تجمع امهات العالمية الامريكية

[bella bambina]

صباح الخير أمهات
اشلونكم واشلون عيالكم ؟
ان شاء الله تكبر دلول وتعقل مو مخليه أحد مو مطفرته
توني أشوف ورقة السمر كامب مو مالت مدرستنا العام كنا رايحين شاليهات الموفنمبك بالبدع وكنا نشوف يهال سمر كامب مدرسينهم شباب صغار بنات وصبيان ومغازل وكاشتين باليهال يقطونهم بالمسبح بعز الشمس وبعدين يدخلونهم غرفه مكيفه واهمه مبللين يعطونهم مكعبات وأوراق تلوين أي شي مخيمهم لا يكون هذا نفس الطقه والأهل مساكين ما يدرون

 

[mr000]

السلام أمهات اشلونكم..بيلا آنا ماراح أسجل ولدي اول شي هو مايبي..وغالي مايسوى وريلي مايرضى بسوالف الاختلاط في رحلات وسباحه وغيره..بعد زين ساكت عالدراسه..ولا ولدي مايحب جذي ..بشوف له نادي رياضه يمكن تشامبينز بالجابريه عندهم قسم لي 15 سنه مو مع الكبار كلش..أصلا مواعدنا شهر كامل مايبي يطلع بيلعب بلي ستيشن بيطلع حرة طول السنه تالي الشهر الثاني يصير خير..

 

[Fouz]

صباح الخير أمهات شخباركم
طبعا انا مو نايمة من أمس، ريم مو راضية تنام بس الحمدلله ما فيها شي يعورها بس مو راضية تنام، ود اقوم اخذ شور قبل لا اودي فوز المدرسة بس مو قادرة اخليهم بروحهم بالدار
حتى انا مترددة بسالفة الكامب بس ماودي بنتي تقعد بالصيف بدون شي خصوصا موضوع سفر الصيف مو وارد كلش، قالولي عن تشامبينز مدحولي اياه بس بشوف بعيوني علشان احكم، يعني اذا بدخلها راح اوديها على بداية شهر سبعة خلها ترتاح شو تالي اوديها لانها راح تم من القعدة لان اليهال من غير شر كلهم بيسافرون و بيت اهلي بيفضى بس شهر 6 كلهم موجودين ينطرون المدارس تخلص فتستانس وياهم

 

[bella bambina]

صباح الخير أمهات
الله يعينج فوز على السهر آنا والله بعد ما أنام عدل ولدي صار له فترة يفز بالليل يبجي يقول نايت ميرز مرة حلمان بجاينت تيدي بير حبيبي من الخوف قام يقرا قرآن قبل لا ينام ويقوم مخترع ويصرخ وأظل قاعده معاه وتروح نومتي ولا اهو ينام عدل قاعده أحط قرآن بالدار هالأيام بس يطفي يفز أمس كلمت مس ديزلي الأخصائيه سألتني اذا شايف فلم رعب قلت لها لأ فكلمته أمس كانت نفسيته أحسن مو مثل كل يوم خايف بس فز قال لي شغلي القرآن طفى ورد نام الحمدلله تأثر بكلامها

 

[Fouz]

هلا والله بيلا
اسم الله عليه ولدج الظاهر مخترع و الا اليهال بالمدرسة مسولفين عن شي يخرع
شفتي الغبار اليوم ؟؟؟ و انا طالعة من البيت ماكو شي على ما دخلت بنتي و طلعت و الا الدنيا معفوسة و للأسف دعمت ما شفت اللي وراي و لا اهي شافتني و رجعنا على بعض بس ماشاءالله علها وايد راقية اعتذرت و انا اعتذرت لها بالمقابل و مشينا و كانت الاصابات بالدعاميات أهم شي ما دعمت ياهل و الا ادمي على هالغبار

 

[bella bambina]

هلا والله فوز خطاج السو الحمدلله بالسياره مو فيكم آنا لما وصلت اليهال ما كان فيه غبار ومدرستنا مسكره ما يبين الشارع بس مختنقين داخل المدرسه من الغبار

 

[Fouz]

مشكورة بيلا اي والله الحمدلله ان محد صار فيه شي
انا الحين بداري مشغلة purifier و يالله أتنفس عاد ما صدقت صدري صار أحسن هاليومين، اي على طاري الصدر هههه زوجي موصيني يبي زقاير حق السايق العراقي الي هناك لان خالته بتروح باجر عندهم عاد رحت أشتري من الجمعية لا تشوفين صج غشيمة أقوله مارلبورو يقولي ابيض والا احمر!! دقيت على ريلي قالي ابيض جان اسكره رد سألني الريال عادي والا بوكس!!! دقيت مرة ثانية و قالي بوكس و سكرته، جان اقوله ابي روثمان بس أشوة كان قايلي ازرق يكون يعني فطينة جان اقوله ازرق قالي لايت والا عادي جان اقوله لاااا عطني واحد من كل نوع لاعت جبدي كل هي تفاصيل بعد مادري شالفرق،، اختي تقولي اللي يسمع صوتج و كحتج يقول كل هالكراتين حقج

 

[Fouz]

كاراميلا وينها؟؟؟
طمنينا عليج بليز رجعتي دكتورتج؟؟ عسى وضع المشيمة تحسن و كل امورج طيبة؟؟


مرو من غير شر العادة انتي تفتتحين اليوم، وينج ما بينتي عسى المانع خير

ريمان ما الومج من المنتدى بو عرة بس طلي علينا

 

[caramella]

السلام عليكم امهات
اشلونكم حبايبي مشكوره بيلا عالاحرف ولدي داوم من الاحد الحمدلله
فوز حبيبتي عسا ما تفقدين غالي حبيبتي تسال عنج العافيه اي رحت مراجعتي والحمدلله ربي ما قصر المشيمه صعدت
رجعت شلت اغراضي ويت بيت اهلي تفاديا للازعاج والطين والقيله ولاني محصله شقه لي الحين اللي اشوفهم زريبه حشاكم والبنيان تجاري ما ادري اشلون الناس تقعد بجذي شقق
انشالله ياربي احصل باسرع وقت
مروو وينج غاطه
علي طاري السمر كامب ماعتقد ادشش ولدي مكان لان انا بروحي هلكانه

 

[mr000]

السلام اشلونكم أمهات..فوز خطاج السو..الحمدلله بس بالسيارات..ألحين قمت أحاتي بنتي توها طالعه بتروح الجامعه وهي مريضه صخونه وبلاعيمها..وألحين الغبار زياده..خو تعودنا عليها ياكثر ماتدعم بهالسياره اسم الله عليها ..لا وكله هي مو غلطانه هم الغلطانين..والله ماعرفنالها..الله يحفظ الجميع..بعد المخالفات شي ثاني كله الكاميرا مصورتها..سوولها ألبوم بالمرور..لأن حضرتها تطول باللبس وتطلع حزت الحزه ومايبقى كاميرا ماتصورها..وتعالي سمعي الأب هواش وصراخ ويحلف بياخذ منها السياره..آنا استانست..قلت يمكن يسويها يحط سايق..بس لا مالنا أمل...بس أمبيه الجو فضيع ..الصبح كلش ماكان جذي بس بسرعه قلب..وردت علي الحساسيه ألحين شيفكني منها..لا وآنا بعد مفتره الجمعيه ومركز سلطان..يعني مارديت إلا شبعانه غبار..

 

[mr000]

بيلا اسم الله عليه ولدج..مسكين يمكن شايف شي بالتلفزيون أو بفيلم بالسينما ومخترع استمري شغليله القرآن على طول وان شاءالله ماكو إلا العافيه..تصدقين ساعات حتى بأفلام اليهال أو الرسوم المتحركه يطلع شي يخوف الياهل..يعني ماتتوقعينه راح يخاف لي هالدرجه..قبل كم يوم شاريه حق بنت ولدي دي في دي من مركز سلطان مكتوب عليه baby songs يعني أكثر من شريط واحد عن الحيوانات وواحد عن absو123,والshapes وتحب تطالعه كل شوي تبينا نعيده.. بس فيه جزء تخاف منه لازم نطفيه على طول قبل لايطلع.. في لقطه. إن اليهال وهم نايمين بالحضانه والغرفه شوي ظلمه.أيي واحد لابس لبس دب يمشي بينهم وهم نايمين وصج ويهه مادري اشلون يعني مو funny أو سمح..فتصدقون تخاف من هاللقطه..فقلت بشوف اشلون أمسحها..لأنها قامت تخاف حتى من باقي الأشرطه علبالها يطلع فيها الدب..

 

[mr000]

هلا والله كراميلا..اشلونج يالله الحمدلله طمنتينا عليج وهم ديري بالج على روحج من كثرة الحركه والروحه والرده..والله يتمم عليج ويهون عليج بالسلامه..أمس واحد من عيال عم أبوي يايله 3 يهال بنتين وولد..صارله 10 سنين متزوج...الحمدلله الله رزقهم بعد صبرهم بس يقولون وايد صغار ومولودين بأول السابع..الله يخليهم لهم...

 

[ReeMaN]

سلام يالعالميات شلونكم شخباركم عساكم بخير يالغالين

فوز خطاج السو ياقلبي الحمدلله بالسياره مو فيكم ...... واي الجو فظيع اليوم الصبح طليت شفت الجو صافي جان اقول حق الشغاله اليوم غسلى الملابس ورحت اخذت شاور وطلعت والا الدنيا غباااار واي ماحسيت بالجو الا لما قعدت اعاطس طليت والا البيت اللي قبالنا مايبين
سبحان الله ....
كاراميلا شخبارج حبيبتى انشالله صرتى احسن الحين الله يعينج على النقله وانشالله تلقين الشقه اللي تارتاحين فيها ....

بيلا واعليه عليه وليدج شوفي من قايل له سالفه اتخرع والا شايف فلم رعب والا شي قعدي سولفي معاه وسحبيه بالحجي وهم شغلي له قران عشان يرتاح ...

اتصدقين ولدي من شهر ططلعنا بالحوش جان يشوف قطاوه شاف قطوه سوده قال لي يما لاتطالعينها ولا تكلمينها قلت له ليش ؟ قال لان فيه يني انا صرت جذي @@ @@ @@ شنهااااو ؟؟؟ منووو قالك ؟ قال انا اعرف وعيزت منه اقوله ماتكلم متمسك انا اعرف هذا واهو عمره خمس ونص انا قلت اكيد احد بالمدرسه قال له هالحجي ...

مروو شخبارج حبي ماتشوف شر بنيتج عاد على كلامج اهى بروحها ضعيفونه ونتفه الله يشفيها ويعينها على هالجو

 

[mr000]

هلا والله ريمان اشلون شخبارج ..أي والله مسكينه بسرعه تمرض من هالسنترال والدخله والطلعه من برد لي حر..كراميلا توه ولد أخوي حصل شقه بجنوب السره ب300 وشوي يمكن 350أو 370..بس ماشفتها..صج الله يعينج موبسهوله الواحد يحصل شقق زينه وسعرها مناسب..

 

[caramella]

السلام امهات
خطاج السو فوز الحمدلله بالحديد مو فيج واشوا بالطلعه يعني بنتج ومو معاج جان تصروعت
بيلا المسيكين ولدج شكله مخرعينه بالمدرسه وشكله خياله واسع وعليه فيتخيل الكلام اللي ينقاله
ريمان شخبارج من زمان عنج والله هم ديري بالج علي ولدج لا ياثرون عليه هالميهله
ماشالله مرووو مبروك ما ياهم ويتربون بعزهم وانشالله يكبرون ولا يضيع تعب الام انشالله ويعوض صبرهم خير
هذا انا والله اغلب يومي بالبيت ما اتحرك
عليه بالعافيه ولد اختج انشالله يرتاح انا المشكله احصل بهالسعر بس يا ما فيهاغرفة خدامه يا غرفها صغار حيل يا تكرمين وسخه كلش اليوم حصلت وحده في بيان لا باس فيها راح ريلي شافها اعترض ليش المطبخ يم الماستر رووم والصاله شوي صغيره بصراحه تعبت وانا ادور وريلي يبي شي بيرفكت من وين احصل لو في بيرفكت مو اقل من 500 دينار
امي اثثت لي شقة اخوي اثاث بسيط قالت قزرو فيها مني لما تحصلون ييه اليوم جنه ضيف تغدا وراح معنه الشقه معزوله يقول ما اخذ راحتي الا في بيتي

 

[bella bambina]

صباح الورد أمهات :aha:

 

[mr000]

السلام أمهات ..بيلا ..فوز ..كراميلا ..ريمان شخباركم.. اشلونكم..متى يعطلون العيال ونفتك عن الطلعه بالغبار..آنا وحده راح أبتدي بيات صيفي من يوم اللي يعطل ولدي.. بعد ماراح أطلع إلا بالليل..مشكله ويهي بسرعه يتأثر بالشمس..أمس شريتلي كريمات يمكن ب60 دينار قلت بجرب هالشهر قبل لاأروح عياده خاصه أول مره بجرب أسوي تقشير مع إني أخاف من هالسوالف..بيلا اليوم بقيت أيي أسلم عليج كنت نازله الإداره بس شفتج مشغوله مع دلوله شكلها متعسره أو زعلانه..قلت مابي أعطلج عالدوام..عاد دشيت المحاسبه ودفعت لهم مال الكورس الأول قلت خل أفتك وراي سفره ان شاءالله .. وبالمره مريت الستور وخذتله ملابس حق السنه اليايه...اشدعوه بس طقمين صيفي مع الرياضه 61 دينار.

 

[bella bambina]

هلا والله مرو الله يسلمج حبيبتي دلول طاحت على ركبها واهيه تنزل من السيارة وقامت تبجي وقلت حق أخوها يوديها حق النيرس تحط لها باندج

 

[Fouz]

السلام عليكم أمهات
مشكورين وايد و خطاكم اللاش اي الا بسأل شنو يعني اللاش؟؟؟ كلمة أقولها بس ماني عارفة معناها، شوفو الصدفة طلعت اللي صار معاها الحادث ولدها بصف بنتي
مرو انا بتضامن معاج بالبيات الصيفي بس ابي شي بعد أبي أناااام 6 ساعات متواصلة بدون حنة والله صار حلم بالنسبة لي ما أكمل ساعتين يا اما ريم قعدت و الا صارت حزة المدرسة و الدوام
ريمان عسى خدامتج المقرودة ما غسلت هدومكم، عاد عندهم فطانة ماشاءالله بتقولج مدام انتي قلتي ووش، والله ماكو شي ووش الا مخهم
كاراميلا الحمدلله ان امورج طيبة عسى الله يتمم عليج يارب و تفرحين ببنتج والا ولدج
بيلا خطاها السو دلولة حبيبتي ان شاءالله ما تعورت وايد عاد الصبح بروحنا متعسرين أكثر من عيالنا شلون اذا صارت اصابات شيفكنا من الحنة

بسألكم عن شغلة اذا مارة عليكم،، الدلااااااااااااااااااااااااااااااااااااااااااااااااااق هل عيالكم ناشبونكم اذا لبستوهم الدلاق؟؟ تدرون ان اقعد مو أقل من عشر دقايق الفه يمين و يسار و كل ساعة تقولي مو عدل و اطلعه ن ريلها و اشوف اذا اكو زوايد اقصهم بالمقص و الله لو اقص زيادة ينقظ الدلاق و ما تقتنع الا لما اعطيها ذيج الصرخة، يعني من صجها تتعسر و تلمسه بيدها انه مو مضبوط صج أطفر من هالسالفة، اليوم قلت لها يا تبسينه يا لبسي الجوتي من غير دلاق!!!! تدرون بالبيت شقمت أسوي؟؟ قمت ألبسها الدلاق بالمقلوب علشان يكون سيدة ما فيه اي نتوءات أهم شي النتوءات

 

[mr000]

بيلا سلامتها دلوله وعليه آنا أقول مادري اشفيها تبجي مسكينه! هلا والله فوز لاآنا مامرت علي وايد سالفة الدلاق بس عيالي ادعل وعقدتهم قولة البلوزه أو التيشيرت كلشي يضايقهم ولازم أقص الرقم اللي داخل حتى لو مو خشن