بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[كويتيه cool]

ما اقدر اقاوم الحلويات بنات :/

وبالذات البيتي فور

لازم اكل 5 حبات عشان احسه باللذه :/

 

[فدوتك عمري]

اليوم فطوري قطعه خبه مع جبن كوب حليب -- الغداء شوي دجاج مع رز ههههههههههههه العصر مدري وش جاني رحت المطبخ وسويت كيكه شوكولاته اكلة قطعه مع قهوه -- العشاء سلطه اليوم ابي امشي ساعه

 

[غارقة بأحزانها]

مادري شفيني التزم طول اليوم وبالاخير
اخربها العشا
اووووووووووف

 

[dnyay_mll]

صباح الخير
اليوم ماتغديت بس اكلت شوية سالري وطلعت مع عيالي واكلت شوية باستا مع دايت كولا
ورجعت البيت شربت شاي اخضر
وبعدها شاي اعشاب

بنات انصحكم تاخذون حبوب سليم لاكس صارلي جم يوم اخذها تمشي البطن وتنشف الجسم بس مفعولها خفيف لكن نزل وزني معاها حييييل ياريتني ماخذتها من زمان

 

[Hyoonaaa]

انا بعد اليوم خربتها ياربي مع ان وربي نيتي مالي خلق بس انغصبت اكل وعاقبت نفسي مشي ساعه والدري 10 دقايق وطبخت لبنات خالاتي نايمين عندنا وشربت روب مع قفشه صغيره من بذر الكتان واستكانه شاي اخضر واما التخبيص تخبيص تخبيص وافكر امشي بعد ساعه معدتي مليانه
بنات حبايببي اختي عندها مناسبه ضروريه وتبي تفقد اربع او ثلاثه كيلو حتى لو تردهم عادي مو مشكله بس تبي ضروري تنزل بعدين تبلش رجيم جد الي عندها رجيمات زينه تفيدني

 

[غارقة بأحزانها]

هلا هيونه بالنسبه حق اختج
خليها تسوي ريجيم شوربه السلري وااااايد زين
باسبوع تنزل ٧ كيلو ويبين على شكل الجسم واااايد
حتى الحبوب اللي قالت عنهم دنياي ملل ممتازين
انا عندي منهم بس مادري ليش مااخذهم
ورخاص بعد يعني تقدرين تشترينهم باي وقت وموجودين بالصيدلية
وطبيعيين مامنهم مضرة

 

[غارقة بأحزانها]

زين بنات منو فيكم جربت حبوب هيمالايا للتخسيس
موجودين بالصيدلية يقولون تحرق الدهون بشكل سليم وما ياذي الجسم
+ انها تتحكم شوي بالشهية وتخليج تكرهين شي اسمه حلو

اليوم شفت المندوبين بمركز الصقر الصحي والصيدلانية مالت المستوصف
قالتلي مكوناته طبيعية جربيه ان مانفعج ماراح يضرج

اهو بالصيدلية باقل من ٣ دنانير
واهو يبيعه بالمستوصف بسعر التكلفة دينار و٦٥٠ فلس
قالي خلص الناس كلها شرته مريني المغرب اخذي منه
بس قلت بسوي سيرج واسالكم يمكن اقتنع

 

[Hyoonaaa]

ياريت اقدر افيدج للأشف ماعندي خبره لأي حبوب

 

[رواسي شامخة]

السلاااااام علييييكم ....
كيبفكن حبااايبي...
غروووقة حبيبتي انا ما انصحج باي شي غير الريجيم والريااضة لان هذي كلها لاااازم لها اضرار حتى لو بعدين...
وبعدين انتي نزلتي مااشاءالله تبارك الرحمن اكثر من ١٢ كيلو وما بقى شي وتوصلين لحلمج والكلااام هذا لج بعد دنيياي ملل والله يابنات اني خايفة عليكم فاحسن شي الطرق الطبيعية شووفوا بيقست لوزر ماياكلون حبووب ولا شي بس رياضة وداايت ويوصلون للوزن اللي يبونه باحسن حااال...
بالنسبة لي الريجيييم بااااح كله تخبيص بتخبيص ماادري شفيني يمكن احط حرة الخداامة بالاكل ماالت عليها....(؛
يلا انا اخليييكم حبااايبي...(؛

 

[Hyoonaaa]

اليوم احلى يوم مشيت سيده ريوقي بيضتين وحبه مرتديلا وخياره والغدا خضراء مشكله اكلت المثلج الي فييه فصوليا وجزر وشي بعد اعتقد بازلا والعشاء بعد شوي بأكله تونه بدون زيت وسلطه يمكن اكلهم 11 ونص او 12 وانام بعد الاذان مباشره

 

[Hyoonaaa]

ووانتوا يابنات شلونكم شسويتوا ..؟

 

[dnyay_mll]

شلونكم بنات
اليوم تغديت عالساعه 6 المغرب
4 ملاعق عيش ابيض مع روب وستيك مشوي وعصير قريب فروت
وعالساعه 10 اكلت موزه وحبة ميني كوكيز ببذر الكتان
ومادري شنو اتعشى

ماني مضيقه خلقكم بس جد ملييييت ودي اكل براحتي ماني قادره لما اقول خلاص بخبص ارد واهون واتعوذ من ابليس
جسمي كله عاجبني بس البطن مو عاجبتني كللللش
والرياضه مالي خلقها كللش
الله يعين

 

[Hyoonaaa]

الحمدالله تعشيت توونه وحطيت معاها فلفل وبصل وليمون بدون زيت طبعا وشويه سلطه ولبن بالنعناع بس يابنات شعري يطيح من طووله خرعني اليوم تتوقعون هذا طبيعي بالرجيم ترى لان اول تجربه

 

[Hyoonaaa]

شرايكم بالفيتامينات تسوي شي؟ تمتن ؟

 

[Hyoonaaa]

دنياي شدي حيلج وامحي الكرش والبطن من جسمج سوي ع الاقل بس تمرين واحد او اثنين ماياخذون عشر دقايق وامشي روحي حطي حرتج بالمجمعات رجيمي الي اتبعه قايل الدكتور الرياضه بس مشي اليوم خرفت وسويت مشي وتمارين ورقص والريوق ليلحين ماكليت ومالي نفس اكل شبعانه

 

[سوسن مالك]

الله يعطيكم العافية يا احلى الرشيقات .....بالنسبة للحبوب انا اايد كلام اختي رواسي ترى مهما قالوا لكم طبيعية لازم لها اثار جانبية فتنزلين بشكل بطيء بدون مشاكل احسن مليون مرة من النزول بالحبوب اللي مايندرى من ايش مسويينها والله يوفقكم :yaaaaaarb:

 

[Hyoonaaa]

تسلمين سوسن مالك ع النصيحه ...

 

[رواسي شامخة]

هيوونة حبيبتي عااادي هذا شي طبيعي تسااقط الشعر ..بس حااولي تدخلين المجموعات الغذائية كلها في ريجيمج ..،
بنااات الله يعطيييكم العااافية كللللكم حبيباااتي...

 

[Hyoonaaa]

تسلمين رواسي

 

[سأكون مُنجِزة]

مرحبا حبيباتي

معاكم منجزة انجاااز اختكم

الاسبوع الي طاف كان عرسي

الخميس الماضي

وهذا اليوم كملت أسبوع

انا حاليا بشهر العسل

سافرنا تايلند

وحاليا بشنغماي

خخخخخخخخخخخ

طبعا شو أقولكم

نفسيتي مررررررررررررررررررررررة داااااااااااااااااااااااااااااااااااااااااااااااااااون

مدري شفيني

صايرة حساسة

وأتضايق

ومرات أطلع حرتي بالاكل

شكل وزني زاد كيلو ونص

وصرت أعتقد الحين

84

المهم

يا غارقة

وباقي الجرووووووووووووووب دعواتكم لي

ما راح أقولكم عن برنامج الدايت الحين

لاني مدري شآآآآكل في هذي البلد

صارلي 6 أيام وأنا هنيه

مرات أجزرها بدون أكل

ومرات أكل شيبس

مكسرات

حلويات

أدري ممنوعات

بس أخاف أكل شيء حرام

ومرات أكل فواكه

مانجو

جوافة

وطبعا امشي

واااااااااااااااااااااااااااايد

\\

بس اقولك شيء يا صديقتي وحبيبتي وأختي غارقة

مو وايد مستانسة اني تزوجت

وايد أحن وأشتاق لأهلي

\\

صح أبشركم الفستااااااااااااااااااان طلللللللللللللللللللللع واااااااااااااااااو

المجهود في تجمعنا السابق كانت نتيجته جبااااااااااااااااااارة

عقبال هذا التجمع بإذن الله

وأدش وياكم السبعييييييييييييييييييييييينااااااااااااااات

دعواتكم لي

\\

أحبكم ولأني أحبكم استغليت الفرصة عشان أدش وأسلم عليكم

\\

اذا عندكم اي نصيحة

أي برنامج غذئي يساعدني وأنا هنيه

لا تبخلللوون علي

تدرون أختكم بروحها ممكن تضيع وتخبص بالبرنامج

لولا رب العباد ووقفتكم معاي

مع السلاااااااااااااااااااااااامة​