تبين تضعفين ؟؟ تعالي شوفي برنامج خبيرة اعشاب

[خبيرة اعشاب]

حبيباتي

رح ادش الموضوع على طول

طبعا كل وحدة تبي تضعف ... بدون ريجيم و بدون رياضة .. و بدون لا تعب نفسها

المعادلة صعبة نوعا ما

بس مع خبيرة اعشاب و الله قبل كل شي بتصير سهلة و بسيطة

و صدقوني حبيباتي اذا التزمتوا لازم بتشوفون نتيجة حتى لو ما تضعفين اكيد جسمج بيصير مشدود اكثر و اتحسين انج افضل و صحتج اتصير افضل واااجد ان شاء الله

اول شي البرنامج مو بس برنامج للتخسيس انما هوفي البداية برنامج لتنظيف الجسم من السموم و لتنشيط عملية الايض و لنفض الغبار عن دورتج الدموية و الخلايا الي بالجسم

و لازم تعتمدينه مو بس كشي مؤقت انما لازم يكون كنظام حياة

شي تعتمدينه بحياتج كلها

و انا تكلمت عنه بقسم التجميل و البشرة لاني اعتمدته مو بس للتخسيس و انقاص الوزن انما ايضا للتفتيح و تجديد نشاط خلايا البشرة و تطهير الجسم من السموم

نبتدي اول شي

- اساس البرنامج

شرب الماء

اشربي ماي على كثر ما تقدرين مو لتر او لتر و نص ... الي تقدرين عليه
و شرب الماي مو بكل حزة
حاولي انه يكون بس مع الاكل اي مو على بطن فاضية عشان لا يطلع لج بطن

الاكل
مهما يكون وزنج لازم اتراعين احتياجات جسمج
و صراحة انا ضد البرامج و الريجيمات الجاهزة .. خصوصا الي فيها توست الصبح و تمرة
و الغدا سلطة و صدر دجاج
انا ابيكم للامانة في بذمتكم وحدة ما تلقى صعوبة انها اتابع نفس ها البرامج
و الله مرة بغيت اتابع لي برنامج مو عن بس قلت بسوي دايت نفس الاوادم الي يسوون و ابتلشت بس بسالفة صدر دجاج مشوي , و شريحة سمك مشوية
و القهر 3 زيتونات فقط يعني مو 4
و كنت ابي اضعف بس 3 كيلو ... ما ضعفتهم و تعبت نفسيتي
و لما سويت برنامجي و التزمت فيه وزني نقص بشكل ما كنت اتوقعه .. مع اني اساسا ضعيفة بس وصلت للوزن الي ابيه .. و نفس ما قلت لكم البشرة و الصحة مية مية ,, لان بعد مشكلة الريجيمات انها اتاثر بشكل مباشر على البشرة و النفسية خصوصا ..

ادري طولتها و عرضتها
قلنا اساس البرنامج الماي
ثم النظام الغذائي .. هو مو بس نظام غذائي .. نظام حيااااه



:ch12:

 

[خبيرة اعشاب]

في البداية هناك امور لابد من الالتزام بها ,, و لازم اتكون عندج قناعة بفكرة النظام عشان ما تغلطين بعدين او تضعف ارادتج

و من الافكار المغلوطة الي لازم اتشيلينها من بالج فكرة المكافآت
اي ان وحدة مسوية ريجيم طول الاسبوع .. اتكافئ نفسها خلال الاجازة بوجبة من مطعم مثلا او يوم مفتوح .. الخ
و بجذي اتكون خرربت شغلها الي مشت عليه طول الاسبوع

انا ما عندي نظام مكافآآآآآت

لا لشئ

انما لان الاسبوع كله بيكون مكافآآت و جوائز

الامور الممنوعة :

ممنوع .. يعني ممنوع على طول
و على راس القائمة ... الفاست فوود



و ما يحتاج نشرح اضراره الي الكل يعرفونها ..

المعلبات عموما
ما عدا التونة .. مسموحة ( لاني احبها ) هههه
لا فعلا حاولوا تتجنبون المعلبات خصوصا الفاصوليا .. الفول .. الذرة

الفاصوليا انا اشتريها و انقعها بالبيت لمدة يوم كامل بعدين اجمدها بالفريزر و اطبخها بنفسي تطلع عجييييييييييييبة و احلى من القواطي .. حلو مصطلح قوطي ؟؟

ممتاز الحين توصلنا ان الممنوع خلال البرنامج المعلبات و الفاست فود

و الباااجي ؟؟

خلاص كله مفتوووح اكلي الي تبين ..

بس شوفي نظامي اول شي :eh_s(9)::eh_s(9):

كل وحدة تحدد اكلها ووجباتها حسب جسمها و حسب عاداتها الغذائية .. يعني مستحيل اجيب وحدة متعودة تاكل عيش بشكل يومي و اقول لها خلاص شيلي العيش و اكلي بداله توست اسمر :eh_s(22)::eh_s(22):
بغض النظر عن القهر الي رح اتعيشه المرة المحرومة من العيش .. باعتقادي بمجرد ما رح توقف الريجيم و ترد على العيش رح اترجع الوزن المفقود اضعافا مضاعفة
لذلك فانا انصح و بشدة اي وحدة حابة اتسوي دايت انه يكون من نفس نظامها الغذائي مع تعديلات بسيطة بالنظام

مثلا بالنسبة لي .. انا ما كنت ابي النظام لفقدان الوزن .. بل بالمرتبة الاولى كنت حابة انظم اكلي عشان صحتي و شكلي عموما
و الحين الحمد لله كل من شافني يعطيني عمر اقل ب 10 سنوات من عمري الحقيقي و الحمد لله

و السر في ذلك اني اكتشفت ان نظامنا الغذائي فاااشل
كله عيوش و دهون و لحم و معلبات و مجمدات و مطااعم
لدرجة وصلت لمرحلة اذا ما عندي معلبات بالبيت او مجمدات ما اعرف اطبخ
لازم بالليل انسوي حمايس و فاصوليا و همبرجر و نقانق ... و غيرهم ما انعرف
يعني هاذي امور صارت متجذرة بعاداتنا الغذائية
و للتخلص منها لابد من ايجاد بدائل صحيةمناسبة للعائلة كلها

 

[خبيرة اعشاب]

النظام

اولا غيرت مواعيد النوم ,, اقعد مع صلاة الفجر اصلي و اقرا قران شوي و اشرب كوب شاي اخضر
و ممكن ارد انام للساعة 6و نص

الريوق الساعة 8
و يتكون من :

بقول لكم شنو اتريق الحين

مرات جبن - قيمر - زبدة و مربى - بيض عيون - شباتي - كرواسون طازج - زيت و زعتر

شاي اخضر

و ختامه عصير برتقال فريييش او عصير فلوريدا



الغدا يكون عبارة عن غدانا العادي بس اكثر من السلطة


و سلطة الفواكه ,,, طبعا انا لاحظت اني اشتري فواكه بس ما اكلها .. ننساها بالثلاجة و الشي هذا مو بس انا انما لاحظته عند ناس واجد فقمت احط صحن فواكه بغرفتي .. و كل ما مريت بجنبه كليت :eh_s(22):



هاذي عاد سلطة تونة ... ممكن مع الغدا او بالليل كعشا


و هذا حبيب البي ... روب اكتيفيا ... اكل منه بشكل يومي على الاقل 2 او 3 خصوصا بالليل اذا سهرانة او مع العشا


المشويات الي اتسوونها بالبيت افضل مليون مرة من مشويات المطاعم .. كلها صودا و مواد حافظة .. و اللحم كلها يسوونه الصبح و لما تطلبين مجرد انه يسخنه لج على النار و يجيبه .. غير نوعية اللحم .. كله استرالي يجيب المرض ( الله يديم النعمة )


المكسرات ... خليها دايما عندج كخيار بين الوجبات .. بدل ما تاكلين شبس و بطاط عيالج .. اكلي مكسرات مع عصير طازج







تتوقعون بعد النظام هذا جم نقص وزني ؟؟

علما باني اكل اكلي العااادي ... بس اشرب عصاير بكثرة يمكن علبة عصير الفلوريدا اخلصها بيوم واحد و اكل روب و فواكه

اي و يوميا اسوي مطارة شاي اعشاب
فيها قشر قهوة - ليمون اخضر شرايح - شاي ليبتون اخضر بالنعناع - شرايح زنجبيل
و اشرب منها خارج الوجبات
و بعد الاكل لازم اسوي غوري حبق او نعناع

يا بنات الي تنقل نظامي لمنتديات ثانية او تنسبه لنفسها جعل رجلها يعرس عليها :yaaaaaarb:
تحياتي

خبيرة اعشاب

:eh_s(9)::eh_s(9)::eh_s(9)::eh_s(9):

 

[عسووولة]

جم نزل وزنج؟؟

انا مشكله احب الوجبات اشلوووووووووووون
والكولا

 

[shahooda123]

يعطبج العافية جارى التطبيق

 

[عمار يا كويت]

مبروك النيو لوك
والرياضة شخبارها معاج؟

 

[متحديه ومتاكده]

يعطيج العافيه يارب

هههههه احلا شي الدعاء باخر الموضوع هههههههه

نظامج حلو وانا معاج ١٠٠٪ لان الرجيم الفاشل هو الي تضغطين ع روحج وتحرمين نفسج وبعدها تنفجرين وتملين وتردين نفس قبل وكان ماسويتي شي


<< انتي ذكرتي هالشي |||||

اشربي ماي على كثر ما تقدرين مو لتر او لتر و نص ... الي تقدرين عليه
و شرب الماي مو بكل حزة
حاولي انه يكون بس مع الاكل اي مو على بطن فاضية عشان لا يطلع لج بطن

؟؟ بس وايد حذروا ان شرب السوائل اثناء الاكل او شرب الماي يطلع بطن وكرشه؟؟

الي اعرفه ان يقولون قبل الأكل بنص او ربع ساعه شربي ماي لان يسد النفس شوي واثناء الأكل وبعده ممنوووع الماي !!

عفيه تأكدي حيرونا



قرقت وايد ادري بس حبيت اقول عن نظامي أنا جذي نفسج بالضبط اكل اكلي العادي ومااكل

وجبات سريعه وايد والدهون قليل والعيوش خففتها وبعض المرات ودي اكل بس احرم نفسي

بس صارلي فتره طويله جذي نظامي لين حسيت ان اكلي خف احس معدتي صغرت لان مااتحمل

اكل واايد نفس قبل احس بطني يعورني لأكن الشي الاساسي الي ضعفني صج صج صج مع

تخفيف الأكل هو أني كنت امشي ع جهاز المشي العادي والله يابنات مفعوله وحده بوحده يوميا

يوم وترك ربع ساعه او نص ساعه لاتضغطين ع روحج الدنيا سهالات

بس للأسف الشديد هالكلام من سنه الحين صرت كسوله ماامشي ووزني زاد كم كيلووو

 

[makhroosha]

يعطيك العافية ولا تحرمينا من هالنصايح

 

[((ام فروسي))]

الله يعطيك العافيه

 

[ʍ!ʂʂ ɑӀƙɑժվ~❁]

النظام واو بس جم ينزلني ابي بسرعه لانهم مو واجد جم كيلو بس ؟

 

[chocolate&coffe]

الله يعطيج العافية ع الموضوع حبيبتي والله فااادني حيييييييل.

 

[ناتشوو]

اما الدعاء اللي قلتيه بالاخير عجيب غريب

انا معاج
ضروري نغير نظامنا الغذائي
وتقليل كمية كل وجبة
هذا اللي اطبقه
وماانسى جم تمرة بيوم
الحبة السودة
كلها شغلات وصانا فيها الرسول
وفعلا الفاكهة علشان لا ننساها
فترة العصر صارت اكلنا اليومي
وبالليل لبي وسوس لي ابليس
اكل
الفاكهة
يعطيج الف عافية

 

[A7bch.MaMati :*]

و شرب الماي مو بكل حزة
حاولي انه يكون بس مع الاكل اي مو على بطن فاضية عشان لا يطلع لج بطن

:bbbiu: :bbbiu:

 

[مصوراتيه]

مشكوووره حبوبه جاري التنفيذ

 

[LuLiTa]

مشكوورة حبيبتي و صج انا دكتوري كله يقوول جذي

 

[خبيرة اعشاب]

<< انتي ذكرتي هالشي |||||

اشربي ماي على كثر ما تقدرين مو لتر او لتر و نص ... الي تقدرين عليه
و شرب الماي مو بكل حزة
حاولي انه يكون بس مع الاكل اي مو على بطن فاضية عشان لا يطلع لج بطن

مو خلال الاكل

لا اقصد انه ما يكون على بطن فاضية ..

لان اذا صارت البطن فاضية,, شرب الماء بكثرة يخلي الكرشة تتمدد

 

[خبيرة اعشاب]

ناتشوو فعلا التمر انا جربته

كنت اكل تمر مع كوب حليب طازج ... و مرات اسوي عصير افوكادو مع حليب و تمر و ارش عليه شرايح لوز مبشور .. احس وجهي صار يلمممع و يلق

و انا انصح فيه الحوامل لانه حيل حيل مغذي

 

[خبيرة اعشاب]

ما شفت توقعاتكم بالنسبة للوزن المفقوود ....؟؟؟

علما ان وزني الاساسي كان بين 68 الى 70

ابيكم تتوقعون بعد شهر من النظام هذا جم رح يكون نزول الوزن ...

علما بان نظامي الغذائي السابق كنت اتناول الوجبات السريعة بمعدل 3 الى 4 مرات في الاسبوع
المطاعم خصوصا الامريكية طقة شيليز و فرايديز مرة في الاسبوع
المعلبات تقريبا بشكل يومي
الحلويات و الكاكاو يوميا على الاقل 2 او 3 و للحين اكل بس قلصت العدد و اقتصرت على واحد فقط كتكات او جلكسي

 

[Timo*]

65 ؟​

 

[ناتشوو]

كيلوين؟