تجــَـــمـُّــع فـِــرَق ~:~(البيَــــض المسْلــــــُوق)~:~

[Orangiya]

صباااااااااااااح الغباااار كلللش ما يبين شييي ×_× ...

شلووونكم رشيقااات اشتقت لكم وحدة وحدة ..

اناا هناا اخيراً بعد ما خلصت من موجة الهواش اللي حاشتني هالاسبوع .. الله يبعد عنا شر البنات الابالسة xD ....

والحمدلله عجبكم التحليل الرياااضي للجدول هههههه مادري شلون فكرت فيها ... بس كتبت استديو تحليلي جان افكر بكل هالفلم اللي سويته ههههههههههههه ....

ولان احنا صج واقعنا جذي عندنا اهداف نبي نسجلها وروحنا رياااضية ولاازم نكون بكل طاقتنا ونشاطنا وصحتناا ...

تسلموون حبيباتييييي كلكم ليلي تفاصيل ام فجوور ريووم وكل البناااات اللي بتجمعنا .. حبيبتي ام فجور تسلمين .. وجوودكم كلكم يسعدني انا بعد ..

××××

تفاصيييييييييييل .. وااااايد استاانست لج حبيبتي بتكلمين دراستج ونااااسة انا بعد لو يحصل لي اكمل بس انا اذا بكمل بخااطري ارجع بريطاانيااا يارب يتحقق حلمي ...

مووفقة ان شالله ويعيينج ربي بدراستج وكل امورج ان شالله .. اهتمي بصحتج عااد وقت الدرااسة الناس تخبببص اكثرررر .. ديري باالج حبوبة .. ههههههه

××

ليلي ان شالله يااارب تسجلين ونسمع الاخبار الطيبة مثل تفاصيل .. ^^ ... والله الدراسة احلى من الفراغ .. خصوصاً اذا كانت شي الواحد يحبه ومتقبله بكل اللي فيه ... ما يكون مغصوب ومجبور عليه !

وعوااااافي البيض ههههههههههههههه اي الحين صار اسم التجمع ماشي .. XD ...

وحللللوة السندويتشة مالتي بس انا احط جبن حلوووم وبالمقلة احمره مع زيت زيتون شووي وفوقه الطماط والزعتر والنعناع يطلع رهيييييييييب ..



ام فجوور حبيبتي الطبيعي كل اسبوع كيلو واحد .... يعني بالشهرين تقدرين تنزلين 8 كيلوااااات .. ليش 6 ... خليج قوية ونزلي 8 كيلوات بشهريين ! ^__^ ...

وبعدين منو اللي يقول وقت الدورة الطبيعي يزيد 6 وااااي جان انتحر !! >_< ... شنو هو حمل !!
مادري عن طبيعة اجسام باجي البنات .. بس عن نفسي وقت الدورة يا ثبات .. او زيادة كيلو واحد فقط ...

وصح كلام ليلي صدقيني سوي الريااضة اللي بيوتيوب خصوصاً bump it up part 1 .. و صاعد من اجزاءهم .. وشوفي الشد اللي راح يحووشج ... عجييييب .. انا تقريباً حفظت اغلب حركاتهم وصرت اسويها بروحي بدون ما اطالع اللابتوب .. وناااااسة

ريووم اي تمام رجعتوا للبيض وينها توووتة عنكم تكمل لكم قصتها مع الحبيب العشيق البيض ههههههههههههه

وانا مثلج بعد بان علي الضغف الكل يقول خلاص كافي ريجيم راح تختفين ... بس انا حالياً مهتمة بالشد والثتبيت اكثر من النزول

××

يومياتي هاليومين شوية تخبيص على التزام على حرمان > الحرمان كله من النفسية والهوشة اللي صارت ... بس ان شالله اعوض ..
والمصيبة اني وااايد انسى اخذ حبوب الحديد ... >_< ....

بس خلاص ماعاد يهمني اني انزل .. راح اخذ راحتي بالنزول الحين .. وابي اشششدددد اكثر .. يعني نااادي ضروري ازيد طلعاتي له ..

اليوم بروح بيت اهلي ... وباجر بيت اهل زوجي ...

نشوفكم ان شالله السبت حبوووباااات .... وان شالله افكر بفلم يديد اسويه عن التحليل الاسبوعي للجدول .. هههههههههههههه

 

[بريق أنثى]

بنات اعذروني
نفسيتي دمار رجعت اكل وتعبي كله بيروح مليت من نفسي
ومن شهيتي
ودي اروح مكان بعيد او اسكن لحالي ماكان ماافيه اكل الا صحي وقليل
ومليت من الدهون وكرشي ابي اشتري ملابس مقاس اصغر
اه دوبه ضايق صدري
مدري وش اسوي بروحي كل الاشياء اللي تسد الشهية مضره ​

 

[om_fajer83]

أهلاااااااااااا اورنجيا حياج الله زين عدت سالفتج ع خير
والله يعينج عالحريم ما تخلص سوالفهم اي شفتي الغبار الله يعين
بالنسبة لوزني انا اليوم خلص اشتراكي مع الشركة ومو مبين جم نزلت
معاهم عشان الدورة قربت وزادت الوزن

ماعليج ان شا الله قدها عالعموم انا حاطة اخر موعد لي بالرجيم اول اسبوع من شهر ٥
عاد وصلت الهدف ما وصلت خلاص بوقف

ويبيلي رياضة لان كرشي مو راضي يروح
وعالمعاش بشتري جهاز مشي




بريققققققققققق ليش يا ماما ليش هالخربطة
يااااي ما اتوبين حرام عليج ماباقي شي ع هدفج
وتفتكين من الرجيم شدي ع روحج

 

[قــل مـا تـشـاء]

هايو بنات شلونكم
ماادري شلون احس وزني زايد هاليومين من الدورة
طبعا يوم الاثنين وزني ٦٨.٢ ووزنت الثلاثا زاد ٦٨.٨
نزلت علي الدورة الاربعا واليوم حددي الم منها وبطني منفوخ
بس مااوزنت .، بوزن يوم السبت ان شااء الله

 

[om_fajer83]

اهلين ليلو عاد هي لنزلت تزيد الوزن لاتحاتين

انا راح تنزل الثلاثا ولها تقريبا قبل موعدها باسبوع وزني زايد كيلو

وبطني متفووووووووخ حده

 

[om_fajer83]

اكلي اليوم
الريوق برجر فلافل
الغدا معكرونا وسلطة
العشا ٣ حبات سمبوسة خضار
السناك كيكة اوريو وموزة

 

[ريم خانم]

صباح الورد بنات وحشتوني امس النت خربان عندنا ومادخلت ..
ابشركم شهيتي مسدوده اليوم مااكلت الا جبنة فيتا وكم حبة زيتون وربع رغيف
والحين اشرب نسكافيه واكلت شوكليت بالشوفان بس الصبح كنت سهرانه واكلت مالتيزر مع زوجي
بسوي رياضه الفجر والماء شربت لتر وباقي ان شاء الله لان كنت تعبانه من معدتي اليوم ونمت صحيت قبل شوي يعني صباحي
بنات رحت الصيدلي قلت له ابي فيتامين للشعر والبشره بس ماتسمن وعطاني كبسولات كبيره يوم رحت البيت قريتها مكتوب تؤخذ بعد الوجبه الدسمه حبتين ومكتوب مكمل غذائي ولما قريت عنها بالنت لقيت انو مستخدمينها عشان اذا في دهون بالوجبه هالحبوب تسحبها وشرايكم بنات اكلتها مره وخليتها كاني خفت منها ماسمعتوا عنها ؟&

 

[ريم خانم]

بريق
عادي خبصي وارجعي التزمي لاتيأسين الحياه حلوه شوفيني كلي ثقه اخبص وانا بالسبعينات بس اهم شي مانيأس وربي تجيني ايام اقول خلاص طفشت بالذات لاصار الوزن معلق وموقفه سالفة الحمل عشان الدايت وتتعب نفسيتي واليوم الثاني تلقيني وحده ثانيه عادي متحمسه للرجيم بس انا مشكلتي بالنوم المقلوب هو الي مخرب علي :
ام فجر
ممكن اطلب منك طلب ؟
ارحم الميزان حرااام عليك كل يوم ناطه فوقه وربي ترى تتعبين كذا تخيلي كل يوم انط ع الميزان وربي انفس وايأس يعني ماراح ينزل بيوم وليله انتي حبيبتي بس طولي بالك شوي وشيلي الميزان وديه المستودع ولاتوزنين الا الجمعه او السبت وشوفي كيف ترتاحين ..
اورنجيا
نورتينا يالغاليه
ليلو
عوافي عليك والله يسعدك على تذكيرك لنا بالرياضه دائما *

 

[om_fajer83]

ان شا الله ريم ما راح اوزن الا بموعد الميزان

 

[om_fajer83]

 

[om_fajer83]

أكلت حبة ورق عنب وحبة حلا قهوة صغنونة

 

[بريق أنثى]

هلا بنات
شخباركم
مشتاااقه لكم
ريم خانم
وشو اسم الحبوب يمكن اللي استخدمها انا
شيتوكال بس هذي حقت الدهون
باقي اسبوع وتجي الاجازة المفروض وصلت لهدفي عشان اشتري لي ملابس صغيرة
​

 

[قــل مـا تـشـاء]

اهلينات بنات شلونكم
انا جسمي متبهددددددل حده احس اني بزكم
والله يسستر بكره من الميزان .,,,
آتوقع وزني زايد جم جرام او ثابت .!

 

[om_fajer83]

هــً&#55356;&#57146;ـــلآ فيكم بروقه وليلو

 

[ريم خانم]

انا وزنت وطلع وزني زايد نص كيلو بس عادي لان دورتي حولي قريبه وبطني منفوخ..
بريق
لا مو نفسها الي عندي اوبنتيا بس مااستخدمتها ولا بستخدمها >خوافه اصلا كنت ابي فيتامين عادي بس مايكون فاتح للشهيه بس

 

[om_fajer83]

ريم انا نفسج زايد نص كيلو من الدورة لانها قريبة

 

[قــل مـا تـشـاء]

انا تقريبا ثابت وزني ونفس الشي من الدورة .,
تدرون بنات حاااسه ان الكل جايب العيد في الجدول اليوم لووووووووول .,,

 

[om_fajer83]

 

[om_fajer83]

ليلو احنا مو مخربطين بس الدورة قبست علينا

 

[قــل مـا تـشـاء]

آورنجيا .,
زين خلصتي هواش لووووووول .,, ننتظر تواجدج بيننا هالاسبوع
والسندوتشة انا مو وايد ويا الحلوم اصلا ماذقته الا مره وبدون تحمير .! يمكن اذا شويته والا حمرته بزيت الزيتون يعجبني .,,
يبيله تجرربة .,> السندوتشة سويتها البارحة عشاي لوول
برييق .,,
أنا اقوول دااام هذا طوولج 169 وهذا وزنج وقفي دايت احسن لج .,, لآن التخبيص اللي تخبصينه آحسه من الضغط النفسي
انج دوم تقولين ابي اضعف وانا متينه ومتى بضعف مع ان واقعا انتي وزنج جدااا مثالي .,, اقطعي الريجيم واكلي باعتدال ولااااتاكين على طول اكلي كل 3 ساعات مره .,, لاتدخلي الطعام على الطعام ترهقين المعدة جذي .,,
وإذا شفتي روحج فاضية سوي رياضة ترا والله الرياضة زيييينه وتفرررق في الجسم وااايد تخليه مشدود ومرتب ومتناسق .,,
انتي داومي عليها شهرين والا ثلاث شهور وبتشوفين معن كلامي بعيونج ..,,
آم فجورة .,,
ايي ممكن يزيد الوزن قبل موعدها باسبوع والا جم يوم .,, آنا لي الحين احس بانتفاخات في بطني منها .,, مع انها نازلة علي يوم الاربعا المغرب .,,, يلا بعد يومين تخلص ونبدا رياضة وريجيم حلووو > ماقمت ارتاح للأكل العادي احس بعد نفخ بطني منه زيادة على الدورة .,,
وبالعافية عليج اللي اكلتيه
وآكلج المصور حلوووو ومافي تخبيصات ماشاء الله ..,, استمرري ويا الدايت وان شاء الله تشوفين النتايج بس هالاسبوع دام دورتج قريبه ابتعدي عنه لآنه بيسبب لج قلق واكتئاب ونفسية لوول
ريومه .,,
بالعاافية عليج اللي كليتي .,,
وبالنسبة للمكملات الغذائية لا مامنها مضرة انتي بتستخدمينها فترة معينه بس .,, وهي مجموعة فيتامينات مع ان الفيتامينات تاخذينها من الطعام افضل من الكبسولات .,, وماعليه حتى اللي قريتي مكتوب عنها انها تسحب الدهون لبره الجسم شي حلوو وطيب .,,