تجمع امهات العالمية الامريكية

[ملكة بيتها]

السلام أمهات
كارميلا مبروك الشقه وعساه منزل مبارك ....وديري بالج على نفسجج
مروو ..شلونج يالغاليه ..وقرت عينج بتصليح الاب توب ..

باجي الأمهات ..عساكم بخير ...
وللجميع ترى أنا ما زلت عند وعدي على العزيمه ....خلصت السنه وما قررنا متى ؟ وأين اللقاء ؟؟؟

 

[mr000]

هلا والله ملكه..اشلونج شخبارج..يلا أنتوا اتفقوا عالطلعه وقولولي..بس هالفتره عذروني بالنهار ماأقدر أطلع ..باجر خدامة ولدي بتسافر..وماوصلت الخدامه اليديده..ماأقدر أهد الصغيره بروحها وأمها تداوم...أمبيه والله كاسره خاطري بنت ولدي راح تنصدم حيل وايد متعوده على هالخدامه وتحبها..

 

[ملكة بيتها]

مروو ..أنا بالنسبه لي ما تفرق وياي صبح ولا مساء خلينا نشوف باقي الأمهات شنو رايهم ...والخدم تقريبا موسم سفرهم الحين أنا خواتي ثنتين خدمهم بيسافرون وخدامه أمي بتسافر وهم بنت أختي خدامتها سافرت فجأه ولحد الحين ماردت ..

 

[caramella]

الله يبارك في حياتكم ملكه ومرووو وانشالله والله كثر ما اقدر قاعده احاول ما اشيل شي الشكوه لله معتمده عالخدامه تشيل بعد شسوي احط لي كرسي يمها وامرها شيلي هذا وحطي هذا
وعليه مروو بتاذون اول جم اسبوع من سفرة الخدامه تالي تنساها وتذكرها بين فتره وفتره
قميضه سفرتوها قبل لا تيي الخدامه اليديده جان صبرتوها مني لما توصل اليديده
ريمان وفوز وبيلا وليالي شخباركم؟

 

[mr000]

السلام أمهات اشلونكم شخباركم..كراميلا والله احنا منطرين هالخدامه 3 أشهر زياده بس ولدي تأخر بالطلب علباله هذي بتقعد 6 أشهر بس فاجأتهم قالت بروح بشهر 5..واليديده كملت الشهرين وماوصلت..الله كريم هذا آنا استعديت شريت لها car seat علشان لما آخذها معاي الصبح أو المغرب بدون خدامه ماتحتاج أحد يمسكها وعندي خدامه ثانيه احتياط...فوز وريمان وبيلا اشلونكم ..سلام بأثر رجعي..

 

[bella bambina]

صباح الخير أمهات
هلا والله كراميلا وملكه وألف ألف مبروووووك على الشقه اليديده الله يبارك لكم فيها
آنا بعد باركو لي وصلت ماريا اليوم الصبح راح زوجي اييبها وبنتي الكبيره تحن تبي تغيب عشان تنطرها طبعا هالكلام ما يمشي عندي

 

[Fouz]

السلام عليكم أمهات شخباركم
ولهت عليكم بس المنتدى طفرني قام يطلع لي شي يديد ان اكو وايد مشتركين في المنتدى حاول بعد قليل و هالقليل يصير ساعة
ماشاءالله خوش أخبار
بيلا قرت عينج بردة ماريا ما بغيتي ترتاحين شوية
كاراميلا بالمبارك الشقة ترى صرتي يارتي انا بيت أهلي بنفس القطعة اللي أجرتي فيها و بما ان ريلي ماراح يرجع الا بعد شهر فانا موجودة اللي تبينه بس قوليلي خمس دقايق انا عندج
ريمان شلونج ان شاءالله بخير و صاجة بيلا تهبل ماشاءالله خوش رفيجة
مرو الله يعينج على روحة الخدامة و ان شاءالله اليديدة تكون زينة
ملكة انا ما عندي مانع اتفقوا على الوقت و المكان و ان شاءالله نتلاقى
أخليكم الحين و ان شاءالله أشبك بالليل

 

[mr000]

هلا والله فوز اشلونج اشلون بنياتج..

 

[Fouz]

الحمدلله بخير، مشكورة مرو على السؤال

 

[bella bambina]

هلا والله فوز والله انكم كلكم أحلى و أغلى رفيجات
بويه نبيج فوز أو بعين نبيج على قولة ريمان :dddds:

 

[caramella]

هلا والله فوز ايبارك بعمرج ما قصرتي حبيبتي والله يرد لج راعي بيتج بالسلامه انشالله
زين اشوا دام نفس القطعه عيل نتشاوف انشالله واللي يونس بالشقه انخارقريبه من الفرع
وخدامتي حدها معصبه تقول هذا مطبخ مررره وسه يعني حيل وسخ مشتغله بالسعوديه اول
شتسوين مو كل مكان نلقينه عالنظافه اللي تبينها شقتي القبليه يديده تكرفت ايد الخدم من كثر ما ينظفون من بعد البناني ويشيلون السميت والصبغ اللي ملطخ بالارضيات
بيلااااا ابارك بعمرج انشالله
مبررررررروك يية ماريا قرت عينج من قلب لان انا مجربتها لي متعوده علي خدامه وتروح ودج اليوم قبل باجر ترجع يلا الحين ارتاحي قطي المهام عليها وردي ملكه مره ثانيه

*

 

[bella bambina]

صباح الخير أمهات
الله يبارك فيج كراميلا بويه نبيج ان شاء الله والله يعينكم على التنظيف

 

[mr000]

السلام أمهات اشلونكم...

 

[ReeMaN]

سلام امهات العالميات شخباركم ؟؟؟

امس كتبت رد اشطوله جان يعلق المنتدى معاي جان اعصب جان اصكه وقلت ماراح ادش المنتدى خلاص جان اوله عليكم :×)

الف الف مبروك لكاراميلا على الشقه والله يبارك لج بصراحه خبر حلووو ان يم المدرسه ويم بيت اهلج ويمج الفرع الله يتمم عليج يارب

والف الف مبروك بيلا على ردة ماريا انا منج اروح المطار اكت عليها نوون او بالبيت عشان تستانس ويستانسون معاها اليهال

والفال حق مروو توصل خدامتهم باسرع وقت بعد الاجازه قربت واهم شي ان شاء الله تطلع زينه وتحبها النونو

اليوم شنو يشوقووون اليهال بلبس المايوه صج شوقونى على السباحه بالبحر ولدي قال ماسوو شي قصو علينا لبسونا المايوه وخلونا نكتب

الواجب .... بيلا الصف اللي يم صف بنتج في مدرسه لبسها يشووووق لابسه نفنوف حفر طويل مشير الوان فاقعه ولابسه طوق ورد لون

بنفسجي يعنى على طريقة لبس هاواي شفتيها وااايد ناعمه

 

[caramella]

صباح الخير ريمان ايبارك بحياتج حبيبتي
عيل ولدي مسكين الظاهر حلمان يقول ودونا البيتش ولعبنا بالرمل وتسبحنا وراسي طق بالصخر وهم قايل حق ابوه نفس الشي عاد يوم عالغدا يه طاري البحر قلت له ما ودوه بس يالف من عنده مساكين شفوهم عالفاضي
وما اشتغلت طلباتهم الا مع النقله واغراضي بالجناط عاد عندي جم كبوس حلوين بس فراغه ابطل جنطه جنطه ادور وينهم لو شنو ما بسويها عاد شريتله كبوس عادي امس عيزت ادور له كريزي مالقيت

 

[ReeMaN]

صباح الورد حبايبي شخباركم ؟

واعليه على وليدج كاراميلا مسكين ودووه البحر خل يسبح اشوي عن طيب خاطر والا جان عندكم حوش حطي له حوض سباحه صغير

يسستانس بالطش طش ....

واعليه اقولج امس في وايد يهاهيل يايبين طفاحياتهم على بالهم صج بيسبحون بالحمام السباحه او لزوم لبس البحر يعنى اكسسوارات

وعلى طاري الكبوس مالى خلق افرفر بالمجمعات ادور له شي فنتق واتوقع ماعندنا فناتق هنى بالكويت.. عاد كان عندي له كبوس واهو صغير

على ميكي ماوس من يورو ديزنى خليته يروح فيه

 

[bella bambina]

صباح الخير أمهات
الله يبارك فيج ريمان لا والله ما شفتها انتي شفتي دلول تركض وين أنتبه على شي افتلت وراها تطوف على الصفوف تقول حق الأبلات مس مروى ما خلتني ألعب مع انها خلتها تلعب بس بنتي تبي دايما اهيه اللي تلعب ولازم يفوزونها
كراميلا سنين قبل كانو يخلونهم يوم يلعبون بحمام السباحه صوب الصغار ولما كانو بسلوى كانو يحطون لهم حوض ويخلونهم يلعبون بس يمكن كنسلو الفكره ناس اعترضو عيالهم يستمرضون بس من أولى ابتدائي تقريبا يعطونهم سباحه شهرين بحصة الألعاب

 

[caramella]

اي ريمان مسكين كسر خاطري حتا انا سايرته بالكلام ما بينت له ان ادري انكم ما رحتوا
حاجزين انشالله شاليه علي نهاية الشهر بيبطش بالماي لين اصير كويحه من الشمس
بيلا بيني وبينج زين اسوون لان اليهال صغار كل ياهل يبيله عين يم الماي ولا تلحقين

 

[mr000]

السلااام أمهات اشلونكم..

 

[bella bambina]

صباح الخير أمهلت اشلونكم واشلون عياكم ؟