تجــَـــمـُّــع فـِــرَق ~:~(البيَــــض المسْلــــــُوق)~:~

[om_fajer83]

ماشا الله عليج ريم اي خلج جذي لاتحاتين نفسي >> علمي نفسج ههههههههههههه

 

[om_fajer83]

اكلي اليوم
الريوق*فول مهروس وتوستين وحليب قليل الدسم بس المرة الجاية بس راح اخذ ٣ ملاعق من القوطي لان شبعني حسيت بالتخمة خخـخ
الغدا شوووووربة عدس في وعاء صغير خخخ
وتوسته محشية معبوج فصلت عليه
العشا عصير كيوي مع برتقال
السناك برد ذهب >> ياكبرها عند الله
بس انا اقولكم ليش معدتي ذبحتني وانا ماعلمتكم اصلا فيني معدة فاكلت البرد برد عليها. واشوى هدت
بفك
وبسس هذا اكلي اليوم*

 

[om_fajer83]

وينكممممممم مالكممممممم حسسسسسسس

بنات أحس كثرت أكل ماني متعودة جذي

 

[Orangiya]

مساااااااااا~~~ الخييير والانوااار~ ..

عشاي قبل شوي اربع حبات كيوي وحليب قليل الدسم ~ ..

لي باك مع الردود~ ..

 

[بريق أنثى]

توومي​

يمي صدق حلو شوفي حليه بعسل النحل الطبيعي احسن لك سويته مره وعجبني وشبعني ولذيذ ودافي ​

المره الجايه مشتهية احط فيه موزه مقطعه اذا استوى ​

طيب وسعي صدرك بالاجازة عشان ترجع طاقتك للدوام ​

ريم خانم ​

هلابك​

ام فجر ​

اكس صمول واي انتي ههههههههههه ياحليلك نتفه الاول يمكن هيكلك العظمي بعد نحيف انا عريض الهيكل عندي ​

تسلمين كلك ذووق​

طيب الفول والعدس رووعه بس لايصير فيهم زيت ​

يعني عندك علبه الفول المدمس اكليها كذا مثلا اربع ملاعق حلو ومافيه زيت ​

مره من ذيك المرات اللي كنت اتعيجز فيها اسوي لي اكل ​

عاادي حق اهلي اطبخ واتفنن وابدع انا حق رووحي لا المهم كنت ناايمة طبعا لاغدا ولاعشاء نومي مقلوب واصحى بالليل واشعر بجووع شديد اه ياابنت وشو اسوي واخذ علبه فول مدمس وافتحها واكل بالملعقة هههههههههههههه لين شبعت ههههههههههههههه عجز مش طبيعي هههههههه زين مني نزلت وفتحت درج واخذ الفتاحة وفتحت الفول وطلعت ملعقة واكلت ههههههه لو اسكن لحالي كان صرت هيكل عظمي ونحفت من غير رجيم ​

بالعافية عليك واكلي قشور الرمان روعه للمعدة وماتشوفين شر
اورنجينا
هلا بك عليك بالعافية

​

 

[بريق أنثى]

بنااااااااااااااااااات دايخة اترنح ودي بشي يرد الروح مثلا رز صيني وترياكي وفوتشيني
ومع ذاك الحلا العشاء زبادي +5 تمرات
بعد الزبادي ماكملته
بس ابي اقااوم ابي وزني ينزل
الاسبوع هذا اكلي نتف ورجيم بعد
لاني مليت من 63
خقييييييييييييييييييييييت راسي يدور
ههههههههههههههه​

 

[Orangiya]

بريق .. ماااعرفت شلون انزله مرة ثانية ... بليز رفعيه على هالسايت ..

http://www.mediafire.com/

وصج حددده ونااااااسة الشعوووور .. مقاس 10 بريطاني = مقاس 40 ... .. ماباقي شي شوي وتوصلين له .. ^^ ...

والحمدلله ونسيتني على نظامج اليديد ... استمرييي ولاا تخبصييين .. واذا يالج وحش الطعام رقعيه باقرب شي ثقيل يم ايدج لووووول

وحيااااااااج المطعم حجزي طيارة من الحين ليوم 15-3 .. هههههههههه

ويعطيج عالعااافية عالنقل برامج ممتاازة ان شالله تفيد البنات ...

وترى الحليب خالي الدسم مو زين مسحوب منه كل الفوايد ... شربي قليل الدسم احسن وافيد ..

×××

ام فجر الف عااافية~~ ..
شلون صاير كيوي وبرتقال ؟؟ لوول ثنائي غريب ...
انا احب برتقال وفراولة ... و كيوي واناناس ... ^^ ..

وموووفقة ان شالله مع المركز وناسة راح نشوف نزولج الحلوو المنتظم قريباً عيل ... لا تنسين تصورين الوجبات لوووول ..

ههههههههههههههه خلاص ماراح اتكلم عن المطعم الا بعد شهر XD .... بس ضروري تروحين له عجييييييب ...

والعفووو الحمدلله اني قدرت افيدج ولو بالقليل ...
انا ترى ما اتصور اقدر اوصل هدفي بنفس التاريخ .. اخاف يعلق الرقم كالعادة .. بس الحمدلله ان رقم 67 ما علق ومشى بسرعة .. الفال لـ 66 اشوفه هالاسبوع بدون كسور يارب ...

التوست الاسمر اليوم شفته عندي .. 63 سعرة اللي مع الحبوب .. ^^ ..

××××

لييليي~ ..

اهلييين حبوووبة ... يباارك فييج ربيي وعقبااالج ان شالله .. ويااارب تعدي فترة الشد على خيير يبيلها همممة اكبر >_< ..

شوربة العدس ...

بالجدر .. بصل وثوم ومكعب كنور .. بطاط مربعات عشان يتشرب النكهة البطاط .. فوقهم ملح فلفل اسود الخشن كركم كمون الخ... بعدين العدس المغسول .. وماي مغلي فوقهم لين يستوون عدل وبالبلندر عالخفيف مجرد اهرس البطاط وشوي من العدس لاني احب الشوربة ثقيلة وواضح فيها العدس يعطي قوة طعم مركزة غير الخفيفة .. ^_^ ... وبس~~~ ..
فوقها رشة ليمون وخبز محمص .. يمييييييييييييييي
عشان جذي اقول طريقتي غير عن المطاعم لوووول ..

هههههههههههههههه خلاص بسوي منيو صغير لوجبات الدايت تبعي .. امشي بكيفي بدون ريجيم ولا شي xD ... المهم وجبات صحية ههههههههههههه ..

سلطة البطاط ...
بطاط مقطع مكعبات مسلوق ..
السلطة : بقدونس نعناع طماط بصل جزر مبشور فلفل اخضر ..
الصلصة : ليمون وزيت زيتون وثوم بودر و سماق،، الصلصة تنرج عدل قبل ما تنحط فوق البطاط والسلطة .. وبس~ ^_^

وان شالله السبت نشووف الجدول اليدييد معاً~

×××

ام فجر .. نااااااايس شفتي شلوون من نحسب ونترقب الوزن اليديد شلوون تزيد معنوياتنا ..
وصج شوفي شلون متى بدينا الريجيم ووين وصلنا .. غمضة عين فتحة عين الايام صايرة تطييييييييييييير والعمر يمشييي ..

وعاشت ام فجووور نعم نعم نعم للصحة والرياضة والنفسية العااالية ههههههههههههه

×××

توومي ولكمووووو فاقدة سواااالفج حبوبة ..

لحظة لحظة ... تقولين لازم تعلجين ... لايكون من ورانا تطبقين كلام اللي مرة تفاصيل نسخته لنا ... اللي تشد جسمها بالعلوج .. لووووووووووووووووووووول .. XD ... وانا اقول هالبنت شفيها ما تسوي رياضة .. اثاريج منسدحة تعلجين وتشدين بالجسم ههههههههههههههههههههه ...

شهيتيني عالرازبيري غراااامي .. انا اكله مع الكلوقز ريد بري اللي كل مرة احط صورته .. عندي وايد اطيب من البوريج الاوتميل ..

وعلى قولتج صح البنات اليدد كلش ماكو التزام .. بس ريوووم فديتها والله اثبتت انها قوووية وهمتها عااالية عسى دوم يارب كلنا وياها .. ^^ ..

للحين ما حطيت تواريخ معينة لكم ان شالله اجابل الجدول عدل يوم السبت .. و ك حساب تقدييريي فقط اني بحسبها على كيلو واحد فقط بالاسبوع ... اذا نقص اكثر خير وبركة واذا زاد معاها ياويلها ياسواد ليلها لوووووووول ..

حيااااااااااج عيل انتي وبريق وتفاصيل كلكم حجزوا لكم طيارة تاريخ 15-3 .. وعلطووول طيراااان للمطعم برياني دياي او ربيان رهيييييييييييييييييييب ... واليوم اللي بعده نروح مطعم مرمر هم بريانيهم عذاااااااااااااااااااب ريحته تطق بالراس ... وبعدها نروح مطعم اشاز هندي .. ياااويييليييي وعلى اخر الشهر كلنا زايدين 10 كيلوات هههههههههههههههههههههههه

وخليج مثلنا عايشين حياتنا فريييي وناااسة الحرية حلوة متى ما حسينا ان بحاجة للشغل بعدين نشتغل والشهادة جاهزة لووووووووووووول ...

×××

ام فجرر الف عاااافية .. ترى برد ذهب فيه 250 سعرة يمكن ... السنة اللي طافت اول ما هبيت بالسعرات كنت ماسكة برد فضة انا امووت عالفضة اكثر ... وقبل ما اكله قريت عليه السعرات انصدممممت ورديته مكانه بالفريزر قلت كافي الغدا اللي تمرغت فيه عدل > يومها لا حساب ولا بطيخ بللللعععع xD ... الله لا يعيدها من ايام لووووووووووووووووول ..

 

[Orangiya]

هلا فيج بريييق... يالمجرمة والله مو زييين اللي تسوينه ... قومي سوي سلطة بطاط مسلوق واكليها .. او سلطة شمندر عشان الدم ترى لذييييذة ... او سندويتش سبانخ للدم ...

انا هالايام هابة في سموثيات .. عصير فراولة وموز طبيعي مع حليب قليل الدسم وبالبلندر مع شوية ثلج . رووعة ..

غداي اليوم سويت دياي بالفرن ..

و ريوقي عالعادة كلوقز بس خلص للاسف ضروري اروح اشتري ههههههههههههههه ..

مشتهية سندوتش حلوووم ...

باجر الصبح راح اروح ان شالله المستوصف عشان نتيجة التحليل اللي للحين ما اخذته ..
وبعدها الغدا بيت ابوي مع خواتي ...
العصر طلعة هياتة لوووووول ..

الجمعة كله زوارتنا بيت اهل زوجي .. ف .. احتمال كبير اني ما اقدر اكتب شي هاليومين ..


نراااكم ان شالله السبت مع الجدول اليديد .. وبليز بلا تخبيصات هاليومين > انتي اولهم هههههههههههه

موفقااااات حبوووبااااات ~~ تصبحون على احلى رشاقة لوول

 

[قــل مـا تـشـاء]

هـــــــــــــايز رشيقااات شلووونكم ؟؟

 

[om_fajer83]

أهلين بنوووووتات

هــً��ـــلآ بروقه خخخخخ ضحكتيني ع سالفة الفول
تدرين انا شلون سويته طلعته وطقطقته لين انهرس اشوي
ودخلته الميكرويف هههههههههه مالي خلق احطه عالنار

اهلين اورنجيا
اي انا استغربت من العصير اللي اعرفه كيوي واناناس
بس هالعصير يقولون ينزل حيل وهو سر النزول

اي والله صاجة الايام تركض بادين من شهر 11 ترى
بعدين انتي جيتينا ياحليلج

لا اجل برد ذهب في 250 ببس ترى ماكليت شي واجد

 

[om_fajer83]

اهلين يا ام الرشاقة شلونج؟

 

[بريق أنثى]

http://www.mediafire.com/?5iful2d3xeue2wb


اورنجيناا رفعت الجدول وانشالله يطلع معك وابي ع السبت بعد بسوي عليه تعديلات بس من بديت اكتب يومياتي وانا ملتزمه لانك تشوفين جميع وجباتك طول الاسبوع وانتي تسوين توزان بينها

 

[بريق أنثى]

اورنجينااا ​

واااي وناسه صدق بس ماابي انا يصير مقاسي 40 ابي اقل بدور ع جدول القياسات ​

الحمدلله وحش الطعام اخر مره شفته يوم الثلاثاء قبل الماضي لاني صدق مليت وطفشت وبعد مرضت وخلاص اكلي قليل ​

والحمدلله مرتاحه ع نظامي ومتوقعه انزل كثير ​

قليل الدسم فيه دسم وبتالي بتكون عملية حرق دهوني اقل سرعه ​

انشالله اول مااوصل هدفي اخذ قليل ​

يمي بسوي شوربتك بس مراح احط مكعب كنور بكتفي بالملح ​

يااي والسلطه حدها حلوه بعد ابي اسويها بس من غير زيت زيتون ​

بحفظهم عندي يعطيك العافية ​

ياغاليه نمت والحين بروح اسوي لي فطور وش اسوي ابي انزل هالاسبوع لاعت كبدي من 63 ملييييييييييييييت​

ام فجر ​

حلوه بعد طريقتك بالفول بس مشوار اجلس اهرسه ​

ههههههههه​

بنات وين البااقي ​

توووته طلي علينا ​

راسي مصدع اه متى يجي السبت بسوي يوم مفتووووووووووح ​

ابي اكل مليت ​

​

​

 

[om_fajer83]

بريق اي هرسته وطلع عندي واحد بالكبت معلب مهروس وجاهز هههههههه باكله شوي

 

[om_fajer83]

ماتشوفين شر بروووووقة

 

[om_fajer83]

الريوق توسته وجبن سلايز لايت وعصير
الغدا شوربة وسلطة
السناك حبة ميني معمول
بسكوتين دايجستف لايت
وعصير كيوي وبرتقال
العشا ٦ قفاش فول وتوستين وعصير

 

[om_fajer83]

وينكم يا حلوات اليووووووووم

 

[توووووتة الحلوة]

اهلا بنوتات، حبيت اطل عليكم لان صار لي ثلاث ايام ما دشيت الموضوع و لا حتى القسم ... السبب اهو انه في موضوع شاغل بالي و ضاغط على اعصابي ... تصدقون من كثر ما احس اني مضغوطة حتى النفس بصعوبة اتنفس، الله يفرج همي و هم كل مسلم و مسلمة.

نفسي و مني عيني يتحقق اللي في بالي علشان ارتاح.

انا راح التزم بأرسال وزني في الموعد المحدد و ان شاء الله لي باك لما اهدأ شوي علشان ارد على تعليقاتكم، حبايبي انتو

 

[بريق أنثى]

ام فجر​

بالعافيه عليك​

الشر مايجيك الحمدلله افطرت مثلك فول 4 ملاعق مع 2عصير برتقال وراح الصداع​

تووته الحلوة ​

الله يهدي نفسك وش فيك؟؟؟​

الحياة كذا يوم حلو ويوم مر ويوووم مفتوح واهم الايام اليوم المفتوح اقصد ياغالية وسعي صدرك وهونيها وتهون ومن شااف مصايب غيرة هانت مصبيته ​

الله يحقق اللي ببالك وبالي ياارب​

بنات بشوف وزني اليوم ​

عشان يصير عندي اليوم المفتوح ​

ومن بكره بكمل المشوار ​

 

[om_fajer83]

اهلا بنوتات، حبيت اطل عليكم لان صار لي ثلاث ايام ما دشيت الموضوع و لا حتى القسم ... السبب اهو انه في موضوع شاغل بالي و ضاغط على اعصابي ... تصدقون من كثر ما احس اني مضغوطة حتى النفس بصعوبة اتنفس، الله يفرج همي و هم كل مسلم و مسلمة.

نفسي و مني عيني يتحقق اللي في بالي علشان ارتاح.

انا راح التزم بأرسال وزني في الموعد المحدد و ان شاء الله لي باك لما اهدأ شوي علشان ارد على تعليقاتكم، حبايبي انتو

الله يعينج توتة ويفرج همج ويحقق حلمج امين