بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[سوسن مالك]

هلا و غلا باحلى الرشيقات .....سبحان الله بداية يومي تكون ما يحتاج التزام بالتخفيف وما شاء الله وبعدين اخوره شويةبالاكل بس ان شاء الله ما يجي الميزان الجديد الا وانا واصلة السبعينات و حبايبي الرشيقات معاي وبصحة وعافية,,,,,,:eh_s(9)::eh_s(9)::eh_s(9):

 

[غارقة بأحزانها]

لا لا لا لا لا لا لا
ايييييش هذا الكسل يابنات

وينكم من امس مافي وحدة دخلت

 

[كويتيه cool]

العشا كان خس وروب وبيبسي دايت وما كملته

الريوق اليوم كابتيشنو وتوسته معاها لبنه قليله الدسم

 

[غارقة بأحزانها]

شالساااالفة بناااات وينكم

من الصبح محد دخل الموضوع

اليوم عرس صديقتنا منجزة يالله توفقها ياااارب

 

[algamar]

المرحله هذي بطلتنـــــــــــــآ قيثــآره الف الف مبررررررررررروك

واكثر وحده مخبصه انا

للاسف انا دبة الاسبوع ... هاوشووووني ..
وقسم هبله .. صح اني لي يومييين شديت ع نفسي بشغلة الرياضه والصنفرة القهوه
بس الاكل لسسسسسسسسه ماني قادره : (

 

[قيثارةالشوق]

الغدا اليوم صدر دجاجه مشويه وسفن دايت وخياره
والعشا نقانق وسفن دايت وشوي باقي من الدجاجه
وبعدها اشتهيت شي حالي اكلت ملعقه فول سوداني وبعده شاي اخضر

الله يبارك فيك القمرا الفال لك بالميزان تكونين بطلتنا
واااي أحس اني سويت انجاز يارب ثبتني ويثبتكم

 

[قيثارةالشوق]

مبرووووك منجزه الزوااج والله يتمم لك على خير
وكلووووووووووووووووووووووووووووووووووش^_^

 

[غارقة بأحزانها]

الف مبرووووك ياقيثارة. البطله
انا بعد مشتهية شي حالي
علي الدورة وابي كاكاااااوووو

 

[قيثارةالشوق]

الله يبارك فيك قلبي
وأنا الدوره الله يعزكم يمكن بكرا الله يستر مازيد

 

[غارقة بأحزانها]

بنات خلونا ندردش مع بعض
دام ان احنا صرنا خوات في الريجيم
منو فيكم متزوجة عندكم عيال ولا لا
تدرسون ولا وظيفة ولا ربات منزل
شنهي هواياتكم
كم عمركم
اي شي تحبون تظيفونه

 

[قيثارةالشوق]

بنات خلونا ندردش مع بعض
دام ان احنا صرنا خوات في الريجيم
منو فيكم متزوجة عندكم عيال ولا لا
تدرسون ولا وظيفة ولا ربات منزل
شنهي هواياتكم
كم عمركم
اي شي تحبون تظيفونه

أنا متزوجه ومابعد الله يرزقني بعيال الله كريم:yaaaaaarb:
عمري 25
هواياتي النت أموووت فيه ماقدر أستغنى عن:eh_s(22):
ربة بيت

 

[غارقة بأحزانها]

الله يرزقج ياقيثارة

انا بعد متزوجة وعندي اطفال ٢
ولد ٥ سنوات
بنت ٣ سنوات ونص
مجننييييني

عمري ٢٦

اشتغل معلمة رياض اطفال

هواياتي الرسم ( خربوطة )
احب اغني 
النت طبعا كلنا نمووووت فيه
احب افلام الكرتون وبرامج الاطفال
وكنت اتمنى اصير ممثله مسرح طفل
بس طبعا مااااقدر
بس قاعدة اعوض بمسرح المدرسه

 

[كشكش]

انا معاكم بإذن الله

انتظروا يومياتي ..

تحياتي لكم جميعا ..

 

[قيثارةالشوق]

الله يرزقج ياقيثارة

انا بعد متزوجة وعندي اطفال ٢
ولد ٥ سنوات
بنت ٣ سنوات ونص
مجننييييني

عمري ٢٦

اشتغل معلمة رياض اطفال

هواياتي الرسم ( خربوطة )
احب اغني 
النت طبعا كلنا نمووووت فيه
احب افلام الكرتون وبرامج الاطفال
وكنت اتمنى اصير ممثله مسرح طفل
بس طبعا مااااقدر
بس قاعدة اعوض بمسرح المدرسه

الله يهدي عيالك ويخليهم لك ذخر ع فكره حتى احب اغني بس الكل يقول صوتك حلوخخخخ:ggdw::eh_s(22):




هواياتك جلوه وبريئه ياقلبي:eh_s(17)::eh_s(15)::eh_s(15)::eh_s(15):

 

[algamar]

كلنا متزووووجات وه وه

يس انا متزوجه
عمري 24
اصغركم واسمنكم حاليا خخخخخخخخخخخخ

الترم الماضي تخرجت . .
بعد حمليين وولدتين في الدراستي الجامعييييه خخخخخخخخ


عندي ولدييين ع بعض .. واحد تقريبا سنتين ونص والثاني 8 شهور ..
يعني عبارة توأم خخخخخخخخخخ
لاهيه فيهم طبعا

بما اننا متزوجات واعمارنا صغيره .. متحسون الزواج .. خرب اهداف حياتكم ..
بالنسبة لي .. كان اهدافي كثييرره وممشاريعي البزنسس كثيرره
اما الحين يدوب بيت زوج عيال .. ماادري حتى اهتمام بالنفس صاير صعب

يازين ايام العزوبيه احس اني كنت فاضيه من قلب ..
النوم مشقلب واي شئ افكر فيه انجزه

انا هواياتي
كانت التصميم والجرافيكس بشكل عام
كنت اقعد 14 ساعه اصمم .. فلاشات بطاقات ودروس وهكا ... الحين ماافكر افتحه . .
التصميم فاقده لياقتي فيه ماافتحه الا لكم ولا لما اضبط صور لعيالي ..

اممم كان مشروعي الصغير افتح لي موقع لتصميم المواقع طاااار بعد الحلويين
ماني فاضيه ومودي مو مره . .
وماعاد عندي القوه والعزم .. حتى ابووي يقول على كثر ماكنت ماامل عليك بس الحين ماعاد منك فايده ..

طبعا الرجال ينظرون بمنظورهم مايحسون بمسوؤليات الاطفال .. !!

افكر ادور لي وظييفه مكتبيه يمكن ارجع انسانه طبيعيه
احيان اقول لسه فيني لخبطه هرمونات الحمل . .

الله ييسر لنا اممووورنا بس
وينحفنــآ ,, من غير شر ويفرحنا يارب

بجد بجد خوات في الدايت . .
اممممم غارقه .. ماشاء الله شكلك متزوجه صغيره ..
امس كان ذكرى زواجك ان شاء الله تحتفلين كل سنه . .

قيثاره بجد والله تستاهلين تفرحيييين
انجازك كبير افرحي بنفسك وكملي ..

عقبالي المرحله الجايه خخخخ

ياناس دنياي مختفيه عسى المانع خيييييييير .!!!

 

[غارقة بأحزانها]

ماشا الله يا قمر القمر هوايتك حلوة

وماشاء الله ولدك صغير ٨ شهور
لا حبيبتي عيل نزول وزنك انجاز يابطله
الجسم مايرد لطبيعته الا بعد ٦ شهور من الولادة
استمري بس وماعليك ياحلوة

ويوم زواجي ماكان امس
كان الاسبوع اللي فات ١-٦
وانا تزوجت ٢٠٠٦
وكان عمري ٢٠ سنة

وصح كلامج الزواج خذا من عمرنا كثييير
انا ماكان عندي اهداف او مشاريع
بس افتقد لوقت لي اعيش فيه لحظات هدوووووء

وبالنسبه لي انصدمت بالزواج
عشان جذي نكي غارقة باحزانها

شفتي يوم كنت اخطط احتفل بيوم زواجنا
كل مشاريعي باءت بالفشل
وتميت ٣ ايام حزينة وابكي
والسبه سي السيد اللي مو هامته المناسبه اصلا

الله كريييم

 

[غارقة بأحزانها]

قيثاارة ياحلوة

الله يسعدج ويرزقج الطفل اللي تتمنينه

بس ماقلتيلي يقولون لك صوتك حلو ولا موو حلو ؟؟

عشان انا صوتي حلو ( ثقة ) خلينا نسوي دويتو

اغنية للريجيم احتفالا بدخول عالم السبعينات لووووول

 

[algamar]

بديت مرحله التخفيف والرياضه ..
من ست شهور تقريبا وخالتي تقول لي وقفي الجسم
من نفسه بيرجع يتقلص بعد 6 شهور بس

مااحس بالعكس الفتره هذي صايره اشوف ترهل + سلوليت بكل مكان ..
حاببببببببه مره اغير شكل جسمي ،، السمنه كبرتنــآ ~

وذكرى زواجك كنت احسبها في نفس يوم زواج منجزه . .
وسي السيد يمكن كان يحتاج مقدمات قبل الحفله مااستوعب خخخخ
الله ييعيينا عليهم ع كثر مانبي نفرحهم ونفرح معهم الا انهم يخربون كل شئ

<< مجلس حريم خخخخخخخخخخخخخ

تفائلي بالخير ياحلوه . . واسمك ان شاء الله ماتاخذين منه شئ ..

احس كل البنات تنصدم بالزواج .. خصوصا انتي مثلي . . عمر صغير ..
حملتي بااول سنه فصدمت السنه الاولى من الزواج وماامداك تتاقلمين الا الوحام جاي . .
الله يعيييين . .
الزواج الحمد لله نعمه بس لبنات دلوعات مثلنــآ .. كانت حياتهم مثاليه وفاضيه قبل الزواج
يعتبر صدمه ..


الله يعييين ويارب توصليين لوزن حلوو قبل الحمل ..


واااااااو
المتقلصات بيسون ديتو ..
خخخخخخخ
المونتاج علي .. اما الصوووووووووووت يخرع لووووول ..

 

[كويتيه cool]

بنات اشدعوا محد معطيني وي :bbbiu: ولا حاطين اسمي حتى بالجدول

وكل ما احط يومياتي محد يشجعني ويكلف نفسه بالرد :eh_s(2):

يعني اغير اروح تجمع ثاني :eh_s(2):

منو فيكم متزوجة عندكم عيال ولا لا

متزوجه وعندي بنتين وحده عمرها 3 سنين والثانيه سنه ونص

تدرسون ولا وظيفة ولا ربات منزل

معلمة بمرحلة الثانوي

شنهي هواياتكم

التصفح بالانترنت واتباع عالم الموضه واهي اللي خلتني افكر بالريجيم

كم عمركم

25 سنه

 

[سوسن مالك]

هلا وغلا باحلى رشيقات ,,,,,,الف مبروك اختي قيثارة تستاهلين لانج اكثر وحدة فينا ملتزمة ما شاء الله عليج,,,,شكلي طلعت انا العجوز فيكم لان عمري 38 متزوجة وعندي ماشاء الله خمسة عيال اكبرهم عمره 15 سنة واخر العنقود عمره سنتين وثلاث شهور ومعلمة واموت بمنتدى كويتيات واحس انه ما شاء الله كامل متكامل والكامل الله واحب القراءة والرسم وسلامتكم,,,,:eh_s(8)::eh_s(8):