بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[رواسي شامخة]

السلاام عليكم...
كييفكم يااارشيقات...


انا اليوم قعدت وشربت ماي مع شوي ليمون وبعده سويت لي صحن كبدة دجااج لأني احس ان فيني نقص حديد واحس بدووخة قوية مع شااي وخبزة
وان شاااءالله نكمل يومنا على الريجيم بدوووون تخبييييص

 

[رواسي شامخة]

بنااات حبيت اقوول لكم خلطة حلوة ومجربتها بس بصراااحة احس انها تنفع مع الريجيم..

الا وهي...>>حسيت اني مدرسة ..هع

تاخذين لج قلاص وتحطين فيه شريحتين ليمون بالقشر مع ربع ملعقة صغيرة زنجبيل مطحون ونص ملعقة صغيرة دارسين مطحون وملعقة صغيرة كمون مطحوون وتصبين علهم ماااي مغلي وتخلينه عشر دقااايق وتشربينه قبل الوجباات بعشرين دقيقة...

انا قريتها اول مرة عند زميلتنا قطووة في موضوع من موضووعاتها وشفت بعد دكتورة تغذية تمدح فيييها وتقول انه لما تستمرين عليها رااح يبين بشكلج انج ضعفاانة سبعة كيلوووووو حتى لو مابين معاااج بالميزان..

وحبيت افيدكم بها وعليكم بألف عااافية....


*

 

[Lulu_Perla]

اليوم تغديت برجر و طاح بجبدي كلش ما عجبني الغدا ><

عقبها كوفي و كاكاو

حدي مصدعة بس بنطر بعد شوي و اشرب قهوة ثانية


رواسي
سامعه عن الخلطة اللي تقولين عنها
و صج وااااااااااايد زينة

 

[dnyay_mll]

اهلين بنات
تغديت عالساعه 4 كفتة دجاج مع باميه وشوية سلطه

بعد شوي بطلع مع خواتي واليهال باخذ لي سناك معاهم وبتعشى مشاوي

القمر حبيبتي الرجيم واااااو شكلي حيل تغير معاه نصيحه طبقيه

 

[قيثارةالشوق]

مساء الخير
غداي رز بالتونه طباخ البيت ولبن كامل الدسم بس كاس وبعدالغدا اشربت شاي اخضر وبعدها اكلت مكسرات شويونه واشتهيت كاكاو واكلت وشربت شاي اخضر بالنعناع وبلعب عالاوبتراك ربع ساعه

 

[Melo]

االسلااااام عليكم
شلونكم بنات شخباركم
عادي اشترك معاكم بالتجمع

بصراحة حده احباط وضعي وزني مو راضي ينزل
صارلي اسبوعين تقريبا وزني ثابت مو راضي ينزل بس قاعد يصعد مع العلم اني مو قاعده اخربط
قاعده اسوي رجيم عذاري الحين
شسوي بعمري

وزني الحين 88 و خاطري انزله لي ال70 قبل شهر سبعه

 

[سأكون مُنجِزة]

مرحبا حبيباتي

معاكم منجزة انجاااز من موقع الحدث

خخخخخخخخخخ

تجمع القضاء على الثمانيييييييين

يلا يا حلللوات راح اوافيكم بالمستجدات

طبعا اليوم اول يوم لي بالرجيم الكيميائي

اليوم هو يوم البرتقال

خخخخخخخ

صرت برتقالة فالنهاية

خخخخخخ

طبعا فطوري

برتقالة

سناكي كانت قرب وقت الغدا

وكانت

برتقالة

اهيا سناك وهي غدااا

والعصر برتقالة

وسلامتكم

\\

اخذت لي الفجر تفاحة عشان تعطيني قوة

\\

ولمدة 7 ساعات كنت لابسة حزام البطن

\\

طلعت على الدرج كمن مرة

\\

اليوم ما مشيت على جهاز السير

وسلامتكم يالغاليات

\\

باكر ببلش بالتفاح

خخخخخخخخ

بصير تفاحة

كانت معاكم العروس منجزة ربي يتمم لي

وتتم فرحتي على خير وسلامة

بدأ العد التنازلي

باقي 3 اسابيع فقط عن العرس

دعواتكم أدش السبعينااااات

و يتغير شكللللي​

 

[سأكون مُنجِزة]

بنات أبي اطلب منكم طلب

ممكن تعلموني كيف أمشي لما أدخل القاعة

حدي مو عارفة

من وين ممكن اتعلم

هل فيه فيديو للدخلة؟؟؟

فديتكم ساعدوووني​

 

[غارقة بأحزانها]

هلوووووو منجزة انجاز
حبيبتي انتي يارب يتغير شكلج
وتضعفين بصحة وعافية

وبالنسبه حق الدخله مادري اذا فيديو او شي
مثل جذي بس احس ماله داعي اهم شي تسمين بالرحمن
وتقرين المعوذات وصلاتج لاتفوتينها ابد ابد
ووووو خليج ريلاكس وامشي شوي شوي مع ابتسامة حلوة ياحلوة


وبقولج شي انا يوم زواجي ١-٦
وودي البس فستان العرس عشان نحتفل ونرجع الذكريات
يعني تقريبا نفس الفترة اللي تحتاجينها عشان تنحفين
وانا احتاج ١٠ كيلو عالاقل عشان االبسه
وااااي حسيت بشعورج
بسوي عرس مصغر بسوي تسريحة ومكياج ومسكة
بس هالمرة ماكو معازيم هههههه
المعازيم عيالي لوووووووول بس ابيهم نايمين 
المهم انا بلشت رياضة
وكنت بسوي مثلج ريجيم فواكه بس للاسف دخت
ماقدرت اكمل مادري شسوييييي

 

[غارقة بأحزانها]

بنات الحمدلله اليوم كلش ماخربطت
الصبح يعني عالساعة 11
كليت تفاحة

والغدا كان ستيك بالرمان والماشد بوتيتوز
من دايت كير

والعشا
الساعة 6 ونص
شوية اناناس مع رمان

واليوم جدا كان حلو معاي وحيل استمتعت
طبعا بعد ماكليت التفاحة الصبح
سويت تمارين خفيفة حق الزنود والخصر
وقبلها كنت داخله المطبخ
وحطيت كثيرة مع زيت جوز الهند على شعري
وبعد ماخلصت من التمارين
دخلت المطبخ مرة ثانيه ويبت طاسة حطيت فيها قلاصين كبار سكر وعصرت عليه ليمونة
وضفت عليه زيت زيتون وخلطتهم مع بعض
ودخلت الحمام وفجيت الماي الحار وتفركت بالصابون المغربي وغسلت شعري وحطيت حمام زيت
وبعديت تفركت مرة ثانية بصنفرة السكر والمرحله الاخيرة تشطفت بشور جيل عجييييب بالصويا وحليب اللوز
ريحته خيااااالية جنها كيك فانيلا
طلعت وانا نااااااااااااعمة وريحتي عجيبه
والمغرب
رحت السوق وشريت شغلات حلوة

 

[غارقة بأحزانها]

القمر ياقمر ابي ريجيمج ماعلج امر

 

[dnyay_mll]

اليوم طلعت اليهال مع خواتي وتمشيت شوي وشربت هوت جوكلت لايت وبعدها احترت مادري شنو اتعشى بغيت مشاوي بس ماحصلت وبما ان رجيم دشتي عادي المقالي فيه رحت اخذت جكن تندرز وحلقات بصل ادري فيهم شوي بقسماط بس اكلتهم ورديت البيت مو قادره بطني من العوار ذبحنييي وانتو بكرامه كل شوي عالحمام الظاهر معدتي ما قامت تتقبل هالاكل

والحين شربت شاي اخضر بالدارسين وبحاول اتمره عالقاري نص ساعه

بنات ترى الخلطه اللي حطتها رواسي انا جربتها بنفسي رهيييييبه جد تحسين بفرق باسبوووع وانا شفت فيديو باليوتيوب عنها دكتوره اللي مخترعتها واللي علمتني عليها يزاها الله خير وحده كانت بالعطار مسكتني وقالتلي الخلطه

 

[algamar]

رواسي

يعطيك العافيه ع هالخلطه ..
افكر اسويه بس بعد اسبوع زمااان هيييك
حمسوني البنات عليهــآ . .

دنياي ملل ..
الله يسعدك فرحتييييني والله ..
بسالك سؤال شوي الحين .. الدوره .. مو مقدمه عليك ؟! .. ..
>>> خبري انك في نفس وقتي .. : $

Melo
ولكمو ياحلوه ..
امم لو ثبت بدون مايصعد كان قلت ثابت وزن ..
يمكن مقصره بالرياضه او شئ ..
جربي اكسري الرجيم وارجعي له اذا مريحك او غيريه برجيم تشوفينه احلى ..
ويناسبك .. موفقه ..


منجزه البرتقالية لوووووووول ..
الله يوفقك .. وييسرلك نزول الوزن ..
هانت السبعين قريبه مره .. بس يبي لنا شده حيل ..
اما المشيه ابدا مااقدر افيدك بس شوفي صاحبتك او شئ
شوفي اشرطة زواجهم : )

غارقه

وااااااااااااااااو
مره حبيت الفكره .. فستان ومسكه ..
وتصوري مره ثانيه خخخخخخخخخخخخ
مره ودي اسوي كذا
بس انا بااقي كثييييييير ع ذكرا زواجي .. يمكن 5 شهور ..
وماشاء الله ع عروسنا الثانيه بدءت عناية بالجسم
لا انا كذا غرت والله من بكره بااتسنع خخخخخخخخخخخ


انا يومي .. حلووو

بالرجيمات البروتين احلى شئ تاكلين بدون تانيب ضمييييير خخخخخخخ
اخذت تمر وحده المغرب لاني دخت ..
بعدها تعشيت مششـــــــــــآوي ..
ناوي دحين امشي نص ساعه ..

 

[dnyay_mll]

بنات راح تأنيت الضمير ههههههههههه طلع نظام الاتكوتين عادي اكل المقالي المغلفه ببقسماط مره بالاسبوع بكميه مفتووحه وهياااااااا استانست يعني ماخبصت كلللش وااااو ياحلو هالنظام والله حبيته حبيته حبيته

بنات دشووو قوقل وكتبو نظام الاتكوتين واقرو عنه بتقتنعون فيه مافيه حرمان ماشاءالله والاحلى ان شكل الجسم بسرعه يتغير والميزان اللي كان معاندني نزل معاه ماشاءالله شكلي بكمل عليه بس انا خايفه من يوم الاثنين عندي ضيوف ومابي اخبص واخرب الدايت بالفطاير والحلويات الله يستر وان شاءالله ما اخربها عشان ما اظطر اسوي بروتين صافي واعيد النظام

القمر مقدمه علي بس عادي انا دايما جذي

 

[Beesho99]

ابي اشترك معاكم وانزل من وزني

 

[meee]

سلام بنات صراحة قروبكم مرره نشيط وانا ابي بالقروب اللي انا مشتركه فيه يكون زيكم

بس صاحبة الموضوع مختفيه والقرووب صار مهمل ومااحد يكتب يومياته وصار خامل مره

حتى ماالتزمت وخربط ريجيمي مع اني كنت نازله كليو بس رجعته ماااستفدت وحابه اصير معكم

وعجبني تجمعكم وحماسكم بس انا وزني ٦٨ والهدفي الاول اوصل الخميس وطولي ١٥٩

وببدا من يوم الاثين وراح اسوي ريجيم الحليب والتمر لمدة اسبوعين

 

[dnyay_mll]

حياكم معانا بنات نرحب بالكل

بنات اكتشفت شغله ان الرياضه بوقت الدوره تحرق اكثثثر وينزل معاها الوزن اسرع بس مو تذبحين روحج بالرياضه عشان الدوره تحرق اسرع لا ديري بالج معده واي شي ياثر عالرحم وخري عنه
انا اتمرن عالقاري وامشي شوي بالبيت او بالسوق او بالجمعيه واسوي خواصر وجذي مو اكثر

 

[شمــــــــوخ]

اي حبيبتي عادي حياج معانا

مشكورره :eh_s(7):
انا ببدا من اليوم
ورجيمي حيكون رجيم التفاح لمدة اسبوع+رياضه +شاي الاعشاب
ان شاالله مااخربط :yaaaaaarb:

 

[غارقة بأحزانها]

Meee
شلونج ياصديقتي
اي هذا التجمع انشط وانا مليت من
برود ذاك التجمع عشان كذا ماقمت ادخل
تعالي هني وبتتشجعين
لان رشيقاتنا نشيطات ماشاء الله
شدي حيلج يابطله

 

[غارقة بأحزانها]

انا خايفة من الريجيم مالكم دنياي ملل والقمر

اخاف يزيد وزني وانا مو ناقصة
عندي هالشهر بس عشان انزل كل اللي ابيه


انا نظامي الحين
الريوق والعشا فواكه
والغدا بروتين
لا للنشويات
الا اذا بين فترة وفترة من دايت كير
ويارب اصير نشيطة والعب رياضة لو ساعة باليوم