بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[Hyoonaaa]

يابنات قطيعه استغفرالله احس وزني ماقام ينزل مع اني مااخبص حيل اذا خبصت اكون يااكلتلي ككاوتين صغار او قفشه عيش وصارلي ثلاث ايام وليلحين احس جسمي ماتحرك بنات سمعتوا بالخلطه الي تكون عباره عن شريحتين ليمون وغرفه وزنجبيل وكمون الي جربتها تقولي والله يوفقكم كلكم

 

[رواسي شامخة]

السلاااااام علييييكم.،،،
كيييفكن.....ان شاااء الله بخييييير...(؛

المهم اليوم قمت على اني صاايمة بس يوم جاات الساعة ثلاث خلاااااااص ماعاد فييني حييل وفيني خموول ودوووخة قوووية بعدين افرت على كم ملعقة مكرونيا وتمرة وعقبهم كليت لي صحن فوول بالشطة مع زيتون اخضر مع خبز خباز ....اييييه وبعد كليت واحد روب اكتيفيا بقرااولة ..

بددددعت صح...(؛. هع

 

[فدوتك عمري]

اخباركم ياعسولات باركولي نزلت كيلو صار وزني 84 الحمد لله انجاز بشهرين 10 كيلو ياربي لك الحمد من 94 الي 84 اليوم فطوري توست وجبن لان علي الدوره اول مقدر امشي -----بس عندي سوال --- عادي امشي 2 ساعه ايام الدوره مافيه ضرر

 

[سوسن مالك]

عليكم بالعافية ان شاء الله .....ودي اسألكم حبوباتي كم يوم باقي على الميزان ؟ ....والله يستر ونكون نازلين مو زايدين يارب :yaaaaaarb::yaaaaaarb:

 

[غارقة بأحزانها]

انا خبصت عدل اليوم

صراحة نفسيتي تعبانة وصايرة نفسي خايسة

ومالي خلق شي وبسرعة اعصب وازعل واسوي من الحبه قبة

احس ودي اصرررررخ

واكتشفت شي ضيق خلقي حييييييل

شعري صار فيه فراغات من جدام

وتعباااان حيييل

عاد انا احب شعري حيييل ودايما اشوفه حلو مع ان مو كثيف ولا طويل

بس كان فيه حيويه ولمعة

صارله فترة يطيح وانا مطنشه على ابو ابي انزل وزني

 

[dnyay_mll]

خذيت لي سناك ميني كوكيز ببذر الكتان فيها 40 كالوري مع موزه وشاي ابيض مع ميراميه

الساعه 11 تعشيت خبزه سمره خفيفه بجبن برايد قليل دسم ورومي لايت مع كوب عصير برتقال

بعدها شربت يانسون بالبابونج

والحين قاعده اشرب خلطة اعشاب مهضمه مع شاي اخضر

وبعد الصلاة ان شاءالله بشرب عصير قريب فروت وانام
وهذا يومي

 

[dnyay_mll]

هيونه قطعي الكاكاو بس يومين وراح يتحرك وزنج ان شاءالله وزيدي بالرياضه والخلطه انا جربتها وايد حلوه وقيثاره وسوسن ورواسي اعتقد جربوها اهم يفيدونج اكثر

رواسي عليج بالعافيه حبيبتي شهيتيني عالفول والخبز بس ان شاءالله بيوم الفري اكل

فدوتك عمري ماشاءالله عليج حلو نزولج واصلي حبيبتي وان شاءالله تنزلين اكثر تقدرين تمشين وقت الدوره لان الجسم يحرق اكثر من الايام العاديه بس مو اكثر من ساعه

سوسن ماعندي فكره عن يوم الميزان ان شاءالله كلنا نكون واصلين السبعيين بيوم الميزان عندي احساس يقول اننا بنودع الثمانين ان شاءالله اهو الصج مو احساس ههههههه لاني شفت وزني اليوم مابقى الا غرااامات عالسبعين الحمدلله رب العالمين

غارقه اذا عالحاله النفسيه ترى من الدايت وتساقط الشعر انا نفس حالتج وربي شعري يطييح بشكل يخرررررع والله بس مجبووره اكمل دايت وبعدها اعالجه جربي شامبو وانبولات وفيتامينات اكرينال تحصلينه بالصيدليه الكلللل يمدحه للتساقط انا مفكره اجرب الانبولات لاني ماقدر استخدم الا شامبو الكيراتين

 

[Hyoonaaa]

بس بنات ديروا بالكم سمعت ان في فيتامينات تمتن مادرى بس مرا سمعت جذى بس مو كلهم ومشكوره دنياي ان شاءالله بقضي وقتي وبجرب الخلطه والحمدالله الككاو اليوم خلص الحمدالله وبنات شرايكم نخلي الميزان يوم السبت انا بقووس السبت الصبح لان اهو يوم الفريي فبقوس بالسبت ان شاءالله واكون نازله ادعوا اصير بالستين انا مثلكم بالسبعين بصير بالستين وانتوا بالثمانين وتبون السبعين ياربي نزلنا بصحه وعافيه

 

[Hyoonaaa]

ياحظي اليوم خبصت كليتيلي 9 تمرات ماقدرت اقاومه وكلتلي جم حبه بفك وحبه ككاوه صغيره حيل ياربي مايزيد وزني بسبتهم

 

[dnyay_mll]

هيوونه لاتخافين ماراح يزيد وزنج بهالسهوله
بس راح يكون نزولج صعب
استغلي الفرصه الحين وشربي شاي ابيض او شاي اخضر

 

[كويتيه cool]

كل ما ابي اصور انسى


امس واول امس ما مشيت لأني هلكانه من مراقبه الامتحانات

ما اقدر اقاوم الحلويات كلششش

المهم ريوقي كان قلاص ماي

وربع قلاص كابتيشنو


الريوق شريحه توست معاها لبنه قليله الدسم

الغدا سلطه خضرا وشويه صماغ


العشا سيخين تكه وشويه حمص


الميزان مره ٧٣ ومرة ٧٤ ما ادري منو اصدق!!!

 

[قيثارةالشوق]

صباح الخير صبايا
الفطور3 بيضات
مشكوره دنياي عالتشجيع عساك عالقوه
غارقه روحي لدكتوره وشوفي شنو ناقصك عشان يوقف التساقط وتعب عيونك
كويتيه كول ياكره الوزن اذا صار كذا مريت بها الموقف يكون متأرجح بين هالرقمين
فدوتك عمري مبروك النزووووووول

 

[كويتيه cool]

كليت حبتين دايجتسيف الحجم الصغير عالسناك

العشا بيكون ربع ديايه بالفرن

 

[سوسن مالك]

هلا وغلا بالرشيقات ...... اخيتي غارقة الله يكون بعونج بس لازم تستشيرين طبيبة متخصصة وان شاء الله تفيدج واخيتي هيونة صج جربي الخلطة اللي قبل الاكل وان شاء الله وزنج يتحرك اكثر ومشكورة اخيتي دنياي وما تقصرين وعساج تنزلين بصحة و عافية ان شاء الله ...:eh_s(8)::eh_s(8):

 

[مهندسه "]

السلام عليكم

اليوم قعدت قررت اغير من رجيمي شوي واخذ من رجيم دشتي

ريوقي ؛ ٢ بيضه مسلوقه + جااي بدوون سكر

الغدا ؛ قطعتين لحم + سلطه + رقي وبطيخ


شبعت الحمدلله

 

[مهندسه "]

قيثارة حبيبتي

رجيم دشتي وين القاه ؟
يعني ابي بالضببط

دورت بالنت لقيت عن المراحل و الاكل بس ما لقيت بالضبط !

انتي شلون تمشين عليه ؟

 

[قيثارةالشوق]

قيثارة حبيبتي

رجيم دشتي وين القاه ؟
يعني ابي بالضببط

دورت بالنت لقيت عن المراحل و الاكل بس ما لقيت بالضبط !

انتي شلون تمشين عليه ؟

هلابيك قلبي
رجيم دشتي أول تجربه لي
وبالنسبه للرجيم فهمته أكثر يوم دخلت تجمع شنوفه اللي يبي ينحف يدخل القروب اذا دخلتي القروب ويانا بتفهمينه صح
يعني مثلا
الفطور
بيض أو جبن كامل الدسم جميع الانواع
مرتديلا او نقانق او كبده وزيتون
الغدا
جميع انواع اللحوم الدجاج والسمك والتونه واللحم يعني تاكلين صدردجاج مشوي مقلي ع كيفك ويفضل مقلي ومعاه خياره وطماط وحده مسموح باليوم
وامممم
العشا نفس الغدا كلهع بروتين حتى لوحبيتي تطلعين المطعم طلبي لك من انواع البروتينات وانتبهي من البروستد تاكلين قبل ماتشيلين طبقة البقسماط لان ممنوع
يعني فوووواكه حلوويات كربوهيدرات نشويات كله ممنووووع
والمشروبات شاي اخضر واعشاب وزنجبيل وسفن دايت اوفيمتو لايت والببسي الدايت يحتوي ع كافيين يعني الافضل السفن دااايت
واذا القهوه بدون كافيين وتحلينها بسكردايت ياربي نسيت اسمائهم بحثي وتشوفينهم يعني مواي نوع سكر
وملعقتين فول سوداني مسموح باليوم بس انتبهي تزيدين نسبه الكاربز والالبان والزبادي والحليب ممنوووووع والباذنجان والكوسا والملوخيه وةالجرجير والفجل والخس والبقدونس والكزبره والقرنبيط مسموح بس بكميات معتدله اتمنى فهمتي علي وانصحك تدخلين القروب عشان تتعرفين عليه اكثر وتاخذين وجبات منهم يعني انا داخله تجمعين هذا والثاني مال شنوفه رجيم دشتي:eh_s(9):
بالتووووووووفيق ياقلبي:ggdw::eh_s(15):

 

[غارقة بأحزانها]

كتبت رد شطوله وانمسح

الله يعطيكم العافية بنات

يوم الميزان ١٧ - ٦


ومشكورين كلكم

الله يسلمكم انا دمي نازل شوي
المفروض تكون النسبه الطبيعية عالاقل ١٢.٣
وانا ١٢.١

وحتى امس لما رحت الصيدلية قالت لي هالنسبه ماتسبب
تساقط

بس خليتها تشوف شعري لان زوجي فيه ثعبة و انا وسوست ان ممكن انتقلت لي
يس الحمدلله مافيه شي

قالت تساقط

وخذيت نوعين فيتامين
مع التاكد ان مايزيد الوزن

وخذيت تونيك وشامبو وبلسم

وبالنسبه لماركة اكرينال ( ذيل الحصان ) سالت عنها قالت
ان اللي عطتني اياه افضل اسمه ريجان

والله كريم

 

[غارقة بأحزانها]

اليوم تريقت تفاحة
وبعدها رحت السوق تمشيت واتسوقت
من الساعة ١١ ونص
لي الساعة ٢
ورديت ميته من الجوع
كليت كورن فلكس ولبن
وحسيت اني ماشبعت
رحت سويتلي ساندويش خبزة خفيفة مع بيضة مقلية بالطماط

وبس

 

[Hyoonaaa]

انا قعدت وجده ونص تقريبا واكلت الساعه 2 تقريبا بيضه مفروض بيضين بس كانت منسده شهيتي فماكملت البيض وحبه مرتديلا وخياره وان شاءالله بعد ساعه ونص او ساعتين باكل كيوي او حبتين كيوي