raza]

بقية يومي


6 انش سبويه ستيك مع جبنه لايت وخس وشويه زيتون وسلسة مع بيبسي دايت

500 ملي = لتر
بعد الجامعه بروح النادي ?

 

[الآنسه..]

نحاااسه

اليوم الدودو جايه يعني وزني ثاااابت لم تخلص..

عاد شيسمونه بجي معاكم يوم السبت لأني اخاف اسوي رجيم بوقت الدورة

مابخورها اكيييد

أشوفكم الجمعه او السبت ..

 

[بـ سـ كـ وتـ ة]

السلام عليكم ورحمة الله وبركاته

اليوم

ريوقي صمونة وحدة عجة وسلطة
كوب شاي وحليب
بطلين ماي × 300 مل

سناك تفاحة خضرة

الغدا مصقعة بدون خبز + سلطة

بعد الغدا شربت شاي أخضر وزنجبيل

ونسيت أقول أمس سويت رياضة ورقصت ونظفت البيت

واليوم ان شالله لما أرجع البيت بسوي رياضة بعد

بحاول أخفف عالعشا اليوم لأني صايرة أنغث من الأكل الدسم

 

[$كشوخه$]

تكملة يومي . .

تغديت

شوي عيش مع كـآري دجااج . . كليت أقل من ربع دجااجة وشوي سلطة . . وقلأآص عصير برتقال

ومااي 330 مل

 

[كويتيه=)]

اليوم شربت قلاص واحد ماي عالريج

الريوق = كابتشينو من غير شكر

السناك حبتين كاكاو من ماكنتوش

الغدا ربع ديايه بالفرن مع 4 قفشات عيش

وشربت 5 قلاصات ماي عطش اليوم مو طبيعي

 

[$كشوخه$]

تكملة يومي . .

سنآآك:
كووب جآآي أخضر
مااي 330 مل

 

[كويتيه=)]

بنات وزني قاعد يزيد حيل اليوم

مع ان مو الحين وقت الدوره يبي لها جم يوم

 

[$كشوخه$]

كويتية

حتى لو قربت يزيد وزنج يعني لا تحاتيين دامج ملتزمة

 

[$كشوخه$]

تكملة يوومي

400 مل ماااي
20 دقيقة تمارين

رديت لنشاطي واخييرا

 

[%F&R%]

مساء الخير حبايبي مشتاقتلكم بس الاسبوع الي طاف كنت خايرته شريه
اليوم قاعده متاخر غداي كان همبرجر ونص مع دايت
وعشاي شورمه مع سفن
والحين بروح انام لان باجر عندي دوام

 

[كويتيه=)]

مشيت نص ساعه

وشربت ٣ قلاصات ماي

والعشا كان تبوله

بس كشوخه يبي لها بعد اسبوع

احس جسمي صج يبي يعاندني

 

[جيسيكا زوهر]

الســــــــــــلأام عليكم


9/9 :

كــــــــآن أول يووووم دوااام

تريقت الساعه 6 :

كورن فليكس فيتنس + حليب منزوع الدسم
نص تفاااح أحمــــــــــــــر ,,,


دااااومت ,, و كان فيه انواع الاغراءات
حلويات و فطااير .. ووحمسسسات وووووووووو

لكـن الحمدلله ... رفضـــــــــــت أكل شـي

صرت اقول بكل قوه : لأ هههههههههههه


بس شــربت قهوه و شـــآي

ومــــــــــــــآي ...


الغدى : ماااكووو



العشـآ السـآعه 6 ونص :

نص خبز اسمر + جبن لايت
ونص تفــــــــــــآحه ,,



نسكافيـه + قفشة سكر بني


شـآي + دارسين + قفشة سكر بني


المـــآي 3 لــــــــــــــتر



وبسسسسسو / بنام الحين



بـــــــــــــآي

 

[Madrideya ~]

اليوم رديت الكويت الحمد الله ..
ما وزنت ولا بوزن الا بعد 3 او 4 ايام احسن لان هناك انهلكت مشي فعضلات جسمي مشدودة وراح يعطني وزن زايد غير عن وزني ( وزن العضلة ) .. وفعلاً انا احس الاام مو طبيعي بعضلات فخوذي بحكم الحركة والمشي ابوي الله يهديه حتى الجبال صعدني اياها

ماخربطت بالسفرر كلش ملتزمة الحمد الله وباجر واللي عقبه صايمة عشان اخلص ديني وافتك
وعقبها احتمال اشترك بنادي اروحله ثلاث ايام بالاسبوع ..

والله يوفق الجميع