بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[قيثارةالشوق]

الله يبارك فيك ميلو الفال لك قريب
العشا
دجاج محموس مع زهره وفطر
سفن دايت

 

[سوسن مالك]

عاشوا اخواتي الرشيقات الله يوفقكم و لا يضيع لكم تعب امين :yaaaaaarb:,,,,,اليوم كل شي تمام تخفيف والتزام و مشي بس بكرة عندي عشا مع اخواتي والله يستر من التخبيص :botetoo:,,,,:eh_s(8)::eh_s(8)::eh_s(8):

 

[فدوتك عمري]

اخباركم ياعسولات ان شاء الله تمام والفطور ربع خبزه مع جبن الغداء بطيخ العشاء شوربة خضا ر العصر قهوه وتمر واكلت تفاح اخضر ومشيت 2 ساعه

 

[غارقة بأحزانها]

ميلو عاد عندج ببريطانيا بالصيدليا حبوب تنحيف عجيبة
في منهم حرق دهون وفي منهم سد شهية وحلوين ومالهم اعراض جانبية
اسمهم capciplex
جربيهم يمكن ينفعونج انا ماجربتهم بس عمتي تمدحهم حيييل

 

[dnyay_mll]

صباحكم ورد
اشتقتلكم حييييل والله احس اني تعودت على التجمع
سامحوني انا خبصت فتره واستاذنت منكم هههههه فما كنت ادخل التجمع عشان لا اكتب وجباتي اللي تخرع ههههه
بعدها دخلت المستشفى ونمت 3 ايام وامس طلعت
وزني حاليا 82 ونص زايده بس الحمدلله على كل حال مازدت من التخبيص زدت من غسيل الدم والجلوبين اللي اخذه بالدم
من باجر رجييييم وقوي ان شاءالله يارب تقدرني
اللي قاهرني ان الدكتور زاد جرعة الكورتيزون ووزني نزوله راح يسير اصعب من قبل
تكفون بنات ادعولي مابي ارد امتن واوصل التسعينات

ومبرووك نزولكم ويارب بهالمرحله تنزلون اكثر واكثر
واشوفكم باجر مع الدايت

 

[مهندسه "]

صباح الخير

قعدت الساعه ٧ ما كليت للحين
راح اتريق ؛
٢ توست اسمر هوم ستايل + جبن لايت
و جاي

عندي امتحاان باجر

 

[كويتيه cool]

يا حلووو سوالفكم والله

بس دنياي عسى ما شر ليش يعطونج دم وكيرتيزون.؟

وانا بعد خبصت تخبيصه السناك الثاني بين الغدا والعشا هم كليت حبتين كاكاو

قبل العشا بشوي كليت حبتين بيتي فور مع 3 مرات قهوة عربيه

العشا آآآآآآآآآآآآه كليت حبه كنتاكي فلفل من غير جلد مع قبوط لووووووول بس شويه ما كثرت

عقب العشا كليت كاكاوتين اصابع مع فراوله بالكاكاو

وما مشيت امس بالممشى كلش بس حطيت اغنيه رياضيه ورقصت عليها لووول

يعني صج صج تخبيص بس الحمدالله وزني ثابت

والريوق قلاصين ماي مع كورن فلكس مع حليب قليل الدسم

ولازم امسك نفسي عشان ما آآكل السناك لين العشا كافي التخبيص اللي صار امس واول امس

 

[مهندسه "]

شربت نسكافيه الساعه ١١

و الغدا ؛ شكله بيكون
نفس الريوق بس غير شوي

*

 

[كويتيه cool]

كليت عالسناك 3 حبات صغار دايجستيف لايت

والغدا بتكون شريحتين ستيك مشوحه

 

[غارقة بأحزانها]

حبيبتي دنياي ملل
ماتشوفين شر يالغالية
الله يشفيج يارب وياجرج يالحبيبة
صج صج فقدناج من غير شر

 

[غارقة بأحزانها]

انا توني اقعد وتريقت تفاحة
كانت لذيذة وودي اكل وحدة ثانية

طلع فيني فقر دم بس بعده بالبداية
شعري قاعد يطيح بشكل مرعب

والدكتورة تقول لا مافيج شي
امس ركزت بالتحليل حاطلي عند الهيموجلوبين حرف l يعني نازل
صج مو نازل وايد بس اسمه نازل ضاق خلقي عمره ماصار فيني فقر دم

المشكله ابي استمر بالدايت بس مااقدر اخذ فيتامينات لانه يوم خذيت ثبت وزني ولا رضى ينزل
عشان جذي قطيتهم
بس خايفة على شعري + السواد اللي تحت عيني زايد

 

[مهندسه "]

غارقه بأحزانها حبيبتي ما تشوفين شر
بس اهم شي صحتج حاولي تخففين من الدايت
اكلي بس بكميات قليله او روحي لدكتورة تقولج شتسوين


......
غداي ؛ سلطه ( فلفل اخضر ملون + طماط + خيار )
و ٣ شرايح توست اسمر
و جبنه خالي الدسم

 

[سوسن مالك]

هلا وغلا بالرشيقات .... سلامات اختي دنياي وما تشوفين شر يالغالية واجر وعافية ان شاء الله وما تشوفين شر اختي غارقة والله يوفقكم كلكم يا اخواتي الغاليات ويمن عليكم بالصحة والعافية آمين يارب العالمين :eh_s(8)::eh_s(8):​

 

[غارقة بأحزانها]

ماتقصرون خواتي حبيباتي
ان شاء الله مافي الا العافية

 

[كويتيه cool]

غارقة بأحزانها ما تشوفين شر حبيبتي وسألي دكتورتج عن هالموضوع اكيد عنده برنامج معين لهالحاله

.....

الغدا كان شريحتين ستيك مشوحه مع سلطة

السناك ربع كيكه وكاكاوتين صغار

 

[قيثارةالشوق]

هااااااااااااااي
ماتشوفين شر دنياي الله يعطيك العافيه ياقلبي
غارقه صحيح حاوليرتاكلين اشياء صحيه تقوي الدم وتزيل السواد اذا انتبهتي لنفسك اهم شي صحتك
الغدا سفن دايت ولحم مفروم مع باذنجان مخلوط بجبن

 

[كويتيه cool]

بنات صج اللعب بالاجهزة مو زينه حق الاركب!!!؟

بشتري جهاز الغزال الطائر يقول لي ريلي مو زين حق الركب يسوي خشونه

وللحين ما سألت دكتوري

 

[مهندسه "]

كليت سنيكرز

ماقدرت كنت مصدعه وعندي امتحان

 

[مهندسه "]

عشاي
٣ توست اسمر مع لبنه وطماط
وعصير ندى برتقال

 

[dnyay_mll]

شر ماييكم بنات الحمدلله على كل حال

اليوم قعدت عالساعه 4 شربت حليب كاكاو
وقبل شوي كليت سلطه وتونه وموزه وعصير جريب فروت