بتغير عشان صحتي .. والله المستعان

[ضحكة بريئة]

بنات انا بشترك معاكم
بس راح ابدي باجر
اليوم ما خذه راحتي ما خليت شي بخاطري
خخخخخخخخخخخخخخ
طول اليوم شغاله

من باجر راح ابلش معاكم باليوميات وان شاء الله يكون معاها رياضة

 

[<miss botamba>]

يوميااتي:

الريوق:
كوبين حليب قليل الدسم مع كورن فليكس العادي (بوديج)

السناك:موزه

الغدا:دياي صدر واحد بالبقسماط مطبوخ بالفرن
وخياره


طبعا لان اليوم في زواره شوي خربطت
كليت 2 بيتزا صغار
1 معجنات مثل كره صغيره داخلها جبن
1 بسكوت مالح مع تغميسه طماط
نص صمون مطاحن الصغير محشي بطاط وزهره
1 حبه صغيره سويت
قطعه كيك كاكاو
جاي اخضر بالنعناع


ادري ابداااع :eh_s(1):

تو قبل شوي سويت رياضه وبكمل بعد شوي قبل لا انام
رياضتي كانت القاري لمده ربع ساعه وحرقت 130 سعره .. زين ولا لا ؟؟؟

وقبل لا انام بسوي معده 20 الى 50 مره بشوف شنو اقدر عليه

قياساتي بدايه الرجيم: (القياسات بالانش)

الرقبة: 14.5

طبعا انا خذيت قياس الرقبه لانه اول شي لمن امتن او اضعف اول شيين يفرقون علي البطن والرقبه
وثاني شي لان فيني غده فبشوف الفروقات

الزند اليمين: 14.5
الزند اليسار: 14

الصدر: 46

محيط تحت الصدر: 41

البطن: 44.5

الخصر: 42.5

الكرش ( المنطقة تحت السر مع المؤخرة): 48.5

المؤخرة: 46

الفخذ اليمين واليسار: 27

فوق الركبه اليمين: 20.5

فوق الركبة اليسار: 20

اعلى الساق اليمين واليسار : 17

اسفل الساق اليمين واليسار: 9

اعلى الذراع اليمين واليسار: 11

اسفل الذراع اليمين واليسار: 7


طبعا انا ماخليت شي ماقسته علشان اشوف الفرق عدل مدل :dddds:​

 

[ضحكة بريئة]

حلوة فكترج بالقياسات راح اجربها احيانا ما يفرق الوزن بس يبين بالشكل

 

[<miss botamba>]

بنااات كلكم مشكورين

ان شاء الله باجر ارد عليكم نفر نفر

علشان المنتدى نرفزني

باجر بحط لكم:

رجيم رفيجتي مال دكتور ربيع

رجيمي مال اسبوع واحد مال دكتور بدر نصرالله

ورجيمي مال دكتور مصطفى ساري دكتور عمرو دياب رحناله بمصر وبحط لكم عنوانه وتليفوناته

تصبحون على خير

ومشكوورين واااايد والله ارتفعت معنوياتي

 

[كرسبي كريم]

عفيه علي الشاطره
خليج مستمره لي النهايه ولا يغريج الاكل تري الاكل تقدرين تحصلينه تاكلينه علي طول بس الوزن اذا زاد ما ينقص علي طووول
لوووووووووووووووووووووووووووووول
هذه مقولتي الحين لاني بضعف ومليت من الشحم واللحم

 

[ضحكة بريئة]

تصبحون على خير
ومن باجر ان شاءالله نبدي بهمه ونشاط

 

[ضحكة بريئة]

صباح الخير
لأحلى كويتيات
شخباركم ؟
انا تريقت وريوقي 3 حبات تمر مع قهوه
وراح امشي على نظام د.محمد ربيع خذيته من المنتدى

 

[<miss botamba>]

معكرونه اسبكتي

مشكورة وان شاءالله انتي بعد تضعفين وتصيرين اضعف من الشعريه

ريماس

حياج الله هالموضوع نسويه تحدي لنا وانا بحط جم رجيم جربيهم


ضحكة بريئة

حياج الله وان شاء الله كلنا نضعف ونصير عصاقل


كرسبي كريم

نكج عذاااب
بس خلاص انا بخلي مقولتي اكل علشان اعيش مو اعيش علشان اكل

 

[<miss botamba>]

حطي لي رجيم ربيعه ماعليج امر
لان يوم الاحد مراجعتي عند طالب واذا ماعجبني الوضع شكلي بسوي مال ربيعه

تفضلي:


الاسبوع الاول:

الفطور:

توست مع جبن او لبنه
او
كورن فليكس



السناك:عصير


الغدا:

- 2شريحة ستيك
- سمك مشوي
- ربيان من 8 الى 10 قطع
- دجاج مشوي (صدر+فخذ)

تختارين شي واحد مع سلطة




السناك:

فاكهة او عصير


العشاء:

- 8 قطع فراولة + 8 قطع عنب
- 2 كيوي + 2 شرايح اناناس




الاسبوع الثاني:

الفطور:

5 تمرات

او

5 قفاش كورن فليكس مع حليب



السناك:عصير


الغدا:

ساندويش
(جبن او تونا او مورتديلا او بيرغر او بيض)

بس مايكون دسم وايد

مع سلطة


السناك:
حبة فاكهة او عصير


العشاء:

شوربة خضار

او حبة فاكهة

او عصير كيوي مع اناناس



نطروني مع رجيم عمرو دياب :d

 

[بعيون مغليك]

مس بوتمبا

يالله قبل يومين كان وزني 114و3 الحين قايسته 113 وخلاااااااااااااااص ماعاد في اقعد بدون رجيم ملااابسي ضاقت = (



انا ماشيه على تخفيف مني يعني كنت اكل كيك سنيكر من غلوريا يم يمي يم الحين تركته كنت اكل صاج تركتبته الغازيات احاول اتركمهم

مشي امس مشيت ربع ساعه بالضبط قبل لا انام


وانا شاء الله موااااااصله

 

[كرسبي كريم]

لوووووووووووووووووووووووووووووووووول
مس كل واحد وله مقوله بالحياة اخخخخخخ

 

[<miss botamba>]

يومياتي:

امس زياده لعبت شوي تمارين خفيفه يمكن اقل من ربع ساعه بس عالاقل تحركت

اليوم:

الريوق:
3 شرايح جبن سعودي
طماط وخيار

الغدا:

تغديت بسواح والحمدالله اول مره بحياتي ما اكل الخبز وكل شي كليته بروح حتى الحمص الله وكيلكم بالشوكه اكله

العشا:

مادري يمكن روب وخيار



الرياضه بمشي ان شاء الله بالمشى

قاري نص ساعه

بطن 50 - 70 مره بحاول ازيد

 

[<miss botamba>]

ريماس شوفي قطعي الكاكاو
بالكثير خليه مره بالاسبوع ويكون كتكات بوصبعين وبس

البيبسي الي 24 ساعه خبري فيه قبل 14 سنه يمكن لمن كنا يهال
الحين الويكند بس اشربه وعلبه وحده صغيره

وجربي رجيم ربيع الي حطيته ترا حلو منوع جربي مال الاسبوع الثاني



كرسبي كريم

مقولاااات مو بس وحده بس منو الي يطبق :dddds:

 

[<miss botamba>]

رجيم لاسبوع واحد
الدكتور: مصطفى ساري

هذا الله يسلمكم رحناله بمصر
واهوا الدكتور الي ضعف عمرو دياب وجنه الهام شاهين وغيرهم
وايد مشهور بمصر


المهم ..


الفطور:
اختيار نوع من الاتي:

1- 3 ملاعق فول مع ليمون + 1 ملعقه زيت + ربع خبزة + جاي مع حليب خالي الدسم
2- بيضة مسلوقه + ربع خبزة او شريحه توست + جاي مع حليب خالي الدسم
3- قطعة جبن قريش + ربع خبزة او شريحة توست + جاي مع حليب خالي الدسم


الغدا:
اختيار نوع من الاتي:

1- طبق سلطة + طبق خضار سوتية + ربع دياية + حبة فاكهة
(ماعدا: تين - تمر - عنب - موز - مانجا)
2- طبقة سلطة + 4 ملاعق فول + ربع خبزة + حبة فاكهة
(ماعدا: تين - تمر - عنب - موز - مانجا)
3- طبق سلطة + 2 سمك مشوي + 3 ملاعق عيش ابيض + حبة فاكهة
(ماعدا: تين - تمر - عنب - موز - مانجا)


العشا:
اختيار نوع من الاتي:

1- بيضة مسلوقة + قطعة جبن قريش + ربع خبزة او شريحة توست
2- 1 روب + بيضة مسلوقة + ربع خبزة او شريحة توست
3- 1 روب + قطعة جبن قريش + ربع خبزة او شريحة توست


التعليمات:


* الفطور اضافة 2 ملعقة حليب خالي الدسم
* اذا لم تحدد تعليمات تكون الكمية مفتوحة
* الماء ضروري في هذا النظام ما لا يقل عن 8 اكواب
* مسموح بتناول الجاي والقهوة بدون سكر والمشروبات الغازية الدايت
* مسموح استخدام بدائل السكر
*ممنوع الاكل بين الوجبات


عنوان الدكتور بمصر:

مصر الجديدة
43 شارع نخلة المطيعي
عمارة الخالدين - ميدان تريومف
ت: 2415979 - 6366656

:tek:

 

[كرسبي كريم]

يومياااااتي
الريوق كان مطعم البلد بس ما خربطت وووايد الحمدالله
الغدا شوربه عدس
العشا ربيان مشوي من شرمبي

مس بتمبا خوووووووووووووووووش رجيم وكله اكل بعد
وشكثير اضعف؟؟؟؟؟؟؟؟؟
احنا نابي من 5كيلو لي 10 كيلةو بالاسبوع _____ وحده تحلم لوووووووووووووووووووووول

 

[<miss botamba>]

^^^^^^^^^
^^^^^
^^
^


لااا قويه اناا طموحي 5 بالشهر والله راضيه :krkrkr:

باجي يومياتي:

شربت جاي اخضر بالنعناع وحطيت قفشه شكر ترا صارلي 3 ايام مو ذايقه الشكر يعني انجاز :tomato2:

وبس ماكو عشا مو مشتهيه شي


الرياضه للحين ماسويت ولا شي من الي كتبته بس ان شاء الله الحين بسوي معده و قاري اذا قدرت

وبشغل دي في دي كيم :weight_lift:




شرايكم فيني

 

[<miss botamba>]

صبااح الخير

شلونكم

وينكم ماكو حس :dddds:

اناا بروح اتريق الحين وبعد شوي بحط لكم صور ريوقي :eh_s(8):

 

[<miss botamba>]

DAY 4

ريوقي :​

حليب خالي الدسم

بيض مع بصل وخضرا (بقدونس - شبنت - كزبرة - بصل اخضر - ثوم - بصل ابيض)

جبن فرنسي

لبنه بالزعتر

طماط

خيار


وكليتهم بدون خبز :ggdw:​

 

[<miss botamba>]

يومياتي:

حاشتني انفلونزا وبلاعيمي شابه علي :0bee2e8d89:

وانتو بكرامة حاشني اسهال وصداع مو طبيعي وحااارج


للحين ماتغديت

وقبل شوي شربت جاااي

 

[كرسبي كريم]

سلامت ما تشووووووووووووووووفين شر
روحي الطبيب علي طول لا تسكين وخاصه البلاعيم كثيري من السؤال الدافيه والشوربات

اليوم ريوقي كورن فلكس
والغدا 2 توست مع جبن وخيار وخس وطماطم