بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[قيثارةالشوق]

مساء الخيرحلوووات

تعشيت معكرونه بصحن صغيرومعاه خياروليمون
وقطعتين كيك صغار وبعدها بشرب شااي اخضر

حبيبتي ميلو كأني عرفت قصدك هاذي تروح مع الاوربتراك انا فيني والحين شوي شوي تروح لان الاوبتراك يحرك هالمنطقه

 

[رواسي شامخة]

هههههههههههههههههههههههههههههه
ضحكتيني يااااغارقة ياااحلووج وياحلووو سوااالفج....غساااااالة مررة وحدة!!!!!!!

عالعموم الحركة بكل انواااعها برركة وحلو انج تحركت وسويتي لج كم تمريين..

مييلوو هذي باذن الله لما تضعفين راااح ترووح بس حااولي ماتلبسيين شي ضييق عشااان مااتنقز ...وتصير صعب ترووح ....

وباااقي البنااات عليييكم بالعااافية اللي اكلتوووه بس هاااا....عن التخبيييص...(؛
*

 

[رواسي شامخة]

انا على العصر حسييييت بجوووع فكليت ويتابكس مع شاااي حليب..
وعلى المغرب اكلت بيضتين معاهم قلاصعصير اناناس ..
وقبل شوي اكلت قطعتين رقي...
وبس ....

 

[meee]

سلام بنات صحيت الساعه ٢ ماشربت النقوعه

افطرت ع طول والفطور :

كوب ماء + ٧ تمرات + حليب قليل الدسم

وسويت دله قشر قهوه مع الزنيجيبل والقرفه والكمون

وشربت بعد نص ساعه من الفطور كوب قشر قهوه

وكان الغدا الساعه ٧ :

كوب ماء + ٧ تمرات + حليب قليل الدسم

وبعد نص ساعه شربت كوب قشر قهوه والساعه ٩ ونص

مشيت الى ١٠ يعني مشيت نص ساعه والسناك كان الساعه ١١

السناك : كوب ماء + حبة كيوي وبعد نص ساعه شربت كوب قشر قهوه

ايه بنات انا النقوعه شريت كل اغراض وخلطتهم الا ٣ اشياء لما اسالهم يقولون هذا اول مره اسمعه عنها

وهي ورق الملح وعرق الليه وعرق قرح يقولون يمكن لها اسماء ثاني الا تعرف ياليت تقولي انا ناقصه اللي عندي

 

[dnyay_mll]

هاي بنات
اليوم قعدت عالساعه 6 تغديت شوربه
وعالساعه 9 شربت حليب كاكاو قليل دسم وقطعتين كوكيز لايت ببذر الكتان اول مره اجربها وكانت حلوه
والحين قاعده اشرب شاي ابيض
ماسويت رياضه اليوم لاني قاعده اسوي قبوط حق رمضان
بتمرن بعد شوي عالقاري نص ساعه

ونشوفكم مع العشا الفجر

 

[dnyay_mll]

بنات عطوني افكار حق وجبات خفيفه اذا يعنا بالليل غير السلطه والشوربه
بلييز مليت من الشوربه مرات ادخل المطبخ ابي اتعشى ما اعرف شنو اكل
بس لاتقولون لي فواكه لاني ماحبها وايد اغصب روحي عليها

 

[meee]

بنات بقولكم شي


طبعا تعرفون اختكم غارقة ما تحب الريااااااضة


واليوم قاعدة اسوي تمارين جدام التلفزيون ( انجاز ) ههههههه


وعقب ماخلص المسلسل طق ببالي اسمع اغنية لعبدالحليم
جان ابطل اليوتيوب واتسمع بهالاغاني ولا وانا اسمع جان اترقص خخخخخخخ

قلت خوش فكرة منها رياضة ومنها وناسة

ولو اني مااعرف ارقص كلش جني غساله علي قوله امي
ههههههههههههههههههههههههههههههههههههه

غارقه الرياضه مهم في كل ريجيم اذا ماتحبيها

خلاص كل يوم ارقصي خليه اساسي عندك عاد الامهات تحطييم:eh_s(16):

 

[algamar]

غارقه هههههههههههههههههههههههههههه
انا وانتي نفسسسس المووود
تخيلي امس من بعد صلاة الفجر لييين الساعه 6 وانا
افتح مقاطع وارقص خخخخخخخخخخخخخخخخخ

كنت قبل ارقص بس بعد الحمل احس اني هبله من جد
قلت مو مشكله برقص وناسه وتدوير مقاطع وافتح وارقص وشئ يحمسني وشي
يقلب كبدي خخخخخخخخخخخخ
بس الغساله تشبيه حلو خخخخخخخخخخخخخخخخخ
اقرب لي خخخخخخخخخخخخخخ

ميلووو

ولكمووو رشيقتنا ..
عرفتها عرفتها عندي نفسها بالضبط خخخخخخخخخخخخخخ
الي حسيته نفع معها ..
تمرين كنت اسويه هم قالوا لي وقفي بعدين لفي جذعك يمين ثم يسار
50 مره صبح و 50 مساء << دواء ..
بس حسيت انفع اني اصير ع ركبي واسوي نفس الحركه

بس لي فتره مقاطعه التمرين ياربي موووودي شينن .. مالي خلق انحف ولا اسوي
شئ مشغلني موضوووع يارب ييسره لي ..


دنياي ملل ..
ماادري وجبات خفيفه ..
بس يمكن زبادي وسلطه زبادي .. ممكن تاخذينه بدل الحليب ..
مع اني احس الشوربات والايدامات احلى شئ ع العشاء . .
والسلطات والورقيات الخس و الملوخيه وو . .

ماادري
<< الي تنصحك امس واليوم عشائي كاكاو : ( : (

 

[dnyay_mll]

ههههه القمر عادي عادي ما يأثر ان شاءالله النفس وماتشتهي مانقدر نردها
لاني مكثره بالعشا اليوم ههههههههههههه
والله حالتنا صعبه استغفر الله مادري متى بنخلص

تعشيت ستيك مشوي مع سوتيه خضار وماش بوتيتو ونص كوب بربيكان
الماش بوتيتو سويته بحليب خالي الدسم وقطعة جبنه قليلة الدسم
وسوتيه الخضار ضفت له ثلث زبده للنكهه

بس كثرت شوي بالعشا حسيت بطني منفوخه
الحين قاعده اشرب شاي ابيض وحطيت معاه شاي اخضر
وقبل النوم ان شاءالله بشرب ماي الزعتر بالمرقدوش

وبحاول العب عالقاري لاني كلش ماسويت رياضه اليوم
وبلعب معده 100 مره
ونشوفكم باجر على خير

 

[سوسن مالك]

هلا وغلا باحلى رشيقات....اليوم فطوري غير عن كل يوم من زمان ماكلت خبز زعتر قلت يالله بس اليوم مع خياروعصير اناناس والغدا جاتني حالة شراهة بديت بالسلطة وشوربة خضار من كنور طعمها مو حلو :0bee2e8d89: الله يديم النعمة قطيتها وكلت 2بيض مسلوق وبسكويت وبفك احس صايرة مفجوعة وختمته بشاي اخضر بالزنجبيل والدارسين والله يستر وبمشي نص ساعة العصر وماراح اتعشى عقابا لي وردعا لامثالي :krkrkr::eh_s(2):

 

[قيثارةالشوق]

هههههههههههههههههههههههههه حلوووووه سوسن ردعاا لأمثالي ههههه فديت دمك عسل والله
شخباركم بنات اليوم جلست الظهر عالغدا ع طول مجبوس ربيان اكلت بسرعه شبعت لأني اشرب ببسي دايت وجحه عندكم بالكويت رقي
يعني كثرت الرقي هذا اللي شبعني وبعدها الحين بشرب شاي اخضر وبلعب عالاوبتراك 10دقايق اذا قدرت بخليها ربع ساعه وبسوي تمرين الزنود والخصر


والله احبكم ^_^

 

[lammia]

مساء الخير اسفه امس كنت حدي مشغوله الله يعين بس الحمد الله امس واليوم ما خبصت وسويت رياضه صرت اشرب وايد ماي واحاول اركز على تمارين الخصر والي عندها تمارين للخصر والدهون اللي في الظهر تقولي مره مسببين لي ازمه وبالذات دهون الظهر ترفع ضغطي سويت مساج وتمارين ما استفدت منها حاجه

 

[lammia]

جميلاتي وش رايكم كل وحده تقول رياضه نحفتها ولا استفادة منها بتقسم الجسم ؟؟؟

انا ببداء..... اسوي رياضه بجد احسها تفيد واايد لعضلة الفخذ وبعد للمؤاخره( ما تكبرهم. ) تنسق بشكلهم تشدهم وهي انك توقفين جنب كرسي يكون حده عند خصرك وتفردين ظهرك ...ورجولك جنب بعض وبعدين ترفعين رجلك شوي شوي وتنزلين كل رجل خمسين ان شاء الله فهمتو علي​

 

[dnyay_mll]

اهلين بنات
قعدت عالساعه 6 وتغديت شريحتين توست حشيتهم جبنة برايد قليلة دسم ولانشون وكوب شاي حليب خالي الدسم وشابوره لايت

سوسن تعشي حبيبتي بس فواكه او روب لا تطولين بدون اكل لان الجسم مايحرق بهالطريقه

 

[Melo]

السلاااام عليكم

شلنكم بنات شخباركم
اليوم طلعت بسرعه بسرعه و ما تريقت فكليت بالكلية صمونة جبن فيتا و شربت عصير برتقال
وتوه غداي كان دجاج مفيوح ببهارات و فلفل و سلطة
و العشا قاعده افكر اسويلي سبغيتي شوي مشتهيه بالصلصه بالحمرا يمي يمي

هههههه غارقة الحال من بعضة خيتووو

قيثارة من وينلي هالجهاز هني
انا رياضه ما اسوي هالمرة اشتري جهاز و العب عليه

رواسي
الله اسلمج انا شاللي خلاني اسمن غير ملابسي الوسيعه
ما البس الضيق لا احبه ما ارتاح
فاسمن و لا احس بعمري يحليلي

دنياي ملل
ابيييي قبوووووووط خاطري فيه والله
عليكم بالعافيه يالغالية
شوفي الله اسلمج انا اقولج اخري غداج و عشاج و لا تثقلين بالغدا عشان تتفنين بالعشا
و اكلي مكسرات تراها تغغغغغثثث هي و التفاااح

القمر بجرب اسويها و ان شاء الله تنفع لان شكلها حدددددده غلط
الجسم كله متناسق الا هالمنطقة استغفر الله لووووعة

بنات بسم الله عليكم تبارك الرحمن كلكمم تسوون رياضه الا انا
ما يمديني ولله و صايره اتعب بسرعه خصوصا مع الامتحانات و الدوام من تسع الصبح لين الست
اوصل البيت اكل اراج جم كلمة و اناااااام
عنبو اني بعوض الرياضه صايره اصعد وو انزل بالدري
تتوقعون يكفي و لا لازم رياضه نوع ثاني

بنات بغيت اسالكم
الكورسيه اساعد على لم الجسم ولا لا
يعني اذا دايم لبسته جسمي يلتم ولا لا
معقدتني المنطقة تحت الخواصر
يعني الخصر منحوت بعدين جذي تطلع هالمطبات استغفر الله

 

[dnyay_mll]

اهلين ميلو
ولوو حبيبتي حاضرين اسويلج قبوط واييبه لي عندج برسم الخدمه بس نزلي هالجم كيلوو
انا كنت البس كورسيه تقريبا اسبوعين حسيت بفرق بسيط كنت البس حزام قطن وفوقه حزام حراري

اليوم قست وزني الوزن ثابت باط جبدي بحاول اوخر عن هالميزان جم يوم
لعبت عالقاري نص ساعه

ونشوفكم اخر الليل مع االعشا

 

[meee]

سلام بنات انا يومي زي امس

الا السناك كنت باكله بالليل بس خبصت فيه

واكلت بدال السناك خبز بالفول والعسل

ادررري المفروض مااخربط بس اخر مره ان شاء الله

بشرب كوب قشر قهوه وبمشي ساعه بعد اللي اكلته بساعه

 

[قيثارةالشوق]

هااااااااي صبايا
انا اليوم سويت توديع للممنوعات لأني ان شاءلله بكرا ببتدي برجيم دشتي دخل مخيخي يااارب ينحفني وبحاول قد ماقدر التزم وربي يساااعدني عجبني على قد مافي ممنوعات بس عند الوجبه اكل لحد الشبع هالرجيم مايجوع ويضعف بنات اذا في احد جربه يعطيني تجربته

 

[meee]

بنات لقيت حل للتخبيص اللي دايم يصير معنا

وهو اننا نسوي عقاب للتخبص والعقاب تكون وحده مسوؤله عنه

وشرايكم بالفكرة بس ماتبدون فيني من بكره علشان يتجهزون

 

[dnyay_mll]

قيثاره حلو رجيم دشتي انا دايما اسويه بس الحين مو قادره عليه كلش
توكلي على الله وبتشوفين اللي يسرج ان شاءالله

مي يلا احنا معاج افضل شي نعاقب نفسنا عشان مانخبص بعد
انا ببداية رجيمي اذا خبصت ما اتعشى مستحيل او العب معده 200 مره
جذي ما احس بالذنب

تعشيت عالساعه 1
سبانخ
الحمدلله عالنعمه ان شاءالله ما ايوع بعد