تجــَـــمـُّــع فـِــرَق ~:~(البيَــــض المسْلــــــُوق)~:~

[om_fajer83]

ليلو خليهم ١٠٠٠ احسن مابقى شي ع تاريخ ١٥-٣


بنات انا متحطمة نفسيا ونفسي انفجعت عالاكل
ودي اروح مطعم هندي واكل برياني خضره واشرب
شوربة عدس واكل ايدام هندي بالبطاط والزهرة حاااااااار موت




ومتحطمة من وزني مابقى شي عالموعد وانا للحيني ٧٢ والله ببجي اهئ اهئ

 

[ريم خانم]

يومي
الفطور بيضتين مسلوقه وشريحتين توست وملعقة جبن وعصير برتقال =8نقاط
الغدا ربع صدر دجاجه ورز وشرائح خيار وكوب لبن =6,5
سناك قهوة ماي كوب مرتين=4
العشاء عصير توت =1
رياضه مشي 20 دقيقه وتمارين بطن
الماء بس نصف لتر للاسف
وتصبحون على خييير

 

[توووووتة الحلوة]

احم احم انا ييت وسعووووووووووووووا يا حلوات >> لا تكونين رئيسة الوزراء فديتج و احنا ما ندري هههههههه

لي لي

اهلين لي لي، انا الحمدلله بخير

الا اللحية الغانمة من وين هههههههههههه

هههههههههههه، الله ياخذ ابليسج، انتي من صجج ... لااااااااااا مت مت من الضحك، حرام عليج :krkrkr:
حسيت انج تكلمين ريال مو انثى جميلة رقيقة مثلي :wqedqw: فديتني لووووووووول
هاي ترى انا بنيه يعني ماكو شنب و لا عوارض و لا حتى شعره وحده بويهي

امزززح انتي وين ساكنه @@ > تحسين بدري عالسؤال لوول .,,

حلووووووووووة منج المزحة لاني صج ضحكت ضحك اما وين ساكنة حزري فزري ياقميلة ... انا وين ساكنة؟ اذا حزرتي راح اعلمج و اذا ما حزرتي ما راح اعلمج :lololoe:>> بدا شغل اليهالوووووووووووووه

وعدد سكان الأحساء والله مااعرف أنا عايلتنا ماادري جم عددهم لوووووووووول .,, يبيلي اشوف زيادة ثقافة .,,

هههههههههههههه حلووووووووووووة طريقتج في الاجابة على السؤال، ايه صح يبيلج تزيدين ثقافتج عن منطقتج الحساء، اما انا ثقافتي عالية << اقول لا يكثررررررر، المعلومة اللي قلتيها عن عدد سكان الحساء اختج قايلتها لج هههههههههههههه

الله يخليييهم لرياييلهم ويرزقج أمريكي والا بريطاني والا أوووروبي مسلم > هههههههههه عاد تخيلي تاخذين من هالجنسيات هع عآد كوووشخه عزميني على زواجج .,,

امين يارب، عاد انا من زمان وانا ودي اتزوج اوربي او امريكا من ايام ما كنت مراهقة، نفسي اغير عن الخليجين، ههههههههه اهم شي كووووووووشجه لو تزوجت من ها لجنسيات المشار ذكرها كان راح اعزمج على زواجي، تنويني انتي و هاري

دامج مشغولة ومادخلتي عادي بس لآتصير نفسيتج x هع > بكتب x نسيت كتبت v بالغلط بس مسحتها > واي زد > هذي ثقالة الدم الصجية لوول .

ايه خلاص ودعت الكابة :eh_s(8): من سمعت كلامكم انتي و اورنجيه و توتو ... فديتكم
اما على المزحة هههههههههه اهي ثقالة دم بس اتضحك لووووووووووول

في حياتج العامة ماابييييييج تكونين متضاايقة لآن بعد اللي حووولج يتأثروون وتوصلهم طاقتج السلبية

صاجة عنوني، كلامج عين العقل و راح احطه في عين الاعتبار

بريق انثى

فديتك ياغاليه مشكووره حسيت انك معي اشوى في احد يدافع عني
يااحياتي كلامك اثلج صدري رغم البنات صاادقين ادري اني غلطانه
يااابعدي من جد عاارفتني زين الحساسات قلبهم عند بعض يااي علينا بس انشالله بتعدل ويومي اليوم حلو شووي واكتبه

افا عليج، انتي حبيبتي و منافستي في نفس الوقت ... اكيد زي ما قلتي احس فيج لانج حساسة مثلي >> فديت الحساسات انا

تووته رايك نااخذ اجنبي امم فكره بس نبي واحد صااروخ
اكيد، تغير عن الخليجي ... راح تدخلين عالم جديد مختلف عن العالم اللي تعرفينه اذا كان اهو ريال زين، راح تفتكين من تدخل اهله و و و .... الخ << طيب كملي فديتج، ما ادري خلاص كافي عليها جذي ... راسي يعورني اليوم هههههههههه

لايااقلبي ادخلي تدرين ان المرات اللي ماادخل فيها انسى واخربط بس اذا دخلت باليوم اكثر من مره اللتزم ويصير عندي حماس

الله يهديني و صير ادخل يوميا، و البنات اللي في التجمع عسل ... عسل ... عسل ... مثلي لووووووووووول << تحسون يبيلها طق، صج ... رايكم بنات ... اتنظر التسويت

عندي محامي لليلوو فديتها تووته

انا بالخدمة يا موكلتي ، رفعت الجلسة << اهو هيه علينا اهي قالت لج محامية ما قالت قاضية ... شنو يعني رفعت الجلسة هههههههههههههه

لي لي تقول:
بريق هههههههه اييي خلج كذاااا دايما خافي مني لااطلع لج من الشاشة
والمحامية مابتحميج مني لوووول

بريق تقول:
ههههههههههههههههى واي منك قوويه حتى المحامي مااينفع

توووووووووته تقول:

بريق لا تحاتين اذا ما نفع القضاء مع لي لي، نتفاهم برا المحكمة، ترى معاي خيزرانه << حشى هاي مو محامية هاي مصارعه هههههههه، كلش مو صاحية

نداء الى منافستي بريق: اذا رحتي اي مستوصف او مستشفى قيسي طولج، خاطري اعرف كم طول منافستي

لي لي

من زمان و انا ابي اقولج عن سيلينا جوميز لكن انسى، ترى اهي نفس طولج 165 و وزنها 55 يعني اذا بغيتي تصيرين جلد وعظم مثلها صيري 55، صورة توضيحية لسيلينا علشان تكتمل عندج الصورة الذهنية لجسمج مستقبلا اذا و صلتي ل 55

برتقالتنا

وقولي اللي تبين تقولينه لا تخشين شي عني خخخخخخ

ههههههههههه، اهم شي لا اخش شي عنج ... لا ما راح اقول ، احتري ... بدت حركات اليهالوووووووه

الحين حتى بالطلعات ما ادور الا وجبات مشويات او سندويتشات الصاج والرابز .. او البيتزا العجينة السخيفة .. والغي كل انواع الشبس والفرايز من وجباتي واستبدلها دايماً بالسلطات .. ولا للغازيات .. علطول كيوي واناناس !!!

عفيه عليج برتقالتنا 100% انا اذا طلعت افلها يمكن لان طلعاتي قليلة من البيت يعني اكل على راحتي و اشرب بيبسي و احيانا اشرب هوت شوكليت << ايش بقيتي، لا تكونين غلطانة بالعنوان و داشة تجمع النحيفات ههههههههههههه

يوه طلعتي مثلي انا احب المشاوي، و السلطات يمي يمي، بس ما احب الفاكهه

لا برتقالتنا لا تصدقين توته ترى اهي بس تخورها لما تطلع من البيت ... عفيه عليج سامحيها >> ما ادري ليش حسيت داشه مدرسة لوووووووووووول

صارلي 3 شهور من بديت الدايت تقريباً وانا مو ماكلة فاست فود البرغرات برغركنغ وهارديز وكل ربعهم !

عاد انا ما احب الفاست فود مو ليه ما ادري ليه ... تصدقين من زمان وانا جذي، نادر لما اكله و الفرايز ما احب اطلاقا ... انا عكس الناس، الناس مفتونين فيه و انا ما اقرب صوبه الا نادرا

الارداف تحتاج بعد شد لانها من ترهل قعود دائم من الحمل والخمول والكسل .. وغير هذا الحمدلله كلو تمام بعد لو انقص 5 كيلوات ..
جاري الشد شد شد شد لوووووووول

انا بعد صار عندي ترهل في الارداف ، نفسي اشدهم ... و قاعدة من الحين احاتي اذا تزوجت و شلون و اهما شكلهم جذي، مع اني لا مخطوبة و لا شي لوووووووووووول

ههههههههههههه طلعتي محامية بريق .. XD... لا تدافعين عنها وايد بعدين تفلها الحلوة ههههههه

ايه محاميتها، ليكون عندج مانع << يوه هاي شكلها تبي تتهاوش بس ههههههههه

السعودية متزوجة امريكي !! هذا من صجه والا يتغشمر .. هو مسلم اصلاً والا يستعبط عليها ؟


لا من صجه قبلو، اهو اسلم قبل لا يتزوجها و سمى نفسه عبدالكريم و بعد زواجهم بفترة قصيرة حملت و يابت ولد سموه ادم. اصلا في الاسلام ما يجوز المسلمة تتزوج الا مسلم، اما المسلم يجوز انه يتزوج كتابيه يا مسيحيه او يهودية

وعادي عنده يستغني عن الخمور والزمور والدسكوات ؟؟؟ لووووووول > يمشي بدم الامريكان هالنقاط .. XD ..


ايه ... اكيد استغنى عنهم لانو اسلم و يا كثر اللي يسلمون سواء امريكان او غيره و يتركون هالاشياء

ومنو بيتر ما عرفته ؟؟

هذا استاذي الامريكي، الله يسلمك

ويلاا ان شالله تتزوجين بريطاني ياحبي للبرييطاانيين >> هااري و اراغورن و منو بعد نسيت لووووول

انتي عكسي انا مو كثير احب الربيطانيين، احس انا اغلبهم متحفظين و جادين، عاد انا احب شويه في مزح و ضحك مو كله جد

وزييين الحمدلله ليلي وتوتو وصلولج الفكرة عن الشخص السلبي ،، >> يعني محاضرتي عن الطاقة السلبية ما كانت تفيد لووووووول

لا بالعكس كانت تفيد كثيررررر، بس انا ما اقول ... انا احيانا و في اوقات كثيرة افكر في كلامج ... و اعبطج على ايجابيتج في الحياة ما شاء الله تبارك الرحمن.

اما لي لي و توتو ... زادو الجيلة بخصوص هالموضوع، من هني قلت خلاص بس اكتئاب و مود اكس مكس على قولتج لوووووووول

تومي

اهلا دوكتورتنا، نورتي

تووته .. هههههههههههههههه عااد تصدقيين امس أسولف ويا رفيجتي
وقلت لها اني قررت أتزوج اجنبي ههههههه عاد انا ابي إيرلندي لوول
حااطه عيني على دكتور ايرلندي لوول بس عاد الاخ مسيحي شالدبره !!*

زين اجل مو انا الخليجية الوحيدة اللي تفكر فالموضوع لوووووووول لاني كذا مرة فتحت الموضوع على اكثر من بنت خليجية و مو مستسيغين الفكرة يقولون "حلات الثوب رقعته منه وفيه"

اها طلعتي تحبين استاذج << سكتي زين فضحت البنية

ما ادري ايش الدبرة لكن راح اقولج قصة المخرجة هيفاء المنصور زوجها الامريكي كان يشتغل في السفارة السعودية و اهيا كانت تعلمه لغة عربية و اهو حبها و يبي يتزوجها و قبل لا يتزوجها اسلم ... و هاي كل القصة << واي فدتي البنية الحين يوم قلتيلها القصة .... مووووووودري

اووماا يا صاحبه البالطوو الابيض هههههههههههه فطست ضحك عليهاا

زين اني ضحكتج، عسى دوووووووم تضحكين قلبووو

ام فجر

اهليييييييين توتة وين هالغيبة

هلا فيج حبوبتي، ابد كنت مشغولة و لا انتو دايم على بالي

برتقالتنا

تووووتة مبروووووووووووك الرقم بدون كسووور هههههه .. وترى منافستج شكلها تبي تصعد لج بدال ما تنزل اكثر مواساةً لكِ ... لوووووول

الله يبارك فيج، اخيرررررررررررا صاري شهر و انا ودي اشوف 64 بدون كسور و الحمدلله اني شفتها
و ان شاء الله راح اغلب منافستي لوووووووووووول >> لا تحاتين ناويه لها على نيه هالاسبوع

شويه و اكمل باجي الردوووود

 

[تفاصيل روح .!.]

ريووم

بالعافيه عليج
رجيم النقاط وايد زين ولي تجارب معه صحيح كنت فتره ثبات وزن بس روووعه بما تحمله الكلمه
يكفيج انج تاكلين كل اللي خاطرج فيه
هو نفسه السعرات بس حق اللي مايحبون رياضيات :rerrerek:

ام فجرر
ايه عصائر طبيعيه افضل بس ترى اغلب المطاعم يحطون لج سكر انتي اكدي لهم مايحطون شي

وبالعافيه عليج بدايه موفقه :rerrerek:

انسي وزنج وبينزل لانج اذا حطيتيه ببالج بيثبت نفس ماصار لي
وبعدين تعالي وراج معلقه على تاريخ 15 /3
حبيبتي لاتخافين انا عني مستمره لحد تاريخ 29/9 /1433
يعني لاخر يوم برمضان بخلص دايت وبوصل الوزن اللي ابيه وبخصص 3 شهور تثبيت يعني ماشيه على راحتي تذكري اللي يروح بسرعه يرد بسرعه
ادري مليتي من السبعينات بس وش تسوين بعدين انا الاحظ اكلج قليل اصلا بس يمكن التمر مايناسبج
من رايي تتبعين عذاري هالاسبوع وتشوفين كم تنقصين



ليلوو
ابشري كل ما اشوف شي بنسخه لكم بس لاني هالايام نادر ماشغل النت
ايه والله 4 ايام حسيت باهميته حتى وزني تومي هي اللي طرشته لاورنجيا الله يعافيها
اي والله بغيت اصيح من الفرح رحت طيراان لتومي اعلمها واطرشلها صوره الميزان صج كان صدمه :yaaaaaarb:

اهم شي استفدتو من الدروس

اممم من ناحيه السعرات
انا من رايي يوم 1200 ويوم 1000 بحيث يكون 4 ايام 1200 و4 ايام 1000 بيثبت وزنج هالاسبوع >> احتمال بس الاكيد ماراح يزيد
والاسبوع اللي بعده بيبدا ينقص

 

[تفاصيل روح .!.]

تجربتها بشد الجسسم

السلام عليكم ورحمة الله وبركاته
كيفكم حبيباتي واخواتي
كل عام وانتم بخير
بصراحة قصتي مثل اي وحدة جسمها مترهل وتتمنى تشده بدوووووون تعب يعني حلم وتحقق الحمد لله
نبدا0000​

​

وزني ينزل ويطلع والدة طبعا والحين 61 كيلو
الترهل فضيييييييييع ومطباااات اشكال والوان وحتى الركبة مترهلة تخيلو قبل 3 سنين اشترى زوجي كريم تنحيف ولا استخدمه وانتهت مدته وانا محتفظه فيه هههههههههه تخيلو شفتو الحظ الحمد لله جتني فكرة اني استخدمه هالشهر واجرب طبعا مكتوب لازم على منطقه نظيفه وتعرضي المنطقه لحرارة الاستشوار وتحطيه مرتين هذا كله كلااااااااااااام فاضي ماسويته​

​

طريقتي دهنت بطني من تحت الصدر والمؤخرة والفخوذ لييييييين السيقان ولبست مشد طويل من تحت الصدر لين القدم وخليته 6 ساعات تحسي بحرارة مثل الفكس ساعه واختفت ولما فسخته تروشت عادي من اول استخدام حسيت فرق قلت يمكن يتهيئ لي استخدمته بعدها بيومين لاحظو ما هو بانتظام بكيفي الدعوة تجربه ونفس الشي دهنته ولبست المشد 7ساعات وفسخته وتروشت الفرق وااااااااااااضح جدا اعتقد باقيلي مرتين ويصير الجسم وااااااااااااو خف الترهل بنسبة 60 في الميه اللي كان محطمني مرررررررررة رغم اني نحيفة بس ماتوقعت ابد النتيجة والفضل لله اولا واخرا الحمدلله وراح اكمل وابشركم ***** الله بكل خير الكريم من زين الاتات اسمه كريم النتحيف والمشد ساعدني في اعادة تشكيل الجسم عندي مناطق بارزة ومناطق داخله شي غريب بس الترهل فضيييييع والسليولايت افضع بس الحين روووعه الفرق بالنسبه للسيقاااااااان خلاص انشدت ماتحتاج بس الفخوذ والمؤخرة والبطن باقي مابي الا دعوااااااات في ظهر الغيب​

​

حلوو مرررا المشد وكثير اقرى عنه بس انا ماعندي مشد كامل عندي مفصل اجزاء وكنت البسهم اول وشكلي برجع لهم

 

[توووووتة الحلوة]

بريق انثى

سلامات قلبووو، ما تشوفين شر ان شاء الله

برتقالتنا

توتة مالها حس ؟

كاني ييت، وصوتي مسرسع على قولت المصريين لوووووووووول. مشكورة على سؤالج عني :eh_s(7):

نراكم لاحقاً عزيزاتي سنعود للهياتة والطلعات لووووووووووووول


هههههههههه الله ياخذ ابليسج، ان شاء الله دووووووووم مستانسه

توتو

ولكم باك :eh_s(9): ، بلييييييييييز كافي تغلي و طلي علينا بين فترة و الثانية. عارفة انو عندكم نفاس اختج بالبيت و حدج مشغولة لكن لا تقاطعين ... بلييييييييييييز

ايه على طااري وزني هذا الله يسلم روحج طلع مثل ماقالت توومي من الدوره ارتفع 4 كيلو اول ماخلصت رجع 66.8 ومع عذاري وصل 65 الحممد لله صرراحه رااضيه رضاء تاامم فديتها توومي والله اكبر دافع لي


الف الف مبررررررررررررروك النزول الحلو :ggdw: فرحت لج من قلبي لاني عارفة اش كثر تعانين

يحلاتج والله انتي والسعرات تصديق نظامج بطططل صاجه توته لما قالت لج استاذتي


لااااااااااااا توتو كنت اقولها ابلتي مو استاذتي >> انتي ايش المدخلج عرض روحي لفصلج ... قبل ما اكتبج تعهد لووووووووووووووووول

توته الحلووه
احب طلاتج لاتطولين غايبه

يوه يوه ... تقصديني انا :wqedqw: لاااااااااااااا اثتحي اثتحي خلاص >> بدا الاستهبال ههههههههههههه
مشكورة عنوني على كلامج الحلووووووووووووو مثلج. ان شاء الله ما اطول الغيبة << يا خوفي كلام الليل يمحوه النهار

لي لي

تووووووووووووووووووووووووووووووووووووووووووووته .,,
ويييييييييييييييييينج تعأأأأأأأأأأأأألي لآتغيبيييييييييييين .,,, ولآتنسين نصايح الدكتور بعد .,,,


كاني كاني ييت و شرفت

الله يذكرك بالشهادة، قولي امين ... تصدقين الدكتور هالايام منزل نصايح بالتويتر و قلت راح انقلها للبنات ونسيت، كاهي النصايح من عيوني ... احنا كم ليلى عندنا

نصايح الدكتور عبدالله المطوع:

*6 أسباب رئيسية تجعل "رجيمك" خاطى وتؤدي الى إستعادة وزنك المفقود ! #تأتيكم الآن

1) رجيمك خاطئ : إذا كان هذا النظام مرتبط بزمن ومدة معينة (كتخصيص الرجيم في فصل الصيف مثلاً) #تغيير أسلوب حياتك و أكلك هو الحل !

2) رجيمك خاطئ : إذا كان يمنعك او يجبرك على تناول طعام معين (كقطع النشويات مثلاً) #الراحة النفسية هي الأهم

3) رجيمك خاطئ : إذا كان يمنعك او يجبرك على تناول طعام معين (كقطع النشويات مثلاً) #الراحة النفسية هي الأهم

4) رجيمك خاطئ : اذا كان القصد من ورائه تسويق لمنتج او فحص معين (كرجيم فصائل الدم مثلاً) #التنويع في الغذاء هو الأصل !

5) رجيمك خاطئ : اذا كان مصدر هذا النظام شخص غير متخصص بالتغذية (كأنظمة المجلات و الإنترنت او حتى الأصدقاء) #إِلعبها صح

6) رجيمك خاطئ : إذا كان النظام قاسي ويتحوي على سعرات حرارية قليلة جدا فتُهلِك الصحة والعافية (1200 سعرة كحد أدنى) #الرجيم متعة و فن

**الرجيم الصحي : يحتوي على كافة الأطعمة المحببة من بروتينات-كربوهيدرات-دهون والتي تشمل الفيتامينات والمعدن والأملاح الازمة للنمو وإنقاص الوزن

 

[توووووتة الحلوة]

بنااات أنا السبت والأحد خليت سعراتي الحرارية 1200 سعرة حرارية .,,
شرايكم هالأسبوع أخليه 1200 كامل ؟؟ والا أخليه عادي 1000 ؟؟
وبشوف بعد إذا ينقص والا ماينقص مع اني خايفه يزيد !! .,, صحيح ودي أقلل بعض الأيام بس خايفه أني إذا خليت السعرات قليلة
وتالي رجعت آكل يزيييييد وزني وأرررجع الوزن اللي نقصته .,, حتى لو زاد لا قدر الله لو زاد هالأسبوع أقدر أنزل اللي زدته دامني بعدي اسوي ريجيم ولا أنه يزيد إذا وقفت رييجيم ويصيبني الأحباط .,,,
أبي راايكم بنااات بلييييييز .,, توووووووته تعاااالي انتي مجررررربة حبيبتي قولي لي شنو أسوي .,,

انا رايي تخلين هالاسبوع 1000 لاني اخاف وزنج يزيد اذا خليتيه 1200 لاني من خلال متابعتي لج ان سعراتج في اليوم في الغالب ما تزيد عن 850 سعره ... يعني لو زدت السعرات فجاءه الى 1200 راح يزيد انا اقول ارفعي السعرات بالتدريج يعني هالاسبوع خليها 1000 سعره و الاسبوع الياي 1200 سعره.

و بصراحة كلامج عين العقل بزيادة السعرات لانج لو تميتي على سعرات قليلة راح يتعود جسمج على انه ما ياخذ غير هالسعرات القليلة و لو اخذ غيرهم اقصد زادت السعرات راح يخزنه و النتيجة زيادة في الوزن و مثل ما نتي عارفه الجسم ذكي جدا. و انا احيج انج من الحين قاعدة تفكرين بزيادة السعرات لانو الاهم من اننا ننقص اوزاننا ... اننا نحافظ على اللي نقصناه طول العمر، الله يوفقك حبوبتي

 

[توووووتة الحلوة]

ريم خانم و توتو

شجعتوني على ريجيم النقاط ... راح اسويه عليه بحث و اقرر. ان شاء الله يعجبني و ارتاح عليه. لاني صايرة هالايام كسوله و لا احب اعد السعرات اللي قاعدة اكلها

توتو

مشكورة فديتج على نقل التجربة بخصوص الترهل لكن انا للاسف ماني راعية كريمات وخلطات و مشدات لان نفسي قصير مالي جلد على هالسوالف، اكثر شي احبه اهو الرياضة و الحمدلله اني احبها و لي جلد عليها ... اعتبرها نعمة عظيمة من الله لي

 

[om_fajer83]

لا انا ااكد عليه بدون سكر الا بعض المرات أنسى

 

[om_fajer83]

تفصولة انا حدي شهر ٣ او ٤ رجيم لين اوصل الستينات

بس بشوف شهر ٣ او لحد الموعد اللي بيني وبين اورنجيا
جم يوصل وزني بعدين اقرر ودي يوصل٦٨
بس ابي اقط. ٤ كيلوات لحد الموعد بعدين اقرر

 

[om_fajer83]

الله حلوة نصايح الدكتور توتة
جنه يددري عني يقول لاتأكل أكل معين
خخخ

 

[ريم خانم]

:ch12:

 

[om_fajer83]

رااسي يعورني من الجوع متى يجي بكرا بوقفه
وبشركم بشترك بالشركة اليوم دزولي المنيو اختار

 

[بريق أنثى]

ليدي نعوومه​

اذا قدرتي تطلين علينا ​

الله يوفقك يارب​

ريم خانم​

الله يسلمك تسلمين الحمدلله صرت احسن​

وشو اخبار السعرات معك؟؟​

يعني اذا تزوجت بتصير غرفتي مرتبه​

الحمدلله فيه امل ​

ام فجر​

لاتشدين ع نفسك عصاير بس ؟؟​

اكلي اكل صحي ومنوع بس لاتكثرين يعني كل شي قليل وكذا تشبعين ولا تنفجعين​

ليلووو​

هلا هلا بكم ام السعرات جلست احسب سعرارتي واشوف كم وزن اكلي بالغرام هههههههه​

الشر مايجيك يالغلا تسلمين ​

ليلوو نوعي بالسعرات مش ع طول ثابت يعني يوم1200 ويوم 1100 ويوم 1000 وبعدين 900 شكلي وبعد حلو انك تفاجين جسمك انا جلست اسوي كذا ​

توومي ​

هلابك لاتشلين همي منتظمه من الاربعاء الماضي والحمدلله ع المرض ​

سكر شهيتي ​

اوورنجينا ​

يااحلوك انتي وتوومي ​

جالسه اتفصح بالنت عن الفطور الصحي الدكتور عبدالله المطوع ينصح الشوفاان بالحليب سويته بصراحه طعمه جنان ومشبع ​

سويت 200 مل حليب خالي الدسم+3ملاعق شوفان+2ملاعق عسل طبيعي وشوي قرفه يمي بس نسيت وشو اسمه؟​

الله يسلمك من الشر والشحم هههههه​

توووته الحلوه ​

هلااااااااااا بك شخبارك وينك ؟؟في اليومين مره تطلعين وشدعوه؟؟​

يااعمري عليك الا ابي اقولك كيف الحساسيه عندك قبل الدوره اووه انا اصير فراشه اصير نسمه ههههههههههههه اصير مره حساسه وع طوووول ابكي طبعا لحالي ​

تسلمين وانتي كلك ذوق والبنات بعد رووعه ​

محااميه قااضيه كل شي منك حلو ​

هههههههههههههههههههههههههه رهيبه انتي وااي خيزارنه ماافيه تفاهم ابد ع طول طق ​

اووكيه اول مااروح اقيسه ابي اسوي كشف كامل ​

الله يسلمك صرت احسن ​

مشكووره ع النصايح ​

ايوووه هذي تووتتنا الحلوه ​

​

​

 

[بريق أنثى]

بنات سويت جدول واستفدت منه كثير وراقبت اكلي وحسيت حالي منتظمة من يوم الجمعة وانا مااشيه عليه ابي احطه لك بس المرض هاد حيلي

التحميل من هنا - 15.9 KB

 

[بريق أنثى]

بنات خلو عندكم نسختين للجدول وحده تعبونها والثاانيه تسوين نسخة منها حق الاسبوع الجاي وكذا
كذا تقدورن تشوفون وشو اكلتو طول الاسبوع بصراحه رروعه

 

[om_fajer83]

اهلين بريق شخبارج ان شا الله احسسسسن؟

مشكورة عالجدول مقدماً اذا شبكت من لابي حملته

ع قولتج اهلكت نفسي جيت من الدوام معدتي وراسي عوااااار
قمتت اكلت توسته وجبنة لايت وشبس نايس وعصير رمان وافوكادو

اشوى ارتحت الحمدلله

بدورلي رجيم لباجر ليما يجي اشتراكي السبت

 

[Orangiya]

مسااااااااااا الخييير بناااااااااااات .. اخيراً رجعنا من بعد العطلة ..

بريق شكلج رفعتي الجدول غلط .. ما فتح معاي .. طلعت ملفات ثانية تابعة للوورد مو اساسية .. مجرد سكربتات ..

بناااات ونااااااااااااسة اخيييراً قدرت البس جنزي العزيييز اللي احبه مقاس 10 !!!!! ونااااااااااااااااسة xD

يبيلي بعد شد وانقص شويتين ويضبط علي تماااام ...

ان شالله لي 15-3 اكون واصلة هدفي يارب ..


×××

ام فجر حبيبتي والله مو زين تموتين نفسج من اليوع .. والجسم مو زين له يتعود على صنف واحد من الاكل .... -_- ..

روحي اشتركي بالمركز عشان ترتاحين نفسياً وتتطمنين انج راح تنزلين معاهم .. ^_^ ..

×××

بريق ..
يازينج وانتي ملتزمة بالسعرات وما تنفجعين عالاكل ^^ ... وياريت لو تطبقين اللي مرة قلت لج عنه نظام كل ساعتين تاكلين شي ..

×××

تفاصيل ..

اهلييين باللي تتغلى عليها .. ^_^ ..
واااي 4 ايام من دون نت انتحاااار XD ...

وغريييبة قبل الدورة زدتي 4 كيلوات وااايد ضربتي الرقم القياسي هههههه بس الحمدلله طلعت السالفة مجرد خدعة > حلفي ههههههههههههه

واشحلااات الرقم عليج يلا عقبال الـ 60 ان شالله ..

×××

ريوووم .. تسلميييين وآمين يارب كل بلادنا تكون بامن وامان ..
وزين تسوين اخذي بريجيم النقاط او السعرات .. احسهم صج احسن ريجيمين ..

>>محد ملاحظ بنات اني الوحيدة بالقروب اللي ما التزم بولا ريجيم xD ...
كنت بالبداية ريجيم السعرات ... الحين خلاص صرت اتعيز اسجل ببرنامج التلفون وجباتي ...
فصرت امشي عالاكل الصحي وتخفيف وبس ..

×××

ليلي~

حبيبتي تسلمين .. خلصنا الاحتفالات الحمدلله .. آيم بااااك~ ^^ ..

وانا عن نفسي احس 1200 سعرة واايد XD .... صج صج حسيت نفسي اني صرت زرزور .. > عصفور صغير لووول ..

×××

ام فجر .. امس سويت غدانا شوربة عدس حدددي كنت مشتهيتها من زمان ما سويتها .. والله طلعت رهييييييبة تصك على كل شوربات المطاعم لووول .. > مداح نفسه XD

يلا عازمتج ان شالله تاريخ 15-3 .. نروح مطعم التفاحة الخضرا (سيب سبز) اللي بالديرة .. سامعة عنه ؟ عندهم برياني هندي روووووعة يخليج تتلذذين مع كل قفشة تاكلينها وما ودج تهدين الجدر الصغير اللي اييبونه فيه الا وانتي قاضية عليه XD
.. >> حددده مووو وقت التشويق قمة النذالة لووووول ..

×××

وسعووا وسعووا لووول وسعناا حياااج عمتي توووتة .. ههههههههههه

برتقالتنا << ههههههههههههههههههههههه تحسسيني اني ماسكة صندوق برتقال واوزع عليكم حبة حبة .. لوووووول

لييش طلعاتج قليلة ضروري اصلاً تطلعين تغيرين جو تشمين هوا هذا اللي مسبب لج دوم الضيقة !!

انا اموت اذا ظليت اسبوع كامل بالشقة بدون ما اطلع 4 او 5 مرات .. xD .. > وحدة تحب الهياتة مثلي ماكو ههههههههههههه

وصح كلااامج انتي داشة غلططط .. شنو هوت تشوكليت شنو ببسي !! لوووول .. وين مشروبات الدايت شاي الاعشاب وعصير اناناس وحليب قليل الدسم هههههههههههه ..

انا ترى مو ميتة عالفاست فود .. بس عادي حالي حال اي وحدة بالطلعات او اذا بزوارة خواتي مالنا خلق نطبخ يلا طلب فاست فود لوووول تنابل كسالى .. بس الحين لا خلاص .. صارت وجبات العشا صحية 100% ... واذا طلب مستحيل اخليهم يطلبون فاست فود هههههههههههههه .. يازيني اصغرهم واتسلط عليهم XD ...

الارداف واللي بان معاي شوي فايدة الرياضة اللي كنت اسويها .. ومازلت مستمرة على تمارين اليوتيوب اذا تذكرينها .. والله رووووعة صج صج حسيت بفرق شد الفخوذ والساق والمؤخرة وبتاع كلو لووووول .. حركاتهم حيل مدروسة لهذي المناطق بالذات ..

اهااا طلع الامريكي مسلم اووكي .. حسبته للحينه مسيحي .. اذا جذي الله يبارك لهم وعليهم ..

وصح كلامج عن الانجليز شايفين نفسهم رافعين خشومهم نوت فرندلي ات اوول .. بس في منهم ناس محترمين وحبوبين .. معاشرتهم سنتين .. لوووول ..

2) رجيمك خاطئ : إذا كان يمنعك او يجبرك على تناول طعام معين (كقطع النشويات مثلاً) #الراحة النفسية هي الأهم

عادي انا قاطعة من كذا شغلة بس مو دايماً ... يعني اذا خبصت مرة بالاسبوعين او بالشهر جذي .. فمرتاحة نفسياً من اسلوبي الحالي ^^ ..

ويسلمووو عالمعلومات المفيدة~

وعادي اذا تيعزتي عن عد السعرات او النقاط خليج مثلي راااايئة وامشي على عماي عالتخفيف والتخبيص والاكل الصحي .. XD ...

×××

تفاصيل ..

انا بعد مثل توتة .. كلش مو راعية التزام بكريمات وخلطات الخ ! >_< ... خلينا عالرياضة ما احلاها~

×××

ام فجر .. حبيبتي انتي .. لا تضايقين نفسج اذا شفتي انج ما وصلتي بتاريخ 15-3 .... انا هالتاريخ حطيته على اساس كل اسبوع انزل كيلو واحد فقط واوصل ان شالله 63 ...
وانتي الحين 72 ... فصعبة وايد عليج انج توصلين الـ 60 خلال هالفترة القصيرة ...

حسبتها لج .. اذا كل اسبوع تنزلين كيلو واحد .. ان شااااااالله بتاريخ 5-5 انتي واصلة 62 ..خلي جسمج عالراحة ينزل وايد احسن

شوفي انا تاريخ 31-12 .. كان وزني 71 .... توني شفت بجداولنا القديمة .. واحنا الحين تاريخ 28-2 !!! توني اوصل 66 وكسور بعد مو عدد صحيح !! خذيت لي شهرين كاملين عشان انزل 5 كيلوات بس !!! والحمدلله جسمي فرق الحين رغبتي للاكل تغيرت الحمدلله صرت اكتفي باكل قليل وما انفجع .. وحتى لو خربتها يوم واكلت وزني ما يزيد اكثر من كيلو ويرد بعد يومين طبيعي !!

ف .. ارجوووج حبيبتي لا تتضايقين وخليج عالراحة غمضي فتحي بتشوفين وصلنا شهر 5 وانتي احلى عصلة ان شالله .. لا تعدين الايام والليالي .. ..

×××

بريق .. لووول توج تجربين البوريج ؟! مو كنا ناكله قبل جم شهر .. وين تومي عنج .. غريبة في احد استساغ طعمه لوووول انا احط دارسين وعسل بس هم ما يعجبني هههههههههههه .. والف عااافية الحمدلله لقيتي شي يناسبج يلا استمري عليه كل صبحية وشوفي الصحة كيف بتصير~ لووول

×××

ام فجررررر شفتييي شلووون والله مو زين اللي سويتيه غلططط ..

عصير رمان فيه سكر اولاً .. ثانياً ما فيه فيتامينات مفيدة لانه عصير مركز ومو طبيعي ... .. افوكادو متروووسة سعرات .. شبس نايس .. ياوييلييي لو ماكلة بطاط مفيوح مقطع مع سلطة ومتبل بالليمون والزيت زيتون وااايد افيد >_< ...
والتوستة الوحدة فيه تقريباً 70 سعرة جنه ... نسيت ... يعني لو مستبدلتها بخبز لبناني اسمر بالنخالة وايد احسن .. XD ...

ساامحييني ام فجر ادري ضغطتج بس عشان مصلحتج والله وابي لج الفاايدة والاحسن .. ...
لا تيوعين نفسج باجر بليز .. وكثري سلطات خضار بقدونس سبانخ خس .. شمندر .. روب خالي الدسم .. جم مرة اقول لكم بس ما تسمعون نصايح يدتكم الحولة لووووووووووووووول

ووين الشوووربات يا حلوة ... شكلج مثلي تتعيزين تسوين ههههههههههههه

 

[Orangiya]

توومي وير ار يو ..

دلوعته كلش ما دخلت ليييش ؟؟؟

بنات ان شالله السبت الياي راح اعدل الجدول .. ونصير ثلاث فرق بس .. كل فريق فيه ثلاث بنات وبس ..

توتة وبريق وتفاصيل .. اوزانهم تحت 65
انا وتومي وليلي ....اوزناهم تحت 70
ام فجر مع ريوم .. اوزانهم فوق 70

وان شالله راح ادخل خانة يديدة تحت التواريخ ... يوم الهدف الاخير .. ونحدد يوم ان شالله باذن الله نحاول نوصل فيه للهدف ..

مثال .. اورانجيا .. حالياً 66.9 ... الهدف الاخير 63 بتاريخ 15-3 ...

والا اقول .. بصير شوي طماعة ... لووول ...

الهدف الاخير 60 .. التاريخ : السبت .. 07 -04 .. ان شالله .. اذا صار خير وبركة واذا ما صار احمد ربي اذا وصلت 63 مع طولي ..

ان شالله التوضيح بالجدول اليديد ... كل وحدة بحسب لها انها تنزل كيلو واحد في الاسبوع فقط ... كحساب تقديري فقط ..

نشوووفكم باجر ان شالله .... الى النووور سررررررر~~ لووول ..

 

[قــل مـا تـشـاء]

سلاااااااااااام بنآت ., شخباركم .,
سوري اليوم مادخلت الا شوي بس قريت وطلعت .,,
ودي ارد عليكم بس بخليها لوووقت ثاني ان شااء الله .,,
نشووفكم على خيييير ياارب .,,
ادعووو لي بثبات الوزن وانه مايزيد هالأسبوووع .,,,