تجمع اللي يسون رجيم دشتي

[قطوه سوده]

هاي بنوتات.. اليوم غداي 3 برجر دجاج حطيتهم في الخس مع مايونيز.. والعشا سلطه+نقانق بالبيض وبسسسسسسس

 

[قطوه سوده]

تصحيح

اقصد شربي بعد كل وجبه قلاص

حبوبه عادي ناكل جلي .. جنه مايصير ناكل حلو بالمرحله الاولى ؟؟

 

[FrooToo]

حبيبتي بس جذي ما راح تضعفين بسرعة لان الريوق اهم شي بالرجيم

 

[كل الحلا فحبيبي]

رفع

 

[ماكنتووشه]

حبوبه عادي ناكل جلي .. جنه مايصير ناكل حلو بالمرحله الاولى ؟؟

عزيزتي الجلى هذا مو مثل العادي مخصص للدايت اهم ليش مسوينه علشلناااااااا:tek: ومسموح تاكلينه بس مو العادي

لاااااا مال الرجيم تلاقينه في مركز سلطاااان

وسوي فوقه كريمه الخفق مع جبن كيري واذا شتهيتي الحلو اكلي منه :eh_s(8):

 

[صدفه قلب]

وهذا الرابط تفضلوا


http://flash.abunawaf.com/2005/09/room.swf

لـ حفظ الموضوع والإستفاده منه إستخدمى هذا الرابط :

لـ حفظ الموضوع والإستفاده منه إستخدمى هذا الرابط :
لغز تصميم شخص ياباني
http://forum.sedty.com/t194987.html

 

[ღALNOoOoryღ]

مرحبا بنات
انا اليوم لي اسبوع بالضبط بدشتي والحمد لله ماشي حالي
بالنسبه للوزن والله بالضبط مو متاكده في بيتي ميزاني يعطي وزن وبيت اهلي وزن
في بيت اهلي قبل اسبوع كان 87 ونص وامس 85 ونص
اما في بيتي مره 84 ومره 86 مهبوووول هالميزان مع انه من النوع الغالي
بس انا اصدق حق اهلي لانه نفس ميزان المستشفى يومني حامل

<<<اخلصي ياكثر ماتبربرين
امممممممممم بصراحه انا قريت عن الرجيم واخوي هم يطبقه بس هو مطبقه قبل سنه ويسويه شهر شهرين ويتركه شهوور ويرجع
مع انه ماشاء الله تبارك الله ضعييييييف بس تخبرون الشباب الصغار مهوسيين بالرشاقه الزايده
وانا مخليته مرجع لي اذا بساله هههههه
هو يقولي لاتتقيدين انا ماكنت اتقيد بكميات ابد متى مااشتهيت كليت ولا احدد نشويات ولا خرابيط وضعفت
والموقع حق دشتي يخربط بصراحه مافهمت
ومعلومات النت كلن يكتب على هواه وضعت مدري من اصدق

بموقع دشتي يقول الكاربات المحدده باليوم ماتتجاوز 20 مدري 25
طيب اجل وشله كاتب ((تناول الطعام حتى تشعر بالشبع ولا تتناول الأكل عندما لا تشعر بالجوع، إبتعد عن السكريات))
طيب اذا انا مااشبع من 20 كارب شسوي
بعدين قايل ((تناول المواد البروتينية من 80 جرام إلى 120جرام يومياً))
سلامات وشو اللي الكميات مفتوحه وتالي يرد يكتب من 80 الى 120 جرام
والله خربطه مابعدها خربطه فهموني

يعني انا بصراحه افطر كافي ميت ومعاه نسافيه بدونن كافيين واحيانا احط كاكاو ابودره المر ملعقه وحده
وبعد نص ساعه احس بجوع اسوي لي بيض يمكن 4:cxxxp:

بعد ساعتين اجوع والله
اكل جبن وزيتون وخس مااحد كميه لكن غالبا 10 الى 15 زيتونه وعلبة جبن تشدر اصغر حجم ام 56 جرام
وهم مااشبع يصراحه :eh_s(13):
ولا شي يشبع لين اسوي همبرجر حبتين مع جبن شرايح والفهم بخس مع كولا واكلهم تشبعني صح لكن حدي 3 ساعات واجواع
وبعدين يعني :cxxxp:
استغرب من اللي يكتبونه البنات اللي تقول عالفطور كليت جبن شريحه وخس وشبعت
وتغديت قطعه صغيره لحمه وسطله وانغثيت
والعشاء بخليه جبنه وخس
اصدق انه انغثت من هالكميات القليله اوعلبالها اني ماكل >>>رافعين ضغطي ههههه:eh_s(14):
طيب ماشاء الله يوم هالكميات تشبعك وراه انتي سمينه وقبل تعلفين الاخضر واليابس:lololoe:
اففففففف من بعض البنات اللي حتى بالنت وورى الشاشه مسوين فيها بروستيج :dddds:

لا والله هذاني اقولكم والله ابي اكل 24 ساعه افففففف
وابي اكل طول الوقت ولا اشبع لان مافيه لاخبز ولا كاكاو
وانا قبل وجباتي الرئيسيه كله خبز وجبن وكاكاو عايشه عليهم

فهموني وقولو لي عادي اعلف اليوم كله خخخخخخخخخخ
يعني متى ماجعت سويت لي نقانق او بيض او سلطة جبن او اي شي يسد جوعي من المسموحات
ماأتقيد بكميات او لازم من التقيد
انا اليوم صحيت متاخر وجلست شوي واكلت كباب لحم 4 قطع بس وكولا
وبعدها بساعه شربت زنجبيل ونعناع
لي ساعتيين اللحين من اكلته واحس ابي شي اكله

 

[قطوه سوده]

مرحبا بنات شمسوين مع الرجيم انشاء الله كل شي تمام.........
اليوم انا الله يسلمكم تغديت ستيك قيصر وسلطة سيزر يممممممم.. والعشا يامحفوظين السلامه حلوم مع طماط وفلفل اخضر +سلطة وسفن دايت..
على فكره اليوم كل من شافني قالي ضعفانه عاد انا تشققت من الوناسه ههههههه ..

 

[ღALNOoOoryღ]

وش هالتجمع الي مافيه احد ولا تشجيع ولا احد يرد
بروح ادور لي احد يرد علي هنا يخووووف مافيه احد

 

[ღALNOoOoryღ]

وش هالتجمع الي مافيه احد ولا تشجيع ولا احد يرد
بروح ادور لي احد يرد علي هنا يخووووف مافيه احد

 

[سينماء الكويت]

هلا قطور هلا النوري والله موجودين امس ما قدرت ادخل المنتدى من الضغط علية مرة زحمة

اليوم افطرت ماي
غداي لحم عجل + سلطة
المغرب شربت شاي اخضر مع زنجبيل
العشاء ان شاء الله تونة +سلطة

حبيبتي النوري بالنسبة للبرنامج كولي حتى تشبعين من اللحوم طبعا مع سلطة ورقيات يعني مثلا كولي غداء 3 همبرجر دجاج او لحم مع سلطه ورقيات او بروستد دجاج طبعا شيلي الجلد والبقصماط مع سلطة اي سوال انا جاهزة

 

[قطوه سوده]

هاي نحن هنااااااا........
اليوم تريقت نسكافيه..
وتغديت مرق لحم باميا يمممممم لذيذ والعصر شربت قهوه عربيه
ع المغرب يعت اكلت 3 شريحات مرتديلا حطيت داخلهم مايونيز الكرشه ام الاختراع والله كان لذيذ .. مادري ليش يمكن عشان يوعانه
وتعشيت 2 همبورجر لحم لفيتهم بخس وفوقهم طبعا مايونيز وكاتشب وفلفل+سفن دايت

 

[البرق80]

مرحبا بنات

يسعدني اني انضم لتجمعكم راح ابدى من بكرا ان شاءالله بصراحه هذا الريجيم عجيب اناجربته من قبل ونزلت 12 كيلو عليه ولما تركته ما سمنت لاني تعودت عليه خلاص تبرمجت على نوعية الاكل بالرغم اني حملت وولدت ولا تغير وزني بس من سنه لما صارت النفسيه زفت بالدوام حطيت حرتي بالاكل ليما زاد وزني وصار شي خيال 80 :rgewrg::rgewrg:

من 4 سنين ما شفت هالوزن وقررت اني ابدي معاكم وكل يوم بليل بدخل احط اللي كليته ونهاية كل اسبوع بحط وزني

النوري :eh_s(7)::eh_s(7):

اسلوبج عسل بصراحه ننتظر يمياتج لا تروحين تجمع ثاني وبالنسبه لكمية الاكل لا تتقيدين فيها طالما من المسموح اكلي ليما تشبعين والعصر دايما اكلي خس او خيار او شربي نسكافيه واي سؤال انا حاضره...

 

[قطوه سوده]

:wqedqw:

مرحبا بنات

يسعدني اني انضم لتجمعكم راح ابدى من بكرا ان شاءالله بصراحه هذا الريجيم عجيب اناجربته من قبل ونزلت 12 كيلو عليه ولما تركته ما سمنت لاني تعودت عليه خلاص تبرمجت على نوعية الاكل بالرغم اني حملت وولدت ولا تغير وزني بس من سنه لما صارت النفسيه زفت بالدوام حطيت حرتي بالاكل ليما زاد وزني وصار شي خيال 80 :rgewrg::rgewrg:

من 4 سنين ما شفت هالوزن وقررت اني ابدي معاكم وكل يوم بليل بدخل احط اللي كليته ونهاية كل اسبوع بحط وزني

النوري :eh_s(7)::eh_s(7):

اسلوبج عسل بصراحه ننتظر يمياتج لا تروحين تجمع ثاني وبالنسبه لكمية الاكل لا تتقيدين فيها طالما من المسموح اكلي ليما تشبعين والعصر دايما اكلي خس او خيار او شربي نسكافيه واي سؤال انا حاضره...

حبيبتي حياج الله:68_asmilies-com:
وتبين الصج الرجيم حده عجييييييب ماتقيدين بشي حتى اذا انعزمتي تاكلين من الموجود خصوصا اذا ماتبين احد يدري انج تسوين دايت:lololoe: لان بصراحه في ناس اتحبطج وتحط عينها على اكلج .. انا ادري دخلت بموضوع ثاني بس لان صارت معاي والله في ناس كل ما اروح عندهم والله والله والله يطلون بصحني شنو حاطتلي لووووول عاد مره ثانيه يوم رحتلهم حطيت اشوية عيش ودجاج والعيش طبعا ما اكلته بس عشان يرتاحون وا عليه يعني خربت الدايت لووووووول

 

[البرق80]

هااااااااااااااااااااااااااااااي بنات

آسفه عالغيبه بس كنت مشغوله شوى والوقت اللي كنت افضى فيه ما كان يفتح معاي المنتدى

المهم ان انا اليوم لي ثالث بالريجيم والحمدالله ما شيه مضبوط

قطوه سوده

صاجه والله تدرين انا كل ما يسئلوني بالدوام تريقتي اقول لا ريجيم ما دري شصير فيني لا يمكن اكمل اليوم لازم اخربط قطيعه غير الحجي اللي احبط فقمت اللي يسألني اقول لا تو الناس عالريوق ولا اقول مالي خلق نفسي منسده شسوي اهم احدونا عالجذب

 

[البرق80]

نسيت ما قلت اليوم شنو كليت قعدت متأخره من النوم على طول غدا وكان شوربة خضار ونقانق وبعد اشوي بشرب نسكافيه وبتعشا بيض وسلطه وسلامتكم

 

[قطوه سوده]

هاااااااااااي بنات واخيرا فتح المنتدى معاي صارلي يومين احاول مو راضي يفتح.......
امس غداي مرق دجاج وسلطه
والعشا العشا اقول ولا لا اخاف اطقوني بصراحه ريلي مشتهي من شرمبي مايصير اهو ياكل وانا لا
اكلت شرمبي وعقب ماترست كريشتي تحسفت لوووول رديت البيت وشربت زنجبيل

 

[LeGeNdS]

مرحبا بنوتات

أنا بديت بريجيم اتكنز من أسبوع وجم يوم بس للأسف ماوزنت إلا من 6 أيام فقط وفي 6 ايام ضعفت تقريبا 2 كيلو بس
وكنت متوقعة أكثر لأني أبد أبد ماأخربط وأسوي رياضة بس رياضة عنيفة وأثقال تهقون العضلات تزيد الوزن عالميزان؟
والحمد لله الريجيم حلو ويشبع وصرت ما أكل كثير سد نفسي عن الأكل

أفطر نسكافيه مع مبيض مع نتفة شكولاته مرة مع سكر دايت ومع بيض مقلي بالزبدة وفوقه جبنة تشيدر وأحط بالميكروويف حتى تذوب الجبنة ويطلع يمي يمي

أتغدي شيش طاووق أو دجاج تندوي أو برجر مقلي مع بيبسي دايت

وأتعشى نفس الغداء أحيانا وأحيانا اسوي لي أيس كريم وأجمده بالثلاجة اذا اشتهيت الحلو
الايس كريم
أسويه بكريمة خفق المراعي مقدار كوب شاي وأحط ملعقتين بودرة كاكاو مرة وأحط سكر دايت وأكثر منه واسوي بالخفاقة لين تصير كريمة واحطها بالفزيزر لين تجمد وتبرد وأكلها بعدين بالهناء والشفاء

وووبس لكن قاهرني النزول البطئ مع أني باين عليا الضعف بس أريد وزني ينزل بسرعة قبل أسافر ((
وأسوي رياضة يوميا ساعة مع الأثقال وأركز على الكرشة
ساعدوين كيف أضعف أسرع؟

 

[قطوه سوده]

مساء الخير......
وين اللي يسون الرجيم شكلكلم خربتو البرنامج وترستو الكرش مثلي هههههه
اليوم غداي دياي مشوي وسفن دايت وبعدها بساعه شربت كوب زنجبيل
اما العشا نقانق بالخضار وسفن دايت اممممممممم وتوني شربت كوب زنجبيل
وانتو شمسوين يالله تحجو قووووووووووولو..
انا للحين ضعفانه كيلوين ونص تقريبا باسبوع مو جنه اشويه؟؟ بس بالشكل باين على اكثر ..
يالدشتيات قولولي عادى نزولي كيلوين بس..
عندي سؤال في كتاب حق الدكتور دشتي فيه وصفات حلويات عادي اسوي واكل ؟؟ انا للحين في المرحله الاولي.. عادي اكل حلو

 

[قطوه سوده]

وييييييييينكم نبي انحلي عادي ناكل حلو ياحلوين ..
تكفووون مشتهيه اكل حلوو