بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[مهندسه "]

غارقه بحاول اتشجع والله
انا حالياً يحوشني يوووع مو طبيعي !!
واقاوم غصبب

انا انشالله ببدي رجيم طالب لقيته هني بالمنتدى
انا الحين فيني امساك ( عزكم الله ) و مو مخلي وزني ينزل
مادري شسوي !!

الله يعين

 

[مهندسه "]

تعشيت ؛

شريت صمون فرنسي اسمر من كارفور
قطعت جم شريحه منه مع جبن مالح و طماط وزيتون
وجاي مع سكر رجيم


بعد اسبوعين انشالله بعطيكم النتيجه واشوف وزني *

 

[Melo]

السلام عليكم
شلونكم بنات
باجر ان شاء الله السفر حدددي متشوقه و مستانسه اني بروح
بس بنفس الوقت ضايق خلقي لان ما اعرف احد بالمنطقة اللي بروحها

وزني هذا هو مو راضي يتحرك
و مو قاعده افكر بالرجيم الحين لان جد قاعده احاتي اشول بنقل منطقة ما اعرف فيها احد
ما يهمني اني اشوف البنات كل يوم قد ما يهمني شعور الامان ان في بنات معاي بالمنطقة شعور الوحده كرييييييه
ادري مو موضوعنا هذا بس ما لقيت احد اقوله و افضفض له غيركم
ما ابي اقول لاهلي عشان ما يحاتوني يكفي اهمه بدون شي قاعدين احاتوني

اللي تامر بشي من هناك لا اردها الا لسانها من عيوني
ادعولي بنات

 

[Melo]

عاد ها بنات
ما اوصيكم هالله هالله بالالتزام
و نبي نتايج تبشر و تفرح
و الفال ما كلنا نوصل للي نبي بصحة و عافيه
ما راح اقدر اشبك وايد بالفتره اليايه بس بحاول ادخل بين فتره و الثانيه و اشوف شسويتو و اتطمن عليكم
و ان شاء الله حزتها اكون قطيت شوي جم كيلو عالاقل ما اصير دبدوبتكم

استودعكم الله الذي لا تضيع ودائعه

 

[{meme}]

صباح الخير

وحشتوووني واااايد كنت مشغوله عقب العيد بالتجهيزات الله يعينا ويسر اموري

الاكل تقريبا في تخربط شوي مرات ووزني بين 73 و 72

ومن يومين بديت برجيم تخفيف + اكل دايت
يعني حليب خالي الدسم وكورن فلكس سبشل k وتوست اسمر وكل شي قليل الدسم ومشوي مع رياضه ايروبك لمدة ساعه يوميا

وان شاء الله قبل شهر 10 اكون دخلت ال 60 ياااارب
وبحاول كل يوم ادخل لو مره قبل مانام واقول لكم يومياتي

 

[Hyoonaaa]

بنات اشلوونكم شخباركم سامحوني بالعيد كنا مسافرين وماسويت رجيم وخصوصا ان جمعه وكل يون طبخ غير ماقدرت امسك نفسي بس الحمدالله مازدت وايد وزني ثابت بين ٦٩/٧٠ وان شاءالله ببدي رجيم عند الدكتوره وجدان ليلحين ماجربتها بس ان شاءالله بجربها وان شاءالله كل يوم رياضه واذا بدينا المدرسه رح امشي كل يوم ساعه وخميس وجمعه وسبت بسوي رياضه ومشي ان شاءالله

 

[Dreamy Writer]

يعطيكم العافيه

 

[مهندسه "]

مراحب

شلونكم ؟
الحمدلله هالاسبوع ملتزمه بس اليوم كليت ع الغدا ( طبعاً غداي اهو ريوقي ) :
فته شوي + عصير رمان + دياي محشي

وحليت بقطعة حلو وحدة بونتي + قهوة

قبل شوي شربت جاي اخضر
وبس انشالله ما راح اتعشئ لان في عزيمه ببيت عمتي
راح اخفف حييل مابي اكل
والوعد 21/9
اقولكم وزني

 

[غارقة بأحزانها]

السلام عليكم بنات شلونكم

من زمان مادخلت صارلي جم يوم بسبب كثرة الاشغال عندي

ورجعت لكم باخبار مووو زينة وتفشل زااااد وزني بعد ماقربت اطلع من الثمانيات

اليوم قست وزني انصدمت 84

مادري شفيني منفتحه شهيتي عالاخر لاني داومت وساعات النوم قلت عندي ولاني ابذل مجهود واحتاج اكل

بس خلاص من باجر قررت اشد الحزام صج ضاق خلقي وتحسفت حتى احس اني ثقيله

فيني بچوة

خلاص من باجر يومياتي تنكتب هني وماراح اخربط باذن الله

 

[بناتي اميرات]

مرحبا ياحبايبي وانا بعد وياكم بس خلونا نشجع بعض

 

[بناتي اميرات]

صارلي شهر من بديت الرجيم بس لاعت جبدي وزني موقف وثابت
على 82 موراضي يتحرك
الطول 160
الوزن الحالي 82
الهدف الاول 75
الهدف الثاني 70
الحلم 65

 

[Dreamy Writer]

الله يوفقكم ويسهل رجيمكم وتضعفون بصحه وعافيه

 

[مهندسه "]

مساء الخير

سامحوني بنات ما ادخل وايد انشغلت هالفترة دوامات ولويه

انا الحمدلله ملتزمه بس الرياضه عندي xx مالي خلق اتحرك احس ثقيله
الحمدلله ع كل حال


اليوم :
قعدت الصبح
تريقت : 2 توست اسمر محمص دهنتهم ب مربي + جاي
الغدا : حمسة دياي وبصل وخضره + سلطه ولبن

 

[غارقة بأحزانها]

 هلا بنات ليلحين مو قادرة امسك نفسي صايرة مشفوحه واكل لمجرد الاكل
قلت بعطي نفسي فرصه هالاسبوع بعد والله خايفه اقرب صوب الميزان
والاسبوع الياي ان شاء الله ابتدي من الاحد ان شاء الله
والله ضايق خلقي علي جسمي ومتحسفه بس مادري اشحايشني
تقولون طالعه من مجاعه

 

[سوسن مالك]

هلا وغلا فقدتكم واشتقت لكم احس اني بدونكم ما عندي ارادة ظليت مدة احاول افتح المنتدى وما يفتح من قبل رمضان توه اليوم قالت لي بنتي امي ما فتح منتداج المفضل لين الحين قلت ما ادري قطعت الامل انه يفتح قالت جربي فتحيه جان يفتح جان اتشقق من الفرحة لاني في بداية رمضان الله يعيده علينا وعلى الامة الاسلامية بخير وسلامة وآمان التزمت بعدين بديت اخوره ولين الحين مو قادرة اصيطر على الارادة صايرة مفجوعة والعشا للحين مو قادرة اهده زي اول بس ان شاء الله ما دام انتو موجودين بارجع احاول :yaaaaaarb:

 

[بناتي اميرات]

ياهلا ومرحبا فيكم. خواتي سوسن مالك ، غارقه باحزانها، مهندسه ان شالله نضعف ونصير مثل كيم كارديشان واحلى بس حاولوا
تستغنون عن العشا ترا والله اكتشفت انه هو اللي يزيد الوزن انا تركته صارلي اسبوع والحمدالله نزلت كيلو باركولي
صرت واخيرا 81 كيلو الحمدالله تحرك الميزان شوي نصيحتي لكم....
الشاي الاخضر تشربونه 3 مرات باليوم
والمشي والحركه زينه
وحاولوا تقللون من وجبه العشا او تلغونها بالمره
عسالله يوفق الجميع ويسهل علينا طريقنا

 

[فدوتك عمري]

الله يعين انامن زمان تركه الرياضه وخبص با الاكل بس من السيت ابي اشترك بنادي انا من النوع اللي ما ينحف الا بالرياضه

 

[بناتي اميرات]

:مرحبا ياحلوه. فدوتك عمري
صدقيني انا حاولت ادش نادي بس ريلي موراضي كلش
وقلت خلاص لازم اتحدى نفسي واشتريت الاروبت تراك
ماشالله استغدت وايد صحيح مانزل وزني بس تنسق جسمي شوي
ونحفت زنودي وشدالجسم بس توني باديه تقريبا صارلي شهر بس ان شالله
استمر مع الرجيم وارجع لزمن اامجد يوم كنت 65 :yaaaaaarb:

 

[غارقة بأحزانها]

بناتي اميرات وفدوتك عمري حياكم الله

كلنا مخبصين مادري شفينا

والبنات مالهم حس من زمان الله يستر عليهم

طبعا انا اكتشفت سبب شفاحتي عالاكل لكن لازم اتأدب


ابشركم بنات انا حامل

لكن راح استمر معاكم باذن الله عشان لايزيد وزني وايد خلال الحمل

 

[فدوتك عمري]

مبروك الحمال يا غارقه باحزانها واهم شي صحتك وصحة البيبي الله يستر عليك اهم شي تنوعين بالاكل ---ويا اختي الحلوه -- بناتي اميرات-- زوجك نفس زوجي هههههه وان شا الله ابي اشترك